ملتقى طلاب وطالبات جامعة الملك فيصل,جامعة الدمام
صفحة 1 من 2 1 2
عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   الحكاية مع التعليم ( كل واحد يقول ) (https://vb.ckfu.org/showthread.php?t=339498)

فضيل 2012- 5- 31 08:35 PM
الحكاية مع التعليم ( كل واحد يقول )
 


السلام عليكم مساء الخير,

هنا اللي يبغى يقول حكايته مع التعليم, من دون ان يصرح بأشياء تخصه.

المقصد علشان كل واحد يستفيد من تجربة الآخر أو الآخرة!

أنا عندكم درست انتظام وانتساب ليلي ونهاري حتى منازل درست (صعبة الأخيرة هذه) :cheese:

درست الثانوية للكبار في امريكا ودخلت جامعات امريكية من غير ثانوية (ادفع وادرس) بس كان من

زمان.. حتى لو ابي ادرس الحين (اخجل) لأني كبير شوي عمري فوق ال 35 ولكن عندي طموح!

واذا تنصحوني أكمل برا (عادي اروح الحين :biggrin:) ((لكن انصحوني وين فيه جامعة تقبل كبار)) خخخ

على فكرة يعلم الله اني اعامل الطلاب هنا كأخواني.. وآسف إن تطفلت عليكم (لكن أنا باقي لي

مقرر الفقه والسيرة عندكم) والسبب يوم درست أول ترم كنت ناوي أعادله وحذفته من أول ترم

يعني يا منتدى مستوى ثاني ((تراني زميلكم)) بسبب الفقه:biggrin::cheese:

يالله اترككم مع قصصكم التعليمية والله يوفقكم دنيا وآخرة ..

ضناني الشوووق 2012- 5- 31 10:07 PM
رد: الحكاية مع التعليم ( كل واحد يقول )
 
التعليم عندنا فاشل والمعلمات قمت الفشل :cheese: <<<<لحد يتضايق هذا رائي الخاص:biggrin:

DALAL99 2012- 5- 31 10:26 PM
رد: الحكاية مع التعليم ( كل واحد يقول )
 
أنا قصتي قصة
كنت أبي أدرس طب أو هندسة ديكور بحكم أني من عايلة دافورة _ اذكروا الله _ :oao:
لكن وللأسف لا ذي ولاذي :( والسبب النسبة الحلوة الي جبتها مدري شفيني ثالث ثانوي قلبتها فلة ولعب وأنا مو من عوايدي أبد جاني تبلد فظيع ليومكم مادري من ايش :Looking_anim:
لكن من يدري لعله خير المهم دخلت جامعة الدمام اجتماعيات وجتني حالة !! مو التخصص الي ابغاه لكن قلت الين تتدبر لااا ورسبت في أول سنة بـ3 مواد :eek: والسبب مو متعودة أبداً ع كيفية مذاكرة مواد الادبي
أنا نقطة سوداء في تاريخ العايلة المشرق :biggrin::biggrin:
المهم قلت خليني أكمل كنت بدرس ع حسابي لكن غيرت الفكرة يمكن أخسر ع الفاضي لان النفسية تعبانه شوي :(
والحمدلله تخرجت منها والان أنا معكم من الانجليزيين أحب تكون طول حياتي دراسة ومدري وين بدرس إذا تخرجت من هنا :wink:

الحياة كفااح لا للكسل والاحباط :(204):

DALAL99 2012- 5- 31 10:29 PM
رد: الحكاية مع التعليم ( كل واحد يقول )
 
اقتباس:
المشاركة الأصلية كتبت بواسطة ضناني الشوووق (المشاركة 6689446)
التعليم عندنا فاشل والمعلمات قمت الفشل :cheese: <<<<لحد يتضايق هذا رائي الخاص:biggrin:
أووك طيب انتي طلعي نفسك من حالة الفشل عشان الجيل الجاي لا يقول نفس اللي قلتيه ويرمي فشله ع الناس على كذا ماراح نتقدم أبد لو كل واحد رمى ع الثاني أخطائه :oao:

Turning point 2012- 5- 31 10:31 PM
رد: الحكاية مع التعليم ( كل واحد يقول )
 
فضيل لو تقدر تدرس برا وامكانياتك المادية تسمح امسك اول باب وروح ولا تلتفت وراك واذا تبغاني اعطيك روابط جامعات سهله في القبول تبشر ترى التعليم برا افضل بمراحل من هنا

خالدعبدالعزيز 2012- 5- 31 10:34 PM
رد: الحكاية مع التعليم ( كل واحد يقول )
 
اخوي فضيل ماشاء الله عليك
انت ماتحتاج احد يشجعك حنانستفيد منك والعمر مايمنع من زيادة التعليم
اتمنى لك التوفيق

ذكرياتي تحتويني 2012- 5- 31 10:37 PM
رد: الحكاية مع التعليم ( كل واحد يقول )
 
يعطيك الف عافيه فضيل
تبي الصدق واصل ولاتشوف وراك
اذا انت تبي تكمل لايهمك حد
وبالتوفيق للجميييع

Another day 2012- 5- 31 10:42 PM
رد: الحكاية مع التعليم ( كل واحد يقول )
 
انا درست مراحل الدراسه كلها برا السعووديه وكنت من المتفوقات وكنت احلم بتحقيق احلام كبيره لكن ما الله اراد وانقطعت عن الدراسه فتره من الزمن كنت طوول هالمده وانا احلم اني ادرس لاحظوا كان مجرد حلم واذا شفت ناس كانوا معي والاقي معاهم شهاداات جامعيه وانا كنت اغششهم واحل واجباتهم امووت قهر بس الحمد لله ربي وفقني وقدرت اسجل وادرس ومن كثر الفرحه مااتنزل الملزمه من يدي <كني ماشفت خير وسلامتكم الله يوفقك يافضيل على هالموضوع الرائع

L,v 2012- 5- 31 10:44 PM
رد: الحكاية مع التعليم ( كل واحد يقول )
 
-

موضوعكك جمييل ..:004:

انا خلصت ثانوي وجبت نسسبه حلوه والقدرات بعد حلوه ..:004:
ودخلت جامعةالدمام (كلية الاداب ) لمدة سنتين

لعبت ككان اخر همي الدراسسه :icon9:

لين تراكمت علي المواد .. والمعدل نازل .. :icon9:
وطلعت منها وقعدت بالبيت سسنه والله هداني وسسجلت بجامعة فيصصل :004:

للامانه للحين نـــدمممممممممممممممممممانه حيييييييييييييييييييييييل على ( الانتظام ):bawling:

:004:

خالدعبدالعزيز 2012- 5- 31 10:48 PM
رد: الحكاية مع التعليم ( كل واحد يقول )
 
anotherday معلومات جديده عنك
اتمنى توصلين للي تحلمين فيه

ضناني الشوووق 2012- 5- 31 11:34 PM
رد: الحكاية مع التعليم ( كل واحد يقول )
 
اقتباس:
المشاركة الأصلية كتبت بواسطة DALAL99 (المشاركة 6689536)
أووك طيب انتي طلعي نفسك من حالة الفشل عشان الجيل الجاي لا يقول نفس اللي قلتيه ويرمي فشله ع الناس على كذا ماراح نتقدم أبد لو كل واحد رمى ع الثاني أخطائه :oao:
اولا انا ماني فاشله عشان تقولين ارمي فشلي على احد
بعدين هذا اللي انا قاعده اسويه وهو اني اكمل دراستي واتجاهل واقع ان التعليم عندنا فاشل ومستحيل يتغير صدقيني دام المعلمات السعوديات يدخلون علينا ويقرون الكتاب قرايه سريعه من غير شرح ويقولون خلصنا الدرس عشان يمديها تلحق على الحلا والسوالف بغرفة المعلمات عمره مراح يتغير شي :biggrin:

فضيل 2012- 5- 31 11:48 PM
رد: الحكاية مع التعليم ( كل واحد يقول )
 
نسيت اقولكم اني كنت في الملك سعود كلية العلوم قبل خمس سنوات أو أكثر شوي, ومشاكل العمل وحسد المدير هو اللي خلاني اخليها!:icon9:

DALAL99 2012- 6- 1 12:02 AM
رد: الحكاية مع التعليم ( كل واحد يقول )
 
اقتباس:
المشاركة الأصلية كتبت بواسطة ضناني الشوووق (المشاركة 6689832)
اولا انا ماني فاشله عشان تقولين ارمي فشلي على احد
بعدين هذا اللي انا قاعده اسويه وهو اني اكمل دراستي واتجاهل واقع ان التعليم عندنا فاشل ومستحيل يتغير صدقيني دام المعلمات السعوديات يدخلون علينا ويقرون الكتاب قرايه سريعه من غير شرح ويقولون خلصنا الدرس عشان يمديها تلحق على الحلا والسوالف بغرفة المعلمات عمره مراح يتغير شي :biggrin:
بعد قلبي ماأقصدك أنتي تحديداً هي قاعدة عامة للجميع
وأكبر دليل ع طموحك العالي إلتحاقك بالتعليم عن بعد ولا هونتي وتركتي الجامعة مثل الكثيرين :)
مشاكل التعليم موجودة ماننكر بس صعب تغيرينها فَ الأفضل تغيرين في نفسك أنتِ
إبدئي بنفسك ومن ثم من حولك هذا اللي كنت أبغى أوصل له :+)
أتمنى وصلت الفكرة :g2:
:106::106:

فضيل 2012- 6- 1 12:06 AM
رد: الحكاية مع التعليم ( كل واحد يقول )
 
اقتباس:
المشاركة الأصلية كتبت بواسطة ضناني الشوووق (المشاركة 6689446)
التعليم عندنا فاشل والمعلمات قمت الفشل :cheese: <<<<لحد يتضايق هذا رائي الخاص:biggrin:
كلامك صح, الواحد يمشيها
اقتباس:
المشاركة الأصلية كتبت بواسطة DALAL99 (المشاركة 6689523)
أنا قصتي قصة
كنت أبي أدرس طب أو هندسة ديكور بحكم أني من عايلة دافورة _ اذكروا الله _ :oao:
لكن وللأسف لا ذي ولاذي :( والسبب النسبة الحلوة الي جبتها مدري شفيني ثالث ثانوي قلبتها فلة ولعب وأنا مو من عوايدي أبد جاني تبلد فظيع ليومكم مادري من ايش :Looking_anim:
لكن من يدري لعله خير المهم دخلت جامعة الدمام اجتماعيات وجتني حالة !! مو التخصص الي ابغاه لكن قلت الين تتدبر لااا ورسبت في أول سنة بـ3 مواد :eek: والسبب مو متعودة أبداً ع كيفية مذاكرة مواد الادبي
أنا نقطة سوداء في تاريخ العايلة المشرق :biggrin::biggrin:
المهم قلت خليني أكمل كنت بدرس ع حسابي لكن غيرت الفكرة يمكن أخسر ع الفاضي لان النفسية تعبانه شوي :(
والحمدلله تخرجت منها والان أنا معكم من الانجليزيين أحب تكون طول حياتي دراسة ومدري وين بدرس إذا تخرجت من هنا :wink:

الحياة كفااح لا للكسل والاحباط :(204):
ولا يهمك حتى لو الانتساب مو طموحك, على الأقل شهادة (بس حاولي تكون الشهادة امتياز)
وهذا يؤهلك للدخول في الجامعة اللي تبي هنا أو برا (هنا يمكن يتفحون جامعة جديدة) مافي مشكلة ادرسي من ثاني ويعادلون لك (هذا ما سأفعله)
اقتباس:
المشاركة الأصلية كتبت بواسطة Turning point (المشاركة 6689543)
فضيل لو تقدر تدرس برا وامكانياتك المادية تسمح امسك اول باب وروح ولا تلتفت وراك واذا تبغاني اعطيك روابط جامعات سهله في القبول تبشر ترى التعليم برا افضل بمراحل من هنا
ايوا, بس قلت اتقاعد تقاعد مبكر واخلص الجامعة هنا وامشي(الانتساب احسن من لاشي!)شكراً على النصيحة أفكر فيها!
اقتباس:
المشاركة الأصلية كتبت بواسطة خالدعبدالعزيز (المشاركة 6689553)
اخوي فضيل ماشاء الله عليك
انت ماتحتاج احد يشجعك حنانستفيد منك والعمر مايمنع من زيادة التعليم
اتمنى لك التوفيق
شكراً اخوي عبدالعزيز(لكن قلت استشير الأخوان والأخوات الطلبة).
اقتباس:
المشاركة الأصلية كتبت بواسطة ذكرياتي تحتويني (المشاركة 6689569)
يعطيك الف عافيه فضيل
تبي الصدق واصل ولاتشوف وراك
اذا انت تبي تكمل لايهمك حد
وبالتوفيق للجميييع
شكراً, ع التشجيع! انا ماقهرني اللا اني متخصص انقليزي وانا عندي أصلاً انجليزي من امريكا! شي احسن من لاشي! (قلت ع الأقل أخذ شهادة عليها بتقدير ممتاز من هنا) هذه الفكرة من دخولي الانتساب! شكرا مرة ثانيه ع النصيحة.
اقتباس:
المشاركة الأصلية كتبت بواسطة Another day (المشاركة 6689594)
انا درست مراحل الدراسه كلها برا السعووديه وكنت من المتفوقات وكنت احلم بتحقيق احلام كبيره لكن ما الله اراد وانقطعت عن الدراسه فتره من الزمن كنت طوول هالمده وانا احلم اني ادرس لاحظوا كان مجرد حلم واذا شفت ناس كانوا معي والاقي معاهم شهاداات جامعيه وانا كنت اغششهم واحل واجباتهم امووت قهر بس الحمد لله ربي وفقني وقدرت اسجل وادرس ومن كثر الفرحه مااتنزل الملزمه من يدي <كني ماشفت خير وسلامتكم الله يوفقك يافضيل على هالموضوع الرائع
والله انتي برضو عندك قصة (طويلة) :biggrin::biggrin: لا عادي كملي هنا وحاولي تاخذين امتياز, واذا صار لك فرصة مرة ثانية ادرسي عادي ولد خالي عنده بكلوريسين واحد شرعي والثاني مدري. المهم يشتغل وظيفة مرموقه.. لكل مجتهد نصيب!
اقتباس:
المشاركة الأصلية كتبت بواسطة L,v (المشاركة 6689605)
-

موضوعكك جمييل ..:004:

انا خلصت ثانوي وجبت نسسبه حلوه والقدرات بعد حلوه ..:004:
ودخلت جامعةالدمام (كلية الاداب ) لمدة سنتين

لعبت ككان اخر همي الدراسسه :icon9:

لين تراكمت علي المواد .. والمعدل نازل .. :icon9:
وطلعت منها وقعدت بالبيت سسنه والله هداني وسسجلت بجامعة فيصصل :004:

للامانه للحين نـــدمممممممممممممممممممانه حيييييييييييييييييييييييل على ( الانتظام ):bawling:

:004:
ماعليك شرهة تندمين على الانتظام.. مع إنه صعب لكن الواحد مفروض ياخذ لو حتى 12 ساعة في الانتظام ويذاكر صح ويتخرج نقول بعد خمس سنوات.. لكن بتقدير امتياز! شوفي معظم الشعب عندنا (قصدي الشباب) متخرجين بنسبة(مقبول) ووهذا أكبر غلط (ويدفع ثمنها طول عمره في مركز الوظيفة والترقيات الجاية (( غلط كبير اللي يتخرج بسرعة ومقبول)) :icon9::icon9:
اقتباس:
المشاركة الأصلية كتبت بواسطة ضناني الشوووق (المشاركة 6689832)
اولا انا ماني فاشله عشان تقولين ارمي فشلي على احد
بعدين هذا اللي انا قاعده اسويه وهو اني اكمل دراستي واتجاهل واقع ان التعليم عندنا فاشل ومستحيل يتغير صدقيني دام المعلمات السعوديات يدخلون علينا ويقرون الكتاب قرايه سريعه من غير شرح ويقولون خلصنا الدرس عشان يمديها تلحق على الحلا والسوالف بغرفة المعلمات عمره مراح يتغير شي :biggrin:
حتى ما يراعون الطالبات (يحسفونهم بالحلى) صراحة نذالــــــــــة :mad::biggrin:

Мαнαвн 2012- 6- 1 12:17 AM
رد: الحكاية مع التعليم ( كل واحد يقول )
 
ااامممممممممممممممم حكايتي مع التعليم حكايه
الحمدالله درست وتخرجت من الثانوي نسبتي حلو درست سنه بكليه صحيه بس كان الدكتورات سبب اني اطلع منها رغم نجاحي لاني مااحب اني انظلم ومشكلتي اذا انظلمت ما اخذ حقي انسحب واترك حقي لله ياخذه وحبي للعلم والتعليم والدراسه ما وقف
وكنت سنويا اقدم لجامعه عبدالعزيز انتساب ووتوقف معي حكايه الرسوم للظروف بس بعد 5 سنوات لله الحمد ربي فتحها علي ولقيت جامعه الملك فيصل بالصدفه فيها انتساب وهي ثاني دفعه الحمدالله كل تاخيره وفيها خيره
الحين تربيه خاصه ورايحه للمستوى السادس ربي لك الحمد حبيت القسم وان شاء ابدع فيه واقدم شي وهدفي اقدم شي لمجتمعي واكون بصمه فيه وبنفس الوقت حققت شي لذاتي وان شاء الله اكمل ماستر ودكتوراه مافي شي بعيد عن الله
ربي لك الحمد كما ينبغي لجلال وجهك وعظيم سلطانك


اخ فضيل العمر ابد ما مانع توكل على الله وبتيسر امورك وبعد ماسمعت اللي عمره فوق 65 واخذ دكتوراه ما استبعدت شي ابد وانت عمرك فوق 35 مو كبير تقدر تحقق الشي الكثير دام انه لوجه الله اولا واخيرا

موفقين

Another day 2012- 6- 1 12:22 AM
رد: الحكاية مع التعليم ( كل واحد يقول )
 
من ناحية الفرصة ثانيه فانا اتمنى تكون ماستر مو بكالريووس ثاني لاني ما ابغا غير الانجليزي

فضيل 2012- 6- 1 12:28 AM
رد: الحكاية مع التعليم ( كل واحد يقول )
 
ما شالله Мαнαвн قصة كفاح حقيقية ، وايضاً نجاح قريب

اتمنى لك كل خير وربي يعوضك ظلم الدكتورات!

ما شالله تخصصك ممتاز وانتي على وشك التخرج

حاولي تشدين في الآخر علشان النسبة الاخيرة

وشكرا على نصيحتك وافكر فيها!

فضيل 2012- 6- 1 12:31 AM
رد: الحكاية مع التعليم ( كل واحد يقول )
 
اقتباس:
المشاركة الأصلية كتبت بواسطة another day (المشاركة 6690133)
من ناحية الفرصة ثانيه فانا اتمنى تكون ماستر مو بكالريووس ثاني لاني ما ابغا غير الانجليزي

ما دامك تحبين الانجليزي فالماستر انشالله قريب

والانجليزي احسن اللغات انا اعرف دكتور في اللغة الألمانية يقول ندمان ما اخذت فرنسي، علشان الفرنسي مشهور

والانجليزي اكثر شهرة!

هنـــاء 2012- 6- 1 12:37 AM
رد: الحكاية مع التعليم ( كل واحد يقول )
 
انا دررست سنتين:58545: لغه عربيه انتساب في كلية التربيه :(269)::(269):

بعدين تركتها:cheese: طفشت اصوم طوول السنه واجي افطرر على اختبار دسسسم :Cry111:

والقسم ماكنت مقتنعه فيه وبسس :biggrin:

ندوووشا 2012- 6- 1 12:45 AM
رد: الحكاية مع التعليم ( كل واحد يقول )
 
حلووو الوااحد يكون عنده طمووووح:004::004::004::004:

انا تزووجت قبل ما اكمل الثانوي واصرار زوجي واهلي اني اكمل وانا رافضه الفكره

بس كملت لعيووونهم:biggrin: وماصدقت اكملها ياااااااااازين الجامعه ونظامها جنب الثانوي

اول سنه لي درستها دخلت اختبار الفصل الاول والفصل الثااني حلفت ماااروح وندمت صراحه

بعدها جبت نسبه مره حلوه الحمدلله
دخلت الجامعه انتظام دااومت يومين بس وبطلت ماناسبني الوضع مع البيت ابدا
تركتها وسجلت بجامعة الملك فيصل وان شاء الله اواااصل لان الواحد مايعرف قيمه الدراسه الا اذا كبر ويندم انه ماواصل تعليمه:004::004:

شكرااا ع الموووضووع:rose:

❤ Ρąŧćħį ..} 2012- 6- 1 12:50 AM
رد: الحكاية مع التعليم ( كل واحد يقول )
 
السلآم عليكم ورحمة الله وبركاته

بالنسبة لي

أنا درست سنة كاملة تحضيري بعد ماخلصت الثانوية وجبت معدل الحمدلله كويس

وقبلوني معلمة صفوف أولية بجامعة الاميره نوره بنت عبدالرحمن بالرياض,,:004:

جتني ظروف لآزم احول أنتساب طبعاً جآمعتنا مافيها انتساب حاولت يمين يسار لآن مابي سنه كاملة تروح عالفاضي

رفضوا,,<<~ هنآ التحطيم:(177): ,,بعدها اخوي قرى اعلان بالجريدة عن الجامعةة وكلمني وعطاني خبر,,ترددت بالبدآيةة

جا موعد التقديم ورحت سحبت اوراقي وسجلـت,,

بس بصرآحةة انا اشوف جامعة الملك فيصل متعااونه جداً جداً

بعكس ماكنت انتظاام غير الدواام اصحى من الفجر ولاعاد ارجع البيت الا عالمغرب

يعني كرررف,,
والحمدلله اولاً أوخيراً وان شاء الله يكون تسجيلي بهالجامعه خيرة صحيح اني ندمت بالبدآيةة لما حوولتَ آنتسآبَ

لكنَ:

{عسى أن تكرهو شيئاً وهو خيراً لكم}

شككراً أخي الكريم عالموضوع , وأعتذر عن الآطآلةة :rose:

تقبل مروريَ..

DALAL99 2012- 6- 1 12:54 AM
رد: الحكاية مع التعليم ( كل واحد يقول )
 
ماشاء الله عليكم والله قصص ترفع الراس
متى يجي اليوم اللي أتخرج فيه بيصير عندي 2 بكالوريس :33_asmilies-com: ماعرفت أكتبها الا كذا :hahahahahah:

لكل مجتهد نصيب وعقبااال البقية ي رب :004::004:

Sydra 2012- 6- 1 01:05 AM
رد: الحكاية مع التعليم ( كل واحد يقول )
 
آآآآآآآآه قلبت علي المواجع :bawling::bawling:
انا قصتي فلم هندي ....تخرجت من الثانوية علمي بتفوق وكان حلمي أسجل كيمياء وسجلت لكن تصدقون ماقبلوني تدرون ليه؟؟؟؟ لان ابوي متوفي وعقد الايجار اللي جبته مو بإسم والدي علما بانه بإسم ولي أمري... وكمان ما أخذت الثانوية من نفس المنطقة>>>شوفوا النظام عندنا كيف يقللون من ضغط الكلية على حسابي انا >>التكافل الاجتماعي عندنا:(269):بعدين اخذت لي كورس وبعد سنه سجلت في كلية ثانية قسم إنجليزي وإنقبلت >>لكن تبون الصراحة النفسية لها دور وتفرق إذا دخلت وانت لسا فيك حماس الدراسة وبعد سنتين حصلت لي ظروف واظطريت اني اتركها حتى سمعت عن جامعة الملك فيصل وسجلت فيها >>عسى ان احقق حلمي..... وعذرا ع الاطالة:106::106:

احلام الحياه 2012- 6- 1 01:48 AM
رد: الحكاية مع التعليم ( كل واحد يقول )
 
:bawling::bawling::bawling::bawling:

ذكرتني بقصتي مع الدراسه تعبت الى وصلت هنا تحديت ظروفي وكل اللي حوالي

سجلت في اول جامعه وكنت انتظام ماعجبني القسم اللي التحقت فيه وحصلت لي ظروف وتركتها

سجلت انتساب في كليه ثانيه وطلعت منها اجباري وان شاء الله انها خيره لان القسم اللي دخلته :(177):

وبعدين سجلت في كلية المجتمع وتم قبولي قسم حاسب الي وللاسف خيرت بين امرين اضطريت اختار ترك الدراسه

سجلت في كليه في جده ولم يتم قبولي :sm18:

وبعدين لقيت جامعة الملك فيصل وسجلت وكنت متأكده 100% اني ماراح انقبل وكنت حاسه ان مالي في الدراسه نصيب بعد جميع مغامراتي السابقه :Looking_anim:تفاجأت من الرساله عالجوال وهي تم قبولك :53::004::004:
وهنا كانت فرحتي لاتوصف

الفضل الاول والاخير لرب العالمين فبعد ان كنت اقول اكيد بعد هذي التجارب كلها مالي نصيب في الدراسه
الان عديت ربع المشوار
اللهم لك الحمد حتى ترضى ولك الحمد اذا رضيت ولك الحمد بعد الرضا:rose::004:

فضيل قلبت علينا المواجع:sm18:

آلمستشآر 2012- 6- 1 02:02 AM
رد: الحكاية مع التعليم ( كل واحد يقول )
 
آنآ حكآآآية حكآآآيه آو مآ تخرجت من آلثآآآنوووي جتني عرووض عسكريه يعني آدخل كليه عسكريه ,واصير ظآبط بحكم عآئلتي آغلبهم ظآبط من آلوآلد وآعمآآمي لحد آصغر وآحد في آلعآآئله >>> لؤاء كآمل مآشآء آلله :biggrin:،، وآنآ من صغري آكره شي عندي آلعسكريه مآ آدري ليه هووايتي أحب آلتجآآره وآلآعمآل آلآدآريه وعند شغف بالحاسب وآلكترونيآآت فك تركيب تخريب ،، آلمهم بعد كل هآلعرووض قررت آرفضهآ وآدخل معهد آلأدآره وأختآر برمجة حآسب وبعدهآ تخرجت ولله الحمد وجآني عرض حلوو من شركة ووافقت وجلست سنتين فيهآ بديت افكر في الجامعه وتكملتها التحقت بالملك عبدالعزيز وكنت ابي اداره انقبلت انتساب وجلست سنه وجتني ظروف وسافرت خارج المملكه واجلت الدراسه في الجااامعه ،، فقرت اكمل بشهادة معهد الاداره بس كانت رغبتي انه اغير تخصصي وللاسف المعااادله حقت الشهاده بتخليني ادرس 3 سنوات ورفضت الفكره كامله ورجعت بعد سنه تقريبا ،، والتحقت بوظيفتي الحاليه ،، احس اني مجنوون شي اسمه دراسه ودورات يعني ما فيه دوره اقيمة سواء اسبوع او شهر طفشو من الغرفه التجاريه بال شرقيه والان الرياض الا والتحقت فيها لسبب انه عندي قنآآعه ان العلم ما يوووقف عن عمر معين ،،
لدرجه أن وآحد من الشباب يضحك عليه يقوول راح عمرك وانت تدرس :) :biggrin:

آلشآهد في آلمووضوع عمر العمر ما كآن قآصر ع فئه معينه وآلدليل آغلب الدكآتره في آلعآآلم مأ حصلو ع آلمآجستير وآلدكتورآه آلآ بعد سن 50 سنه ،، حدد رغبتك وطمووحك والهدف اللى تبي تووصل له
وكل آلآمور وآرآء آلنآآس لأ تهم ــ آلآهم آنه احققق حلمي وهدفي آلوحيد آلآن آكمل آلجآمعه وبعدهآ آلمآستر وآلدكتورهآ أن آلله كتب لي عمر

وربي يوووفق آلجميع

عيون ALmaha 2012- 6- 1 02:14 AM
رد: الحكاية مع التعليم ( كل واحد يقول )
 
قبل اي شي .. الله يعطيك طولة العمر والصحة والعافية اخوي فيصل


قصتي غريبة شوي ..



عندي طموح ورغبة في الحصول على شهادة بكالوريوس لكن حالت ظروف صحية بيني وبين حلمي ومضت السنين و توظفت بعدين بديت احس ان العالم تترقى و يتحسن و ضعهم وانا مكانك سر

كنا في رمضان وكنت في المطبخ اجهز الفطور .. فجأة طاحت بيدي الجريدة وفيها خبر التعليم عن بعد في جامعة الملك فيصل.. اخذت الجريدة ودخلتها الدرج لين اخلص من المطبخ ..

بعدين قررت التسجيل بس ادري اهلي بيعارضون من باب ما انتي محتاجة :tongue: وش اسوي .. :(107):وش اسوي .. فكرت ثم فكرت ثم فكرت ... :(269):الين الله هداني لفكرة ( الكذب من اجل الطموح ):53:

وفعلا ارسلت اوراقي بدون علم احد :wink: و بعد ما وصلتني رسالة القبول قلت لبابا وانا متوترة :
بابا بقولك شيء ..:mh12: ما انسى نظرته من فوق النظره .. كنه يقول اخلصي وش مسوية ..:cheese:

بلعت ريقي .. بابا قدمت ابتعاث داخلي للجامعة وجاني قبول



لحظة صمت




بابا: الله يهديك يا بنتي شلون توفقين بين الدوام والدراسة وصحتك .. قطعت عليه الكلام قلت طيب عندي طموح بعدين كل اخواني معهم شهادات عليا الا انا .. حن علي فديته:004: قال الله يوفقك

وبس :106:

:g2:

prestigious 2012- 6- 1 02:22 AM
رد: الحكاية مع التعليم ( كل واحد يقول )
 
كنت وكنت وكنت
لكن ااااااااااه من كنت
نسأل الله الجنه
كنت ابغى اصير طبيب تشريح
كنت ابغى اصير مدرس لغه إيطاليه
لكن ماجت على الكيف

:icon9: I almost Cry
Those days has gone into unkown
Olden Days i Remember them As a Dream

Misoo 2012- 6- 1 02:27 AM
رد: الحكاية مع التعليم ( كل واحد يقول )
 
انا تخرجت من الثانوي بنسبه حلوة المهم دخلت كليه التربيه تخصص رياضيات المهم يوم وصلت سنه ثالثه بشق الانفس مع دكاترتنا الحلوين و نظام الكليه اللي مره يرريح ومايخليك تحاتي ابد
الامهم صارت لي مشكله مع رئيسه القسم و الاداراه و انفصلت بحاجه انا مالي دخل فيها ابداً
جلست بالبيت ما اقولكم انقهرت وتضايقت بس قلت يابنت ماراح تستسلمين دخلت معهد للغه 6 شهور وبعدها تزوجت وجلست فتره ورجعت دخلت معهد برضوا ست شهور كنت ابي اطور من نفسي
المهم و وحدة من صاحباتي ربي يجزاها الف خير قالت لي عن التعليم عن بعد و استخرت ربي ليله التسجيل وسجلت والحمدلله كل شي تسهل

طبعا طموحي اخذ الماستر و باذن الله راح احققه :(204):

مشاعر صادقة 2012- 6- 1 02:54 AM
رد: الحكاية مع التعليم ( كل واحد يقول )
 
صباحكم رضا
آه من الأحلام لكن ماأجملها لو تحقق ولو جزء منها
كنت أحلم أن اكون طبيبة أطفال ولكن تزوجت قبل الأنتهاء من دراستي بالثانوية أكملت دراستي ولظروف المنطقة التي اعيش بها سابقا لم استطع أكمال دراستي الجامعية ولكن الحلم لم يغيب عني قط حاولت اشباع رغبتي بالتعلم في حضور العديد من الدورات وعملت وتفوقت في عملي في مجال رياض الأطفال ولكن كل هذا لم يشبع طموحي قرأت كتاب السر وقرأت تعليقات عديدة تزامنت مع أنتشار الكتاب وزادت ثقتي بحديث رسولنا الكريم ( أنا عند حسن ظن عبدي بي فليظن عبدي بي مايشاء ) كتبت في ورقة
( الشهادة الجامعية )
وقمت بتعليقها في غرفتي وكلما قرأتها أشعر بالسعادة وفي يوم كنت اقرأ الجريدة وشاهدت الأعلان قدمت وسخر لي رب العباد القبول درست وسانتقل باذن الله للمستوى السادس علم اجتماع ولن يقف طموحي هنا باذن الله
أعتذر على الإطالة ويارب حقق للكل مايتمننون :rose: شكرا على فكرة الموضوع

تخطيت السحاب 2012- 6- 1 03:24 AM
رد: الحكاية مع التعليم ( كل واحد يقول )
 
موضوع قميل ... قميل ... قميل

الله يعطيك العافيه اخوي فضيل عالموضوع الرااااائع
هيضت شجوووني

ابي اقولكم قصتي

تخرجت من الثانوي اكالسنة ( ذلك العام )
وسجلت في جامعة الملك سعود وكنت ابي انقلش طلع اسمي كلية الاداب قسم جفرافيا
ماحضرت ولا محاضرة سنه وانا اسمي في الجامعة على غير سنع
بالاخير سحبت ملفي وتوظف وجلعت فترة كانت فكرة الدارسة لازالت عالقة في راسي
انا مادري ليش هالنظام لازم يرغمونك تسجل على فيفهم هم ماهو على كيفك انت سبحان الله العظيم

المهم سمعت عن جامعة الامام قدمت عليها وشفت شروطهم مااعجبتني
ترم تحضيري اذا رسبت فيه تعيد تعيد الترم مرة اخرى
مشيت وتركتهم

سمعت عن جامعة الملك عبدالعزيز
لكن ماتحمست لها المكان بعيد انا بالرياض
جاء واحد من الشباب وقال انه يبي يسجل فيها
بصراحة الان تحمست لها

في تلك الليلة كنت ابحر على قولتهم في بحر النت
دخلت هالملتقى الله يسعده من ملتقى
وشفت ردود الطلبة ومواضيعهم

بس جلست فترة وانا تراودني الفكرة
ثم شاورت من عندي
قالوا سجل يارجل احسن لك
يعني بس يبيلي دفعة خفيفة ثم انطلق
المهم سجلت وكنت خايف مااقبل لغة انجليزية
بس الحمد لله تم قبولي بهذا التخصص الجميل
لاحد يلومني بهالتخصص
لاني بصراحة سافرت لجنوب شرق اسيا وحصلت كل العالم تتحدث انقلش
بصراحة تستصغر نفسك ليس الا ان الناس تتفاهم مع بعض وانت مثل الدجاجة الصقعاء ماتدري وش يبربرون
ان شاء الله نواصل المشوار ونحصل على الشهادة الجامعية بمعدل لايقل ان شاء الله عن ممتاز


اخوي فضيل ( كبر العمر ) ليس عقبة تحمي بها
لالالالا

قصة واحد من التابعين رحمه الله تعالى ومن كبار علمائهم

وصل عمره 40 سنة
وجاء مرة الى احد المشائخ واخبره بقصته
انه كان في الشتاء وكان جنب وليس لديه ماء ساخن
فقام واستحم بماء بارد كاد ان يموت من البرد
فقال له الشيخ : لماذا لم تتعفر ( تتيمم )
قال لا اعلم
ثم قام من عند الشيخ
ودرس وتعلم وعمره فوق 40 سنة وصار من كبار علماء التابعين ( نسيت اسمه )

لاتدعون العمر والمشاغل حجر عثرة في طريقنا وطريق تعلمنا

الله يسعد جامعة الملك فيصل اللي فتحت الانتساب المطور

شكرا
واسف عالاطاللة

تخطيت السحاب 2012- 6- 1 03:36 AM
رد: الحكاية مع التعليم ( كل واحد يقول )
 
اقتباس:
المشاركة الأصلية كتبت بواسطة احلام الحياه (المشاركة 6690776)
:bawling::bawling::bawling::bawling:

ذكرتني بقصتي مع الدراسه تعبت الى وصلت هنا تحديت ظروفي وكل اللي حوالي

سجلت في اول جامعه وكنت انتظام ماعجبني القسم اللي التحقت فيه وحصلت لي ظروف وتركتها

سجلت انتساب في كليه ثانيه وطلعت منها اجباري وان شاء الله انها خيره لان القسم اللي دخلته :(177):

وبعدين سجلت في كلية المجتمع وتم قبولي قسم حاسب الي وللاسف خيرت بين امرين اضطريت اختار ترك الدراسه

سجلت في كليه في جده ولم يتم قبولي :sm18:

وبعدين لقيت جامعة الملك فيصل وسجلت وكنت متأكده 100% اني ماراح انقبل وكنت حاسه ان مالي في الدراسه نصيب بعد جميع مغامراتي السابقه :looking_anim:تفاجأت من الرساله عالجوال وهي تم قبولك :53::004::004:
وهنا كانت فرحتي لاتوصف

الفضل الاول والاخير لرب العالمين فبعد ان كنت اقول اكيد بعد هذي التجارب كلها مالي نصيب في الدراسه
الان عديت ربع المشوار
اللهم لك الحمد حتى ترضى ولك الحمد اذا رضيت ولك الحمد بعد الرضا:rose::004:

فضيل قلبت علينا المواجع:sm18:
ماشاء الله عليك يااحلام الحياة
مافيه جامعة الا سجلتي فيها
الله يعينك يارب

AL-Maram 2012- 6- 1 03:47 AM
رد: الحكاية مع التعليم ( كل واحد يقول )
 
انا جبت معدل97 بلثانويه(ماشاء الله علي)‏‎:p‎
وماما تأملت فيني ادخل طب
بس اوضاع ديرتي ماتسمح اروح لها من المظاهرات والخ
وبحكم اني مو سعوديه ماقدرت اسجل بلكليات الحكوميه اللي ممكن توفر لي التخصص اللي ابيه
وأخيرا سجلت هنا
‏(ماما أختارت تخصصي وقالت يابنتي دشي عنقليزي وتوكلت ع الله ودشيته)
صج بلبداية تضايقت اني انتساب وربعي اللي اقل مني بلنسبه انتظام
بس مع الوقت ومع هاد المنتدى
حبيت جامعتي ومستانسه فيها‎:)‎
وماصار يهمني كلام ربعي لما يقولون ليييييييييه انتساب<< أكره نبرة صوتهم بهي الكلمه>>>

والحمد لله اولا وأخير وعلى كل حال

وبتخصص مافكرت فيه ولامره بحياتي

أمل سيتحقق 2012- 6- 1 03:55 AM
رد: الحكاية مع التعليم ( كل واحد يقول )
 
تزوجت بعد ثاني ثانوي
ودرست ترم واحد من ثالث وبطلت بسبب الحمل وعمايله
وبعد سنتين قدمت منازل واختبرت كم يوم ومرضت بنتي وتركت الاختبارات
بعد خمس سنوات قدمت من جديد منازل وكملت ثالث وباصرار وجبت درجة حلوة
وقبل العام اختبرت قدرات وقدمت انتظام وكانت فرحتي كبيرة
وطموحي اكبر
ودخلت تخصص نظم معلومات وكانت سنة تحضيرية
وكله انقلش وماخلص الا العصر
اخذت شهر وتركته وكانت حسرةفي قلبي
ماقدرت اكمل مع بيتي واطفالي
وقدمت في. جامعة فيصل ويارب لك الحمد نظام رائع

Another day 2012- 6- 1 06:37 AM
رد: الحكاية مع التعليم ( كل واحد يقول )
 
اقتباس:
المشاركة الأصلية كتبت بواسطة شمالي بطل (المشاركة 6690987)
كنت وكنت وكنت
لكن ااااااااااه من كنت
نسأل الله الجنه
كنت ابغى اصير طبيب تشريح
كنت ابغى اصير مدرس لغه إيطاليه
لكن ماجت على الكيف

:icon9: I almost Cry
Those days has gone into unkown
Olden Days i Remember them As a Dream
Did you want to become an Italian language teacher ? Is that mean you have another language?
.why you upset?you may find another hopes .AS I said before just be Optimistic

تخطيت السحاب 2012- 6- 1 01:17 PM
رد: الحكاية مع التعليم ( كل واحد يقول )
 
حكايات عالمية

beautifull mind 2012- 6- 1 03:52 PM
رد: الحكاية مع التعليم ( كل واحد يقول )
 
اهلا

شكرا فضيل ع الموضوع الحلو


بصراحه قريت قصصكم واستمتعت فيها شدتني بقوه وذكرتني بنفسي


أنا بصراحه طول عمري احب العلم وكانت امنيتي اكون معلمه من وانا بصف ثاني ابتدائي ولما تقدمت بمراحلي الدراسيه كنت اذاكر لاخواني واخواتي الصغار من الظهر لين الساعه 8 بالليل شرح قواعد ورياضيا وتحفيظ مواد الدين وعلوم واعمال فنيه ماتخلص والتفصيل والخياطه حق اختي اللي طلع عيوننا

المهم الحمدلله كان الشيء ذا كل حياتي وكل سوالفي دايما عن المذاكره والاعمال الفنيه


وتخرجت من الثانوي بنسبة 98 % ولله الحمد وكنت اموت في الانجليزي وباستاذة الانجليزي

المهم التحقت بكلية التربيه بالرياض بالملز واكثر كانت تدرسنا وحده تركيه ووحده سعوديه عايشه طول عمرها بأمريكا شكلها ابدا مو سعوديه وبالسنه الاول نجحت بتقدير ممتاز وكانت المنافسه قويه بيني وبين زميلاتي اللي الحين ماشاء الله معلمات ومتخرجات بمرتبة الشرف وكنا ندرس مواد تخصص من اول سنه شعر ونثر وقواعد وصوتيات ومقال وماده عربيه وماده دينيه


المهم في الإجازه تزوجت ولما فتحت الكليه ماقدرت اكمل انتظام فحولت انتساب


وسبحان الله مدري اش اللي صار كأنه عين

تصدقون كان علي اختبار ومافتحت الماده مرررررررررررره اذكر كنت سهرانه ع التلفزيون مدري اش اللي جاني زي الوهم بالإضافه لحملي

بعدها حملت 7 مواد


وبقيت للإعاده في السنه الثانيه وقالوا لي أذا رسبتي في 3 مواد مو مشكله تنتقلين للمرحله الثالثه المهم وتحملينهم معاك

أما إذا رسبتي في 4 مواد طي قيد برررررررررررررى


المهم شديت حيلي ونجحت بكل مواد السنه الثانيه ماعدا 4 مواد وكانت الماده الرابعه فرق 6 درجات وانجح للسنه الثالثه لكن العميده استقعدت لي لما عملت تظلم قالت لا طي قيد ومانفع كلام دكتوراتي معها انهم يعرفوني شاطره والخ واصرت على طي قيدي وأذكر في مادة الشعر جيت الصباح الكليه قالوا لي زميلاتي اش تذاكرين ذا للانتظام مو الانتساب لما كان الانتظام يختلف عن الانتساب وكنت قد شريت الملزمه بالخطأ من المكتبه


المهم جلست بالبيت الى ان سمعت بجامعة الملك فيصل تعليم عن بعد والحمدلله هذا انا معدلي مايقل عن 4 ونص وسأنتقل بإذن الله للمستوى الخامس



وقدر الله وماشاء فعل

ودايما اقول ال6 درجات اللي نقصتني عن النجاح خيييييييييييييييييييير ه لي لا اعلم حكمتها :004:

والحمدلله

فضيل 2012- 6- 1 04:04 PM
رد: الحكاية مع التعليم ( كل واحد يقول )
 
حكايات تكسر القلب :icon9:

لي عودة للرد

نورةالقصيم 2012- 6- 1 04:38 PM
رد: الحكاية مع التعليم ( كل واحد يقول )
 
بقول لك شي

التعليم عندنا صحيح انه فيه بعض المدرسين وهم قله الذين لا يخافون الله في الطلبه
بس بالمقابل المدرسين الممتازين كثر ولله الحمد لذالك اخوي واصل ولا يردك احد
وبعدين اكره شيء عندي اللي يقول عمري مايسمح

يااخي الانسان يتعلم لحد ما يتوفاه الله بغض النظر عن العمر واصل اخوي وفالك التوفيق :oao:

Another day 2012- 6- 1 05:09 PM
رد: الحكاية مع التعليم ( كل واحد يقول )
 
حتى لو ابي ادرس الحين (اخجل) لأني كبير شوي عمري فوق ال 35 ولكن عندي طموح!

توني انتبه للجمله هذي يعني ايش عمرك كبير من اي ناحيه ..الاستيعاب والا المذاكره؟انت قلت عندك اهم مقوم الطموح..وبعدين عمرك مو كبير ((اطبوا العلم من المهد الى اللحد)) ما شوف انذكر عمر بالتوفيق

فضيل 2012- 6- 1 07:14 PM
رد: الحكاية مع التعليم ( كل واحد يقول )
 
اقتباس:
المشاركة الأصلية كتبت بواسطة Another day (المشاركة 6694203)
حتى لو ابي ادرس الحين (اخجل) لأني كبير شوي عمري فوق ال 35 ولكن عندي طموح!

توني انتبه للجمله هذي يعني ايش عمرك كبير من اي ناحيه ..الاستيعاب والا المذاكره؟انت قلت عندك اهم مقوم الطموح..وبعدين عمرك مو كبير ((اطبوا العلم من المهد الى اللحد)) ما شوف انذكر عمر بالتوفيق
ايوا، بالعمر هذا ادرس في فصول؟ ( شكلي دكتور) :biggrin:

Another day 2012- 6- 1 07:28 PM
رد: الحكاية مع التعليم ( كل واحد يقول )
 
اقتباس:
المشاركة الأصلية كتبت بواسطة فضيل (المشاركة 6694815)
ايوا، بالعمر هذا ادرس في فصول؟ ( شكلي دكتور) :biggrin:
لاتحرم نفسك من شي لاعذار تافهه والسن عمره ما كان عقبه ..العقبه التردد والاحباط ..وانت فعلا دكتوور:(204):

Nكش ملكN 2012- 6- 1 08:15 PM
رد: الحكاية مع التعليم ( كل واحد يقول )
 
مشاء الله
والله انكم بقصصكم هذه تعطون الواحد امل ربي يوفقكم ويوفقنا
انا قصتي مشابهه لقصصكم يجمعها الطموح
انا تخرجت من الثانوي بنسبه ممتازه لاكن انجبرت اتوظف مع اني كنت ابي اواصل دراستي الجامعيه
وتوظفت ولله الحمد وبديت منتسب بجامعة الامام تخصص لغه عربيه وانهيت مستويين لاكن بعدها رفض مديري في العمل عن اكمال دراستي ثم توقفت لين نقلوه من عندي الله لايوفقه:biggrin:
بعدها رحت وانتسبت بجامعة الملك عبد العزيز تخصص لغه عربيه وكان المدير الجديد رافض بعد اكمال دراستي وواصلت دون علمه على حساب اجازاتي الاعتياديه والعرضيه ولما وصلت المستوى الثالث اكتشف حركات نص الكم على قولته يعني عرف با امر دراستي وصار كل ما جاء الاختبار وقدمت عليه اجازه رفض بحجة ظروف العمل ماتسمح قلت بسيطه مصيرك بيجي يوم وتفارقني انت وخشتك مثل اللي قبل مالي الا انتظر :biggrin:
وفعلا انتظرت 5 سنوت لين احالوه للتقاعد مريته بمكتبه وقلت مواصل مواصل الدراسه الله لايعوق بشر:biggrin:
جاء مدير جديد وقدمت عليه ابي موافقه ادرس ورفض مثل اللي قبله بعد:icon9:
سمعت عن جامعة الملك فيصل وان اختباراتها مسائيه وتقدر تختبر في اي مكان وقدمت عليهم والحمد لله انقبلت .
عدى المستوى اول وانا اداوم واختبر وربي يسترها لين اتخرج وبمشئة الله ماراح اترك الدراسه حتى لو اظطريت اني اكملها بعد ما اتقاعد:119:
والف شكر اخوي فضيل على موضوعك الرائع:rose:

W A R D 2012- 6- 1 08:25 PM
رد: الحكاية مع التعليم ( كل واحد يقول )
 
:Cry111:
يالله قصتي مع الدراسه و لا شي عند قصصكم
حمــستوني أكمل و لا أفكر باللي راح
المهم لا تحزنوا على إللي راح
صفحه أطووها و أنسوها باللي فيها
لأن اليوم إللي راح بكل بساطه مستحيل يرجع
فلا تتعبوا نفسياتكم على شي إنتهى
يعجبني طموحكم رغم كل الظروف ما شاء الله تبارك الله
كملوا دراستكم إن شاء لله للدكتوراه
ربي يوفقكم و يسهل عليكم كل صعععب
:106:

أمل النور 2012- 6- 1 08:27 PM
رد: الحكاية مع التعليم ( كل واحد يقول )
 
اختياري لتخصص ماني قدة خلاني اتاخر في ادراسة. بس تحقق حلمي لمافتحوا الانتساب
اتمنى ادرس واكمل ماستر وهذا كلة بسب كم سنة الاتاخرتها في حياتي الدراسية خلت عندي
حافز للوصول الي القمة وعلى فكرة مسيرتك الدراسية تشبهني

ورده.. 2012- 6- 1 08:41 PM
رد: الحكاية مع التعليم ( كل واحد يقول )
 
اهنيكم كثييييييييييييير على هالطموح اللي عندكم ويارب كلكم تتخرجون بمعدلات ترضيكم وتحسون بحلاة التعب كل هالسنين
انا وحده معاناه
انا كاني كنت اعقب على التخصصات
اول ما تخرجت من الثانويه قدمت على الجامعه على اساس تربيه خاصه والوالده مو راضيه تبغى اسجل انقليزي بس انا مشيت على هواي لاني احب شي اسمه انقليزي
قدمت على الجامعه والقهر ان في وحده جابوها وحطوها مكاني يعني شالوا اسمي من الكمبيوتر وحطوا الاخت مكاني وقالوا لي لا ما انقبلتي وحصل خطا وما ادري ايش
ولا والقهر ان الاخت جايبه مقبول بغيت انجلط بس زمن الواسطه
عاد ذيك السنه كثير انقبلوا بعدين قلبوا عليهم وقالوا لا ما انقبلتوا حتى اذكر العالم اشتكت في الجرايد وسوا لهم تعويض وفتحوا مجال للتسجيل مره ثانيه
عاد لحقت على التسجيل مره ثانيه وسجلت حاسب الي دبلوم وقلت شي احسن من لا شي
المهم درست دبلوم سنتين وبعدها تخرجت جيت بكمل في الجامعه قالوا النجار رافض اللي من كليه يكمل
قلت الله لا يعوق بشر مو لازم
بعد دخلت الجامعه المفتوحه ادراة اعمال ودرست ترم وما عجبني الوضع وطلعت والدراسه في الجامعه المفتوحه صعبه كثير
وسمعت عن الانتساب قلت مع الخيل يا شقرا ما راح اخسر شي وقدمت والحمد لله انقبلت طبعا بعد ما عفنت بالبيت 6 شهور
الحمد لله الحين مبسوطه ومريحه واموري تمام
الشي الغريب في هالسالفه كلها اني لما سجلت اول مره تربيه خاصه كانت الوالده تبغاني ادخل انقليزي وسبحان الله الله ما وفقني ولما جيت بسجل انتساب قالت لي امي ادخلي تربيه الكل يمدحها مع اني كنت ناويه انقليزي على حسب رغبتها الاولى ولما سمعت شورها انقبلت ولا صرت ادرس فري بعد ومبسوطه واموري تمام التمام ويارب دوم
صدق ان الله يوفق من يمشي على شور امه
وهذي سالفتي ومدري بعد ما اتخرج وش بدرس بس اكيد بلقى لي شغله ادرسها>>اقولكم معقبه على التخصصات في التعليم :(204):

فضيل 2012- 6- 1 11:18 PM
رد: الحكاية مع التعليم ( كل واحد يقول )
 
اقتباس:
المشاركة الأصلية كتبت بواسطة هنـــاء (المشاركة 6690239)
انا دررست سنتين:58545: لغه عربيه انتساب في كلية التربيه :(269)::(269):

بعدين تركتها:cheese: طفشت اصوم طوول السنه واجي افطرر على اختبار دسسسم :Cry111:

والقسم ماكنت مقتنعه فيه وبسس :biggrin:
هي هذه المشكلة, إن الواحد يدرس شي مايبيه! تنحل ف المستقبل انشاء الله!!
اقتباس:
المشاركة الأصلية كتبت بواسطة ندوووشا (المشاركة 6690302)
حلووو الوااحد يكون عنده طمووووح:004::004::004::004:

انا تزووجت قبل ما اكمل الثانوي واصرار زوجي واهلي اني اكمل وانا رافضه الفكره

بس كملت لعيووونهم:biggrin: وماصدقت اكملها ياااااااااازين الجامعه ونظامها جنب الثانوي

اول سنه لي درستها دخلت اختبار الفصل الاول والفصل الثااني حلفت ماااروح وندمت صراحه

بعدها جبت نسبه مره حلوه الحمدلله
دخلت الجامعه انتظام دااومت يومين بس وبطلت ماناسبني الوضع مع البيت ابدا
تركتها وسجلت بجامعة الملك فيصل وان شاء الله اواااصل لان الواحد مايعرف قيمه الدراسه الا اذا كبر ويندم انه ماواصل تعليمه:004::004:

شكرااا ع الموووضووع:rose:
قصة طموحة! لكن حرام ماكملتي انظام (هنا مو قد كذا) بس ما دامك انجليزي اكيد تتوظفي خصوصاً انهم بيخلونها ف الابتدائية على ما اعتقد(من رابع) عندهم انقلش . موفقة وتعويضين!
اقتباس:
المشاركة الأصلية كتبت بواسطة ❤ Ρąŧćħį ..} (المشاركة 6690359)
السلآم عليكم ورحمة الله وبركاته

بالنسبة لي

أنا درست سنة كاملة تحضيري بعد ماخلصت الثانوية وجبت معدل الحمدلله كويس

وقبلوني معلمة صفوف أولية بجامعة الاميره نوره بنت عبدالرحمن بالرياض,,:004:

جتني ظروف لآزم احول أنتساب طبعاً جآمعتنا مافيها انتساب حاولت يمين يسار لآن مابي سنه كاملة تروح عالفاضي

رفضوا,,<<~ هنآ التحطيم:(177): ,,بعدها اخوي قرى اعلان بالجريدة عن الجامعةة وكلمني وعطاني خبر,,ترددت بالبدآيةة

جا موعد التقديم ورحت سحبت اوراقي وسجلـت,,

بس بصرآحةة انا اشوف جامعة الملك فيصل متعااونه جداً جداً

بعكس ماكنت انتظاام غير الدواام اصحى من الفجر ولاعاد ارجع البيت الا عالمغرب

يعني كرررف,,
والحمدلله اولاً أوخيراً وان شاء الله يكون تسجيلي بهالجامعه خيرة صحيح اني ندمت بالبدآيةة لما حوولتَ آنتسآبَ

لكنَ:

{عسى أن تكرهو شيئاً وهو خيراً لكم}

شككراً أخي الكريم عالموضوع , وأعتذر عن الآطآلةة :rose:

تقبل مروريَ..
قصة حلوه, ولكن ما احسن من الانتظام (الانتساب حيلة العاجز والكبير) لكن موفقه وتعوضينها انشاء الله بعدين ببكلوريوس ثاني..
اقتباس:
المشاركة الأصلية كتبت بواسطة DALAL99 (المشاركة 6690386)
ماشاء الله عليكم والله قصص ترفع الراس
متى يجي اليوم اللي أتخرج فيه بيصير عندي 2 بكالوريس :33_asmilies-com: ماعرفت أكتبها الا كذا :hahahahahah:

لكل مجتهد نصيب وعقبااال البقية ي رب :004::004:
عادي, لو 5 بكلوريوس عادي... شوفي انا راح اكمل الى النهاية :biggrin:
اقتباس:
المشاركة الأصلية كتبت بواسطة ليت الحلم يتحقق (المشاركة 6690465)
آآآآآآآآه قلبت علي المواجع :bawling::bawling:
انا قصتي فلم هندي ....تخرجت من الثانوية علمي بتفوق وكان حلمي أسجل كيمياء وسجلت لكن تصدقون ماقبلوني تدرون ليه؟؟؟؟ لان ابوي متوفي وعقد الايجار اللي جبته مو بإسم والدي علما بانه بإسم ولي أمري... وكمان ما أخذت الثانوية من نفس المنطقة>>>شوفوا النظام عندنا كيف يقللون من ضغط الكلية على حسابي انا >>التكافل الاجتماعي عندنا:(269):بعدين اخذت لي كورس وبعد سنه سجلت في كلية ثانية قسم إنجليزي وإنقبلت >>لكن تبون الصراحة النفسية لها دور وتفرق إذا دخلت وانت لسا فيك حماس الدراسة وبعد سنتين حصلت لي ظروف واظطريت اني اتركها حتى سمعت عن جامعة الملك فيصل وسجلت فيها >>عسى ان احقق حلمي..... وعذرا ع الاطالة:106::106:
الأخت الكريم, نفس وضعي كنت ادرس فيزياء, مافي أحسن من الواحد يدرس اللي يرغبه (مو غصب عليه )! اتمنى لك حياة علمية موفقة وتخلصين انجليزي وحتى كيمياء في المستقبل!
لأنك بعدك صغير والعمر قدامك..اتمنى لك التوفيق!!
اقتباس:
المشاركة الأصلية كتبت بواسطة احلام الحياه (المشاركة 6690776)
:bawling::bawling::bawling::bawling:

ذكرتني بقصتي مع الدراسه تعبت الى وصلت هنا تحديت ظروفي وكل اللي حوالي

سجلت في اول جامعه وكنت انتظام ماعجبني القسم اللي التحقت فيه وحصلت لي ظروف وتركتها

سجلت انتساب في كليه ثانيه وطلعت منها اجباري وان شاء الله انها خيره لان القسم اللي دخلته :(177):

وبعدين سجلت في كلية المجتمع وتم قبولي قسم حاسب الي وللاسف خيرت بين امرين اضطريت اختار ترك الدراسه

سجلت في كليه في جده ولم يتم قبولي :sm18:

وبعدين لقيت جامعة الملك فيصل وسجلت وكنت متأكده 100% اني ماراح انقبل وكنت حاسه ان مالي في الدراسه نصيب بعد جميع مغامراتي السابقه :Looking_anim:تفاجأت من الرساله عالجوال وهي تم قبولك :53::004::004:
وهنا كانت فرحتي لاتوصف

الفضل الاول والاخير لرب العالمين فبعد ان كنت اقول اكيد بعد هذي التجارب كلها مالي نصيب في الدراسه
الان عديت ربع المشوار
اللهم لك الحمد حتى ترضى ولك الحمد اذا رضيت ولك الحمد بعد الرضا:rose::004:

فضيل قلبت علينا المواجع:sm18:
قصة طويلة!! الله يعين على المواجع!! لكن كويس الواحد يحس انه نجح اخيراً في البقاء في المكان الذي كان لا يوفق فيه دائماً,, بالنسبة ان جامعة الملك فيصل قبلتك انتساب(هم أول ما فتحوا كانوا يقبلون بأي نسبة ) (ادفع وخلاص) هههههههه ,,, قصتك طويلة وكلها اوجاع لكن الدنيا كذا.. لكن انشاء الله احنا مقبلين على جامعات جديدة واذا خلصتي من هنا واتوظفتي,, عادلي المواد اللي هنا وكملي التخصص اللي ترغبينه.. يمكن حتى انا اسوي كذا!!
اقتباس:
المشاركة الأصلية كتبت بواسطة آلمستشآر (المشاركة 6690868)
آنآ حكآآآية حكآآآيه آو مآ تخرجت من آلثآآآنوووي جتني عرووض عسكريه يعني آدخل كليه عسكريه ,واصير ظآبط بحكم عآئلتي آغلبهم ظآبط من آلوآلد وآعمآآمي لحد آصغر وآحد في آلعآآئله >>> لؤاء كآمل مآشآء آلله :biggrin:،، وآنآ من صغري آكره شي عندي آلعسكريه مآ آدري ليه هووايتي أحب آلتجآآره وآلآعمآل آلآدآريه وعند شغف بالحاسب وآلكترونيآآت فك تركيب تخريب ،، آلمهم بعد كل هآلعرووض قررت آرفضهآ وآدخل معهد آلأدآره وأختآر برمجة حآسب وبعدهآ تخرجت ولله الحمد وجآني عرض حلوو من شركة ووافقت وجلست سنتين فيهآ بديت افكر في الجامعه وتكملتها التحقت بالملك عبدالعزيز وكنت ابي اداره انقبلت انتساب وجلست سنه وجتني ظروف وسافرت خارج المملكه واجلت الدراسه في الجااامعه ،، فقرت اكمل بشهادة معهد الاداره بس كانت رغبتي انه اغير تخصصي وللاسف المعااادله حقت الشهاده بتخليني ادرس 3 سنوات ورفضت الفكره كامله ورجعت بعد سنه تقريبا ،، والتحقت بوظيفتي الحاليه ،، احس اني مجنوون شي اسمه دراسه ودورات يعني ما فيه دوره اقيمة سواء اسبوع او شهر طفشو من الغرفه التجاريه بال شرقيه والان الرياض الا والتحقت فيها لسبب انه عندي قنآآعه ان العلم ما يوووقف عن عمر معين ،،
لدرجه أن وآحد من الشباب يضحك عليه يقوول راح عمرك وانت تدرس :) :biggrin:

آلشآهد في آلمووضوع عمر العمر ما كآن قآصر ع فئه معينه وآلدليل آغلب الدكآتره في آلعآآلم مأ حصلو ع آلمآجستير وآلدكتورآه آلآ بعد سن 50 سنه ،، حدد رغبتك وطمووحك والهدف اللى تبي تووصل له
وكل آلآمور وآرآء آلنآآس لأ تهم ــ آلآهم آنه احققق حلمي وهدفي آلوحيد آلآن آكمل آلجآمعه وبعدهآ آلمآستر وآلدكتورهآ أن آلله كتب لي عمر

وربي يوووفق آلجميع
الأخ المستشار, ما شالله مكافح انت الله يوفقك.. أنا مثلك ودي ادرس لكن قلت اكمل التقاعد المبكر.. وأخذ شهادة من هنا ويمكن اكمل برا ولو إني شوي كبير واخاف انها ماهي زينه ادرس مع طلبه صغار في امريكا مثلاً... من ناحيتك انصحك تدرس برا ولا تستعجل ترى اللغه ما يبي لها إلا سنتين على الأقل والجامعة, تجلس فيها والدكتور يتكلم وخلاص (مافي داعي تتكلم) المهم مادامك تعشق العلم ليش ما تشوف لك تخصص حاسب هناك (صدقني انا الحين اذكر امريكا مثل الجنة استغفر الله ) السفر جميل وانصحك فيه (وتراني حتى الدخان ماادخن وعاقل) لكن السفر خبرة تبقى معك طول العمر.. بالتوفيق (نسيت اقولك تخصص ادارة اعمال تافه هناك وسهل وحتى تقدر تخلي مدرسين خصوصيين يساعدونك (المصارية موجودين هناك)
اقتباس:
المشاركة الأصلية كتبت بواسطة عيون ALmaha (المشاركة 6690943)
قبل اي شي .. الله يعطيك طولة العمر والصحة والعافية اخوي فيصل


قصتي غريبة شوي ..



عندي طموح ورغبة في الحصول على شهادة بكالوريوس لكن حالت ظروف صحية بيني وبين حلمي ومضت السنين و توظفت بعدين بديت احس ان العالم تترقى و يتحسن و ضعهم وانا مكانك سر

كنا في رمضان وكنت في المطبخ اجهز الفطور .. فجأة طاحت بيدي الجريدة وفيها خبر التعليم عن بعد في جامعة الملك فيصل.. اخذت الجريدة ودخلتها الدرج لين اخلص من المطبخ ..

بعدين قررت التسجيل بس ادري اهلي بيعارضون من باب ما انتي محتاجة :tongue: وش اسوي .. :(107):وش اسوي .. فكرت ثم فكرت ثم فكرت ... :(269):الين الله هداني لفكرة ( الكذب من اجل الطموح ):53:

وفعلا ارسلت اوراقي بدون علم احد :wink: و بعد ما وصلتني رسالة القبول قلت لبابا وانا متوترة :
بابا بقولك شيء ..:mh12: ما انسى نظرته من فوق النظره .. كنه يقول اخلصي وش مسوية ..:cheese:

بلعت ريقي .. بابا قدمت ابتعاث داخلي للجامعة وجاني قبول



لحظة صمت




بابا: الله يهديك يا بنتي شلون توفقين بين الدوام والدراسة وصحتك .. قطعت عليه الكلام قلت طيب عندي طموح بعدين كل اخواني معهم شهادات عليا الا انا .. حن علي فديته:004: قال الله يوفقك

وبس :106:

:g2:
قصة مميزة, واصلاً ابوك ما يعارض لأن الدراسة من البيت (مريحة) المهم انصحك انصحك بالدراسة
انا لي سنوات طويلة ولا زاد راتبي, عملي مريح لكن مكانك سر (مثل قولتك) انصحك والله يوفقك!
اقتباس:
المشاركة الأصلية كتبت بواسطة شمالي بطل (المشاركة 6690987)
كنت وكنت وكنت
لكن ااااااااااه من كنت
نسأل الله الجنه
كنت ابغى اصير طبيب تشريح
كنت ابغى اصير مدرس لغه إيطاليه
لكن ماجت على الكيف

:icon9: I almost Cry
Those days has gone into unkown
Olden Days i Remember them As a Dream
تقدر, اخوي تسوي اللي تبيه( انا عندك درست هنا لا لشي إلأ إذا سجلت في جامعة ثانية وقالولي انت كبير, أقول عندي بكلوريوس (وفيه ممتاز) على الأقل عذر.. انصحك الدنيا تغيرت. كثير
الحين الشباب مالقو عمل (والعجايز مدراء بالابتدائي) وحتى لو لقو عمل يكون تافه و متجمد..
انصحك بالطموح, شفني أول ترم حامل كم مادة والحين معدلي 4 وناوي اخليه فوق ال 4 شوي!
اقتباس:
المشاركة الأصلية كتبت بواسطة Misoo (المشاركة 6691016)
انا تخرجت من الثانوي بنسبه حلوة المهم دخلت كليه التربيه تخصص رياضيات المهم يوم وصلت سنه ثالثه بشق الانفس مع دكاترتنا الحلوين و نظام الكليه اللي مره يرريح ومايخليك تحاتي ابد
الامهم صارت لي مشكله مع رئيسه القسم و الاداراه و انفصلت بحاجه انا مالي دخل فيها ابداً
جلست بالبيت ما اقولكم انقهرت وتضايقت بس قلت يابنت ماراح تستسلمين دخلت معهد للغه 6 شهور وبعدها تزوجت وجلست فتره ورجعت دخلت معهد برضوا ست شهور كنت ابي اطور من نفسي
المهم و وحدة من صاحباتي ربي يجزاها الف خير قالت لي عن التعليم عن بعد و استخرت ربي ليله التسجيل وسجلت والحمدلله كل شي تسهل

طبعا طموحي اخذ الماستر و باذن الله راح احققه :(204):
حرام, رياضيات و تحولين انتساب! المهم اختي انتي صغيرة وانشاالله يكون عندك اكثر من شهادة وحسبي الله على من كان سبب فصلك (تصير كثير دكاترة ما يترصدون) معروفه:(177): بالتوفيق وعقبال الدكتوراة:d5:
اقتباس:
المشاركة الأصلية كتبت بواسطة مشاعر صادقة (المشاركة 6691174)
صباحكم رضا
آه من الأحلام لكن ماأجملها لو تحقق ولو جزء منها
كنت أحلم أن اكون طبيبة أطفال ولكن تزوجت قبل الأنتهاء من دراستي بالثانوية أكملت دراستي ولظروف المنطقة التي اعيش بها سابقا لم استطع أكمال دراستي الجامعية ولكن الحلم لم يغيب عني قط حاولت اشباع رغبتي بالتعلم في حضور العديد من الدورات وعملت وتفوقت في عملي في مجال رياض الأطفال ولكن كل هذا لم يشبع طموحي قرأت كتاب السر وقرأت تعليقات عديدة تزامنت مع أنتشار الكتاب وزادت ثقتي بحديث رسولنا الكريم ( أنا عند حسن ظن عبدي بي فليظن عبدي بي مايشاء ) كتبت في ورقة
( الشهادة الجامعية )
وقمت بتعليقها في غرفتي وكلما قرأتها أشعر بالسعادة وفي يوم كنت اقرأ الجريدة وشاهدت الأعلان قدمت وسخر لي رب العباد القبول درست وسانتقل باذن الله للمستوى السادس علم اجتماع ولن يقف طموحي هنا باذن الله
أعتذر على الإطالة ويارب حقق للكل مايتمننون :rose: شكرا على فكرة الموضوع
آه لو كملتي طبية اطفال(بدرياتك),, يمكن خيرة.. الله يوفقك اختي ولكن الدورات لاتغني عنا لجامعة,, ويمكن تكملين في المستقبل طب.. العمر طويل :d5:
اقتباس:
المشاركة الأصلية كتبت بواسطة تخطيت السحاب (المشاركة 6691365)
موضوع قميل ... قميل ... قميل

الله يعطيك العافيه اخوي فضيل عالموضوع الرااااائع
هيضت شجوووني

ابي اقولكم قصتي

تخرجت من الثانوي اكالسنة ( ذلك العام )
وسجلت في جامعة الملك سعود وكنت ابي انقلش طلع اسمي كلية الاداب قسم جفرافيا
ماحضرت ولا محاضرة سنه وانا اسمي في الجامعة على غير سنع
بالاخير سحبت ملفي وتوظف وجلعت فترة كانت فكرة الدارسة لازالت عالقة في راسي
انا مادري ليش هالنظام لازم يرغمونك تسجل على فيفهم هم ماهو على كيفك انت سبحان الله العظيم

المهم سمعت عن جامعة الامام قدمت عليها وشفت شروطهم مااعجبتني
ترم تحضيري اذا رسبت فيه تعيد تعيد الترم مرة اخرى
مشيت وتركتهم

سمعت عن جامعة الملك عبدالعزيز
لكن ماتحمست لها المكان بعيد انا بالرياض
جاء واحد من الشباب وقال انه يبي يسجل فيها
بصراحة الان تحمست لها

في تلك الليلة كنت ابحر على قولتهم في بحر النت
دخلت هالملتقى الله يسعده من ملتقى
وشفت ردود الطلبة ومواضيعهم

بس جلست فترة وانا تراودني الفكرة
ثم شاورت من عندي
قالوا سجل يارجل احسن لك
يعني بس يبيلي دفعة خفيفة ثم انطلق
المهم سجلت وكنت خايف مااقبل لغة انجليزية
بس الحمد لله تم قبولي بهذا التخصص الجميل
لاحد يلومني بهالتخصص
لاني بصراحة سافرت لجنوب شرق اسيا وحصلت كل العالم تتحدث انقلش
بصراحة تستصغر نفسك ليس الا ان الناس تتفاهم مع بعض وانت مثل الدجاجة الصقعاء ماتدري وش يبربرون
ان شاء الله نواصل المشوار ونحصل على الشهادة الجامعية بمعدل لايقل ان شاء الله عن ممتاز


اخوي فضيل ( كبر العمر ) ليس عقبة تحمي بها
لالالالا

قصة واحد من التابعين رحمه الله تعالى ومن كبار علمائهم

وصل عمره 40 سنة
وجاء مرة الى احد المشائخ واخبره بقصته
انه كان في الشتاء وكان جنب وليس لديه ماء ساخن
فقام واستحم بماء بارد كاد ان يموت من البرد
فقال له الشيخ : لماذا لم تتعفر ( تتيمم )
قال لا اعلم
ثم قام من عند الشيخ
ودرس وتعلم وعمره فوق 40 سنة وصار من كبار علماء التابعين ( نسيت اسمه )

لاتدعون العمر والمشاغل حجر عثرة في طريقنا وطريق تعلمنا

الله يسعد جامعة الملك فيصل اللي فتحت الانتساب المطور

شكرا
واسف عالاطاللة
اخوي تخطيت السحاب, انت ماعندك مشكلة ما دامك كنت راغب انقليزي و درست هنا انقليزي لأن الجامعة هذه أقوى جامعة في البلد ف الانقلش.. لكن ودي إنك كنت انتظام (مافي أحسن من الإنتظام, أقوووووى بألف مرة!! على العموم الانجليزي وظائفه مضمونه.

المهم شكراً على نصحيتي وشجعتني ادرس برا, وأفكر أروح ماليزيا , من ناحية بلد اسلامي ومن ناحية أخرى (أكيد أحصل كبار هناك يدرسون) ههههههه شكرا اخوي على النصيحة بالتوفيق!.
اقتباس:
المشاركة الأصلية كتبت بواسطة تخطيت السحاب (المشاركة 6691411)
ماشاء الله عليك يااحلام الحياة
مافيه جامعة الا سجلتي فيها
الله يعينك يارب
اقتباس:
المشاركة الأصلية كتبت بواسطة AL-Maram (المشاركة 6691461)
انا جبت معدل97 بلثانويه(ماشاء الله علي)‏‎:p‎
وماما تأملت فيني ادخل طب
بس اوضاع ديرتي ماتسمح اروح لها من المظاهرات والخ
وبحكم اني مو سعوديه ماقدرت اسجل بلكليات الحكوميه اللي ممكن توفر لي التخصص اللي ابيه
وأخيرا سجلت هنا
‏(ماما أختارت تخصصي وقالت يابنتي دشي عنقليزي وتوكلت ع الله ودشيته)
صج بلبداية تضايقت اني انتساب وربعي اللي اقل مني بلنسبه انتظام
بس مع الوقت ومع هاد المنتدى
حبيت جامعتي ومستانسه فيها‎:)‎
وماصار يهمني كلام ربعي لما يقولون ليييييييييه انتساب<< أكره نبرة صوتهم بهي الكلمه>>>

والحمد لله اولا وأخير وعلى كل حال

وبتخصص مافكرت فيه ولامره بحياتي
والله حرام نسبة 97 وتدخلين انتساب حرام كثيرر.. وبعدين ليش امك تختار لك التخصص؟وليش انتي تبغين الطب؟؟ روحي التخصص اللي ترغبينه (يعني انقليزي انتظام) فكري في امورك زين وحتى لو كملتي انتساب (لازم مرتبة شرف) مادامك كذا قويه ف الدراسة! وبعدين اذا ناوية تدرسي مرة ثانية بيخلونك علشان نسبتك عالية.. الله يوفقك (انتي من الأواءل) حاولي تفكري في وضعك ومستقبلك زين !!!
اقتباس:
المشاركة الأصلية كتبت بواسطة أمل سيتحقق (المشاركة 6691503)
تزوجت بعد ثاني ثانوي
ودرست ترم واحد من ثالث وبطلت بسبب الحمل وعمايله
وبعد سنتين قدمت منازل واختبرت كم يوم ومرضت بنتي وتركت الاختبارات
بعد خمس سنوات قدمت من جديد منازل وكملت ثالث وباصرار وجبت درجة حلوة
وقبل العام اختبرت قدرات وقدمت انتظام وكانت فرحتي كبيرة
وطموحي اكبر
ودخلت تخصص نظم معلومات وكانت سنة تحضيرية
وكله انقلش وماخلص الا العصر
اخذت شهر وتركته وكانت حسرةفي قلبي
ماقدرت اكمل مع بيتي واطفالي
وقدمت في. جامعة فيصل ويارب لك الحمد نظام رائع
والله فرصتك في (المعلومات) افضل بكثير.. وحتى بنتك لو جبتي لها مربية مسلمة تثقين بها!
على العموم.. قصتك مع الدراسة مميزة جداً,, وأذكر المنازل كان صعب لأن الواحد منقطع عن الدراسة ويدرس شي من غير شرح!! آه بس لو كملتي (الله يسهلك الدراسة الجامعية) في المستقبل مافي شي مستحيل!
اقتباس:
المشاركة الأصلية كتبت بواسطة Another day (المشاركة 6692006)
Did you want to become an Italian language teacher ? Is that mean you have another language?
.why you upset?you may find another hopes .AS I said before just be Optimistic
اقتباس:
المشاركة الأصلية كتبت بواسطة تخطيت السحاب (المشاركة 6693009)
حكايات عالمية
اقتباس:
المشاركة الأصلية كتبت بواسطة beautifull mind (المشاركة 6693789)
اهلا

شكرا فضيل ع الموضوع الحلو


بصراحه قريت قصصكم واستمتعت فيها شدتني بقوه وذكرتني بنفسي


أنا بصراحه طول عمري احب العلم وكانت امنيتي اكون معلمه من وانا بصف ثاني ابتدائي ولما تقدمت بمراحلي الدراسيه كنت اذاكر لاخواني واخواتي الصغار من الظهر لين الساعه 8 بالليل شرح قواعد ورياضيا وتحفيظ مواد الدين وعلوم واعمال فنيه ماتخلص والتفصيل والخياطه حق اختي اللي طلع عيوننا

المهم الحمدلله كان الشيء ذا كل حياتي وكل سوالفي دايما عن المذاكره والاعمال الفنيه


وتخرجت من الثانوي بنسبة 98 % ولله الحمد وكنت اموت في الانجليزي وباستاذة الانجليزي

المهم التحقت بكلية التربيه بالرياض بالملز واكثر كانت تدرسنا وحده تركيه ووحده سعوديه عايشه طول عمرها بأمريكا شكلها ابدا مو سعوديه وبالسنه الاول نجحت بتقدير ممتاز وكانت المنافسه قويه بيني وبين زميلاتي اللي الحين ماشاء الله معلمات ومتخرجات بمرتبة الشرف وكنا ندرس مواد تخصص من اول سنه شعر ونثر وقواعد وصوتيات ومقال وماده عربيه وماده دينيه


المهم في الإجازه تزوجت ولما فتحت الكليه ماقدرت اكمل انتظام فحولت انتساب


وسبحان الله مدري اش اللي صار كأنه عين

تصدقون كان علي اختبار ومافتحت الماده مرررررررررررره اذكر كنت سهرانه ع التلفزيون مدري اش اللي جاني زي الوهم بالإضافه لحملي

بعدها حملت 7 مواد


وبقيت للإعاده في السنه الثانيه وقالوا لي أذا رسبتي في 3 مواد مو مشكله تنتقلين للمرحله الثالثه المهم وتحملينهم معاك

أما إذا رسبتي في 4 مواد طي قيد برررررررررررررى


المهم شديت حيلي ونجحت بكل مواد السنه الثانيه ماعدا 4 مواد وكانت الماده الرابعه فرق 6 درجات وانجح للسنه الثالثه لكن العميده استقعدت لي لما عملت تظلم قالت لا طي قيد ومانفع كلام دكتوراتي معها انهم يعرفوني شاطره والخ واصرت على طي قيدي وأذكر في مادة الشعر جيت الصباح الكليه قالوا لي زميلاتي اش تذاكرين ذا للانتظام مو الانتساب لما كان الانتظام يختلف عن الانتساب وكنت قد شريت الملزمه بالخطأ من المكتبه


المهم جلست بالبيت الى ان سمعت بجامعة الملك فيصل تعليم عن بعد والحمدلله هذا انا معدلي مايقل عن 4 ونص وسأنتقل بإذن الله للمستوى الخامس



وقدر الله وماشاء فعل

ودايما اقول ال6 درجات اللي نقصتني عن النجاح خيييييييييييييييييييير ه لي لا اعلم حكمتها :004:

والحمدلله
98, وتصير انتساب!! على فكرة طيب القيد موو عيب حتى انا صار لي لأن كان عندي ظروف العمل ولكنت اعرف قوانين الجامعة.. المهم انتي من الأوائل وتصير انتساب حرام (مع انك يمكن تتخرجي بمرتبة الشرف العليا) وهذا كويس (على العموم انتم صغار والمستقبل قدامكم) وانشالله بكرة يفتحون جامعات جديدة وحتى تسوقو سيارات:biggrin: (بضوابط شرعية) الله يوفق!
مرة ثانية(مادامك قوية ف الدراسة.. حاولي تكملي بكلوريس ثاني انتظام) ولد عمي عنده 2 بكلوريوس ومرتاح ف العمل...:d5:
اقتباس:
المشاركة الأصلية كتبت بواسطة نورةالقصيم (المشاركة 6694025)
بقول لك شي

التعليم عندنا صحيح انه فيه بعض المدرسين وهم قله الذين لا يخافون الله في الطلبه
بس بالمقابل المدرسين الممتازين كثر ولله الحمد لذالك اخوي واصل ولا يردك احد
وبعدين اكره شيء عندي اللي يقول عمري مايسمح

يااخي الانسان يتعلم لحد ما يتوفاه الله بغض النظر عن العمر واصل اخوي وفالك التوفيق :oao:
شكراً ع النصيحة, بس اخاف ادرس برا ويكون شكلي مو كويس (شكلي دكتور ههه) الله يعيين!
اقتباس:
المشاركة الأصلية كتبت بواسطة Another day (المشاركة 6694884)
لاتحرم نفسك من شي لاعذار تافهه والسن عمره ما كان عقبه ..العقبه التردد والاحباط ..وانت فعلا دكتوور:(204):
أفكر!! شكراً ع النصيحة!!
اقتباس:
المشاركة الأصلية كتبت بواسطة Nكش ملكN (المشاركة 6695124)
مشاء الله
والله انكم بقصصكم هذه تعطون الواحد امل ربي يوفقكم ويوفقنا
انا قصتي مشابهه لقصصكم يجمعها الطموح
انا تخرجت من الثانوي بنسبه ممتازه لاكن انجبرت اتوظف مع اني كنت ابي اواصل دراستي الجامعيه
وتوظفت ولله الحمد وبديت منتسب بجامعة الامام تخصص لغه عربيه وانهيت مستويين لاكن بعدها رفض مديري في العمل عن اكمال دراستي ثم توقفت لين نقلوه من عندي الله لايوفقه:biggrin:
بعدها رحت وانتسبت بجامعة الملك عبد العزيز تخصص لغه عربيه وكان المدير الجديد رافض بعد اكمال دراستي وواصلت دون علمه على حساب اجازاتي الاعتياديه والعرضيه ولما وصلت المستوى الثالث اكتشف حركات نص الكم على قولته يعني عرف با امر دراستي وصار كل ما جاء الاختبار وقدمت عليه اجازه رفض بحجة ظروف العمل ماتسمح قلت بسيطه مصيرك بيجي يوم وتفارقني انت وخشتك مثل اللي قبل مالي الا انتظر :biggrin:
وفعلا انتظرت 5 سنوت لين احالوه للتقاعد مريته بمكتبه وقلت مواصل مواصل الدراسه الله لايعوق بشر:biggrin:
جاء مدير جديد وقدمت عليه ابي موافقه ادرس ورفض مثل اللي قبله بعد:icon9:
سمعت عن جامعة الملك فيصل وان اختباراتها مسائيه وتقدر تختبر في اي مكان وقدمت عليهم والحمد لله انقبلت .
عدى المستوى اول وانا اداوم واختبر وربي يسترها لين اتخرج وبمشئة الله ماراح اترك الدراسه حتى لو اظطريت اني اكملها بعد ما اتقاعد:119:
والف شكر اخوي فضيل على موضوعك الرائع:rose:
فعلاً ملحمة طويلة.. ما شالله شبيه بحالتي..انا الحين احاول اتقاعد مبكر بعد سنة وادرس برا ..
عالم ما تقدر التعليم. . تصدق اللي عندي أول شي يشجعني وأخير شي يحسد.. عالم غريب
تعرف ليش سجلت هنا؟ الجواب : أحسن من لاشي! فقط (انجليزي وعندي دورة من امريكا من زمان) وانتساب ما اطيقة لكن أضعف الإيمان وأتقوى شوي في الانقيزي لو درست برا أقول عندي بكلورويس انجليزي (عذر) قالو كبير ويدرس :biggrin: شكراً اخوي والله يعينك شكلك مكافح!!
اقتباس:
المشاركة الأصلية كتبت بواسطة ✿ Ł y Đ i α (المشاركة 6695185)
:Cry111:
يالله قصتي مع الدراسه و لا شي عند قصصكم
حمــستوني أكمل و لا أفكر باللي راح
المهم لا تحزنوا على إللي راح
صفحه أطووها و أنسوها باللي فيها
لأن اليوم إللي راح بكل بساطه مستحيل يرجع
فلا تتعبوا نفسياتكم على شي إنتهى
يعجبني طموحكم رغم كل الظروف ما شاء الله تبارك الله
كملوا دراستكم إن شاء لله للدكتوراه
ربي يوفقكم و يسهل عليكم كل صعععب
:106:
كلامك عين الحكمة الاخت الفاضلة! الواحد يقدر حتى يدرس من غير جامعة, ياخذ كتب ويقرأ ويستعين بالنت.. شوفي العلماء الأولين من ابن سيناء وغيره ما كان عندهم جامعة, ولا حتى مدرسة ابتدائية!! لكن الحين دكاترة أوربيين يحضرون الدكتوراة في ابن سيناء وغيره ويفتخرون بها. تقدرين تكونين حتى عالمة بدون جامعة (( سوي دراسة.. فكري في فرضية أو حتى نظرية في أي شي.. )) مافي شي مستحيل !!
اقتباس:
المشاركة الأصلية كتبت بواسطة أمل النور (المشاركة 6695200)
اختياري لتخصص ماني قدة خلاني اتاخر في ادراسة. بس تحقق حلمي لمافتحوا الانتساب
اتمنى ادرس واكمل ماستر وهذا كلة بسب كم سنة الاتاخرتها في حياتي الدراسية خلت عندي
حافز للوصول الي القمة وعلى فكرة مسيرتك الدراسية تشبهني
ماشالله مكافحة, مافي شي مستحيل الى الأمام وكما نصحت اللي فوق انصحك بالتوفيق والى أعلى الشهادات:d5:
اقتباس:
المشاركة الأصلية كتبت بواسطة ورده.. (المشاركة 6695314)
اهنيكم كثييييييييييييير على هالطموح اللي عندكم ويارب كلكم تتخرجون بمعدلات ترضيكم وتحسون بحلاة التعب كل هالسنين
انا وحده معاناه
انا كاني كنت اعقب على التخصصات
اول ما تخرجت من الثانويه قدمت على الجامعه على اساس تربيه خاصه والوالده مو راضيه تبغى اسجل انقليزي بس انا مشيت على هواي لاني احب شي اسمه انقليزي
قدمت على الجامعه والقهر ان في وحده جابوها وحطوها مكاني يعني شالوا اسمي من الكمبيوتر وحطوا الاخت مكاني وقالوا لي لا ما انقبلتي وحصل خطا وما ادري ايش
ولا والقهر ان الاخت جايبه مقبول بغيت انجلط بس زمن الواسطه
عاد ذيك السنه كثير انقبلوا بعدين قلبوا عليهم وقالوا لا ما انقبلتوا حتى اذكر العالم اشتكت في الجرايد وسوا لهم تعويض وفتحوا مجال للتسجيل مره ثانيه
عاد لحقت على التسجيل مره ثانيه وسجلت حاسب الي دبلوم وقلت شي احسن من لا شي
المهم درست دبلوم سنتين وبعدها تخرجت جيت بكمل في الجامعه قالوا النجار رافض اللي من كليه يكمل
قلت الله لا يعوق بشر مو لازم
بعد دخلت الجامعه المفتوحه ادراة اعمال ودرست ترم وما عجبني الوضع وطلعت والدراسه في الجامعه المفتوحه صعبه كثير
وسمعت عن الانتساب قلت مع الخيل يا شقرا ما راح اخسر شي وقدمت والحمد لله انقبلت طبعا بعد ما عفنت بالبيت 6 شهور
الحمد لله الحين مبسوطه ومريحه واموري تمام
الشي الغريب في هالسالفه كلها اني لما سجلت اول مره تربيه خاصه كانت الوالده تبغاني ادخل انقليزي وسبحان الله الله ما وفقني ولما جيت بسجل انتساب قالت لي امي ادخلي تربيه الكل يمدحها مع اني كنت ناويه انقليزي على حسب رغبتها الاولى ولما سمعت شورها انقبلت ولا صرت ادرس فري بعد ومبسوطه واموري تمام التمام ويارب دوم
صدق ان الله يوفق من يمشي على شور امه
وهذي سالفتي ومدري بعد ما اتخرج وش بدرس بس اكيد بلقى لي شغله ادرسها>>اقولكم معقبه على التخصصات في التعليم :(204):
والله قصة أيضاً ملحمية!!

هو كلامك سليم, لكن انا اشوف الواحد يختار اللي يبيه ...

مع إن إمك يمكن كانت تشوف شي ما تشوفينه في نفسك وهذا ايجابية من امك الله يخليها لك!

على العموم ما دامك متوفقه كويس.. بس حاولي تدرسي بعدين حتى لو توظفتي .. الدنيا كفاح..

من ناحية اللي قبلت بدالك مقبول ... كذا الحالة .. حتى في الطلاب!

على فكرة حتى انا سجلت ف الجامعة المفتوحة وطفشت منها ومن فصولها الغير مريحه

وصراحة ماهي قويه بس خداع (كبعض الجامعات) ..وصعبة (هم أصلاً يقولون صعبه علشان يكون

نصبهم تمااااااااااام) :53::(177)::(177):

بالتوفيق ومن نجاح لنجاح لك وللجميع!!

ورده.. 2012- 6- 1 11:37 PM
رد: الحكاية مع التعليم ( كل واحد يقول )
 
والله من قصص طموحكم شغلتوا حس الدفاره فيني
احس اني متحمسه للترم الجاي هههههه
ويا اخوي انا لو مكانك حتى لو اني عجوز مسكربه وبعصاتي لادرس ولا علي لا من عمر ولا شي
واللهم امين

فضيل 2012- 6- 1 11:56 PM
رد: الحكاية مع التعليم ( كل واحد يقول )
 
شكراً ع التشجيع ورده:d5:

ثابت 2012- 6- 2 12:46 AM
رد: الحكاية مع التعليم ( كل واحد يقول )
 
قصتي مع التعليم
بعد ما انهيت الكفاءة دخلت الثانوية العامة وكنت قبلها مخطط أدخل كلية الآداب قسم اللغة العربية بسبب ميولي الأدبية ، في الثانوية ما توفقت، تركتها والتحقت بالثانوية الصناعية وبرغم التركيز فيها على المواد العلمية وعدم الاهتمام بالمواد الأدبية إلا أني عقدت العزم إني أخلصها لأني فقدت فرصة وهذي الفرصة الأخيرة .

خلصت الثانوية الصناعية وبنسبة جيده ، بعدها توظفت بوظيفة ممتازه ولله الحمد ولكن هاجس الدراسة لازال في ذهني ويلح علي دائما ولكن انشغالي بعملي وخاصة بعد ان استلمت مسئولية قسم جعلا الموضوع يتأجل أكثر من مرة حتى مرت السنوات دون أن أشعر بها.

بعد ذلك أدركت أن الشهادة مهمة ، وظيفيا واجتماعيا وتطويرا للذات ، وخاصة عند التخصص في المجال الذي يميل له الشخص، واكتشفت أن هناك أناس يستحقون أن نطلق عليهم جامعيين ولكنهم لا يحملون شهادات ، وأن هناك أصحاب شهادات ولكن لا يستحقون أن نطلق عليهم جامعيين.

في كل سنة أقرر اكمال الدراسة وفي كل سنة يتم التأجيل ، حتى مضى العمر وأصبح لزاما علي أن اتخذ قرارا صارما لا رجعة فيه.

كانت جامعة الامام هي الخيار الوحيد آنذاك ولكن بسبب التخصصات الموجوده للانتساب وهي كلها دينية لم اتشجع لأن التخصص في قسم أو فرع ديني مسئولية كبيرة تلزمك بأمور قد لا تستطيع أن تلتزم بها بالاضافة الى ميولي الأدبية فكان أمامي بعد ذلك خيار آخر وهو جامعة الملك عبدالعزيز ولكن التخصصات علمية ولا بد من السفر الى جدة لأداء الاختبارات.وتأجل الموضوع سنوات أخرى.

كنت ذات مرة في أحد المعارض وكانت جامعة الملك فيصل مشاركة في هذا المعرض فمررت بجانب الزاوية المخصصة للجامعة وكان هناك نقاش بين أحد الزوار وموظف في الجامعة وأثناء استعراضي للقسم المخصص للجامعة التقطت اذني كلمة انتساب فأخذت استرق السمع للحوار فلما ذهب الزائر تقدمت من الموظف وطلبت منه أن يشرح لي عن نظام الانتساب في الجامعة فأخذ يشرح لي النظام ووميزاته وطريقة الدراسة والتخصصات الموجودة شكرته على ذلك قبل أن آخذ منه بعض النشرات عن الجامعة.

وبعد تفكير واستعراض وسؤال عن الجامعة قررت الالتحاق بها عن طريق الانتساب وبالتخصص القريب من ميولي وهو علم الاجتماع.

اقنعت بعد ذلك ولله الحمد أكثر من ستة أشخاص بإكمال الدراسة وأن جامعة الملك فيصل هي الخيار المناسب، والآن وقد انتصف مشواري في الجامعة أشعر بأن قد تأخرت كثيرا في إكمال دراستي ولكني أيضا على إيمان تام بأن الخير دائما فيما اختاره الله.

Another day 2012- 6- 2 12:48 AM
رد: الحكاية مع التعليم ( كل واحد يقول )
 
انت الحيين اللي قاعد تنصح بدل ماكنت تطلب النصيحه اجل الحمدلله فيه امل انك تكمل منغير ما تلتفت للحساد اللي يحاولوون كسرمجاديفك:(204):

MemmE 2012- 6- 2 03:30 AM
رد: الحكاية مع التعليم ( كل واحد يقول )
 
تحمممممممممممسسست حتى انا بقول قصصتي :71:

انا لمن تخرجت من الثانوي كنت اول دفعه يختبرونها قدرات وتحصيلي
جبت نسبه حلوه بسس ماعرفت اسسجل يعني سجلت اشياء غبيه مسستحيل يقبلوني فيها علوم طبيه واشياء زي كذا لو اني مسجله حاسسب او وحده من المواد العلميه كان يقبلوني لأنو نسسبتي تأهل ..

المهم لمن طلع القبول ما أنقبلت بالتخصصات اللي اخترتها ..
فسسجلت في الجامعه العربيه السسسراقين :53:
داومت اول اسبوع ومررررره ماعجبني الوضع جايبين لنا مصرريه اتحدى لو اانها دارسسه انقلش وتدرسنا
وحطوني مستوى ثاني بالأنقلش مع اني ما أعرف ولا حبه فيه :(107):
المهم انسسحبت

بعدين على طول سجلت بكلية الاداب قلت خل اروح مع صديقاتي بسس :biggrin:
وجلست سنه ماغير ضيعتها على الفاضي بسس اخذت دورات بالجامعه
وبعدها انسسحبت قلت خلاص لازم اسسجل تخصص كويس وادرس مثل البنات

وسجلت وعيو يقبلوني لاجامعة الدمام ولا جامعة فيصل عشاني سحبت ملفي من الاداب

عاد هنا اهلي قالوا لي اجلسسي بس اجلسسي منتي حقت دراسسه :41jg:

جلست سنه هكا من شي
وبعدها سجلت تعليم عن بعد تربيه خاصه
وشديت حيلي وانتظمت
والحمممممممممد لله مرررره ماكنت متوقعه اني ارجع انتظم وأدرس وكذا :mh001:

كنت وكنا 2012- 6- 2 04:37 AM
رد: الحكاية مع التعليم ( كل واحد يقول )
 
بالجد والاجتهاد يتحقق النجاح
وبالامل والعزيمه يتحقق الطموح
والله نماذج يفتخر بها ويحتذى بها ما شاء الله إصرار وعزيمه للنجاح والتفوق ربي يوفقكم ويحقق امانيكم وطموحاتكم

اما قصتي
أنا اتخرجت من الثانوي بنسبه 86 نسبه لاباس بها وطبعا قدمت على فيصل وكان عندهم اختبار قدرات للي يقدم عليهم لانه لمن تخرجت ماكان فيه اختبار القياس ورسبت فيه وقدمت بعدها الترم الثاني على جامعه سعود وماقبلوني وجلست سنه بدون دراسه وقدمت السنه اللي بعدها بجامعه نوره ولم يتم قبولي للمره الثالثة وعاد هنا أنا ان قهرت لدرجت أني بكيت لان كنت ابي اكمل دراستي وانتظرت للترم الثاني وقدمت على جامعه الامام وأخيرا تم قبولي بقسم عربي مع أني مااحبه ولا ابيه لكن قلت اشد حيلي واحول المستوى اللي بعده رسبت بالمواد كلها ماعدا ثلاث مواد من عشر مواد:biggrin:
وقلت يا بنت تشدين حيلك الترم اللي بعده وعدت السبعة اللي رسبتها ورسبت فيها ماعدا ماده:tongue:
وهالمره تركتهم وطلعت للمستوى الثاني وللمره الثالثة رسبت :41jg:الا يمكن ثلاث او اربع ماذكر
وقلت مالي الا أني انسحب مافلحت بهالقسم وفتح فيصل الانتساب وسجلت فيه واخترت تخصص التربيه الخاصه والحمد لله ماشيه فيه ووصلت للمستوى السادس واطمح بإذن الله اذا الله عطاني عمر اكمل الماستر والدكتوراه
والله ان دراسه هالانتساب نعمه نحمد الله عليها لو مافتحوه كان كثير ماكمل دراسته ولاحقق طموحه :33_asmilies-com:

فضيل 2012- 6- 2 10:34 AM
رد: الحكاية مع التعليم ( كل واحد يقول )
 
اقتباس:
المشاركة الأصلية كتبت بواسطة another day (المشاركة 6696856)
انت الحيين اللي قاعد تنصح بدل ماكنت تطلب النصيحه اجل الحمدلله فيه امل انك تكمل منغير ما تلتفت للحساد اللي يحاولوون كسرمجاديفك:(204):
اي نعم انصح، من لا يرحم لا يرحم!

ملآكي 2012- 6- 2 11:08 AM
رد: الحكاية مع التعليم ( كل واحد يقول )
 
وعليكم السلام والرحمة ..


الحمد الله دراستي من اول ابتدائي الى ثالث ثنوي كانت تحفيظ قرآن سواء اهلية او حكومية .. :004:
ودخلت الجامعة انتظام سنة صارت ظروف والحمد الله هذا قضاء الله وقدره .. :icon9::004:
ويوم طلعت ابداً مافكرت في الانتساب لاني ماحبيته .. :mad:
المهم في من جماعتنا بنات يدرسون في المحروسه جامعتنا وعجبتني الفكرة وسجلت .. :biggrin:
وحالياَ اعرف كذا بنت كانت تدرس معي حولوا على الملك فيصل .. :rose:

ويآرب يسهل لنا الطريق ونتخرج على خير بأفضل الدرجات ..

Another day 2012- 6- 2 11:18 AM
رد: الحكاية مع التعليم ( كل واحد يقول )
 
اسفه ياا فضيل اذا كنت فهمت كلاامي خطأ شكلك زعلت انا اقصد انك استفدت من غيرك وشفت ان العلم لايعرف عمر!

خواطر إنسانه 2012- 6- 2 11:57 AM
رد: الحكاية مع التعليم ( كل واحد يقول )
 
ونا بعد سالفتي سالفه
وهي اني تزوجت بعد ثاني ثنوي ووقتها زوجي كان بالسنه الثانيه في الجامعه
درسنا ترم وتركنا الدراسه انا وهو ، حملت مرتين ورى بعض وزوجي توظف ونا جلست اربي عيالي
بعدها طلعنا دوره عمل لزوجي امريكا ، ولما رجعنا واستقرينا قريت عن جامعة فيصل ونظام التعليم عن بعد واعجبني قسم التربيه الخاصه وكان حلمي اني ادخله
بس كان قدامي عائق وهو اني ماخلصت ثنوي ، فقررت اني اكمل ثنويه منازل وتعبت لين خلصت ذيك السنه ووقتها زوجي سجل في عبدالعزيز انتساب قسم انجلش
ونا بعد ماخلصت ثالث رفض اني اكمل جامعه بحجة انه مايبيني اتوظف بس اصريت لحد ماعطاني وعد اني اسجل الترم الثاني
طبعا هو عنده امل اني بيقل حماسي وابطل
لما جا الترم الثاني للاسف ماكان فيه تسجيل في التربيه تقفل ع حظي بس سجلت اداره وعطيته اوراقي وارسلها مع انه مو راضي بس لانه وعدني
والحمدلله هذا انا خلصت اول مستوى وهو خلص المستوى الرابع وكلنا مقتنعين بوضعنا الان
وبس هذي سالفتي

Manseetk 2012- 6- 2 12:09 PM
رد: الحكاية مع التعليم ( كل واحد يقول )
 
آسآل آلله لك آلتوووفيق :rose:

فضيل 2012- 6- 2 09:11 PM
رد: الحكاية مع التعليم ( كل واحد يقول )
 
ثابت :

في كل سنة أقرر اكمال الدراسة وفي كل سنة يتم التأجيل ، حتى مضى العمر وأصبح لزاما علي أن اتخذ قرارا صارما لا رجعة فيه.

فعلاً اخ ثابت كلمة جامعي جديرة بالواحد وخصوصاً اذا كان من محبي العلم

مشاركتك مميزة وعقبال الشهادة العليا, وانا رأيي إن الانتساب ماهي قد كذا!!
لكن (شيء احسن من لاشيء) واذا حصلك بعدين المواصلة فلما لا!!

فضيل 2012- 6- 2 09:19 PM
رد: الحكاية مع التعليم ( كل واحد يقول )
 
MemmE

والحمممممممممد لله مرررره ماكنت متوقعه اني ارجع انتظم وأدرس وكذا

الحمد لله على كل حال, لكن كويس انك اخيراً تدرسين
ودايماً خليك طموحة وانشاء الله من (جامعة لجامعة) :biggrin: قصدي في المستقبل ليش لا تكملين في الانتظام موفقة:d5:

فضيل 2012- 6- 2 09:24 PM
رد: الحكاية مع التعليم ( كل واحد يقول )
 
كنت وكنا

اطمح بإذن الله اذا الله عطاني عمر اكمل الماستر
والدكتوراه

هذا النجاح ولا بلاش, صدقيني كل هذه المحاولات لاتعتبر فشل
انتي طموحه لكن اضطريتي تدرسين شي ماترغبينه وفشلتي
ولكن في النهاية تفوقتي
ما أقدر أقولك, إلا عقبال الدكتوراة:53::d5:

beautifull mind 2012- 6- 2 09:27 PM
رد: الحكاية مع التعليم ( كل واحد يقول )
 
اقتباس:
المشاركة الأصلية كتبت بواسطة beautifull mind (المشاركة 6693789)
اهلا

شكرا فضيل ع الموضوع الحلو


بصراحه قريت قصصكم واستمتعت فيها شدتني بقوه وذكرتني بنفسي


أنا بصراحه طول عمري احب العلم وكانت امنيتي اكون معلمه من وانا بصف ثاني ابتدائي ولما تقدمت بمراحلي الدراسيه كنت اذاكر لاخواني واخواتي الصغار من الظهر لين الساعه 8 بالليل شرح قواعد ورياضيا وتحفيظ مواد الدين وعلوم واعمال فنيه ماتخلص والتفصيل والخياطه حق اختي اللي طلع عيوننا

المهم الحمدلله كان الشيء ذا كل حياتي وكل سوالفي دايما عن المذاكره والاعمال الفنيه


وتخرجت من الثانوي بنسبة 98 % ولله الحمد وكنت اموت في الانجليزي وباستاذة الانجليزي

المهم التحقت بكلية التربيه بالرياض بالملز واكثر كانت تدرسنا وحده تركيه ووحده سعوديه عايشه طول عمرها بأمريكا شكلها ابدا مو سعوديه وبالسنه الاول نجحت بتقدير ممتاز وكانت المنافسه قويه بيني وبين زميلاتي اللي الحين ماشاء الله معلمات ومتخرجات بمرتبة الشرف وكنا ندرس مواد تخصص من اول سنه شعر ونثر وقواعد وصوتيات ومقال وماده عربيه وماده دينيه


المهم في الإجازه تزوجت ولما فتحت الكليه ماقدرت اكمل انتظام فحولت انتساب


وسبحان الله مدري اش اللي صار كأنه عين

تصدقون كان علي اختبار ومافتحت الماده مرررررررررررره اذكر كنت سهرانه ع التلفزيون مدري اش اللي جاني زي الوهم بالإضافه لحملي

بعدها حملت 7 مواد


وبقيت للإعاده في السنه الثانيه وقالوا لي أذا رسبتي في 3 مواد مو مشكله تنتقلين للمرحله الثالثه المهم وتحملينهم معاك

أما إذا رسبتي في 4 مواد طي قيد برررررررررررررى


المهم شديت حيلي ونجحت بكل مواد السنه الثانيه ماعدا 4 مواد وكانت الماده الرابعه فرق 6 درجات وانجح للسنه الثالثه لكن العميده استقعدت لي لما عملت تظلم قالت لا طي قيد ومانفع كلام دكتوراتي معها انهم يعرفوني شاطره والخ واصرت على طي قيدي وأذكر في مادة الشعر جيت الصباح الكليه قالوا لي زميلاتي اش تذاكرين ذا للانتظام مو الانتساب لما كان الانتظام يختلف عن الانتساب وكنت قد شريت الملزمه بالخطأ من المكتبه


المهم جلست بالبيت الى ان سمعت بجامعة الملك فيصل تعليم عن بعد والحمدلله هذا انا معدلي مايقل عن 4 ونص وسأنتقل بإذن الله للمستوى السادس



وقدر الله وماشاء فعل

ودايما اقول ال6 درجات اللي نقصتني عن النجاح خيييييييييييييييييييير ه لي لا اعلم حكمتها :004:

والحمدلله

كنت متعوده ع الخامس:biggrin::biggrin::biggrin::biggrin::biggrin ::biggrin::biggrin::biggrin::biggrin:

فضيل 2012- 6- 2 09:28 PM
رد: الحكاية مع التعليم ( كل واحد يقول )
 
ملآكي

وحالياَ اعرف كذا بنت كانت تدرس معي حولوا على الملك فيصل .. :rose:

ماشاء الله انتي و (ثابت) أثرتو على زملائكم وخليتوهم يحولوا انتساب
باين فيه طموح ومثابرة
اتمنى أن تواصلي و تقدري تكملي الماجستير والدكتوراة!!

فضيل 2012- 6- 2 09:31 PM
رد: الحكاية مع التعليم ( كل واحد يقول )
 
اقتباس:
المشاركة الأصلية كتبت بواسطة another day (المشاركة 6699688)
اسفه ياا فضيل اذا كنت فهمت كلاامي خطأ شكلك زعلت انا اقصد انك استفدت من غيرك وشفت ان العلم لايعرف عمر!
لا, عادي...

تصدقين , يوم أفكر في تشجيعك (كل شوي أقول ليش ما اروح ادرس برا, أما في الشارقة أو غيرها)

ولكن أنا طالع الترم السابع وباقي لي سنة أو سنة ونص (التاسع) وأخلص..

وبرضو العمل سنة (الله يعين)

فضيل 2012- 6- 2 09:36 PM
رد: الحكاية مع التعليم ( كل واحد يقول )
 
خواطر إنسانه

كويس أنك أصريتي على إكمال الدراسة!
وغريبة ماكملتي في أمريكا انتي وزوجك؟
حتى لو انتساب في امريكا هههههه
المهم موفق الأخت خواطر, الحماس لايقل واذا زوجك مايبيك تشتغلي
بسيطة (كملي ماجستير ودكتوراه) :d5:

حلمي الامل 2012- 6- 2 10:00 PM
رد: الحكاية مع التعليم ( كل واحد يقول )
 
ليه طيب يافضيل تجيبها على الجرح :bawling:

انا فتاتن قدر الله علي وصرت طالبه:Looking_anim:
المهم مالكم بالطويله
تخرجت من الثانوي بمعدل جيد جدا نوعا ما والي يقهر اني علمي من زود الدفره من بد العايله
ومن زين الخشه طايرين فيني يحسبوني بصير زي فيثاغورس :58545:
بس مادروا اني من جنبها

يوم تخرجت وادخل جامعه سعود قسم مكتبات:(177): ركزوا تراني قلت علمي وانا ابي احياء دقيقه
علم وراثه :Cry111: ابي اكتشف من هو جدي السابع عشر اخاف انه( لويس التميمي :004:)

عيوا يحطوني على مزاجي
هجيت من جامعه سعود
دخلت تاريخ جامعه نوره
وابد ووووووع كلها اسماء تروع لدرجه صرت احلم بالليل من الاسماء حقتهم بتاريخ مصر الشقيق:biggrin:
(خرنفع وخوفو وعايلتهم الكريمه )
دخلت جامعه عبدالعزيز 4 شهور وووووووووع ماجازت لي
<<<اصلن متى يجوز لك شي

المهم قلت معصي اكمل ولا كملت

عاد صرت اطقطق بشهادات دبلومات
وجاء ذاك اليوم شفت اعلان للجامعه قلت اجرب اخر شي وبشوف يا امشي يا اقعد زي ماانا
ماكان للاحباط او النجاح شي بنفسي
انسانه غير مباليه ان جت جت كويس والحمد لله
ماجت خيره من الله


وهذاني معكم اسحب نفسي وعساني بس انجح يارب واصير بكالريوسيه مثل خلق الله:biggrin:

you tube 2012- 6- 2 10:03 PM
رد: الحكاية مع التعليم ( كل واحد يقول )
 
:icon9: فتحت علي المواجع :bawling:
اول ماتخرجت من الثانوي سجلني ابوي في كلية التربيه قسم عربي وانا اكره العربي مامشيت فيه الترم نجحت في ماده واحده وحملت6 مواد :icon9: والترم الثاني الله ماكتب لي اكمل للاختبارات النهائي لان فيه بنات من الجامعه صكوني بعين موب عشاني شاطره انا كنت كسلانه بس حسدوني على شيء فيني وطحت على اهلي الله لايعيده ذاك اليوم الاسعاف جاء وشالني :Cry111: ومن بعدها انقطعت عن الدراسه وسحبت ملفي من الكليه :41jg: نفسيتي تعبت مره عقب الحادثه مااقول الاحسبي الله عليهم ودي اروح افجر الكليه فوق راسهم ال الان وانا ادعي عليهم :41jg: جاني خوف شديد من الدراسه...بعد سنه ونص قريت اعلان في الجريده دبلوم تبع جامعة الاميره نوره حاطينه في كليه الاداب المبنى القديم ورحت سجلت فيه انجليزي ونجحت في الترم الاول ودرجاتي كويسه الحمدلله لاكن ماكملت الوالد الله يهديه عارض اني اكمل وبشده لانه خايف علي من الطريق زحمه وحوادث حاولت اقنعه مافي فايده.
.بعد سنه قال لي اخوي الكبير سجلي انتساب في جامعة الملك فيصل قلت بفكر وكنت خايفه عقب الحادثه
لانه مازالت اثاره فيني يعني نفسيا ولا اقدر انساها
.. وابوي وامي شجعوني اني اكمل ..المهم كل يوم اقوي نفسي واقول بكمل الجامعة وباخذ الشهاده ماراح اخلي شيء يوقف قدام حلمي واكسر عين كل شخص كان يرمي علي بكلامه :41jg::41jg:
والحمدلله توكلت على الله وكملت انتساب في الجامعه وان شاءالله احقق حلمي اني اتخرج وارفع راس امي وابوي :53: الله يشفيهم ويخليهم لي ولاخواني
ويارب انجح عشان ماتروح فلوس ابوي هدر :icon9:
وبس ماكنت ابي اكتب قصتي بس لما قريت الموضوع جتني الغلقه ودمعتي على خدي وقلت بنفس عن نفسي شوي وكتبت قصتي مختصره جدا ماتعمقت :Cry111:
واخوي فضيل كمل والله يوفقك دام انت عندك طموح وحلم لاتخلي شيء يوقف بوجهك وانا اشوف انك موب شايب توك شاب والله يكتب اللي فيه الخير:cool:

فضيل 2012- 6- 2 10:11 PM
رد: الحكاية مع التعليم ( كل واحد يقول )
 

حلمي الامل
أنا مستغرب, ليش الواحد يدرس شي غير رغبته؟ خصوصاً عندنا في السعودية
هذا الشي صاير عادي!!

الرغبة هي اللي تخليك تبدعين!
واذا كانت صعبة الدراسة(اذا شافوك الدكاترة عاشقة التخصص صعبوها عليك حسداً)تكوني لهم بالمرصاد!
كيف؟
تدرسين بدال 16 ساعة ,, 12 ساعة
وبدال أربع سنين (( ياشيخه خليها خمس سنين))
وأتحدى إن ما تفوقتي فيها وجبتي معدل قوي...

مثل ماقلت لك مشكلتنا (غريبه عجيبة) نسمع كلام الناس ونخلي رغبتنا الخاصة !!!

الله يعين ..

ومادامك تعشقين العلم, أجل مشيها وخذي شهادة
ولكن يكون في اعتبارك انك تدرسي مرة ثانية لو حصل لك انتظام
ارجعي (العمر طويل) وما في مشكلة!!:biggrin:

سروبه 2012- 6- 2 10:50 PM
رد: الحكاية مع التعليم ( كل واحد يقول )
 
انا قصتي تختلف عن قصصكم
انا تخرجت من الثانوي بنسبه اقل من مستواي بكثر لاني اخر سنه كنت لعابه :biggrin:
كان حلمي اني ادرس الوراثه البشريه لكن قبل لازم ادرس طب
والطب فيه تشريح وحاجات تخوف انا مو قدها فتنازلت عن هالحلم :sm12:
المهم انا كنت متحمسه ادخل معهد الاداره برمجة حاسب
بالفعل انقبلت بسهوله
لكن صار شي
انخطبت
وكان موعد بداية الدراسه بعد زواجي بأربع ايام << مو هنا المشكله
المشكله ايام خطوبتي كنت اقول للوالد اني ابي اشرط اكمل دراستي والوالد رافض
بحجة اننا نشتري الرجال ودراستك تفاهمي انتي معه بعدين عليها
الرجال يوم عرف وقت الخطبه اني ناويه اكمل ما عارض
لكن بعد الزواج صار بتعذر باعذار مالها داعي
وتخلفت عن المعهد ونزلوا بحقي عقويه حرمان من التقديم على المعهد مره ثانيه لمدة سنتين
مو هنا المشكله

المصيبه ان حياتي الزوجيه ما توفقت
وانا حاليا ببيت اهلي
سمعت من بنت خالتي عن الجامعه
وبعد جهد جهيد باقناع اهلي عشان اكمل دراستي وافقوا
لا تفهمون غلط . اهلي اكثر ناس يأيدون الدراسه << لكن المانع كان الخوف من المشاكل اللي كان ممكن يسببها ابو بناتي لو عرف اني ادرس
والحمد لله قدمت على الجامعه وانقبلت والحين معدلي فوق الاربعه الحمد لله وناويه اني ارفعه بأذن واحد احد

مو مهمه التفاصيل بالقصه
.....................
انا كتبت اللي كتبته لسبب واحد

سالفة ان الرجال يشترى على العين والراس

لكن لا تحرمون البنت شي تبيه
لا تضيعون مستقبلها

الرجال يمكن يصير مظهر رجال ومظهر دين وتنخدعون
خلوها تظمن شي بحايتها
شهاده تسندها او وظيفه تعز نفسها بها عن كل الناس

ادري انتم اهلها ما بتخلونها تحتاج شي
لكن الدنيا مو امان
واهل البنت ما بيدومون لها طول حياتها

وحتى لو
البنت مهما كان عندها عزة نفس
صعب عليها لما تكون مثل هالضروف انا تطلب من احد شي

حافظوا على كرامة بناتكم

خلوهم يكملون دراستهم ويتوضفون
الزمن ماله امان

:119::106:

فضيل 2012- 6- 2 11:36 PM
رد: الحكاية مع التعليم ( كل واحد يقول )
 
اقتباس:
المشاركة الأصلية كتبت بواسطة you tube (المشاركة 6703666)
:icon9: فتحت علي المواجع :bawling:
اول ماتخرجت من الثانوي سجلني ابوي في كلية التربيه قسم عربي وانا اكره العربي مامشيت فيه الترم نجحت في ماده واحده وحملت6 مواد :icon9: والترم الثاني الله ماكتب لي اكمل للاختبارات النهائي لان فيه بنات من الجامعه صكوني بعين موب عشاني شاطره انا كنت كسلانه بس حسدوني على شيء فيني وطحت على اهلي الله لايعيده ذاك اليوم الاسعاف جاء وشالني :Cry111: ومن بعدها انقطعت عن الدراسه وسحبت ملفي من الكليه :41jg: نفسيتي تعبت مره عقب الحادثه مااقول الاحسبي الله عليهم ودي اروح افجر الكليه فوق راسهم ال الان وانا ادعي عليهم :41jg: جاني خوف شديد من الدراسه...بعد سنه ونص قريت اعلان في الجريده دبلوم تبع جامعة الاميره نوره حاطينه في كليه الاداب المبنى القديم ورحت سجلت فيه انجليزي ونجحت في الترم الاول ودرجاتي كويسه الحمدلله لاكن ماكملت الوالد الله يهديه عارض اني اكمل وبشده لانه خايف علي من الطريق زحمه وحوادث حاولت اقنعه مافي فايده.
.بعد سنه قال لي اخوي الكبير سجلي انتساب في جامعة الملك فيصل قلت بفكر وكنت خايفه عقب الحادثه
لانه مازالت اثاره فيني يعني نفسيا ولا اقدر انساها
.. وابوي وامي شجعوني اني اكمل ..المهم كل يوم اقوي نفسي واقول بكمل الجامعة وباخذ الشهاده ماراح اخلي شيء يوقف قدام حلمي واكسر عين كل شخص كان يرمي علي بكلامه :41jg::41jg:
والحمدلله توكلت على الله وكملت انتساب في الجامعه وان شاءالله احقق حلمي اني اتخرج وارفع راس امي وابوي :53: الله يشفيهم ويخليهم لي ولاخواني
ويارب انجح عشان ماتروح فلوس ابوي هدر :icon9:
وبس ماكنت ابي اكتب قصتي بس لما قريت الموضوع جتني الغلقه ودمعتي على خدي وقلت بنفس عن نفسي شوي وكتبت قصتي مختصره جدا ماتعمقت :Cry111:
واخوي فضيل كمل والله يوفقك دام انت عندك طموح وحلم لاتخلي شيء يوقف بوجهك وانا اشوف انك موب شايب توك شاب والله يكتب اللي فيه الخير:cool:
والله فعلاً مواجع.. من جامعة نورة الى انتساب :bawling::bawling:

على العموم كملي وخذي امتياز هنا (مادام الانتساب سهل) وبعدين حاولي تكملي في جامعة أصلية انتظام

قصة مؤلمة!!
أنا أتألم بعد معاكم كلكم (حرام ندخل جامعة أعمال السنة يعطوناها بعد الأختبار :bawling::bawling::(177)::(177)::(177):)

بالتوفيق. .. سلام

Riyad Farhan 2012- 6- 2 11:41 PM
رد: الحكاية مع التعليم ( كل واحد يقول )
 
السلام عليكم...

صراحه موضوع ممتاز يعني يخليك شوي تنسى امر النتائج والدرجات...

بقولكم وش صار معي مع اني بالعاده قليل الحتسي ولا احب اتكلم,بس الا المشاركات الموجوده خلتني اتحمس واتكلم..

تخرجت من الثانوية بنسبة 91% شرعي قبل عشر سنوات دخلت الملك سعود قسم لغه انجليزية وخذفت الترم وثاني ترم حولت الى العلوم الادراية ونزل لي انذار طابت النفس وسحبت ملفي منها...

رحت الى كلية التقنية ودخلت تخصص ادراة مكتبية ومشيت فيها الين ما تخرجت منها مع مرتبة الشرف بعدها كان الابتعاث في اول بداياته قدمت وقبلت فية والدولة هي المانيا بس المشكلة اهلي وين اروح واخليهم بلحالهم شلتها من راسي وغريت رائي...

سجلت في الجامعه العربية المفتوحه ومشيت فيها الين ما دخلت مواد التخصص طبعا تخصصي ادارة اعمال ابي انزل مواد الماده بلحالها تجاوز سعرها 3500 ريال هذا غير رسوم التسجيل ما قدرت اتابع معهم لظروفي المادية انسحبت من عندهم...

كنت جالس انا وشباب نهلس علي بعض والا واحد يجيب طاري الملك فيصل ويقول لي رسوم الدراسة عندهم مقبولة وفعلا قدمت عليهم وانا الان وللة الحمد ماشي حالي معهم والله يسهل علي وعليكم يا رب...


بالتوفيق للجميع...:004:

:rose:

فضيل 2012- 6- 2 11:42 PM
رد: الحكاية مع التعليم ( كل واحد يقول )
 
سروبه

وليه أبو بناتك مايبيك تدرسين جامعة ((عن بعد))

قولي له ما أروح الجامعة إلا وقت الإختبارات!
غريبه والله؟؟

المهم كويس انك أكثر من 4
واصلي فعلاً كل العالم ممكن تموت ولا يبقى الا الانسان لوحده
الله يعينك ويخلي لك اولادك
وبعد اذا خلصتي كملي في جامعة غيرها
بيني وبينك الشهادة هنا أي كلام (إلا الانجليزي شوي مطلوب)

بالتوفيق.. سلام..

فضيل 2012- 6- 2 11:48 PM
رد: الحكاية مع التعليم ( كل واحد يقول )
 
اقتباس:
المشاركة الأصلية كتبت بواسطة riyad farhan (المشاركة 6704532)
السلام عليكم...

صراحه موضوع ممتاز يعني يخليك شوي تنسى امر النتائج والدرجات...

بقولكم وش صار معي مع اني بالعاده قليل الحتسي ولا احب اتكلم,بس الا المشاركات الموجوده خلتني اتحمس واتكلم..

تخرجت من الثانوية بنسبة 91% شرعي قبل عشر سنوات دخلت الملك سعود قسم لغه انجليزية وخذفت الترم وثاني ترم حولت الى العلوم الادراية ونزل لي انذار طابت النفس وسحبت ملفي منها...

رحت الى كلية التقنية ودخلت تخصص ادراة مكتبية ومشيت فيها الين ما تخرجت منها مع مرتبة الشرف بعدها كان الابتعاث في اول بداياته قدمت وقبلت فية والدولة هي المانيا بس المشكلة اهلي وين اروح واخليهم بلحالهم شلتها من راسي وغريت رائي...

سجلت في الجامعه العربية المفتوحه ومشيت فيها الين ما دخلت مواد التخصص طبعا تخصصي ادارة اعمال ابي انزل مواد الماده بلحالها تجاوز سعرها 3500 ريال هذا غير رسوم التسجيل ما قدرت اتابع معهم لظروفي المادية انسحبت من عندهم...

كنت جالس انا وشباب نهلس علي بعض والا واحد يجيب طاري الملك فيصل ويقول لي رسوم الدراسة عندهم مقبولة وفعلا قدمت عليهم وانا الان وللة الحمد ماشي حالي معهم والله يسهل علي وعليكم يا رب...


بالتوفيق للجميع...:004:

:rose:
ما شالله أقدم مني, أنا كنت في الملك سعود قبل حوالي ست أو سبع سنين أوو خمس سنوات

المهم مثل ما تفضلت جاني كم انذار ونا ما أعرف نظام الجامعات!

بالنسبة لك أخوي, غريبه ما كملت في ألمانيا (كان ما تلتفت لشي اسمه انتساب)

فرق بين السماء والأرض هناك ..

على العموم الله يعينك وبالتوفيق (لكن مره ثانية اقولك الجامعة هنا أي كلام) عمرك شفت اعمال سنة يعطونك بعد الاختبار؟؟) الله يوفق..

سروبه 2012- 6- 2 11:53 PM
رد: الحكاية مع التعليم ( كل واحد يقول )
 
اقتباس:
المشاركة الأصلية كتبت بواسطة فضيل (المشاركة 6704540)
سروبه

وليه أبو بناتك مايبيك تدرسين جامعة ((عن بعد))

قولي له ما أروح الجامعة إلا وقت الإختبارات!
غريبه والله؟؟

فضيل
المشاكل اللي صارت بعيده جدا عن الدراسه ومو من العقل ينهدم بيت عشان شهاده :119:
وفيه اشخاص اذا صاروا بموقف دفاعي يصيرون يدورون الزله على الطرف الثاني :(177):

المهم كويس انك أكثر من 4
انا مستوى 4
الجاي ان شاء الله 5 << بس هذا الحماس والطموح يسابق الوقت :(204):

واصلي فعلاً كل العالم ممكن تموت ولا يبقى الا الانسان لوحده
الله يعينك ويخلي لك اولادك
جزاك الله خير :106:

وبعد اذا خلصتي كملي في جامعة غيرها
بيني وبينك الشهادة هنا أي كلام (إلا الانجليزي شوي مطلوب)

انا بكمل ان شاء الله دراسات عليا لكن دراستي هنا هي اللي سمحت بها الضروف

بالتوفيق.. سلام..
وياك يارب :106:
مشكور على كلامك وتشجيعك :119::106:

nada_1 2012- 6- 2 11:54 PM
رد: الحكاية مع التعليم ( كل واحد يقول )
 
اقتباس:
المشاركة الأصلية كتبت بواسطة turning point (المشاركة 6689543)
فضيل لو تقدر تدرس برا وامكانياتك المادية تسمح امسك اول باب وروح ولا تلتفت وراك واذا تبغاني اعطيك روابط جامعات سهله في القبول تبشر ترى التعليم برا افضل بمراحل من هنا
مو شرط "ترى التعليم برا افضل بمراحل من هنا" المهم أن تكون معتمدة من وزارة التعليم العالي
وإذا تبغى النصيحة ........... أنت يا أستاذ فضيل ماشي صح ومستواك السادس e تمام كمل إلى النهاية ولا تستعجل على الخارج المهم وأهم منه المعدل يكون تمام وبعدين كمل ماجستير والدكتوراة أن شأء الله[/FONT][/SIZE]

فضيل 2012- 6- 3 12:00 AM
رد: الحكاية مع التعليم ( كل واحد يقول )
 
اقتباس:
المشاركة الأصلية كتبت بواسطة turning point (المشاركة 6689543)
فضيل لو تقدر تدرس برا وامكانياتك المادية تسمح امسك اول باب وروح ولا تلتفت وراك واذا تبغاني اعطيك روابط جامعات سهله في القبول تبشر ترى التعليم برا افضل بمراحل من هنا
أقوووووووووولك (( فكرت في كلامك مرتين هههههه)) لو تكرمتي ايوا عطيني رابط جامعات سهلة ابي تخصص علمي كمستري

نصيحة ما انساها لك!!

Riyad Farhan 2012- 6- 3 12:02 AM
رد: الحكاية مع التعليم ( كل واحد يقول )
 
اقتباس:
المشاركة الأصلية كتبت بواسطة فضيل (المشاركة 6704587)
ما شالله أقدم مني, أنا كنت في الملك سعود قبل حوالي ست أو سبع سنين أوو خمس سنوات

المهم مثل ما تفضلت جاني كم انذار ونا ما أعرف نظام الجامعات!

بالنسبة لك أخوي, غريبه ما كملت في ألمانيا (كان ما تلتفت لشي اسمه انتساب)

فرق بين السماء والأرض هناك ..

على العموم الله يعينك وبالتوفيق (لكن مره ثانية اقولك الجامعة هنا أي كلام) عمرك شفت اعمال سنة يعطونك بعد الاختبار؟؟) الله يوفق..

أيه أنا شايب يا شيخ....:biggrin:

صح عليك رحنا للجامعه ولا نعرف شي عن النظام تورطنا واخرتها افلاسنا منها و طلعنا...

لو صرت انت المسؤول عن البيت وعن امك وخواتك تعرف ليش انا ما رحت المانيا...

الجامعه هذه اخر محطة لي وان شاء الله اكمل فيها بأذن الله واتخرج بعدها لكل حادث حديث...

العزيمة موجوده وعلي قولتهم يا جبل ما يهزك ريح (ما اقصد احد ترى :58545:)

فضيل 2012- 6- 3 12:02 AM
رد: الحكاية مع التعليم ( كل واحد يقول )
 
اقتباس:
المشاركة الأصلية كتبت بواسطة nada_1 (المشاركة 6704639)
مو شرط "ترى التعليم برا افضل بمراحل من هنا" المهم أن تكون معتمدة من وزارة التعليم العالي
وإذا تبغى النصيحة ........... أنت يا أستاذ فضيل ماشي صح ومستواك السادس e تمام كمل إلى النهاية ولا تستعجل على الخارج المهم وأهم منه المعدل يكون تمام وبعدين كمل ماجستير والدكتوراة أن شأء الله[/font][/size]
اكمل ما جستير في شي ما ابيه؟ والا أقدر مثلاً اكمل في الجيولوجيا بعد هنا ؟؟!!

فضيل 2012- 6- 3 12:07 AM
رد: الحكاية مع التعليم ( كل واحد يقول )
 
اقتباس:
المشاركة الأصلية كتبت بواسطة riyad farhan (المشاركة 6704705)
أيه أنا شايب يا شيخ....:biggrin:

صح عليك رحنا للجامعه ولا نعرف شي عن النظام تورطنا واخرتها افلاسنا منها و طلعنا...

لو صرت انت المسؤول عن البيت وعن امك وخواتك تعرف ليش انا ما رحت المانيا...

الجامعه هذه اخر محطة لي وان شاء الله اكمل فيها بأذن الله واتخرج بعدها لكل حادث حديث...

العزيمة موجوده وعلي قولتهم يا جبل ما يهزك ريح (ما اقصد احد ترى :58545:)
لا تستهتر, :biggrin::biggrin:
ترى اللي تشوفه كان في امريكا قبل 15 سنة ودرست هناك جامعة (من غير ثانوية) والله صادق

تخصص كمبيوتر بعد (يعني هناك تدفع فلوس وتدرس) الأمووووووووور سهالاااات

وما كملت لصعوبة اللغة (مالي سنه هناك)

وش جابني الصحراء هنا خخخخخخخخخخ

والله انها في الخيال مثل الجنة نعم, والحمدلله ترى ماكنت حتى الدخان ماكنت ادخن

بالتوفيق اخوي

Riyad Farhan 2012- 6- 3 12:16 AM
رد: الحكاية مع التعليم ( كل واحد يقول )
 
اقتباس:
المشاركة الأصلية كتبت بواسطة فضيل (المشاركة 6704587)
ما شالله أقدم مني, أنا كنت في الملك سعود قبل حوالي ست أو سبع سنين أوو خمس سنوات

المهم مثل ما تفضلت جاني كم انذار ونا ما أعرف نظام الجامعات!

بالنسبة لك أخوي, غريبه ما كملت في ألمانيا (كان ما تلتفت لشي اسمه انتساب)

فرق بين السماء والأرض هناك ..

على العموم الله يعينك وبالتوفيق (لكن مره ثانية اقولك الجامعة هنا أي كلام) عمرك شفت اعمال سنة يعطونك بعد الاختبار؟؟) الله يوفق..
اقتباس:
المشاركة الأصلية كتبت بواسطة فضيل (المشاركة 6704745)
لا تستهتر, :biggrin::biggrin:
ترى اللي تشوفه كان في امريكا قبل 15 سنة ودرست هناك جامعة (من غير ثانوية) والله صادق

تخصص كمبيوتر بعد (يعني هناك تدفع فلوس وتدرس) الأمووووووووور سهالاااات

وما كملت لصعوبة اللغة (مالي سنه هناك)

وش جابني الصحراء هنا خخخخخخخخخخ

والله انها في الخيال مثل الجنة نعم, والحمدلله ترى ماكنت حتى الدخان ماكنت ادخن

بالتوفيق اخوي

حاولت اشبك الجمل اللي فوق ما قدرت ابي افهم عجزت شكلك بديت تنعس....:019:

nada_1 2012- 6- 3 12:44 AM
رد: الحكاية مع التعليم ( كل واحد يقول )
 
اقتباس:
المشاركة الأصلية كتبت بواسطة فضيل (المشاركة 6704707)
اكمل ما جستير في شي ما ابيه؟ والا أقدر مثلاً اكمل في الجيولوجيا بعد هنا ؟؟!!
ايهما لإفضل أن تشق الطريق على قدميك وأرض مليئة بالصخور وطبيعتك أن تمشي أم أن تقفز على الصخور كلما كان كبيرة وعريضة ؟ ....................أرد الرد فوراً .

فضيل 2012- 6- 3 01:12 AM
رد: الحكاية مع التعليم ( كل واحد يقول )
 
اقتباس:
المشاركة الأصلية كتبت بواسطة nada_1 (المشاركة 6705003)
ايهما لإفضل أن تشق الطريق على قدميك وأرض مليئة بالصخور وطبيعتك أن تمشي أم أن تقفز على الصخور كلما كان كبيرة وعريضة ؟ ....................أرد الرد فوراً .
انا كويس ف الرياضيات !

:biggrin:

Another day 2012- 6- 3 01:25 AM
رد: الحكاية مع التعليم ( كل واحد يقول )
 
اقتباس:
المشاركة الأصلية كتبت بواسطة riyad farhan (المشاركة 6704532)




سجلت في الجامعه العربية المفتوحه ومشيت فيها الين ما دخلت مواد التخصص طبعا تخصصي ادارة اعمال ابي انزل مواد الماده بلحالها تجاوز سعرها 3500 ريال هذا غير رسوم التسجيل ما قدرت اتابع معهم لظروفي المادية انسحبت من عندهم...
فعلا اسعار جامعة الملك فيصل لاتقارن بالجامعة المفتوحة غير نظامها الصعب عندنا بعض المواد ندرسها على مستوايين دراسيين بينما هم ياخذونها في سمستر واحد ..

MemmE 2012- 6- 3 02:03 AM
رد: الحكاية مع التعليم ( كل واحد يقول )
 
انا ما أحسس فيه فرق بين الشهادات اهم شي التوفيق والرضى
وتكوني مستمتعه وانتي تدرسي الشي اللي اخترتيه
ومهما ضاعت فرص من يدك كنتي تحسبين انها فرص حقيقيه في النهايه بتاخذين نصيبك اللي ربه كتبه لك سواء في الدراسه او غيره

وحده من جيرانا ماعندها إلا شهادة الأبتدائي توظفت قبل شهر وظيفه حكوميه رسميه وراتبها مثل راتب المدرسات اللي لهم 10 سنوات على البنود ماشاء الله تبارك الله :biggrin:
والله تستاهل كل خير

الرززززق على الله وحده لا على الشهاده ولا على المعدل :004:

ورده.. 2012- 6- 3 02:07 AM
رد: الحكاية مع التعليم ( كل واحد يقول )
 
اقتباس:
المشاركة الأصلية كتبت بواسطة سروبه (المشاركة 6704006)
انا قصتي تختلف عن قصصكم
انا تخرجت من الثانوي بنسبه اقل من مستواي بكثر لاني اخر سنه كنت لعابه :biggrin:
كان حلمي اني ادرس الوراثه البشريه لكن قبل لازم ادرس طب
والطب فيه تشريح وحاجات تخوف انا مو قدها فتنازلت عن هالحلم :sm12:
المهم انا كنت متحمسه ادخل معهد الاداره برمجة حاسب
بالفعل انقبلت بسهوله
لكن صار شي
انخطبت
وكان موعد بداية الدراسه بعد زواجي بأربع ايام << مو هنا المشكله
المشكله ايام خطوبتي كنت اقول للوالد اني ابي اشرط اكمل دراستي والوالد رافض
بحجة اننا نشتري الرجال ودراستك تفاهمي انتي معه بعدين عليها
الرجال يوم عرف وقت الخطبه اني ناويه اكمل ما عارض
لكن بعد الزواج صار بتعذر باعذار مالها داعي
وتخلفت عن المعهد ونزلوا بحقي عقويه حرمان من التقديم على المعهد مره ثانيه لمدة سنتين
مو هنا المشكله

المصيبه ان حياتي الزوجيه ما توفقت
وانا حاليا ببيت اهلي
سمعت من بنت خالتي عن الجامعه
وبعد جهد جهيد باقناع اهلي عشان اكمل دراستي وافقوا
لا تفهمون غلط . اهلي اكثر ناس يأيدون الدراسه << لكن المانع كان الخوف من المشاكل اللي كان ممكن يسببها ابو بناتي لو عرف اني ادرس
والحمد لله قدمت على الجامعه وانقبلت والحين معدلي فوق الاربعه الحمد لله وناويه اني ارفعه بأذن واحد احد

مو مهمه التفاصيل بالقصه
.....................
انا كتبت اللي كتبته لسبب واحد

سالفة ان الرجال يشترى على العين والراس

لكن لا تحرمون البنت شي تبيه
لا تضيعون مستقبلها

الرجال يمكن يصير مظهر رجال ومظهر دين وتنخدعون
خلوها تظمن شي بحايتها
شهاده تسندها او وظيفه تعز نفسها بها عن كل الناس

ادري انتم اهلها ما بتخلونها تحتاج شي
لكن الدنيا مو امان
واهل البنت ما بيدومون لها طول حياتها

وحتى لو
البنت مهما كان عندها عزة نفس
صعب عليها لما تكون مثل هالضروف انا تطلب من احد شي

حافظوا على كرامة بناتكم

خلوهم يكملون دراستهم ويتوضفون
الزمن ماله امان

:119::106:

والله ان قصتك عورت قلبي
ورفعت ضغطي بنفس الوقت حرام عليه ما يخليك تكملين بس عاد وش الواحد يقول غير الحمد لله والخيره في اللي اختاره الله
ذكرتيني بكلام امي الله يحفظها وجعلني خدامة تحت رجولها
هي اكثر وحده شجعتني مع ان اللي في البيت وبحكم اني جنوبيه وعائلتي متشدده حبتين ما كانوا يايدون الدراسه كثير عندنا خلصي ثنوي وتزوجي وخلصنا بس امي هي اللي وقفت معاي وبفضل الله وفضل وقفتها هي وجدتي الله يرحمها انا وصلت للي وصلته وحتى لما دخلت الجامعه المفتوحه وطلعت هبوا في وجهي اني مو وجه دراسه بس هي اللي دفعت لي اول وثاني ترم في جامعة الملك فيصل ودفعت لي الترم اللي درسته في الجامعه المفتوحه
وكل ما احد قال شي قالت((بنتي اول تاخذ الشهاده ان شاء الله لو تبروزها وتتمنظر فيها ثم تفكر في اي شي ثاني))
احييييييييييييييييك على المثابره ويارب تتخرجين باعلى المعدلات يارب

Another day 2012- 6- 3 02:11 AM
رد: الحكاية مع التعليم ( كل واحد يقول )
 
اقتباس:
المشاركة الأصلية كتبت بواسطة memme (المشاركة 6705666)
انا ما أحسس فيه فرق بين الشهادات اهم شي التوفيق والرضى
وتكوني مستمتعه وانتي تدرسي الشي اللي اخترتيه
ومهما ضاعت فرص من يدك كنتي تحسبين انها فرص حقيقيه في النهايه بتاخذين نصيبك اللي ربه كتبه لك سواء في الدراسه او غيره

وحده من جيرانا ماعندها إلا شهادة الأبتدائي توظفت قبل شهر وظيفه حكوميه رسميه وراتبها مثل راتب المدرسات اللي لهم 10 سنوات على البنود ماشاء الله تبارك الله :biggrin:
والله تستاهل كل خير

الرززززق على الله وحده لا على الشهاده ولا على المعدل :004:
ونعم بالله مقسم الارزاق ولكن جارتك ماهي مقيااس على ان مافييه فرق بين الشهادات اذا الله رزقها بالوظيفة فهذا رزق مكتوب لها ولكن ان الشهادات مابينهم فرق فما اعتقد ان الدكتوراة تسااوي الابتدائيه هذي حسبه خاطئه وفيها اجحاف

•¦[ٱبيڪَ قٌربيے 2012- 6- 3 02:23 AM
رد: الحكاية مع التعليم ( كل واحد يقول )
 
موضووعكك في الصمييييييييييييييم:Cry111:

انا الله يسلمكك تخررجت من الثانوي بنسسبةة مرة حلووة الحمدالله:004::rose:

وكذلكك الحمدالله عديت القدرات والتحصيلي بنسبةة منيحةة:(269):

بث للاسف ماانقبلت في كليةة الدمآم:icon9:

انقبلت في الاحسآء قسم زراعةة وتغذيةة:007:

وهنا تكمن المشكلةة في الاحسسآآء<<<:(177)::icon9:

بعيييدة بالمرررة وماحولي احد:bawling:

وصراحتن ماحبيت اضيع سنةة من عمري فبديت اسجل تقريبا بنص السمستر بجامعة فيصل انتساب

ع اساس احوول انتظام بعد سنةة انششاءالله في الدمام <<وكذلكك هنا حصلت المشكلةة:Cry111:

تم فصل جامعة عن كليةة الدمام:icon9::icon9:

شفتووآ كيف الحظ:bawling:

والحين الحمدالله درسنا وفلحنا وعدت الـآيآم ع خير:rose::(204):

وآنششآءالله نتخرج ونتوظف بعدهآآ:53:

وتوتةة توتةة خلصت الحتوووتةة:tongue::004:

Turning point 2012- 6- 3 02:54 AM
رد: الحكاية مع التعليم ( كل واحد يقول )
 
اقتباس:
المشاركة الأصلية كتبت بواسطة فضيل (المشاركة 6704689)
أقوووووووووولك (( فكرت في كلامك مرتين هههههه)) لو تكرمتي ايوا عطيني رابط جامعات سهلة ابي تخصص علمي كمستري

نصيحة ما انساها لك!!
مافهمت ايش تخصصك علمي ايه ( كمستري ) هاذي مافهمتها
اكتبلي تخصصك وان شالله ادلك عندي معلومات ان شالله اقدر افيدك
انت كمان معاك لغه بس لازم تختبر الايلتس اذا انت من الرياض اظن موجود في جامعة الملك سعود
ب 200 دولار اذا اختبرت تدخل الجامعه دايركت

MemmE 2012- 6- 3 08:29 AM
رد: الحكاية مع التعليم ( كل واحد يقول )
 
اقتباس:
المشاركة الأصلية كتبت بواسطة another day (المشاركة 6705729)
ونعم بالله مقسم الارزاق ولكن جارتك ماهي مقيااس على ان مافييه فرق بين الشهادات اذا الله رزقها بالوظيفة فهذا رزق مكتوب لها ولكن ان الشهادات مابينهم فرق فما اعتقد ان الدكتوراة تسااوي الابتدائيه هذي حسبه خاطئه وفيها اجحاف

أكيد ماهي مقياس
وكمان اكيد فرق بين شهادة الابتدائي وشهادة الدكتوراه
ولو بنظري مافيه فرق بين شهادة الثانوي وشهادة الجامعيه كان ماكمملت جامعه
لمن قلت مافيه فرق بين الشهادات قصدت شهادة الابتعاث و شهادة الجامعات الحكوميه وكمان الانتساب والانتظام من ناحية الرزق بالنهايه الشي المكتوب لك بتاخذه ..

فضيل 2012- 6- 3 09:40 AM
رد: الحكاية مع التعليم ( كل واحد يقول )
 
اقتباس:
المشاركة الأصلية كتبت بواسطة turning point (المشاركة 6706058)
مافهمت ايش تخصصك علمي ايه ( كمستري ) هاذي مافهمتها
اكتبلي تخصصك وان شالله ادلك عندي معلومات ان شالله اقدر افيدك
انت كمان معاك لغه بس لازم تختبر الايلتس اذا انت من الرياض اظن موجود في جامعة الملك سعود
ب 200 دولار اذا اختبرت تدخل الجامعه دايركت
كمستري ( كيمياء)

واشكرك على المساعدة باين عليك تحبين مساعدة الناس!

والاختبار هذا احاول اختبره انشاء الله! انا عمري كبير( بس ابخربها) هههه

ايوا انجليزيتي كويسة بما فيه الكفاية!

مشكووووورة !!

فضيل 2012- 6- 3 09:47 AM
رد: الحكاية مع التعليم ( كل واحد يقول )
 
اقتباس:
المشاركة الأصلية كتبت بواسطة memme (المشاركة 6705666)
انا ما أحسس فيه فرق بين الشهادات اهم شي التوفيق والرضى
وتكوني مستمتعه وانتي تدرسي الشي اللي اخترتيه
ومهما ضاعت فرص من يدك كنتي تحسبين انها فرص حقيقيه في النهايه بتاخذين نصيبك اللي ربه كتبه لك سواء في الدراسه او غيره

وحده من جيرانا ماعندها إلا شهادة الأبتدائي توظفت قبل شهر وظيفه حكوميه رسميه وراتبها مثل راتب المدرسات اللي لهم 10 سنوات على البنود ماشاء الله تبارك الله :biggrin:
والله تستاهل كل خير

الرززززق على الله وحده لا على الشهاده ولا على المعدل :004:
الرزق من الله؟، لكن الشهادة افضل ... الوظيفة ممكن تروح لكن الشهادة دائماً معاك وفي اي بلد محترمة!

وعمر الراتب ما كان رزق ... الحين الشقة ب 3000 في الشهر يعني يروح الراتب فقط ع السكن!

فضيل 2012- 6- 3 10:08 AM
رد: الحكاية مع التعليم ( كل واحد يقول )
 
اقتباس:
المشاركة الأصلية كتبت بواسطة •¦[ٱبيڪَ قٌربيے (المشاركة 6705811)
موضووعكك في الصمييييييييييييييم:Cry111:

انا الله يسلمكك تخررجت من الثانوي بنسسبةة مرة حلووة الحمدالله:004::rose:

وكذلكك الحمدالله عديت القدرات والتحصيلي بنسبةة منيحةة:(269):

بث للاسف ماانقبلت في كليةة الدمآم:icon9:

انقبلت في الاحسآء قسم زراعةة وتغذيةة:007:

وهنا تكمن المشكلةة في الاحسسآآء<<<:(177)::icon9:

بعيييدة بالمرررة وماحولي احد:bawling:

وصراحتن ماحبيت اضيع سنةة من عمري فبديت اسجل تقريبا بنص السمستر بجامعة فيصل انتساب

ع اساس احوول انتظام بعد سنةة انششاءالله في الدمام <<وكذلكك هنا حصلت المشكلةة:Cry111:

تم فصل جامعة عن كليةة الدمام:icon9::icon9:

شفتووآ كيف الحظ:bawling:

والحين الحمدالله درسنا وفلحنا وعدت الـآيآم ع خير:rose::(204):

وآنششآءالله نتخرج ونتوظف بعدهآآ:53:

وتوتةة توتةة خلصت الحتوووتةة:tongue::004:
والله قهر، من تفوق ف الثانوية والقدرات الى اقل الجامعات (الانتسابية)

اجل خلاص حاولي تجبين نسبة عالية ومرتبة شرف هنا

وبعدين يحلها الحلال!!:icon9:

Turning point 2012- 6- 3 03:27 PM
رد: الحكاية مع التعليم ( كل واحد يقول )
 
اقتباس:
المشاركة الأصلية كتبت بواسطة فضيل (المشاركة 6707381)
كمستري ( كيمياء)

واشكرك على المساعدة باين عليك تحبين مساعدة الناس!

والاختبار هذا احاول اختبره انشاء الله! انا عمري كبير( بس ابخربها) هههه

ايوا انجليزيتي كويسة بما فيه الكفاية!

مشكووووورة !!
شوف هاذي الجامعه مرة كويسه وفيها كثير طلاب من خريجين التقنيه وكليات الجبيل وينبع الصناعيه تخصصات كيمياء وحاسب وكمان عادلت لهم معظم ساعات الدبلوم اللي معاهم كثير راحوا لها معاهم دبلومات فنيه وتقنيه و رجعوا بعد 3 سنوات مهندسين ومعترفه طبعاً من من وزارة التعليم العالي اليك الرابط

http://www.google.com.sa/url?q=http:...wXGcGqbBOIwgNQ

اذا معاك درجة الايلتس 5 فما فوق ماعندك اي مشكلة تاخذ لك فقط في البدايه شهرين ولا 3 لدراسة المصطلحات الاكاديميه تمهيداً للدراسه الجامعيه
نسيت اقولك اذا بدأت الدراسه الجامعيه يحق لك الالتحاق ببرنامج البعثات للدراسه على نفقة الدوله فتجاوز اللغه شرط للانضمام زمان كان اللغه + 30 ساعه اكاديميه الان اللغه فقط

الله معاك

فضيل 2012- 6- 3 07:56 PM
رد: الحكاية مع التعليم ( كل واحد يقول )
 
اقتباس:
المشاركة الأصلية كتبت بواسطة turning point (المشاركة 6709248)
شوف هاذي الجامعه مرة كويسه وفيها كثير طلاب من خريجين التقنيه وكليات الجبيل وينبع الصناعيه تخصصات كيمياء وحاسب وكمان عادلت لهم معظم ساعات الدبلوم اللي معاهم كثير راحوا لها معاهم دبلومات فنيه وتقنيه و رجعوا بعد 3 سنوات مهندسين ومعترفه طبعاً من من وزارة التعليم العالي اليك الرابط

http://www.google.com.sa/url?q=http:...wxgcgqbboiwgnq

اذا معاك درجة الايلتس 5 فما فوق ماعندك اي مشكلة تاخذ لك فقط في البدايه شهرين ولا 3 لدراسة المصطلحات الاكاديميه تمهيداً للدراسه الجامعيه
نسيت اقولك اذا بدأت الدراسه الجامعيه يحق لك الالتحاق ببرنامج البعثات للدراسه على نفقة الدوله فتجاوز اللغه شرط للانضمام زمان كان اللغه + 30 ساعه اكاديميه الان اللغه فقط

الله معاك
والله مشكوره, على المعلومات القيمة!!

تصدقين شكلك عندك خبرة في الأشياء هذه!!

لقيت عندهم تخصصات مررررررررة حلوه العالم العربي ماعنده شي مثلهم

وبعدين طبيعة المدينة خضرررررررررررررة بالضبط اللي ابي !!!!!!!!!

بس عندي مشكلة والله اعلم يقبلوني والا لا؟؟ عمري كبير شوي؟

على فكر ة أنا كنت ناوي اسافر دراسة قبل كم سنه ورحت الخارجية وصدقت شهاداتي الثانوية

وفي الآخر بطلت (كان عندي ظروف بس الحين راحت)

ومن ناحية موضوع ال 30 ساعة مشكووووووورة والله أول مره أدري منك !!

أقدر اروح ترم على حسابي (بس المشكلة اخاف مايقبلون؟)

مشكووووووووور مرة ثانية!! ع المساعدة :71:

فضيل 2012- 6- 3 08:01 PM
رد: الحكاية مع التعليم ( كل واحد يقول )
 
عندهم الكيماء الحيوووووووووية , ياسلاااااااااااام

:71::71::71:

Another day 2012- 6- 3 08:02 PM
رد: الحكاية مع التعليم ( كل واحد يقول )
 
بالتوفييق يافضيل تستاهل كل خير

Turning point 2012- 6- 3 08:05 PM
رد: الحكاية مع التعليم ( كل واحد يقول )
 
هاذي الجامعه قبولها سهل مرة اذا تبغى ادلك على مكتب يجيبلك القبول ادلك فيه جامعه كمان جنبها 40 كيلو عنها بس في ولاية ميسوري قبولها كمان سهل بس معهدها المدة اللي فاتت كان فل بس انت ماتحتاج المعهد اليك الرابط

http://www.google.com.sa/url?q=http:...t7jYxkwwKvKm2w

فضيل 2012- 6- 3 08:06 PM
رد: الحكاية مع التعليم ( كل واحد يقول )
 
تسلمي Another day

وين درستي برا انتي؟

فضيل 2012- 6- 3 08:08 PM
رد: الحكاية مع التعليم ( كل واحد يقول )
 
Turning point
غريبة وش عرفك فيها؟ كنتي تدرسين هناك؟؟

Another day 2012- 6- 3 08:08 PM
رد: الحكاية مع التعليم ( كل واحد يقول )
 
قصدت برا السعوديه ما قصدي دوله اجنبية مع اني افكر الحين حمستني

Turning point 2012- 6- 3 08:09 PM
رد: الحكاية مع التعليم ( كل واحد يقول )
 
في امريكا العمر ماله علاقه دكتور سويدان يقول كنت ادرس في امريكا وجنبي سيدة في الستين طالما تدفع رسوم الدراسه مالهم شغل في عمرك


All times are GMT +3. الوقت الآن حسب توقيت السعودية: 06:54 AM.
صفحة 1 من 2 1 2
عرض 100 مشاركات من هذا الموضوع لكل صفحة

Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه