رد: (( ~ اسأل .... ونحن نجيبك ~ ))
 

صباح/ مساء النور والسرور

تمنيت انك جيتي من بدري وناخوك علشان تضربين الحديد وهو حامي، ويشوفون انك حريصه وان الحق معك

هل تاكدتي قبل انتهاء فترة احتساب الاعمال الفصليه ان شغلك مزبوط من الخارطه الاكاديميه وكان كل شي باللون الاخضر؟

وكيف كنتي تحملينها قبل على حاسبك او على جوالك؟

وهل استخدامك كان من جهاز واحد او من اجهزه مختلفه؟

وراح اتابع معك باذن الله، وربك يسهلها ان شاءالله

رد: (( ~ اسأل .... ونحن نجيبك ~ ))
 

رحم الله والديك ماقصرت
بيض الله وجهك

رد: (( ~ اسأل .... ونحن نجيبك ~ ))
 

امين يارب العالمين و والدينك ولجميع المسلمين

لاتيأسين راسليهم على ايملاتهم وعلى الأسئلة المتكررة وحاولي يمكن فيه شي مو مسويته في البنر او تكون المشكله من عندهم و يفعلونها لك وتلحقين خدمة ارامكس مع طلاب تخصص ادارة الاعمال الاسبوع الجاي

واسأل الله العظيم ان يفرجها لك من اوسع ابوابه

رد: (( ~ اسأل .... ونحن نجيبك ~ ))
 

ايوا بعضها حملتها قبل ماتنتهي الفتره بيوم وقلت اكيد بعدين بيحدثوها ويبان عندهم
وكنت أحملها على لابتوبي مافي غيره .

ربي يفرجها من عنده :icon9:

رد: (( ~ اسأل .... ونحن نجيبك ~ ))
 

من كلامك عرفت انك تحملين محاضراتك من نظام البلاك بورد وما انصحك تعتمدين عليه لان تحديث الخارطه الاكاديميه ياخذ وقت طويل وتحدث هفوات وأخطاء مثل ما حصل معك بالضبط، توكلي على الله ثم رتبي امورك الحين وارفعي شكوى للعميد على ايميله وضروري جدا توثقين كلامك بالصور( ضروري تاخذين صور للمحاضرات الي حملتيها على حاسبك ويكون الملف واضح عليه تفاصيل التاريخ وانك فعلا محمله كل شي قبل انتهاء الفتره، وكثري من الصور الي تثبت صحة كلامك) واذا انتهيتي من التصوير ضروري تحولين الصور كلها لصيغة pdf وتدمجينها كلها بملف واحد بصيغة pdf ويكون حجم الملف هذا مايتجاوز ١٠ ميقا ثم ارسليها لبريد العميد ولسكرتير العميد ولمدير الشؤون الاكاديمية

نصيحه وناخوك حاولي انك تشتغلين على النظام الافتراضي لانه مايخدعك في التحديث وتشوفين نتيجة اعمالك بشكل مباشر على الخارطة الاكاديمية


عميد التعليم عن بعد الدكتور فواز الصاعدي

falsaade@kfu.edu.sa

سكرتير العميد ورئيس قسم الخدمات الطلابيه الأستاذ أحمد الشعيبي
amshuaibi@kfu.edu.sa

حسابه بتويتر
https://twitter.com/rrr898?s=09

مدير الشؤون الاكاديميه د. وليد المسند
walsunaid@kfu.edu.sa

ولاتيأسين ابدا وناخوك وتواصلي معهم الفين مره لين تاخذين حقك

واسال الله العظيم ان يفرجها لك من اوسع ابوابه

رد: (( ~ اسأل .... ونحن نجيبك ~ ))
 

مرحبا..
عملت اخلاء طرف الكتروني وتمام
وانتقلت لخدمة أرامكس وعبيت النموذج بالمعلومات ولكن اضغط حفظ ويرجعني لنفس الصفحة
ما ينقلني لصفحة ثانية
ما أعرف وش الحل الآن

شكرا لكم

رد: (( ~ اسأل .... ونحن نجيبك ~ ))
 

مرحبتين

جرب متصفح مختلف يمكن يضبط معك، واذا عندك اي برنامج يحجب الاعلانات وقفه مؤقتا وحاول ثانيه

وبالتوفيق ان شاءالله

رد: (( ~ اسأل .... ونحن نجيبك ~ ))
 

ي ناس احد يساعدنا مع ارامكس م تطلع لي اسم المدينه بالخيارات وغيرت المتصفح وداخله من لابتوب سويت كل الحلول احد يرد علينا والا عطونا حسابات الجامعه بتويتر نراسلهم

رد: (( ~ اسأل .... ونحن نجيبك ~ ))
 

مرحبا اختي

حطي اول ثلاث حروف من اسم المدينه وبتطلع معك باذن الله

اذكر الشباب مرات يخلون اللغه انجليزيه والاحرف كبيتل، جريي وباذن الله بتضبط معك

وبالتوفيق ان شاءالله

رد: (( ~ اسأل .... ونحن نجيبك ~ ))
 

إن شاء الله بحاول أسوي اللي قلت عليه وربي يسهلها
يعطيك ألف عافيه ماقصرت :106:.