المشاركة الأصلية كتبت بواسطة المحترمه (المشاركة 7299472) بالنسبة للمراكز الصيفيه والله ما أحس أنها عذر طالما أن الساعات المسموح فيها 9 ساعات أو أقل منها وبالتالي راح تكون 3 - 4 مواد للإختبار معقوله هالـ 4 أيام بتعوق للصيانه !! ناهيك عن أن المراكز بعضها غير مؤهله للإختبار بالأصل >> ماش عجزت أقتنع بهذا السبب :139: بالنسبة للإتصالات طيب ليه ما يوظفون الشباب اللي مليانه البيوت منهم ويسنعون الـ مليون طالب بإستفساراتهم يمكن ضغط عليهم ولكن هذا ما يمنع أقول فيه إهمال تجاه الطلبه والطالبات للأسف .. الحوافز وش الفايده إذا طلعت بعد الإمتحانات :000: يفترض الإعلان عنه حاليا حتى يكون الجميع على بيّنه من أمرهم كان الله في العون بس ووفقنا الله جميع شكرا لك أخ ياسر على هذه الخدمه والله يبارك فيك وجزاك الله خير تقديري لك :106:

ياريتك كلمتة بخصوص وضع حفل تخرج لنا ,,مثلنا مثل الطلبة المنتظمين ,,
بس احنا قدر الله وصارت لنا ضروف ومنعتنا من الدراسة لفترة من الزمن ..
والله حلمي انه يكون فيه حفل تخرج ,, ويكون فيه تكريم للطلبة المتميزين ..على الاقل يحسسونا بقيمة ومعنى انك تحمل شهادة جامعية ..
مو يرسلون لنا الوثيقة على البريد الممتاز ..احس انها كبيرة في حق طالب متخرج من جامعة وبشاهدة بكالريوس !!

لاهنت يالغلا ..

المشاركة الأصلية كتبت بواسطة تقوى الله (المشاركة 7299473) طيب بنبي رقم يردون علينا صديقتي عندها مشكله في التحديث يقول خطا الجواب وهي طالبه مستجده

المشاركة الأصلية كتبت بواسطة تركي الشعلان (المشاركة 7299508) ياريتك كلمتة بخصوص وضع حفل تخرج لنا ,,مثلنا مثل الطلبة المنتظمين ,, بس احنا قدر الله وصارت لنا ضروف ومنعتنا من الدراسة لفترة من الزمن .. والله حلمي انه يكون فيه حفل تخرج ,, ويكون فيه تكريم للطلبة المتميزين ..على الاقل يحسسونا بقيمة ومعنى انك تحمل شهادة جامعية .. مو يرسلون لنا الوثيقة على البريد الممتاز ..احس انها كبيرة في حق طالب متخرج من جامعة وبشاهدة بكالريوس !! لاهنت يالغلا ..

المشاركة الأصلية كتبت بواسطة ya$$er (المشاركة 7299506) طيب أوكي الموضوع مو مقتصر بس على الصيآنة !! يقولك في نقص مشرفين ومراقبين ويقول مستحيل طبعا نقول لهم تعالوا اختبروا عندنا بالجآمعة مو كل ظروف الناس زي بعض ؟! آمين يا رب .. العفوو أختي ويآكم يا رب ..

المشاركة الأصلية كتبت بواسطة h.s.b (المشاركة 7299528) طيب هو عندي استفسار والان انا في حيرة من امري يقولو مافي صيفي وبينما مصلح العضايلة يقول ان هالسنه راح يكون في فصل صيفي ؟؟؟ ابي اجابة

المشاركة الأصلية كتبت بواسطة ya$$er (المشاركة 7299494) طبعا وصلت للدكتور عبد الله الفريدآن .. رحب في وكذا وقلت له على مشكلتي وقال إن شاءالله يستم حلها .. قلت له : في استفسارات للطلآب قال مسموح لك 10 دقائق بس من وقتي لأن بعد شوي عندي إجتمآع .. وبعدين قال في ايميلات تواصل معها ارسلوا استفساراتكم وما راح يقصر معكم الفريق .. قلت نرسل وما يجينا رد .. قال انتوا مشكلتكم ترسلون وتبون الرد بنفس الوقت الطالب منكم يحسب إنه لحاله اللي قاعد يستفسر .. وقال نفس الكلام اللي قاله الدكتور احمد إنه سووا فريق الخ الخ .. قلت له طيب تسمح لي تاخذني وتوريني الكلام اللي تقوله لي ؟ قال ابشر ما عندك مشكلة ووداني للفريق عبارة عن غرفة فيها 3 شباب كل واحد منهم قاعد على كمبيوتر يردون ع الاستفسارات قلت عادي استخدم كاميرا التصوير كتوثيق .. قال لا اسف ممنوع .. قلت طيب .. قال بس انتوا يالطلآب واحد مرسلي الساعة 5 الفجر ويجي الساعة 10 الصبآح يقول ما جآني رد ؟!! المهم الدكتور عبد الله الفريدآن يقول لكم انتظروا بالكثير 48 ساعة وان شاء الله الرد راح يكون قبلها هو قال 48 ساعة علشان الخميس والجمعة لكن يقول لي الشباب ما يطلعون الا وهم مصفرين الايميلات .. قلت طيب بالنسبة للسيرفر يعني يكون عليه ضغط وكذا مما يؤدي الى بطء الانترنت واستخدامه بالذات وقت المحاضرات المباشرة ! قال حتى الان محد اشتكى وحنا فعلآ عملنا على تطويره وان شاء الله تكون الامور تمام معاكم .. وقال بالنسبة للطلاب اللي ما يفتح ويآهم النظآم هذول لآزم يحدثون البيانات ويطلع لهم رقم سري جديد حتى يفتح وياهم .. طبعا طريقة الكلمة السرية الجديدة حتى تكونوا على بينة لازم تتكون من الاتي ( حروف صغيرة + حروف كبيرة + ارقام +رموز ) مثال : ( *&*Ya20*&* ) يعني سووها حركات وكذا حتى تصير سهلة عليكم .. طبعا عطاني وسائل اتصالات شخصية وقال لا تعطيها لأحد .. :lllolll: تــآبع ~~~

اما بعد شهرين بيعلنون عن الحوافز
ماقول الا الله يصبرنا
والاخ ياسر الله يعطيك العافيه منجد ماقصرت

المهم نكمل ..

طلعت من عند الدكتور عبد الله الفريدآن ..

على وآحد صرآحة استحي اقول عليه وآحد الا اقول رجآل شخصية رزة ومحترم صرآحة والرجال والله يا اخوآن صرآحة من اول ما دخلت وهو يحل مشاكل الطلآب اللي عنده ويشرح لذا ويعدل لذا ..

وصرآحة الله يكون بعونه .. صحيح مو موضوعنا بس الرجآل صرآحة ينحط ع الراس أول ما طلعت قال لي

هآ خلصت كل اللي عندك ؟ قلت له لا والله وقلت له على اللي صصار وان عندي استفسارات الطلآب وكذا قال لي جيب كل اللي عندك قلت له موجود على اللاب وقمت اطلع اللاب كنت مجهزها في ملف وورد وحصلت لي ظروف ولا قدرت اطبعها وفي الصبآح أخذت الجهاز معي

فقال انت من وين أخذت الاستفسارات فقلت له من الملتقى طلع يعرف الملتقى بس ماله عضوية
إسمه : أحمد الشعيبي على اسم وكيل الجآمعة .. والنعم فيه والله ..

فقال خلاص بدخل الملتقى من عندي وفعلا فتح الملتقى وفتح موضوعي وشاف استفساراتكم وانا طلعت اوراقي من الشنطة وقمت اكتب رده على كل استفسار لين خلصنا الاستفسارات ..

تآبع الاستفسار ~~~~>

ما شاء الله كم كلمة صرآحة بالجمل الاولى ؟؟!! هههههههههههههههههههه

المشاركة الأصلية كتبت بواسطة تركي الشعلان (المشاركة 7299508) ياريتك كلمتة بخصوص وضع حفل تخرج لنا ,,مثلنا مثل الطلبة المنتظمين ,, بس احنا قدر الله وصارت لنا ضروف ومنعتنا من الدراسة لفترة من الزمن .. والله حلمي انه يكون فيه حفل تخرج ,, ويكون فيه تكريم للطلبة المتميزين ..على الاقل يحسسونا بقيمة ومعنى انك تحمل شهادة جامعية .. مو يرسلون لنا الوثيقة على البريد الممتاز ..احس انها كبيرة في حق طالب متخرج من جامعة وبشاهدة بكالريوس !! لاهنت يالغلا ..

الاستفسارات ..

1~ السلام عليكم
ماتقصر اخوي ممكن تجيب لي ورقة منهم مختومة بختم الجامعة وموقع عليها العميد بأن جامعة الملك فيصل معتمدة من الخدمة المدنية لان العمل طلبوا مني واكون شاكرة لك جزاك الله خيرااو تطلب منهم يحطون ايفونه بهالشيء في الخدمات الطلابية عشان يسهل على جميع الطلاب طباعتها مثل ورقة التعريف

الله يسهل دربك وتوصل بالسلامة

ما في ورقة مختومة بهذا .. بس هو يقولك انه في قرار ملكي بالغاء الانتساب يقصد التقليدي فعلشان كذا العمل طلبوا منك اثبات على هذا الكلآم .. لكن انتي وضحي لهم انك تعليم عن بعد وليس انتساب ..
~~~~~~~~~~
2~ اخوي لاهنت ابيك تسال الجامعه انا اختي انقبلت بالجامعه الدفعه الثالثه ولا تقدر تدفع رسوم الدرسه في الجامعه

قبل تاريخ 15/11 فهل فيه امكانيه تدفع او راح يروح عليها التسجيل ..


مع العلم اني برسل اوراقها للجامعه وبالنسبه للرسوم ماراح تدفعها اختي بين تاريخ 6/11 الي تاريخ 15/11

فهل فيه مشكله او عادي


ميلآد يقول لك إنتهت ..

~~~~~~~~~~
3~ بارك الله فيك

حبذا توصلهم رساله
لو ينزلون المقررات من اول الفصل عشان يسهل على الطلاب تحميلها وتصويرها
صار تشتت للطلاب تنزل اخر محاضره ومعها اخر محتوى !! فمايمديني اسوي ملخص واطبع والخ

لا يمكن هذآ .. لأن النظآم عندهم إن كل محاضرة تنزل يوم السبت ..
~~~~~~~~~~
4~ ياليت تقول لهم يهتمون بالموقع وكثر التعليق والضغط عالموقع ويرجعون خاصية النسخ واللصق ﻷن الكثير منا ماعند وقت لمناقشة جميع المواد و اﻷكيد ان الكثير منا متضررين بألغاء النسخ

يقولك الموقع ممتاز ولا فيه تعليق ولا شيء ..
وبالنسبة لموضوع النسخ واللصق هم الغوه لسبب .. بقوله في موضوع مستقل لأن اغلب الطلاب متضايق من ذي الشغلة .. طبعا الغوه لأن الطلآب ينسخون ويلصقون ولا يسوون حفظ .. ويرجعوا يقولون درجاتي ناقصة ..
~~~~~~~~~~
5~ سلام اخوي تروح باالسلامه ان شاءالله

بس ياليت تسألهم عن الحوافز وشي بالضوابط


وياليت تسألهم عن الترم الصيفي وتحاول تقنعهم فيه

ونختصر ها الاربع سنوات

تم التوضيح سأبقآ ..
~~~~~~~~~~
6~ والله عندي أسئله اذا تقدر تسألهم

هل خطة ادارة اعمال راح تنزل كامله قريب؟ وهل هناك تدريب ميداني او مشروع تخرج في مستوى الاخير ؟ يعني مو معقوله طلاب بلا خطه


وسؤال ثاني بالنسبه لمشاهده المحاضرات اونلاين دايم تعلق بالنص ويرجع يعيد من جديد ؟؟

الله يعطيك العافيه وعذراً للازعاج

خطة إدارة الأعمال راح تنزل قريب إن شاء الله .. والتدريب الميدآني فقط لطلاب التربية الخاصة ..
إن شاء الله ما راح تصير هذا السمستر ..
~~~~~~~~~~
7~ أخ ياسر اذا أنت بتروح للجامعة لمجرد استفسارعن بطاقه الجامعه كيف نحصل عليها هل هم بيرسلونها علينا عن طريق البريد او نيجيهم نستخرجها من عندهم ومن اي مبني ارجوك تهتم بهاذا الاستفسار ضروري
اشكرك

لا يقولك ما في لنا بطاقة جامعية .. راح نستخدم شهادة التعريف .. تطبعها من الخدمات الطلابية ..

~~~~~~~~~~
8~ الله يجزاك خير قول لهم ردو على التلفون ترى ماعندي الا سؤال واحد وماياخذ ثواني لش ماتردون على التلفون
واسالهم عن سوالف الضمان متى يتم اعفاء الطالب بعد تعبئة البيانات
ومشكور ماقصرت

مشكلة الاتصال راح تنحل قريبا ان شاء الله .. من 3 - 4 شهور والايقونة الحين مفتوحة .. وشكله فهم السؤال غلط .. راسليهم على الايميل وبالتوفيق يا رب ..
~~~~~~~~~~
9~ اخوي الله يجزاك خير ممكن تنقل لهم شكواي اني من الطالبات المجتهدات ومعدلي كل ترم مرتفع جدا ماشاء الله
واتفاجا بالسمستر الى راح ان اعمالي المشاركه منقصيني بسبع مواد حسبتها كل المواد حول 27 درجه نزلت بمعدلي مع العلم ان درجاتي بالاختبار شبه كامله ولله الحمد
ارجوك اذكر كلامي لهم خلهم ينتبهون هالترررررررررررررررررررررررررررم انا عديت غيري بيكون جايب بالامتحان فقط30 ومعتمد على الله ثم درجات المشاركه وش ذنبه
والله يوووووووووووفقك وبين ماتروح

انتظرررررررررك بعد ماترجع تبلغني وش صار

ردهـ على استفسارك كان كالتالي : هذه مشاركاتك اللي سويتيهاا ونرجوا عمل المشاركات بدقة أكثر ..

~~~~~~~~~~
10~ أخي الكريم اتمنى ان تناقشهم بموضوع وضع ايقونة خاصة لتخفيض الطيران

حالنا حا اي طالب او طالبة منتسبين للجامعة

وعلى فكرة اغلب الشروط المطلوبة متوفرة بـ اغلب الطلاب

مااا لهم عذر .. وتراه حق من حقوقنااا ..

لا التخفيض فقط لطلآب الانتظآم ..

~~~~~~~~~~
11~ ممشكور تروح وترجع باالسلامه بس ياليت تقول لهم على الجوالات إلي نتصل عليهم تبع الدكاتره يامفصوله أو مقفله أو غلاطنين ياليت يحطون لنا جوالات نقدر نتواصل معا االدكاتره عليها لأن حتى الإيميلات مايردون علينا ,,,,

رآح تنزل جولآت جديدة إن شاء الله لكل دكتور ..

~~~~~~~~~~
12~ بالله اسالهم عن التاهيل الشامل يعفونهم من الرسوم وكيف الطريقه ارجوووووووووووووووك

لآ الضمـآن ما يعفي التأهيل الشآمل ..

~~~~~~~~~~
13~ أنا سؤالي بخصوص قسمنا التربية الخاصة وتحديداً عن مادة التدريب الميداني اللي في المستوى الثامن

سمعت ان بالامكان معادلتها مع شهادة الخبرة ( 3 شهور ) من أحد المراكز المعتمدة

وان في جامعات تطبق هذا النظام فما أدري هل معمول فيه بالجامعة عندنا ؟؟!!..

يعني يعادلون شهادة الخبرة (3 شهور) بمادة التدريب الميداني

وإذا كانوا يعادلون هل في شروط بالنسبة للمركز اللي أخذ منه الخبرة ( حكومي / خاص )

طبعا أنا أرسلت على ايميلات الجامعة والعميد بس ما في أحد رد ..

والله يسر لك دربك يااارب..

حتى الآن لم يتم البدء في موضوع التدريب الميدآني ..
وبالنسبة لبقية السؤآل سوف يتم إخبار الطلاب بهذا ..

~~~~~~~~~~
14~ ابيك تسألهم عن التاخر في السداد ، سواً للمستجدين وغيرهم

لان اغلب الاستفسارات في المنتدى عن تاخير السداد او تسديد مبلغ والباقي بعد فترة
والله يسهل عليك الطريق

لآ يمكن تقسيط الرسوم ..

~~~~~~~~~~
15~ ايوه تذكرت اسئلهم بخصوص اماكن الاختبار ياليت يحددون وين بضبط مو يقولون شمال الرياض او جنوبها الرياض ياكبرها يقولون اسم الحي والمدرسه افضل

التحديد سيكون أيآم الاختبارآت .. وذلك لكثرة عدد الطلآب والمرآكز .. حيث تحتوي الرياض فقط على 39 مركز مما يصعب تحديد المركز ..

~~~~~~~~~~


تــمـــت بحمــد الله .. :106:

وانتظروا المفاجأة في موضوع مستقل قريبآ إن شآء الله ..
ممكن على صلآة الظهر بكرة إن شاء الله من يوم الخميس يعني ..
لأنه يقول لك مقدر انزل بذا القسم غير مشآركة وآحدة بس خلال 24 سآعة ..
وأنا مصر إنها تكون بموضوع مستقل حتى يستفاد منها اكبر عدد ممكن من الطلآب ..

المهم الحين أبيكم تسآمحوني على أي قصور بدر مني .. ولاتنسون إني برضو إنسان موظف ووراي شغلآت لكن وصآرت لي ظروف أخرتني عنكم ..

فالعذر والسسموحــة من الجمــيع .. :106:

يعطيك العافيه اخوي ياسر ماقصرت كفيت وفيت

ماشاءالله تبارك الله الله يعطيك العافيه على جهودك ماقصرت :106:
جعلهافي ميزان حسناتك

وياليت المشرفين يثبتون لك موضوعك فعلا بطل:004:

وش المفاجئه والله شوقتنا :33_asmilies-com:
نبي نعرف من قمت وانا بس انتظر صلاة الظهر :Looking_anim:

المشاركة الأصلية كتبت بواسطة fahad511 (المشاركة 7303704) يعطيك العافيه بالنسبة لترم الصيفي ماعندنا مانع نقدم الاختبار لترم الصيفي في الاحساء يفتحون ترم صيفي ويشترطون ان الاختبار في مقر الجامعة ماعندنا مااااااااااااااااااااااااانع اعرضة عليهم مشكور

وش يشترطون في مقر الجامعه ...ترى حنا بنات ومانقدر نروح الاحساء بحكم بعدها عن مناطقنا :sm4:
هاذا حق من حقووقنا ومو بالمنه عليهم هاذي جامعة الامام انتساب وفيها صيفي وش معنى جات علينا حنا اذا بيقررون شي يقررون صح ..:007:

المشاركة الأصلية كتبت بواسطة تخصص صعوبات (المشاركة 7302089) اخي ياسر جزاك الله كل خير :cry111:التربية الخاصة ممكن يتم تعينهم او لا :cry111:

المشاركة الأصلية كتبت بواسطة نجمة بلادهـا (المشاركة 7302144) الله يعطيك العافيه اخي الكريم وجزاك الله خير وجعل الله كل ماتقدمه في ميزان حسناتك .. نقدر لك كل ماقمت به من اجل مساعدة اخوتك ولك خالص الشكر .. هناك بعض الاستفسارات .. لا اعلم اذا تطرقت لها اثناء الحوار ام لا ..؟ ماهي طريقه التطبيق الميداني لطلبه التربيه الخاصه ..؟ وهل سيتم افتتاح ماجستير عن بعد في الجامعه ومتى ..؟ دمت بخير ..

المشاركة الأصلية كتبت بواسطة المحترمه (المشاركة 7302691) جزاك الله خير يا أخ ياسر على ما قدمت لنا بالخدمه والمساعده الأخويه أما بالنسبة لإجابات الدكتور من وجهة نظري أغلبها واهيه وغير مقنعه ولا منطقيه بتاتا البته ... وفق الله الجميع وبإنتظار البقيه يا ياسر ولازلت أردد ... غدا القادم أجمل بإذن الله :119::119: شكرا لك :106:

المشاركة الأصلية كتبت بواسطة noura88 (المشاركة 7303236) .. وبالنسبة لموضوع النسخ واللصق هم الغوه لسبب .. بقوله في موضوع مستقل لأن اغلب الطلاب متضايق من ذي الشغلة .. طبعا الغوه لأن الطلآب ينسخون ويلصقون ولا يسوون حفظ .. ويرجعوا يقولون درجاتي ناقصة .. ~~~~~~~~~~ وشو هذا الحفظ بعد مو حنا نسوي ارسال ويطلع تم الارسال بنجاح في خطوه ثانيه بعد ماندري عنها ؟ :looking_anim::sm1:

المشاركة الأصلية كتبت بواسطة sweaty girl (المشاركة 7303860) وش المفاجئه والله شوقتنا :33_asmilies-com: نبي نعرف من قمت وانا بس انتظر صلاة الظهر :looking_anim:

المشاركة الأصلية كتبت بواسطة ya$$er (المشاركة 7304303) مـآ شآء الله في نــآس هنــآ متلكمة أحسســن مني .. طيب ويينكم ؟؟ ولا بس هو كلآم بالملتقــى ؟؟! :139:

المشاركة الأصلية كتبت بواسطة ya$$er (المشاركة 7304330) وإيــآك يا رب .. مشكوورة .. إي نعم فتحت معهم هالموضوع وقآلوا سيتم الاعلان عنها وإخبار الطلبة المقرر عليهم عمل تطبيق ميداني ولا تستعجلون .. والله السؤآل الثآني مدري كويس نبهتيني لذي النقطة لأن كل اللي حولي أشآروا علي إني أكمل بعد البكالوريوس ولا انسحب يعني اظل بصفوف الدراسة حتى اكمل .. اظن الماجستير هو الدراسات العليا صح ؟ اللي اعرفه ان فيه دراسات عليا عن بعد :(107): أكثر من وآحد اعرفهم يدروسن حاليا دراسات عليا عن بعد بجآمعتنا طبعا :(107):

قلت له النقطة الثالثة : الطلآب والطالبات اللي يستفسرون عن الاعفاء عن الرسوم وكذا قال يا عزيزي اغلب الطلآب يحسبون ان الجامعة تاخذ الفلوس وتتصرف فيها كيف تشاء .. لا ترى الجامعة ما تتصرف فيها لأن جامعتنا جامعة حكومية وليست جامعة خاصة فالمبالغ هذه تروح في ميزانية الدولة أو قال تروح في مالية الحكومة شيء زي كذا .. المهم يعني اللي ابي اقوله لكم ان الجآمعة زي ما قال الدكتور ما هي جامعة خاصة حتى تتحكم فيها الجامعة ..

المشاركة الأصلية كتبت بواسطة أفا يا قلب (المشاركة 7306497) :lllolll: يعني الزبده انهم يصرفونها على ميزانية الدوله يعني تروح بجيبون الي خبري خبركم<< هع خاطري اكتب زياده بس اسكت واكمل دراستي احسن :41jg:<< حق الي ياكلون فلوسنا واحد واحد

المشاركة الأصلية كتبت بواسطة متخرج (المشاركة 7305523) ياحب الناس للتفلسف الزايد انتو تحسبون الموضوع سهل وترم صيفي ان فتحت في مدينة ومافتحت في الثانية قامت الدنيا وقعدت وممكن ناس تسافر وتتعب وتصير حوادث والمشرفين لازم يكونون مختارين مو كل من هب ودب قال بصير مشرف على مركز والمشرف لازم يكون له خبرة في ادارة الاختبارات والتعامل مع المشاكل مو جيب واحد صديق باكستاني من الشارع ويلا تعال ياصديق خليك مشرف انت ! قسم بالله اللي يقول ردود واهية هو الي مخه واهي ولا فيه ذرة تفكير على هذا الموضوع يعني تحسبون الجامعة ماودها ؟ ماراح تفرق معاها ابدا لكنهم ما يقدرون ليتكم تفهمون وتصكون موضوع الصيفي لان الاعذار مقنعة جدا لكن نقول تيس يقول نايم :41jg:

السلام عليكم جميعا اخوة واخوات
اولا الشكر للاخ ياسر على ماقام فيه جهد يشكر عليه
وماقصر بيض الله وجهه كثير من الطلبه والطالبات لديه
من الظروف يعجز عن ذكرها اللسان ولكن لدية الطموح بأن يكمل دراسته الجامعية
وان يواصل بدراسته الجامعية الى ان يصل الى اعلى الدرجات واقصد شهادة الدكتوراة
ولا يقف الطموح الى حد معين في حياة اي انسان ولا تقف الظروف في الحد من طموح كل
انسان فالجميع يستطيع ان يواصل والكل يتمنى بأن ينتهي من الشهادة الجامعية باسرع
وقت ممكن حتى يكسب الوقت المتبقي لااكمال دراستة اكثر واكثر او ليكمل دراستة حتى يتم
تعيينه بوظيفه تساعده على ظروف الحياة ليضمن بذلك الحياة الرغيدة بظل الوظيفة ومواكبة الطموح
لا اطيل عليكم نتمنى بأن يكون فعلا فصل صيفي وتطويع الظروف من قبل الجامعة لتحقيق رغبة كثير
من الطلبة فلا تقف الجامعة بوجه الطلبة بكثرة الاعذار لان ذلك يدل على عجز الجامعه بتذليل الصعوبات
في مصلحة الطلبة مثلا مراكز الاختبارات تقدر الجامعة ان تتفق مع الجامعات الموجودة في مناطق المملكة والحمدالله لدينا كثير من الجامعات بكثير من المناطق والتي لديها فصل صيفي بان يكون اختبار الطلبه والطالبت القريبين من تلك الجامعات ويتم الاتفاق بخصوص ذلك والطلبه والطالبات البعيدين عن تلك الجامعات
تستطيع الجامعه ان توفر لهم مراكز اختبارات ولن تكون كثيره مع العلم بأن كثير من الطلبة لايريد ان يقدم
فصل صيفي لظروفه العائلة او ظروفه المادية فأنا اتكلم عن من يريد الفصل الصيفي وظروفه تسمح له بذلك
اسف على الاطاله ولكن موضوع نتمنى فعلا بأن يتم النظر له والاخذ بعين الاعتبار بذلك لمصلحة الجميع
يسعدكم ربي ويرضى عليكم جميع واكرر اسفي على الاطالة فالكم جميعا التوفيق

المشاركة الأصلية كتبت بواسطة المعالي غالية (المشاركة 7307373) قلت له النقطة الثالثة : الطلآب والطالبات اللي يستفسرون عن الاعفاء عن الرسوم وكذا قال يا عزيزي اغلب الطلآب يحسبون ان الجامعة تاخذ الفلوس وتتصرف فيها كيف تشاء .. لا ترى الجامعة ما تتصرف فيها لأن جامعتنا جامعة حكومية وليست جامعة خاصة فالمبالغ هذه تروح في ميزانية الدولة أو قال تروح في مالية الحكومة شيء زي كذا .. المهم يعني اللي ابي اقوله لكم ان الجآمعة زي ما قال الدكتور ما هي جامعة خاصة حتى تتحكم فيها الجامعة .. :g2: انا دخلت الموقع موقع جامعة الملك فيصل الحكوميه ما شفت ولا شي يدل على ان الفلوس تروح هناك ياليت يكتب تقرير ونشوف فيه ختم :119: هي حكوميه خبري هم يعطونا مكافأة مو نحن نعطيهم :eek: :cry111: ليه ما قلت له فلوس حافز تجي عيالكم من هنا وتخاخذونها من هنا رسوم وزياده :41jg:والسواق يقول هذا نفر يؤدي 300 انا سيم سيم انتبهو احنا بنات ما نسوق (وأخوي بالدوم- وأبوي الله يطول بعمره قل النظر عنده حده من البيت للمسجد- )علموه :41jg:والمكتبه اولها مكتبتكم ياجامعتنا تدهر 200 +300 والسلك والتغليف أجباري طبعا تعرفون .. والملزمه ناقصه ولا زايده ولا في أمانه في الطباعه :41jg:كان قلت وكان ليش احنا الأصحى مو عيالكم ليه مامافيه مسواه ندري ان ذوي الأحتياجات الخاصه والمرضى الكلى والي يستلمون من الجمعيات محتاجين واحنا ندعو لهم بس حتى احنا عندنا ظروف قدرو ظروفنا ولا لازم نكون منهم نسأل الله ان يمتعنا بالصحه والعافيه والرزق ما ادري ليش ذا الشروط يعني من باب الرفق ولا وش يحسون فيه حافز حطمو الي عمره 35 وقالو لا! الضمان قالو الي عانس نعطيها ! المرضى يعطونهم ! جامعتنا أعفو ناس وناس لا ما نحسدهم بس ودنا مثلهم حسو فينا يا عماده على الأقل الساعتين يكون سعرها بساعه 2950 يعني ما تكفي الي تروح لهم ! هم وش يحسون فيه مع ذا التحطيم مرضى+ عانس + أحتياجات خاصه + جمعية خيريه + رسوم ودي مجتمعنا يرتقي ولا يحطم بدون اي أعتبار ودي يوم من الأيام يقولون تعالو انتو عيالنا مهما صار بدون أي سبب وشروط أحنا لكم كان قلت له وكان قلت له :cry111: وينك يا أبوي عبدالله يحفظك الله ويطول في عمرك سامحوني أطلت عليكم بس بعد باقي ..:41jg: الله يوفقك ويوفقه :119: الله كريم

مشكور ع مجهودكَ يآسررر :106:
بس كلامهم غير مقنع الله يكون بعونآ وعونهم :cheese:
سبحآن الله الإنتظآم يدرسون صيفي ويختبرون وحنآ مآفيه أمآكن ولا مرآقبين ولا إمكآنيآت :lllolll::lllolll:

المشاركة الأصلية كتبت بواسطة متخرج (المشاركة 7307705) هذا الناس اللي تبي كل شي ببلاش والساهل وكل شوي وينك ياباب عبدالله الحمد لله والشكر الدولة مو مقصرة ابد ومنت مجبورة تدرسين كان شديتي حيلك ودخلتي انتظام مو لعب في الدراسة وفي الاخير الحين تصيحون واعفونا مدري كيف هالاشكال لها وجه تتكلم وتطلب حمدوا ربكم افتحوا لكم مجال التعليم اما فلوس وجيبوا لها ختم علشان تصدقكم ورا ما تجيبين لهم انك فقيرة وتختمين الورقة فقيرة وعندها نت وتقامز من منتدى لمنتدي فيه ناس مساكين احق منك !! الحمد لله والشكر بس !!!!