|
وش أفضل جامعه برأيكم
السلام عليكم ورحمة الله
اخباركم مع رمضان انشاء الله بما يرضي الله عزوجل بصراحه ابي مشورتكم لاني للحين ماسجلت بالجماعه مرررررررررررررررره محتاره:g2: برأيكم وش افضل جامعة الملك فيصل أو جامعة الامام محمد بن سعود واي واحد لي تجربه بالجامعتين يعطيني رايه :783: يمكن تقولو هذا قرارك بس انا سجلت بجامعة الملك عبدالعزيز ودفعت الرسوم وانتهى موضوعي بس بعدين اكتشفت انها مررره سيئه في تعاملها مع الطلاب وقررت انسحب ولازم انسحب وللحين ماعرفت طريقة الانسحاب فيها عشان كذا ماودي اكرر التعب وضيقة الصدر الي انحطيت فيها:Cry111: اعطوني رايكم بصراااااااااحه في الجامعتين والله يوفق من يرد علي ويفرج همه ويحقق مايتمناه |
رد: وش أفضل جامعه برأيكم
بصراحه ابي مشورتكم لاني للحين ماسجلت بالجامعه مررررررررررررررره محتاره
|
رد: وش أفضل جامعه برأيكم
ننتضر ردود هل الخبره لاني محتار اكثر منك
الله يوفق الجميع |
رد: وش أفضل جامعه برأيكم
أنا شفت برامج الإنتساب المطور في كل الجامعااات
وأقتنعت قناعة تامة أن الأفضل هي جامعة الملك فيصل عشان كذا سجلت فيها وبالي مرتاح بعدها بالمرتبة الثانية جامعة الإمام .. لكن الميزة أن جامعة الملك فيصل رسومها أقل والدراسة فيها 4 سنوااات لذلك أنصحك بجامعة الملك فيصل وانتي مغمضه ويارب يكتب لك التوفيق والخيره |
رد: وش أفضل جامعه برأيكم
انا متفائل كثير في جامعه المللك فيصل
لكن هل فيه افضل واسهل ومتي التسجيل في الجامعه هل له وقت معين افيدوني الله يعافيكم |
رد: وش أفضل جامعه برأيكم
التسجيل بدأ من اسبوع وانا اخوك
سجل الحين وتوكل على ربك وعندك التخصصات اللي تبي |
رد: وش أفضل جامعه برأيكم
المستحيل الله يعطيك العافيه وماقصرت\\
بس ابي اعرف هل التسجيل له وقت زمني معين او اي وقت وبعدين حاولت ولاقدرت لي تقريبا اكثر من ساعه |
رد: وش أفضل جامعه برأيكم
وش اللي ما ضبط معاك فالتسجيل ..!؟
|
رد: وش أفضل جامعه برأيكم
حقيقه والحق يقااال
حسب راي انا شخصيا انه جامعه الملك عبدالعزيز احسن واسهل لاحظ معي اسهل من جامعه الملك فيصل انا جربت فيصل واصدقائي في جامعه الملك عبدالعزيز وحسب منظوري الشخصي جامعه الملك عبدالعزيز افضل بالنسبه للدراسه وسلامتك حقيقه لو يحصلي انه يقبلوني جامعه الملك عبدالعزيز كان رحت بس مافي اليد حيله تقبل مروري وسلامتك |
رد: وش أفضل جامعه برأيكم
طلال العز انا معك انها اسهل ولكن شهادتها مهي اقوى من فيصل مثلاااا
|
رد: وش أفضل جامعه برأيكم
جامعة الملك عبد العزيز وجامعة الملك فيصل وجامعة الامام محمد بن سعود كلهن خير وبركة ومسألة السهولة والصعوبة أمر نسبيا تختلف من شخص لآخر في رأي الخاص لكن ما اعرفه أن جامعة الملك فيصل لديها مراكز اختبارات متعددة في مختلف مناطق المملكة ولا تلزم الحضور لأداء الاختبارات في مركزها الرئيسي وهي ميزة لا اعلم شخصيا بوجودها لدى الاخريتين هذا فقط الذي اعرفه لاني لم اطلع على مواد الدراسة ونظامها او انطباع الطلاب لدى جامعة الملك عبد العزيز والامام محمد بن سعود
|
رد: وش أفضل جامعه برأيكم
أبو محمد الذيابي أخوي الله يختارلنا مافيه الخير والاسهل لاني ابي شهاده ودي احسن من وضعي الوظيفي
وادور الاسهل اخوي طلال العز بصراحه انا ضدك انا مسجله في جامعة الملك عبدالعزيز حتى البطاقه الجامعيه استلمتها بس نظامهم سيئ انا سجلت بالمنتدى حقهم من ثلاث شهور ولا طالب الايتشكى والحين نقلو مقر اختباراتهم لينبع في بعض الاقسام الهاامه مثل ادراة الاعمال ووثيقة التخرج بالعناء والعذاب عشان تستلمها واستشرت الطلبه كلهم ايدوني انسحب الا قليييييييل منهم لانهم مايدرون اني صعب اسافر اختر لينبع المستحيل اشكرك كثيييييييييييير الله يوفقك على رأيك my Dreamsا اخي الغالي بارك الله فيك بس انا احترت بين الامام وفيصل لاني بجامعة عبدالعزيز قبل اسجل قالو اختباراتهم بالرياض واكتشفت انه السنه التحضيريه بالرياض فقط والباقي نقلوه من جده لينبع وانا صعب اسافر اختبر إذا فيه احد متوظف منك ورسمي يفيدني بهالمعلومه انا موظفه وماترسمت والترسيم موعودين فيه قريب لو عطيت الشهاده الاصل للجامعه راح يروح علي الترسيم ؟؟ لاني سالت وحده قالت لا بس خلي عندك صوره طبق الاصل هذا الشي مخوفني |
رد: وش أفضل جامعه برأيكم
والله الاختبار بنفس مدينتك هو الافضل وانا اخوك وخصوصا انك موظف زينا لا نستطيع التنقل هنا او هناك .
ومما سمعت من الاخوان بامكانك ان تحصل على نسخة ثانية من الشهادة الاصل عن طريق استخراج بدل فاقد من إدارة التعليم التابع لها وأسأل الله أن يهدي سرك ويوفقك لللاختيار الصحيح |
| All times are GMT +3. الوقت الآن حسب توقيت السعودية: 07:42 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام