|
رد: الحكاية مع التعليم ( كل واحد يقول )
السلآم عليكم ورحمة الله وبركاته بالنسبة لي أنا درست سنة كاملة تحضيري بعد ماخلصت الثانوية وجبت معدل الحمدلله كويس وقبلوني معلمة صفوف أولية بجامعة الاميره نوره بنت عبدالرحمن بالرياض,,:004: جتني ظروف لآزم احول أنتساب طبعاً جآمعتنا مافيها انتساب حاولت يمين يسار لآن مابي سنه كاملة تروح عالفاضي رفضوا,,<<~ هنآ التحطيم:(177): ,,بعدها اخوي قرى اعلان بالجريدة عن الجامعةة وكلمني وعطاني خبر,,ترددت بالبدآيةة جا موعد التقديم ورحت سحبت اوراقي وسجلـت,, بس بصرآحةة انا اشوف جامعة الملك فيصل متعااونه جداً جداً بعكس ماكنت انتظاام غير الدواام اصحى من الفجر ولاعاد ارجع البيت الا عالمغرب يعني كرررف,, والحمدلله اولاً أوخيراً وان شاء الله يكون تسجيلي بهالجامعه خيرة صحيح اني ندمت بالبدآيةة لما حوولتَ آنتسآبَ لكنَ: {عسى أن تكرهو شيئاً وهو خيراً لكم} شككراً أخي الكريم عالموضوع , وأعتذر عن الآطآلةة :rose: تقبل مروريَ.. |
رد: الحكاية مع التعليم ( كل واحد يقول )
ماشاء الله عليكم والله قصص ترفع الراس
متى يجي اليوم اللي أتخرج فيه بيصير عندي 2 بكالوريس :33_asmilies-com: ماعرفت أكتبها الا كذا :hahahahahah: لكل مجتهد نصيب وعقبااال البقية ي رب :004::004: |
رد: الحكاية مع التعليم ( كل واحد يقول )
آآآآآآآآه قلبت علي المواجع :bawling::bawling:
انا قصتي فلم هندي ....تخرجت من الثانوية علمي بتفوق وكان حلمي أسجل كيمياء وسجلت لكن تصدقون ماقبلوني تدرون ليه؟؟؟؟ لان ابوي متوفي وعقد الايجار اللي جبته مو بإسم والدي علما بانه بإسم ولي أمري... وكمان ما أخذت الثانوية من نفس المنطقة>>>شوفوا النظام عندنا كيف يقللون من ضغط الكلية على حسابي انا >>التكافل الاجتماعي عندنا:(269):بعدين اخذت لي كورس وبعد سنه سجلت في كلية ثانية قسم إنجليزي وإنقبلت >>لكن تبون الصراحة النفسية لها دور وتفرق إذا دخلت وانت لسا فيك حماس الدراسة وبعد سنتين حصلت لي ظروف واظطريت اني اتركها حتى سمعت عن جامعة الملك فيصل وسجلت فيها >>عسى ان احقق حلمي..... وعذرا ع الاطالة:106::106: |
رد: الحكاية مع التعليم ( كل واحد يقول )
:bawling::bawling::bawling::bawling:
ذكرتني بقصتي مع الدراسه تعبت الى وصلت هنا تحديت ظروفي وكل اللي حوالي سجلت في اول جامعه وكنت انتظام ماعجبني القسم اللي التحقت فيه وحصلت لي ظروف وتركتها سجلت انتساب في كليه ثانيه وطلعت منها اجباري وان شاء الله انها خيره لان القسم اللي دخلته :(177): وبعدين سجلت في كلية المجتمع وتم قبولي قسم حاسب الي وللاسف خيرت بين امرين اضطريت اختار ترك الدراسه سجلت في كليه في جده ولم يتم قبولي :sm18: وبعدين لقيت جامعة الملك فيصل وسجلت وكنت متأكده 100% اني ماراح انقبل وكنت حاسه ان مالي في الدراسه نصيب بعد جميع مغامراتي السابقه :Looking_anim:تفاجأت من الرساله عالجوال وهي تم قبولك :53::004::004: وهنا كانت فرحتي لاتوصف الفضل الاول والاخير لرب العالمين فبعد ان كنت اقول اكيد بعد هذي التجارب كلها مالي نصيب في الدراسه الان عديت ربع المشوار اللهم لك الحمد حتى ترضى ولك الحمد اذا رضيت ولك الحمد بعد الرضا:rose::004: فضيل قلبت علينا المواجع:sm18: |
رد: الحكاية مع التعليم ( كل واحد يقول )
آنآ حكآآآية حكآآآيه آو مآ تخرجت من آلثآآآنوووي جتني عرووض عسكريه يعني آدخل كليه عسكريه ,واصير ظآبط بحكم عآئلتي آغلبهم ظآبط من آلوآلد وآعمآآمي لحد آصغر وآحد في آلعآآئله >>> لؤاء كآمل مآشآء آلله :biggrin:،، وآنآ من صغري آكره شي عندي آلعسكريه مآ آدري ليه هووايتي أحب آلتجآآره وآلآعمآل آلآدآريه وعند شغف بالحاسب وآلكترونيآآت فك تركيب تخريب ،، آلمهم بعد كل هآلعرووض قررت آرفضهآ وآدخل معهد آلأدآره وأختآر برمجة حآسب وبعدهآ تخرجت ولله الحمد وجآني عرض حلوو من شركة ووافقت وجلست سنتين فيهآ بديت افكر في الجامعه وتكملتها التحقت بالملك عبدالعزيز وكنت ابي اداره انقبلت انتساب وجلست سنه وجتني ظروف وسافرت خارج المملكه واجلت الدراسه في الجااامعه ،، فقرت اكمل بشهادة معهد الاداره بس كانت رغبتي انه اغير تخصصي وللاسف المعااادله حقت الشهاده بتخليني ادرس 3 سنوات ورفضت الفكره كامله ورجعت بعد سنه تقريبا ،، والتحقت بوظيفتي الحاليه ،، احس اني مجنوون شي اسمه دراسه ودورات يعني ما فيه دوره اقيمة سواء اسبوع او شهر طفشو من الغرفه التجاريه بال شرقيه والان الرياض الا والتحقت فيها لسبب انه عندي قنآآعه ان العلم ما يوووقف عن عمر معين ،،
لدرجه أن وآحد من الشباب يضحك عليه يقوول راح عمرك وانت تدرس :) :biggrin: آلشآهد في آلمووضوع عمر العمر ما كآن قآصر ع فئه معينه وآلدليل آغلب الدكآتره في آلعآآلم مأ حصلو ع آلمآجستير وآلدكتورآه آلآ بعد سن 50 سنه ،، حدد رغبتك وطمووحك والهدف اللى تبي تووصل له وكل آلآمور وآرآء آلنآآس لأ تهم ــ آلآهم آنه احققق حلمي وهدفي آلوحيد آلآن آكمل آلجآمعه وبعدهآ آلمآستر وآلدكتورهآ أن آلله كتب لي عمر وربي يوووفق آلجميع |
رد: الحكاية مع التعليم ( كل واحد يقول )
قبل اي شي .. الله يعطيك طولة العمر والصحة والعافية اخوي فيصل
قصتي غريبة شوي .. عندي طموح ورغبة في الحصول على شهادة بكالوريوس لكن حالت ظروف صحية بيني وبين حلمي ومضت السنين و توظفت بعدين بديت احس ان العالم تترقى و يتحسن و ضعهم وانا مكانك سر كنا في رمضان وكنت في المطبخ اجهز الفطور .. فجأة طاحت بيدي الجريدة وفيها خبر التعليم عن بعد في جامعة الملك فيصل.. اخذت الجريدة ودخلتها الدرج لين اخلص من المطبخ .. بعدين قررت التسجيل بس ادري اهلي بيعارضون من باب ما انتي محتاجة :tongue: وش اسوي .. :(107):وش اسوي .. فكرت ثم فكرت ثم فكرت ... :(269):الين الله هداني لفكرة ( الكذب من اجل الطموح ):53: وفعلا ارسلت اوراقي بدون علم احد :wink: و بعد ما وصلتني رسالة القبول قلت لبابا وانا متوترة : بابا بقولك شيء ..:mh12: ما انسى نظرته من فوق النظره .. كنه يقول اخلصي وش مسوية ..:cheese: بلعت ريقي .. بابا قدمت ابتعاث داخلي للجامعة وجاني قبول لحظة صمت بابا: الله يهديك يا بنتي شلون توفقين بين الدوام والدراسة وصحتك .. قطعت عليه الكلام قلت طيب عندي طموح بعدين كل اخواني معهم شهادات عليا الا انا .. حن علي فديته:004: قال الله يوفقك وبس :106: :g2: |
رد: الحكاية مع التعليم ( كل واحد يقول )
كنت وكنت وكنت
لكن ااااااااااه من كنت نسأل الله الجنه كنت ابغى اصير طبيب تشريح كنت ابغى اصير مدرس لغه إيطاليه لكن ماجت على الكيف :icon9: I almost Cry Those days has gone into unkown Olden Days i Remember them As a Dream |
رد: الحكاية مع التعليم ( كل واحد يقول )
انا تخرجت من الثانوي بنسبه حلوة المهم دخلت كليه التربيه تخصص رياضيات المهم يوم وصلت سنه ثالثه بشق الانفس مع دكاترتنا الحلوين و نظام الكليه اللي مره يرريح ومايخليك تحاتي ابد
الامهم صارت لي مشكله مع رئيسه القسم و الاداراه و انفصلت بحاجه انا مالي دخل فيها ابداً جلست بالبيت ما اقولكم انقهرت وتضايقت بس قلت يابنت ماراح تستسلمين دخلت معهد للغه 6 شهور وبعدها تزوجت وجلست فتره ورجعت دخلت معهد برضوا ست شهور كنت ابي اطور من نفسي المهم و وحدة من صاحباتي ربي يجزاها الف خير قالت لي عن التعليم عن بعد و استخرت ربي ليله التسجيل وسجلت والحمدلله كل شي تسهل طبعا طموحي اخذ الماستر و باذن الله راح احققه :(204): |
رد: الحكاية مع التعليم ( كل واحد يقول )
صباحكم رضا آه من الأحلام لكن ماأجملها لو تحقق ولو جزء منها كنت أحلم أن اكون طبيبة أطفال ولكن تزوجت قبل الأنتهاء من دراستي بالثانوية أكملت دراستي ولظروف المنطقة التي اعيش بها سابقا لم استطع أكمال دراستي الجامعية ولكن الحلم لم يغيب عني قط حاولت اشباع رغبتي بالتعلم في حضور العديد من الدورات وعملت وتفوقت في عملي في مجال رياض الأطفال ولكن كل هذا لم يشبع طموحي قرأت كتاب السر وقرأت تعليقات عديدة تزامنت مع أنتشار الكتاب وزادت ثقتي بحديث رسولنا الكريم ( أنا عند حسن ظن عبدي بي فليظن عبدي بي مايشاء ) كتبت في ورقة ( الشهادة الجامعية ) وقمت بتعليقها في غرفتي وكلما قرأتها أشعر بالسعادة وفي يوم كنت اقرأ الجريدة وشاهدت الأعلان قدمت وسخر لي رب العباد القبول درست وسانتقل باذن الله للمستوى السادس علم اجتماع ولن يقف طموحي هنا باذن الله أعتذر على الإطالة ويارب حقق للكل مايتمننون :rose: شكرا على فكرة الموضوع |
رد: الحكاية مع التعليم ( كل واحد يقول )
موضوع قميل ... قميل ... قميل
الله يعطيك العافيه اخوي فضيل عالموضوع الرااااائع هيضت شجوووني ابي اقولكم قصتي تخرجت من الثانوي اكالسنة ( ذلك العام ) وسجلت في جامعة الملك سعود وكنت ابي انقلش طلع اسمي كلية الاداب قسم جفرافيا ماحضرت ولا محاضرة سنه وانا اسمي في الجامعة على غير سنع بالاخير سحبت ملفي وتوظف وجلعت فترة كانت فكرة الدارسة لازالت عالقة في راسي انا مادري ليش هالنظام لازم يرغمونك تسجل على فيفهم هم ماهو على كيفك انت سبحان الله العظيم المهم سمعت عن جامعة الامام قدمت عليها وشفت شروطهم مااعجبتني ترم تحضيري اذا رسبت فيه تعيد تعيد الترم مرة اخرى مشيت وتركتهم سمعت عن جامعة الملك عبدالعزيز لكن ماتحمست لها المكان بعيد انا بالرياض جاء واحد من الشباب وقال انه يبي يسجل فيها بصراحة الان تحمست لها في تلك الليلة كنت ابحر على قولتهم في بحر النت دخلت هالملتقى الله يسعده من ملتقى وشفت ردود الطلبة ومواضيعهم بس جلست فترة وانا تراودني الفكرة ثم شاورت من عندي قالوا سجل يارجل احسن لك يعني بس يبيلي دفعة خفيفة ثم انطلق المهم سجلت وكنت خايف مااقبل لغة انجليزية بس الحمد لله تم قبولي بهذا التخصص الجميل لاحد يلومني بهالتخصص لاني بصراحة سافرت لجنوب شرق اسيا وحصلت كل العالم تتحدث انقلش بصراحة تستصغر نفسك ليس الا ان الناس تتفاهم مع بعض وانت مثل الدجاجة الصقعاء ماتدري وش يبربرون ان شاء الله نواصل المشوار ونحصل على الشهادة الجامعية بمعدل لايقل ان شاء الله عن ممتاز اخوي فضيل ( كبر العمر ) ليس عقبة تحمي بها لالالالا قصة واحد من التابعين رحمه الله تعالى ومن كبار علمائهم وصل عمره 40 سنة وجاء مرة الى احد المشائخ واخبره بقصته انه كان في الشتاء وكان جنب وليس لديه ماء ساخن فقام واستحم بماء بارد كاد ان يموت من البرد فقال له الشيخ : لماذا لم تتعفر ( تتيمم ) قال لا اعلم ثم قام من عند الشيخ ودرس وتعلم وعمره فوق 40 سنة وصار من كبار علماء التابعين ( نسيت اسمه ) لاتدعون العمر والمشاغل حجر عثرة في طريقنا وطريق تعلمنا الله يسعد جامعة الملك فيصل اللي فتحت الانتساب المطور شكرا واسف عالاطاللة |
| All times are GMT +3. الوقت الآن حسب توقيت السعودية: 07:31 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه