|
موظفين ارامكو Education Refund Plan
الشهر مبارك على الجميع
عسانا وياكم من المقبولين الفايزين عندي استفسار لزملاىي موظفين ارامكو واللي عندهم خبرة في تسجيل المواد عشان الريفوند طالبين مني اعبي نموذج لكل مادة فيه اسم المادة وتكلفتها والمدة الزمنية للكورس ماادري كيف احصل على هالمعلومات الجدول اللي نزل لنا مافيه الا اسماء المواد ياليت لو احد عنده فكرة عن الموضوع يفيدني ولكم جزيل الشكر |
رد: موظفين ارامكو Education Refund Plan
هلا أخوي Bin_Thaqeb هذا رابط البانر http://bannerweb.kfu.edu.sa/PROD_ar/twbkwbis.P_WWWLogin أدخل سجل المكآفئات المالية --> سجلات الطلاب --> السجل الأكاديمي يطلع لك عدد الساعات والمواد أنا لأني مستوى ثاني طلع معها الدرجات المبلغ يمكن مايطلع لكن الساعات مقسومة على المبلغ الكلي لكل ساعه 165 ريال ضرب عدد الساعات شف كل مادة كم ساعة أنا 15 ساعة كانت * 165 = 2475 ريال وهذا رابط لطريقة التسديد ومعلوماتها بشرح مصور من الجامعة http://www.kfu.edu.sa/ar/Deans/elear...tructions.aspx تحيآتي ان شاء الله أفدتك وإذا باقي معلومات أكثر الأعضاء فيهم الخير والبركة مايقصرون |
رد: موظفين ارامكو Education Refund Plan
السلام عليكم اخي الكريم
انا موظف جديد في شركتنا ارامكو وانوي تقديم طلب قبول للفصل القادم للانتساب المطور في تخصص ادارة الاعمال .. يا ترى هل لديك خبرة ما إذا كانت الشركة لا تمانع كون لغة الدراسة بالتخصص هي اللغة العربية ؟ .. خاصة وانني اراك تقوم بإعداد طلب Education Refund Plan ولك جزيل الشكر وبالتوفيق |
رد: موظفين ارامكو Education Refund Plan
اخوي جاسم الشركه عادي ماترفض باللغه العربيه وانا متاكده من هالشي وانا اشجعك على الالتحاق واقولك حتى لوكانت ترفض مع انها ماترفض لاتخلي هالشي عائق لان الحمدلله الدراسه انتساب اون لاين والاختبارات فترات مسائيه وصباحيه فحرام تخسر الفرصه يعني اصلا منت بحاجه لموافقتهم خاصه لوكنت تقدر تدرس على حسابك وبالتوفيق
|
رد: موظفين ارامكو Education Refund Plan
للررررررفع
|
رد: موظفين ارامكو Education Refund Plan
اخوي انا موظف في ارامكو ....
وسجلت انتساب ادارة اعمال مادري يااخوان كيف بالنسبة لاارامكوو من اراجع ووش الايميلات تكفوون الي عنده علم يفيدنا ابغى الخطوات من الف الى الياء |
رد: موظفين ارامكو Education Refund Plan
اقتباس:
قصدك موافقه من اداره عملك او علشان يرجعوا لك المبالغ او علشان وقت الاختبارات طبعا بقولك افضل تاخذ موافقه من اداره العمل ولو مااخذت من الان ارسلها فيه فورم تلاقيه على الاتش ار اون لاين حق الموظفين جاهز بس تعبي انت فيه المطلوب علشان مايتفلسفون عليك ماعندنا فكره وعلشان لو جا وقت الاختبارات تقدر تحاجهم به وحتى لو قالوا لك مش تبع تخصصك بالطقاق لاتوفق ولا ترتبك لانه اصلا فيه اختبارات مسائيه وصباحيه فترتين يعني حتى لو قالوا لا مع انه مستحيل يقدرون يرفضون ممكن بس يقولوا لك الريفوند حق المبالغ مابنعطيك بس اذا كنت تقدر تواصل على حسابك عادي على الاقل لحد ماتخلص السمستر الاول وتعدل امورك ويمكن انشاالله ادارتك حليوه ويخلوك تدرس على حسابهم بس انا ماادري وش وضعك طبيعه عملك وهل قدمت طلب للالتحاق بالجامعه ولا لا اي سوال اقدر اجاوبك اسال وموفق والجميع |
رد: موظفين ارامكو Education Refund Plan
الحين الريفوند حق المبالغ ناخذة كل ترم بترمة ولا في الاخير لما نتخرج
|
رد: موظفين ارامكو Education Refund Plan
انا متى ابداء اسوي اوراقي انا لسى ماسويت شي
يعني ووش اول خطوة اسويها عشان اقدر اخذ اجازات وقت الاختبار ووش الفووروم ولمن ارسله ابي الخطوات من الزيرووو تكفووون |
رد: موظفين ارامكو Education Refund Plan
اقتباس:
رح للكليرك اللي عندكم ويعطيك الزبده |
| All times are GMT +3. الوقت الآن حسب توقيت السعودية: 04:47 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه