|
الدوام لطالبات الانتساب
السلام عليكم والرحمه
حبيت استفسر لو انقبلت بالانتساب كيف بيكون دوامي بالجامعه يعني يوم بالاسبوع او مااروح الا بالاختبارات ولا كيف ؟ وحبيت اسال بعد انا نسبتي 69.51 ممكن انقبل بادارة اعمال وانا علمي واذا بقيت احوا انتظام متى اقدر احول ؟؟؟ |
رد: الدوام لطالبات الانتساب
بسم الله على قلبك
الانتساب ما تروحين الجامعة ولا يشوفونك حتى الشهادة بعدين يرسلونها لك الاختبارات يحددون لك مكان حسب مدينتك اللي انتي فيها وقدمي ادارة اعمال وحطي لك رغبة ثانية وان شاء الله تنقبلين واذا جبتي معدل زين وتبين انتظام تقدرين تحياتي لك |
رد: الدوام لطالبات الانتساب
[quote=غصون المحبه;1407661]السلام عليكم والرحمه ~ عليكم السسلام ورحمه الله وبركاته ~ كيف بيكون دوامي بالجامعه ؟ ( ماتجين الجامعه ولا شي تنزل كل المحاضرات بموقع الجامعه ) بنظام البلاك بورد . مااروح الا بالاختبارات ولا كيف ؟ يحدد لكل مدينه مركز أختبار .. لجااء وقت الاختبار تروحين لمركز الاختبار المخصص لمدينتك وتختبرين وحبيت اسال بعد انا نسبتي 69.51 ممكن انقبل بادارة اعمال وانا علمي؟ والله وانا اختك. انتي حطي اول رغبه اداره اعمال وحطي رغبه ثانيه تبينها .. وان شاء الله يقبلوونك اداره أعمال . واذا بقيت احوا انتظام متى اقدر احول ؟؟؟ التحويل الانتظام بس لدفعه الاولى .. حنا الدفعه الثالثه لا يحق لنا التحويل انتظآم سسسجلي بالمووقع وعسى ربي يووفقـك :119: سلام |
رد: الدوام لطالبات الانتساب
طيب بسال اخر سؤال
هل فيه رسوم ادفعها ولا لا؟ واذا اي كم بتكون ؟ |
رد: الدوام لطالبات الانتساب
اي فيه رسوم ويختلف بحسب مجموع الساعات الساعه ب163
بس الترم الاول 2400وشوي ناسيه المبلغ بالضبط بس وبالتوفيق للجميع |
رد: الدوام لطالبات الانتساب
كيف يعني بحسب الساعات
بصراحه مو فاهمه ياريت توضحي لي اكثر والله يعطيك مرادك يارب |
رد: الدوام لطالبات الانتساب
السلام عليكم ورحمة الله وبركاته
اولا اهنيك مقدما بالقبول وان شاء الله نشوفك معنا في ادارة الاعمال بالنسبه للرسوم اول ترم راح تدفعين مبلغ 2475 بعد اعلان القبول في 20 من رمضان ترسلين اوراقك بالبريد الممتاز مع وصل التسديد وبعدها تكوني طالبه وتاخذين كل المعلومات اللي تبينها من محاضرات مسجله وعلى الهواء مباشره عن طريق موقع الجامعه الترم الثاني ومابعده يكون احتساب الرسوم 165 عن كل ساعه مثلا لو كان ساعات الترم الثاني 18 ساعه راح تكون الرسوم 18 ضرب 165 يساوي 2940 وسلامتك |
| All times are GMT +3. الوقت الآن حسب توقيت السعودية: 08:19 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه