ملتقى طلاب وطالبات جامعة الملك فيصل,جامعة الدمام

-
يسعد لي أوقاتكم اخواني طلاب وطالبات
جامعة الملك فيصل ( أنتساب )
دائما المقدمة اعتبرها ( بوابة اي موضوع )
لكن الى الان م لقيت مفتاح ( البوابه .. ! )
بس ب النهايه مفتاحها [ بيد كل طالب منا ]
المقدمة كل [ طالب يرسمها ] ب الكيفيه اللي
حاطها ب عقله .. !
[ شلون ، وين ، حاولت ، م عرفت ] جميعها
اساله واستفهامات ..!
الكل راح يطرحها على نفسه لكن قبل [ البوابه
هي بوابة دراستك ، طموحك ، هدفك البعيد
المدى ، هدفك قريب المدى ]
ك طلبه اكيد لنا باب من الأبواب المطروحة ،
نحاول ونسعى لتحقيقها ، و الشي المشترك
بين كل الطلبه [ الرغبه ] وهو الدافع الرئيسي
لك لدخول الجامعه ،
بس [ الرغبه ] تحتاج منك انك تغذيها عشان
تحصد ب النهايه [ ثمارها ]
فرضاً دخلت تخصص صعب [ ب اختلاف درجات
الصعوبة بين طالب لآخر ..! ]
لكن انت بيدك تخلي [ الصعب سهل ] ب كثير
طرق ..!
البدايه .. من عقلك الباطن كل م قلت [ صعب
، م اقدر ، شلون انجح ، مو قادر ادرس ، ]
هالنوع من الكلمات عباره عن رسائل سلبيه
ترسلها لعقلك وب التالي راح يتبرمج عليها ..!
اعطي نفسك الدافع ب الكلمات قبل الأفعال
لان كل م ترسل كلمات ايجابيه لنفسك ،
عقلك بيتبرمج عليها ،
الوسط .. شنو الهدف من طرق باب [ الدراسه ]
من جديد .... ؟ اسال نفسك هالسؤال و جاوب
نفسك لان [ اجابتك تحدد طريقة وصولك ل هدفك ]
قد تكون [ ترقيه وظيفية ، حصولك على وظيفه ،
فتح مشروعك الخاص ، الحصول على دراسات عليا]
وقد تكون غير ذلك ..! انت ي اللي تقرا تسال
وتجاوب نفسك ..!
النهايه .. مهما كان اللي تدرسه صعب ، مهما كان
الدكتور اللي يدرسك [ يصعب المنهج ] ، مهما كان
السلبيات اللي تحيط فيك تحبطك ، مهما قالوا هذي
الجامعه م لها مستقبل ، مهما لقيت نفسك متشتت
من داخلك ، اجمع كل هذا وكل م يحطم طموحك
وأحرقه قبل لا يحرقك ، وتذكر [ انت الوحيد القادر
ترفع نفسك فوق او تخسفها تحت ] ، وقبل هذا كله
تذكر انك تستعين ب الله القادر على شي ، قادر
تحويل [ الظلام الى نور ] [ الحزن الى سعاده ]
بكلمتين [ كن فيكون ]

|- موضوع قصير ب قلمي اتمنى الكل يقراه
ويستفيد منه -|
اختكم ( مها )