رد: الجامعة أصابها "سُعار" المال و حمّى "الرأسمالية" وتعاملت بأسلوب "العصا والجزرة" مع الطلبة #طموح شايب
 

والله اسمحولي عاد في هالنقطه كلكم دخلتو الجامعه وتعرفون انها بفلوس ومبالغ رمزيه ولنا في باقي الدول عبره وثاني شي الجدول واضح وصريح وعطوكم مهله اكثر من 3 سنوات الانظمة ماتتقفل يعني ماتحبون الا اللي يلعب بالقوانين والاستهتار بالانظمة التاريخ واضح وصريح مع احترامي للكل تبكون علينا ليه احمدو ربكم على النعمة اللي احنا فيها وأسآلو المقيمين عن قيمة دراستهم في بلدهم

رد: الجامعة أصابها "سُعار" المال و حمّى "الرأسمالية" وتعاملت بأسلوب "العصا والجزرة" مع الطلبة #طموح شايب
 

وانا اشوف النظام من امس سريع والله خليته اكثر من ساعه ورجعت للحين فاتح وحملت محاضرات وحليت المناقشات نظام صارروخ الله لايغير

رد: الجامعة أصابها "سُعار" المال و حمّى "الرأسمالية" وتعاملت بأسلوب "العصا والجزرة" مع الطلبة #طموح شايب
 

أنا مسدد ولله الحمدوأقدر أسدد لهم رسوم الترم اللي بعده الحمد لله



لكن غيري!!
ما يقدر!!


وكلنا سعوديين ونعرف أحوال بعضنا




أقترح نراسل ( أبوشلاخ الليبرالي ) على تويتر

فهو راح يفعل الهاشتاق

رد: الجامعة أصابها "سُعار" المال و حمّى "الرأسمالية" وتعاملت بأسلوب "العصا والجزرة" مع الطلبة #طموح شايب
 

زيد عليها التدريب الميداني وتوابعه ومعاناة الطلاب فيه يمكن بعضهم سلك بالتدريب الميداني لكن هناك طلاب وجدوا صعوبة في استقبال بعض المدارس لها او المستشفيات لازم مثل مايدفعون للمدارس الخاصة عشان نختبر فيها يدفعون لمدارس تستقبل الطلاب وقت التدريب الميداني ويسهلون أمور الطلاب =(

رد: الجامعة أصابها "سُعار" المال و حمّى "الرأسمالية" وتعاملت بأسلوب "العصا والجزرة" مع الطلبة #طموح شايب
 

اخوي حمود
اتفق معك في نقاط
دخلنا الجامعة ونعرف انها بفلوس
الجدول واضح وصريح
وضعنا احسن من غيرنا بكثير والحمد لله على كل حال


واختلف معك في نقاط


اذا كان من يضع القوانين هو أول من يستهتر بها فكيف يتقيد بها غيره ؟
الجامعة تضع تقويم دراسي ولا تلتزم به
النظام اللي يسخدمه أغلب الطلبة هو الافتراضي وهو مقفل الآن -وانا واحد منهم- والقليل يستخدم البلاكبورد
لو التزمت الجامعة من بدايتها بالتقويم الدراسي الذي تضعه لوجدنا الجميع ملتزم به
الجامعة لم تراعي اختلاف القدرات المادية للطلبة حيث لم تسمح بتقسيط الرسوم
كثير من الطلبة دخلوا الجامعة لتحسين مستواهم الوظيفي ولو كان دخلهم يكفيهم لما فكروا في اكمال الدراسة
الجامعة لم تعطي أي تنبيه بأن الأنظمة ستغلق
وبما أن الدراسة بفلوس يدفعها الطالب فالمفروض ان يرى الطالب مردود ما دفعه من مبالغ مثل
1- أنظمة بلا تعليق
2- تفعيل الرسائل النصية بما يخدم مصلحة الطالب (وقد أشرت لها في بداية الموضوع)
وغيرها

واخيرا
لو لم أفكر في غيري لما تكلمت في هذا الموضوع



وتقديري للجميع

رد: الجامعة أصابها "سُعار" المال و حمّى "الرأسمالية" وتعاملت بأسلوب "العصا والجزرة" مع الطلبة #طموح شايب
 

ياخوي عارفين ان الجامعه بفلوس وش شايفنا عميان لا اله الله بس بعض الطلبه ومنهم انا ضروفنا حدتنا اننا ماندفع ذا الشهر اذا انت ضروفك زينه ولله الحمد وعندك استطاعه للدفع ادفع وكمل طريقك بس غيرك مو قادر ابد راعي الضروف وثاني شي اذا عالمحاضرات والمناقشات والواجبات وكل شي في النضام الافتراضي تقفل نهائيا اما البلاك بورد مفتووحه اللي نزلت قبل بس اما اللي راح ينزولها بقية المحاضرات ماراح نقدر نشوفها وكمان ماراح نقدر نعرف وين راح نختبر فهمت والا لا يا استاذ حمود ...:biggrin:

رد: الجامعة أصابها "سُعار" المال و حمّى "الرأسمالية" وتعاملت بأسلوب "العصا والجزرة" مع الطلبة #طموح شايب
 

حسبنا الله ونعم الوكيل

رد: الجامعة أصابها "سُعار" المال و حمّى "الرأسمالية" وتعاملت بأسلوب "العصا والجزرة" مع الطلبة #طموح شايب
 

الله يكون في عونكم ويسهل اموركم ويسعدكم يارب يعطيك العافيه طموح ماقصرت ..

يارب الكل يقدر يسدد عشان المناقشات والواجبات
لانها مهمه وربي 30 درجه هذي
اضمنهآ .. الله يسهل اموركم ويعينكم ويرزقكم يارب العالمين

رد: الجامعة أصابها "سُعار" المال و حمّى "الرأسمالية" وتعاملت بأسلوب "العصا والجزرة" مع الطلبة #طموح شايب
 

أتفق معك أخي / طموح شايب
يبدو أن الجامعة تحولت من مؤسسة تعليمية إلى ( ربحية )
و لن نعيب عليها ذلك .. لكن الخدمة التي تقدمها لا توازي مداخيلها .

و أضيف أحد السلبيات هو صعوبة التواصل مع الجامعة و أساتذتها
فعلى سبيل المثال : منذ شهر و أنا أحاول التواصل مع دكتور الصحة واللياقة
لكنه لا يرد على البريد الالكتروني ، و جوال المقرر مقطوع ، هاتف الجامعة
المجاني مشغول على الدوام .


تصحيح معلومة :
مبدأ ( لا إله .. والحياة مادة )
هو مبدأ شيوعي اشتراكي و ليس رأسمالي، و المقصود بالمادة هنا ليس المال ،
بل المادة التي هي أصل الكون و الموجودات كما يزعم كارل ماركس .

تقبل احترامي

رد: الجامعة أصابها "سُعار" المال و حمّى "الرأسمالية" وتعاملت بأسلوب "العصا والجزرة" مع الطلبة #طموح شايب
 

كل الشكر والتقدير لكل من شارك وعلق على موضوع الاخ / طموح شايب

قلتوا اللي بخاطري وزووود .. الله يعين على هالجامعه وبس