|
اكمال الماجستير
الاخوة والاخوات الكرام السلام عليكم إختصار الموضوع انا خريج انتساب فيصل (تعليم عن بعد) منذ سنتين عام ٢٠١٥ تخصص ادارة اعمال عندما هممت باكمال الماجستير كانت المعضلة المتوقعة شهادتك انتساب ولانقبلها قابلت وكيل جامعة الامام المكلف بمجلسهم الاسبوعي امس الثلاثاء تاريخ ٢/١١/١٤٣٨ وفأجاني بنفسه ان شهادتك انتساب ولن تحظى بالقبول فحنا يالله نقبل انتظام فمابالك بالانتساب وبالفعل بعد الاطلاع على شروطهم بالموقع وجدتها لابد ان تكون الشهادة انتظام وبالبنط الاحمر العريض بعد قلت طيب وش اسوي اقعد كذا قال قدم على الجامعة الالكترونية وبعد الاطلاع على الشروط طلعت كذلك لابد انتظام طيب يالربع السوال الان
هل يوجد منكم خريج من جامعة فيصل انتساب انقبل ماجستير ؟ وبأي جامعة ؟ وكيف قدم؟ او سمع بحاجة ان احد انقبل ماجستير وشهادته انتساب وكيف؟ انا توقعت ان الدعوة تساهيل لكن الظاهر انها دون شوي احد منكم عنده اقتراح او شي لان الجامعات كلها قفلت ابوابها بشكل كامل امام خريجي الانتساب وبكل بجاحة وعدم اكتراث وكأننا لم ندرس وندفع ونختبر ونذاكر ونضحي بالكثير من مصالحنا واخرتها كذا ؟!!!! أرجو الرد ياجماعة بارك الله فيكم Sent from my iPhone using ملتقى فيصل |
رد: اكمال الماجستير
انا اعرف شخص تخرج
خدمة اجتماعية والان يكمل ماجستير في اكاديمية نايف للعلوم الامنية بمبلغ (100) الف ريال |
رد: اكمال الماجستير
اقتباس:
تمام لكن تخرج من اي جامعة؟ ومتى تم قبوله؟ ومبلغ المية الف ريال هل يشمل كافة الرسوم منذ البداية وحتى التخرج او انه لترم واحد؟ والله لايهينك Sent from my iPhone using ملتقى فيصل |
رد: اكمال الماجستير
آهلين آخوي
ٱلـّٲـْہ ييسر آمورك و يفتحها بوجهك و تفرح بقبولك للماستر قريب آنا خريجة جامعة الملك فيصل آنتساب قسم علم آجتماع و خدمة آجتماعيه تخرجت ١٠-٨-١٤٣٥ و في نفس سنة تخرجي قدمت على جامعة الملك سعود آنتظام ماجستير آعتيادي و توقعت آنهم بيرفضوني دخلت آختبار القبول و المقابله مع مجموعه كبيره من البنات ف نقصت فرص قبولي بنظري بس الحمممدلله من توكل على الله م خاب تم قبولي توكل على ٱلـّٲـْہ لا تشوف الشروط ! قدم على كل الجامعات و ادخل آختبارات و سو مقابله و ربي بأذن ٱلـّٲـْہ بيسهل آمورك |
رد: اكمال الماجستير
قدم ع الجامعات مستحيل مافي قبول دراسات عليا لأنك انتساب توكل على الله الله يكتب لك الخير أن شاء الله ..
|
رد: اكمال الماجستير
الماستر بجامعة الملك فيصل بكم الرسوم ؟
خريجة أنتظام والطالبات المتفوقات لهم أعفاء من الرسوم ؟ |
رد: اكمال الماجستير
اقتباس:
الله يجزاكِ عنا خير الجزاء وييسرك امركِ ويوفقكِ شيء جميل انه تم قبولك وبالفعل غير متوقع انا نفس دفعتك بس للأسف ماطلت وتاخرت ماقدمت والظاهر انه صار فيه تعنت من الجامعات خلال السنتين الماضية شكلي ابقدم على سعود ويالله تيسيرك لكن المشكلة اني ماخذت توصية والنظام مقفل اللحين من سنتين من يوم تخرجي فهل يطلبون توصية ؟؟ وسؤال اخير التقديم على سعود ماستر تقديم الكتروني ولا ايش؟ وشكراً على الرد |
رد: اكمال الماجستير
اقتباس:
الله يجزاكِ خير ويكتب اللي فيه خير صراحة شيء محطم تدرس اربع سنوات وتتكلف وتذاكر وتختبر واخرتها مانقبلك طيب علمونا من البداية والا الدعوة نبي دراهمك بس Sent from my iPhone using ملتقى فيصل |
رد: اكمال الماجستير
اقتباس:
|
رد: اكمال الماجستير
كثير من الجامعات تقبل ولا تحدد انتظام ولا انتساب
الا جامعة فيصل والامام يعني حظك طيحك في الامام عندك مثلا الملك عبدالعزيز والملك سعود و القصيم و الطايف وعندك الاهليه مثل ابن رشد في ابها 100 الف ريال جامعة جده 80 الف ريال ودار العلوم وغيرهم الكثير المهم تختبر في قياس اختبار الخريجين الجامعين واختبار الانجليزي واسهلها ستيب وتنجح فيها بس يقبلونك وتدرس ماستر انتظام بمعنى شهاده جامعية انتساب والماستر تدرسه انتظام وتتخرج ماجستير انتظام وهذا افضل بكثير ان شاء الله افدتك |
رد: اكمال الماجستير
وعليكم السلام ورحمة الله وبركاته
انا اعرف احد خريجات جامعة الملك فيصل انتساب وحصلت على قبول في الماجستير في جامعة سعودية اختبرت قدرات الجامعيين وحصلت على نسبة عالية وكان معدل الجامعة ممتاز و شروط الجامعة للتقديم ع الماجستير ولم يكن من ضمنها ان يكون البكالوريوس انتظام وبالفعل تم قبولها واجتياز الاختبارات التي بعد القبول المبدئي و حصلت على القبول النهائي اذا كانت جامعة الملك فيصل التي تخرجنا منها وجامعة الامام التي تخرج منها زملاؤنا لا تعترف بتفوقنا واحقيتنا في اكمال الدراسة فهذه مشكلة للاسف لكن في المجال سعة لمن يستطيع التسجيل في غيرها |
رد: اكمال الماجستير
وعليكم السلام ورحمة الله وبركاته جامعة الملك سعود تقبل لكن لازم يكون المعدل التراكمي 3.75 ، وتختبر قدرات الجامعين ولازم لا تقل الدرجه عن 70 ويتم قبولك فيها ماجستير با التوفـيق جميعـاً . |
رد: اكمال الماجستير
جوزيتم جميعا خيرا على الردود الايجابية وبالفعل الكثير ممن تخرجوا انتسابا واجهوا عراقيل بسبب شهاداتهم الانتساب وهذا تخبط من وزارة التعليم فإذا كانت جامعاتكم او بعض الجامعات تقدم درجة البكالريوس انتسابا وبعد التخرج تجد ان نفس الجامعة التي تخرجت منها لاتقبلك ماستر يعني مادري وش السبب هل انه مانتم واثقين بكفاءة خريجي الانتساب من جامعتكم طيب ليش تفتحون من الاساس يبقى مافيه الا تفسير واحد وواضح لاغبار عليه الدعوة يبون اللي بالمخبا ماهمهم رسالة مجتمعية ولا اي شي همهم الفلوس اللي ياخذونها من طلبة الانتساب . ياإخوة واخوات ترى هذا اسفاف كبير بحق الطلبة واستهتار بهم ونظرة استغلالية واضحة تجاههم وضرب للقانون بعرض الحائط من هالجامعات الجشعة للاسف وللأسف كذلك ماحد وقف بوجههم ترى لو لو تعرض القضية هاذي وتناقش وتصير فيها مسائلات وصوت الطلبة يعلو ويوصل اذان من يهمهم الأمر بتتيسر امورنا بعون الله وانا شخصياً استبشر خيراً بالعيسى على الرغم من الحط اللي صاير عليه رجال عملي وجيد وعقلاني ومنطقي نوعاً ما باختصار واسف على الاطالة لو نحشر هالجامعات بسالفة انهم يفتحون انتساب بكالريوس ويلهفون الرسوم واذا تخرج الواحد تجد نفس الجامعات يرفضونه بحجة الانتساب ليش يعني اذا مانتوا واثقين بتعليمكم فهذه مصيبة تضرب في مصداقيتكم وليش تفتحون من الاساس؟ واحتمال تدخل في سوء استخدام السلطة والله يوفق ويكتب اللي فيه خير يارب
Sent from my iPhone using ملتقى فيصل |
رد: اكمال الماجستير
كم مدة دراسة الماستر؟
|
رد: اكمال الماجستير
سابقا كان يتم قبول الانتساب والانتظام بنفس الشروط لهم سنتين مشددين انه القبول للماجستير يكون انتظام فقط في الجامعات الحكومية
|
رد: اكمال الماجستير
يااخوة واخوات نرجو منكم ابلاغنا عن مواعيد فتح برامج الدراسات العليا لجامعة سعود ولكم خالص الشكر
Sent from my iPhone using ملتقى فيصل |
رد: اكمال الماجستير
السلام عليكم
تخرجت من الجامعة هذا الترم ادارة اعمال وبمعدل 4.94 ولله الحمد كنت متحمس اني اكمل ماجستير , ولكن : حسب نظرتي لوضع الاقتصاد الحالي والذي يعتبر في حالة ( انكماش ) قل حماسي لاكمال الماجستير مع بقاء الرغبة في الاكمال , لماذا ؟ - كنا في عصر ازدهار الاقتصاد واللي بدأ تقريبا في سنة 1425 نظرا لارتفاع اسعار النفط كان هناك الكثير من المشاريع وكانت الشركات تدر ارباح كثيرة من المشاريع وكانت الدولة تدفع المخصصات للشركات القائمة بالمشاريع وكانت الشركات توظف وتدفع رواتب ولا تبالي اما الان قد انتهى قبل سنتين تقريبا عصر الازدهار لاسباب عديدة من ضمنها انخفاض سعر النفط والازمات التي يشهدها العالم في وقتنا الحالي , ونحن جزء من هذا العالم وتأثرنا تأثر كبير بما يحصل , وبالتالي توقفت كثير من المشاريع وصارت الشركات تحاول تنجز اعمالها والتزاماتها بأقل التكاليف , وصارت تتحاشى توظيف اصحاب الشهادات العليا لانهم يبغون رواتب مرتفعة والشركة ما تقدر . اضرب لكم مثال : قبل فترة واحد من جماعتي يعمل مدير احد الاقسام في شركة ( سبك ) لانشاء الطرق , ويقول الشركة اعطتهم اجازة مفتوحة بدون رواتب ومعه كم مدير نظرا لتوقف المشاريع . نصيحتي ( خصوصا للي بيدفعون مبالغ ) : اللي يقدر يدرس لغة او انه يأخذ دورة لغة خارج السعودية افضل له من شهادة الماجستير , لان اللغة اصبحت مطلب اساسي في الوظائف وايضا تساعدك بعدين اذا اردت اكمال الماجستير |
رد: اكمال الماجستير
السلام عليكم
تخرجت من الجامعة هذا الترم ادارة اعمال وبمعدل 4.94 ولله الحمد كنت متحمس اني اكمل ماجستير , ولكن : حسب نظرتي لوضع الاقتصاد الحالي والذي يعتبر في حالة ( انكماش ) قل حماسي لاكمال الماجستير مع بقاء الرغبة في الاكمال , لماذا ؟ - كنا في عصر ازدهار الاقتصاد واللي بدأ تقريبا في سنة 1425 نظرا لارتفاع اسعار النفط كان هناك الكثير من المشاريع وكانت الشركات تدر ارباح كثيرة من المشاريع , وكانت الدولة تدفع المخصصات للشركات القائمة بالمشاريع , وكانت الشركات توظف وتدفع رواتب ولا تبالي اما الان قد انتهى قبل سنتين تقريبا عصر الازدهار لاسباب عديدة من ضمنها انخفاض سعر النفط والازمات التي يشهدها العالم في وقتنا الحالي , ونحن جزء من هذا العالم وتأثرنا تأثر كبير بما يحصل , وبالتالي توقفت كثير من المشاريع وصارت الشركات تحاول تنجز اعمالها والتزاماتها بأقل التكاليف , وصارت تتحاشى توظيف اصحاب الشهادات العليا لانهم يبغون رواتب مرتفعة والشركة ما تقدر . اضرب لكم مثال : قبل فترة واحد من جماعتي يعمل مدير احد الاقسام في شركة ( سبك ) لانشاء الطرق , ويقول الشركة اعطتهم اجازة مفتوحة بدون رواتب ومعه كم مدير نظرا لتوقف المشاريع . نصيحتي ( خصوصا للي بيدفعون مبالغ ) : اللي يقدر يدرس لغة او انه يأخذ دورة لغة خارج السعودية افضل له من شهادة الماجستير , لان اللغة اصبحت مطلب اساسي في الوظائف وايضا تساعدك بعدين اذا اردت اكمال الماجستير |
| All times are GMT +3. الوقت الآن حسب توقيت السعودية: 07:31 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام