|
اداره اعمال (بفيصل) ام تقنيه معلومات(السعودية) ؟!
السلام عليكم و رحمة الله و بركاته كيفكم جميعاَ؟ اتمنى الكل يكون بخير و صحه و عافيه بصراحه انا دخلت ابغى مشورتكم لاني محتتاره جداً انا عندي شهاده دبلوم تقنيه حاسب شبكات من معهد نيوهورايزن و معدلي و الحمدلله 4.75 من اصل 5 و نسبتي 99% ولله الحمد و قررت اكمل دراستي وسجلت بالجامعات:004: و انقبلت بجامعه الملك فيصل - اداره اعمال و انقبلت بالجامعه السعودية الالكترونيه - تقنية معلومات للعلم: انا سجلت انتساب لان عندي وظيفه و اطمح يكون عندي شهاده بكالوريوس لاني احب الدراسه و خصوصاً الحاسب و احاول اتعلم انجليزي و احفظ كلمات و امشي حالي خخخ:biggrin: فما ادري اي افضل تخصص؟ للعلم انا احاول اتعلم انجليزي و قريت بالجامعه السعوديه ان دراستها انجليزي لكن السنه التحضيريه تعلم الانجليزي نسبه تحدثا و كتابه ! و ادري انو نسبه الحضور بالسعوديه 25% عادي اغيب او استقيل المهم تكون عندي شهاده بكالوريوس على تخصص حلو و جامعه موثوقه ! لان انا و اعوذوا بالله من كلمه انا .. توظفت في فتره التدريب قبل اتخرج من المعهد و هالشي يحفزني اكمل دراستي و يأمل اني القى وظيفه ثانيه لو استدعى اقدم استقالتي لان توظفت من باب الملل :icon9: لكن اشوف الاغلبيه مسجلين بفيصل و متخرجين اداره اعمال صح؟ طيب هل الفرق ان اداره اعمال تختص بالمحاسبه و البزنس؟ و نقنيه معلومات تشمل الحاسب و ايضا تخصصي ( تقنيه شبكات ) ؟! مالكم بالطويل بليييز افيدوووني لاززم اقدم اوراقي بالجامعه السعوديه قبل تاريخ 20/9/1433 و جامعه الملك فيصل بعد العيد مو مشكله بس ماعندي وقت اقرر مابي يفوتني التسجيل و اندم مشورتكم يا اهل الخبر :sm1: لكم من رد :rose: |
رد: اداره اعمال (بفيصل) ام تقنيه معلومات(السعودية) ؟!
مممممم اختي حنا ياادارة الاعمال مافي مسار معين يعني ندرس كل شي ,‘ مرا حلوو , واحس انه مطلووووب
تقنية معلومات هو حاسب , وحنا ندرسة بعد بس احس الافضل انك تنوعين يعني تصير عندك شهادتين , تقنية حاسب ,. وادارة الاعمال ^_* |
رد: اداره اعمال (بفيصل) ام تقنيه معلومات(السعودية) ؟!
استخيري وشوفي وش ريحيك عزيزتي واناااا بصراحه اشوف اداره اعمال من جامعه فيصل افضل دامك موظفه
والله يكتب الخيره في امرك موفقه :106: |
رد: اداره اعمال (بفيصل) ام تقنيه معلومات(السعودية) ؟!
يسعدك ربي ويرضى عليك دنيا واخره شوفي انتي وش تبين لان صعب ان اي احد يشور عليك بشور وتقولين ليتني وليتني سويت كذا واخترت كذا استخيري رب العالمين وراح تتيسر امورك بس انا اشوف جامعة الملك فيصل لها سنين طويله والانتساب المطور لها اكثر من الجامعه الالكترونيه غير ان فيه نسبة حضور وانتي موظفة والدراسه بالانجليزي هل انتي بالانجليزي زينه وتمشين حالك او راح تطورين من نفسك باللغة كل هالامور حطيها في بالك وانت تستخيرين وفالك التوفيق |
رد: اداره اعمال (بفيصل) ام تقنيه معلومات(السعودية) ؟!
,
أجزم وأتأكد أن تقنية المعلومات الأنسب لك .. وشهادة الألكترونيه أقوى .. شدّي حيلك وتوكّلي على الله وأتوّقع الـ25% مالها دخل بأوقات الدوام لا تشيلين همّ , والله يوفقك , |
رد: اداره اعمال (بفيصل) ام تقنيه معلومات(السعودية) ؟!
أنا مثلك بالضبط واخترت السعودية يكفي ان شهادتها انتظام ومتأملة فيها :")
|
رد: اداره اعمال (بفيصل) ام تقنيه معلومات(السعودية) ؟!
انا اشوف انك تدرسين في الجامعه الالكترونيه قسم تقنية المعلومات افضل
لانه تخصص يكمل الي درستيه وانتي شكلك ماشا الله عليك ممتازه في هذا القسم وشهادتهم انتظااام انا اعتبرها فرصه حلوه وجات لعندك لا ضيعيها وان شالله حضورك للجامعه مايتعارض مع وقت وظيفتك واتمنا لك التوفيق عزيرتي |
رد: اداره اعمال (بفيصل) ام تقنيه معلومات(السعودية) ؟!
اختي حاولي تصلين صلاة استخارة ولن تجدي افضل من الله لكي يختار لكي الأصلح وهذي نصيحة مجرب
|
رد: اداره اعمال (بفيصل) ام تقنيه معلومات(السعودية) ؟!
أول شيء استخيري الله وإن شاءالله ربي بيوفقك للأصلح
ثانيا بحكم تخرجي من كلية علوم الحساب ونظم معلومات تخصص نظم ملعومات من جامعة الامام وكان وقت دراستي عميد الكلية عبدالله الموسى بهذاك الوقت والان هو مدير الجامعة السعودية الالكترونية حاليا, الذي يحب يجمع الدكاترة الجزائريين والمغاربة والتونسيين وصراحة كلهم كانوا معقدين إلى أبعد من ماتتخيلي.. كنت اتمنى بس أتخرج بأي معدل أهم شي أنجح لأن كان الرسوب مترصد لنا من هؤلاء الدكاترة حسبي الله عليهم.. وأنا دخلت موقع الجامعة السعودية الالكترونية وتفاجأت بصور اجتماعاته أن الي درسوني موجودين معه بالاجتماع مثل عماد الغيلوفي وغيره يعني الرجال مجمع خوياه الاولين الله يعين الدارسين عليهم.. أنا سجلت زوجتي بجامعة السعودية الالكترونية والملك فيصل والحمدلله تم قبولها تقنية معلومات بالسعودية وإدارة اعمال بفيصل لكن راح تدخل إدارة أعمال بفيصل.. أول شي السعودية خمس سنوات وفيصل اربع سنوات وبعد لما شفت الدكاترة الي بالسعودية الي درسوني تشاأمت منهم مرااااا.. والله يوفقك للي فيه خير لك.. لكن لا تأخذي قرارك بكلامي هذا لأن القرار لك أنتي والواحد مايدري عن الوضع الان يمكن كل شي تغير عن قبل ويارب يوفقك في الي تختارين.. |
رد: اداره اعمال (بفيصل) ام تقنيه معلومات(السعودية) ؟!
انا ادرس ادارة والاداارة مطلوبه في كل مكان خاصه الادارة العامة زي ماندرس هنا الجامعة الالكترونية تو فاتحة وجديده في هالمجال ولا اعلم عنها لاكن مايحمسني في الجامعة الالكترونية هي اللغة الانقليزية خاصه تعاقدهم مع شركة englishtown المتخصصه في مجال اللغة بدون طويلة الاستخارة وربي يوفقكـــ |
رد: اداره اعمال (بفيصل) ام تقنيه معلومات(السعودية) ؟!
أختي الإستخارهـ أولا وشوفي اللي ترتاحين له .. وسجلي فيه
أنا عن نفسي لو أتيحت لي الفرصه كان إخترت تقنية المعلومات :004: تخصص علمي قوي وشهادة أقوى وفرص وظيفة على قولة المصريين " على أفـا مين يشيل " :biggrin: |
رد: اداره اعمال (بفيصل) ام تقنيه معلومات(السعودية) ؟!
مرحبا اختي
تقنية معلومات وانتي مغمضة انا مثلك قررت اترك فيصل واروح للجامعة الالكترونية تقنية معلومات لكن استخيري والله يوفقك |
رد: اداره اعمال (بفيصل) ام تقنيه معلومات(السعودية) ؟!
لحن و احمد الله حتى وظيفتي في الآي تي ( Technical Support ) :004:هلابك خيتووو اسعدتني سرعه ردك وتفاعلك انا فكرت مثل ما قلتي يكون عندي شهادتين لكن فكرت فيها صح بما اني موظفه و فيه اختلاف بدرجه الشهادات اقصد (دبلوم+بكالوريوس) ايضا التخصص ( تقنية حاسب شبكات + أداره اعمال ) :000: يعني دبلومي فرع بسيط من مجال الحاسب و مثل ما تكرمتي قلتي اداره الاعمال شامله كل شي خاص فيها من محاسبه و بزنس و الخ و بيني وبينك اميل للحاسب و صيانته قبل لا ادرس الدبلوم و كم وحده بالدوام شجعتني اكمل نفس المجال ليكتمل ابداعي ع قولتها :tongue: ههههههه وان شاءلله بيفيدوني بالتخصص و افيدكم بكل جديد حول الجامعه يعافيك ربي يا الغلااااا و الله يوفقك :106: فيينا ارحبووا ياهلا و مسسسهلا اوافقك بالرأي بـ الاستخاره ييسر ربي أمري :sm5: عسى ربي يسعدك دنيآ و آخره ويحقق لك أمانيك لكِ كل الأحترام :wink: بدر 2011 ياهلا بك اخوي بدر اولاً اسعدتني دعواتك جعل ربي يعافيك من شرور الدنيا و يكتب لك الخير ببقيه حياتك كلامك ع راسي والله اكييد كل شخص له ميوله و تفكيره لكن حبيت استشيركم و اشوف الامور من كل النواحي ( ما خآب من إستشار ) :119: بالنسبه إنك تحاتي ظروف عملي ابشرررك اتصلت على الرقم الموحد للجامعه اليوم و قالت لي دامك بالدمام فـ الدوام بيكون مسائي لاننا نداوم في بمنى جامعه الدمام و الحمدلله داومي ينتهي 2ونص يعني بالاسبوع بستأذن نص ساعه او ساعه او يمكن مايصادف استذانات اذا كانت محاضراتي العصر بيوم واحد بالاسبوع هالشي اهتم له كثير .. شكراً على تنبيه لاني حطيته بعين الاعتبار أقدم لك كل الشكر اخوي و أسعد الله مسسسسآك :rose: :004: ~ Brb |
رد: اداره اعمال (بفيصل) ام تقنيه معلومات(السعودية) ؟!
أبو جَنىَ طابت اوقاتك بكل خير يارب وانا أوافقك الرأي و ان شالله الشهاده تكون أقوى من جامعه فيصل لان تخصصها عجبني حيل :060: و بالضبط اوقات داوم الجامعه بيكون مسائي وللحين ماتحدد لكن المحتمل بعد الساعه 2 الى 8 المساء والله يسعدك على ردك و يطيب خاطرك :rose: خُلود ? . هلا والللله بصقيقتي هههههه :biggrin: توك هالسنه سجلتي؟ عسى انقبلتي؟ واي تخصص؟ ان شالله بالدمام؟ انا توكلت على الله وقدمت اوراقي والحمدلله :sm5: ان شالله امور الجامعه تمام فالك التوفيق:10111: طموحي كل حياتي معك معك معك معك :icon120: جلست مع نفسي اكثر من مره و شفت اني اكمل تخصص افضل من اني ادخل مجال ثاني اخاف ما اعطيه حقه و اظلم هوايتي قبل كل شي و الحمدلله ربي تقبل دعوتك :cheese: ما يتعارض الحضور الا يمكن اخر نص ساعه هههههههههه فديت روحك شاكره لك عــ هالتواجد الطيب :rose: ابومها هلابك عزيزي .. فعلاً كلامك عين العقل وهل افضل من خيره الله؟ :139: الحمدلله ع كل حال اسعدني حضورك و حفظك الله اينما كنت :rose: :004: ~ Brb |
رد: اداره اعمال (بفيصل) ام تقنيه معلومات(السعودية) ؟!
مشاء الله علي اختي مكوشه علي الجامعتين وانا اتمني وحده فيهم ههههههههههههه بس تكفين لو اخترتي جامعه علميني عشان اروح اشغر مكانك الفاضي الجامعه الثانيه هذا الي ضيعنا كلام علمي وصريح ,,, في الاخير انا اشوف لك فيصل اقوي ليه لانها حكوميه ومعترف فيها غصب عن الجميع اما الاكترونيه اخذت سمعه زياده عن الزوم مثل العربيه وهذي الحين العربيه مضروبه ماحد يسجل فيها الا جالس بالبيت وفوق هذا مصدقين نفسهم ورافعين الرسوم امحق رسوم افضل دراسه بالغه الانجليزي لافضل جامعه سعوديه البترول والمعادن غير كذا لاحد يقولي سلامتكم
|
رد: اداره اعمال (بفيصل) ام تقنيه معلومات(السعودية) ؟!
أبو لين1 هلابك عزيزي حفظك الله و حفظ ابنتك لين ووفقاك الله و وفقها بالحياه و الدراسه اشكرك على كلامك العظيم و الذي اعدت قرائته اكثر من مره اكيد الاستخاره اهم شي في اي مجال الانسان يحتار فيه مادري شنو اقولك او اعلق عليك بصراحه غير اعقب على جملتك الاخيره ( يمكن كل شي تغير عن قبل ) =،( و ادعي الله بالشهر الفضيل اني ما اندم بقرار تسلم اوراقي للجامعه الاكترونيه بدل جامعه الملك فيصل فـ لكل مجتهد نصيب و بالعكس ابارك لك تخرجك و بالعكس انا احب اشوف الاشياء بشكل ايجابي :119: يمكن الدكاتره اذا كانوا قاسين او معقدين يمكن من اجل تشجيعكم و تحفيزكم بالاهتمام و المثابره فـ المسمار ما يدخل الا بالمطرقه:biggrin: و الدليل انك نحجت ولله الحمد و اتوقع بعد ان ماحد رسب منكم الا من كان مقصر لكن نصيحه مني لك لا تتحسب الا على ابليس فما تدري عن الظروف النفسيه لها جانب مؤثر و ولا اظلمك فمن حقك كـ طالب تلقى مدرس يرسل لك المعلومه لذهنك بأيجابيه و الاهم من هذا ثقتنا بالله ثم بالاجتهاد و تبادل الخبرات و المعرفه من بعض و الامل و الصبر كل شخص يقدر يخطي كل الصعاب اللي يواجهها أعجبني ردك فقد استمتعت =) :004: |
رد: اداره اعمال (بفيصل) ام تقنيه معلومات(السعودية) ؟!
SMART.BOoOY هلابك خيوو كلامك صحيح الاداره مطلوبه لكن اذا كان اغلب اللي حولك عندهم اداره؟ حلو الإختلاف عنهم خصوصاً اذا كنت تكمل موهبتك بالنسبه للجامعه قريت انها متقاعده مع اكثر من شركه اتوقع اربعه و انا ودي تصير عندي لغه انجليزي نفس الناس:bawling: بشوف نفسي الفصل الاول اذا ما عجبني الوضع سحبت و قدمت ع فيصل الترم الثاني :58545: ربي يوفقك دنيا و آخره ع هالرد الطيب :rose: عادل السيف يا مراحب كلامك بعين العقل و خصوصاً مثل ما قلت اشوف وين القى راحتي و ان شالله الفصل الاول يعجبني و اكمل اهم شي قولة المصريين ماقد سمعتها الا منك :biggrin: طاب فالك و مسائك و جميع اوقاتك :060: لك لك الاحترام :rose: طالب جامعي. قداااااااام :sm5: اشوف الاغلبيه رشحوا الجامعه الالكترونيه او شكلي قريت عنها مواضيع كثير :cheese: خخخخ كم لك في فيصل؟ سؤال للمستقبل: اذا لا سمح الله ماعجبتني الجامعه السعوديه بنهايه الفصل الاول انسحب من الجامعه واقدم من جديد في جامعه فيصل؟ ولا اقدم نقل افضل؟ لك كل التقدير خيووو :119: بحـر الكـلام :eek::eek::eek: قول ما شاءلله صار لي 3 سنوات اقدم ع الجامعات محد قبلني الا هالسنه ههههههههههههههههههههه :hahahahahah:عقبالك ان شالله :004: انت بس اصبر و خل عندك امل والله ما يضيع لك مجهود ولا تعب ولا اجر خلاص اخترت الجامعه السعوديه الالكترونيه و بالعكس الجامعه مثل ماقريت بالموقع انها حكوميه و معترف فيها من قبل التعليم العالي و الجامعه العربيه لا تعليق :000: ماعمري شفت احد مدحها :tongue: بالنسبه لجامعه البترول و المعادن سمعت عنها لكن بصراحه ما ملت لها نهائي ولا فكرت اقدم بكالوريوس عندهم ولكن فيدني جزاك الله خير بهالخصوص يمكن احول عندهم بعد هالترم او السنه الجايه خخخ :10111: الله يوفقك :rose: شاكره لكم جميعاً على حماسكم و سرعه ردودكم و شاكره لإداره المنتدى فقد كنت هنا و استفدت و ما زلت هنا ان شالله لافيدكم بعد ما استفدت منكم :004: :119: |
رد: اداره اعمال (بفيصل) ام تقنيه معلومات(السعودية) ؟!
الله يوفقك يارب وماشاء الله تبارك الله عيني عليك بارده انا من 10 سنوات ولا جامعه راضيه تقبل اهلي خخخخخخخخخخخخخخخخخخخخخخخخ اقسم بجلال الله انا شخصيه بالمجتمع السعودي منحوسه نحس شديد حتي الحين جامعه فيصل وهي بفلوس ماقبلتني والاكترونيه قبلها خخخخخخخخخخخخخخخ وحتي جامعه عبدالعزيز ماقدمت عليها لاني غاسل يدي واتعب نفسي لما اعبي البيانات علي الفاضي وقتي من ذهب انا خخخخخخخخخخخخخ مع انا نسبتي جيد 71 خلاص قررت اصلا ارجع الثانويه للوزاره التعليم وابوس راسهم من جد علي التعليم الي تعلمته ايام طفولتي بدون قبولي لاي جامعه في الاخير اتمني توفيقكم جميعا
|
رد: اداره اعمال (بفيصل) ام تقنيه معلومات(السعودية) ؟!
اقتباس:
اهم مافي الموضوع ان روحك معنويه و صدرك رحب و ما زال بك آمل :004: لا تيأس كل فصل دراسي سجل بياناتك بكل الجامعات القريبه منك يمكن تصيب و ما تدري كل تأخيره فيها خيره حتى لو طالت الخيره اكيد ربي منعك من الجامعه فيها خير لك و اكيد عوضك باحسن منها ولا كيف خلا وقتك من ذهب :biggrin: ياخي زين ماتسوي تشكر وزارة التعليم ماقصرت يكفي الكتب للحين مكتوب عليها ( يوزع مجاناً ولا يباع ) :(284): << مين ابن اللذين اللي راح يشتريه بالله ! :(107): تصدق ذكرتني بالعالم ( نيوتن ) :060: مسكين كان كسلان بالدراسه و مهمل انصحك بقراءه قصته حتى لو تعرفها راح تبعث لروحك جرعه أمل زياده :58545: و الحمدلله ربي كريم ربي يوفقك بحياتك :rose: |
رد: اداره اعمال (بفيصل) ام تقنيه معلومات(السعودية) ؟!
من المجازفة أن تكون ضمن دفعة حقل التجارب في أي شيء في بلدنا
|
رد: اداره اعمال (بفيصل) ام تقنيه معلومات(السعودية) ؟!
اقتباس:
احترم رايك جداً :119: اخوي بسألك: انت خايف تكون بحقل التجارب على كلامك طيب .. لو انا خفت .. و هذي خافت .. وهذا خاف مين اللي راح يسجل و ننتظر يعطينا تجربته؟! و سؤال ثاني: كيف تسميه حقل تجارب و هي جامعه لها مؤسسينها و تعاقدها مع شركات كبيره و خارج المملكه و معرفه ؟! ومافي اي مدرسه ولا معهد و لا جامعه خالي من العيوب و المساؤو لكن : الى متى و الانسان يحب يستفيد من غيره؟ الى متى و الانسان ماعنده ثقه بنفسه بانه يقدر يخطي كل الصعوبات؟ انا اول مره بحياتي كلها اخطي مثل هذي الخطوه لان فعلاً تسمى" خطوه جديده" ! :004: و بدون تجارب تحدي الذات والتغلب على الصعوبات :icon9: ما تعرف طعم المتعه و التحدي و النجاح :119: لكن عندي أمل بعد الله سبحانه ان هذي احلى تجربه بحياتي و اتحمل انا جميع الخسائر المعنويه قبل الماديه لاني بفيد غيري بكل شي اقدر عليه و بتعلم و بستفيد علمياً و اجتماعياً :sm5: بالعكس لي الفخر اكون اول من يتخرج منها :060: و يازينه من حقل فيه شابات متأملات و جاهزات للتحديات و الصعوبات:rose: |
رد: اداره اعمال (بفيصل) ام تقنيه معلومات(السعودية) ؟!
انا اقول توكلي على الله وبدون تفكير روحي تقنيه معلومات
انا قدمت على الجامعه السعوديه تخصص تجاره الكترونيه لعدم وجود تخصص ادرة اعمال لكن ما انقبلت وسعيد جدا بقبولي في جامعه الملك فيصل ادارة اعمال لأني بختصر المسافات وبأقلل سنوات التخرج واذا على اللغه الانجليزيه فأنا دارس برى من الاساس وما احتاج السنه التحضيره ولا دراسه لغه.. هذا في حالة اني بغيت اكمل ماستر بعد التخرج انا اقول انه كل شخص وله ميول وبناء عليه يقدر يحدد اي جامعه اقرب الى تحقيق اهدافه وطموحه لكن من كلامك بصراحه اشوف انه الألكترونيه هي الي تطابق ميولك واهدافك بدون ادنى حاجه لتفكير والقرار بيدك |
رد: اداره اعمال (بفيصل) ام تقنيه معلومات(السعودية) ؟!
اقتباس:
قد نختلف في نظرتنا الشخصية للأمور و المجال ليس للإقناع و إنما هو طرح وجهات نظر من واقع خبرات و تجارب و مبادئ . بالتوفيق لجميع الإخوة الذين قررو الإلتحاق بالجامعة الإلكترونية و أتمنى استصطحاب هذه الروح المعنوية عند مواجهة أي صعوبات |
رد: اداره اعمال (بفيصل) ام تقنيه معلومات(السعودية) ؟!
ياليت احد يفدينا ، هل تخصص تقنية المعلومات افضل
او تخصص الادارة :) |
رد: اداره اعمال (بفيصل) ام تقنيه معلومات(السعودية) ؟!
اقتباس:
|
| All times are GMT +3. الوقت الآن حسب توقيت السعودية: 09:34 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه