ياجماعه استفسار.. النتيجة حقي انذار اخير فصل..
 

ياجماعه استفسار.. النتيجة حقي انذار اخير فصل.. هل تم فصلي من الجامعة خلاص ولا اقدر اقدم على فرصه اخيرة هل يوافقو على أعطائي فرصة اخيرة؟ علما معدلي التراكمي 1.99وعطوني مادة عشان ارفع معدلي الى 2من 5 لكن الله ما اراد وجبت في الاختبار المجموع النهائي 66 والمطلوب مني 70 عشان يرتفع معدلي إلى 2 من 5.. الله يسترررررر افيدوني رحم الله والديكم هل يوافقو يعطوني فرصة اخيرة؟

رد: ياجماعه استفسار.. النتيجة حقي انذار اخير فصل..
 

فيه أيقونة إعطاء فرصه

تم الإرسال من SM-A605F باستخدام Tapatalk

رد: ياجماعه استفسار.. النتيجة حقي انذار اخير فصل..
 

ومتى تفتح هذي الايكونة؟

رد: ياجماعه استفسار.. النتيجة حقي انذار اخير فصل..
 

تابع تاريخ البدايه إضافة المواد

تم الإرسال من SM-A605F باستخدام Tapatalk

رد: ياجماعه استفسار.. النتيجة حقي انذار اخير فصل..
 

اخوي راسل الاسالة المتكررة وممكن لو تقدم ضرف بسبب عدم استطاعتك واطلب فرصة اخيرة
تواصل مع الجامعة والموظفين بالرقم او الايميل برر موقفك وأنك محتاج الى فرصة اضافيه

لا تجلس مكتوف اليدين حاول وحاول وحاول وراسل الشعيبي بالتويتر
والله يوفقك ويسهل دربك اعطي عذر وبرر ظروفك وان شاء الله تبشرنا بخير

رد: ياجماعه استفسار.. النتيجة حقي انذار اخير فصل..
 

علما انا طالب خريج وعطوني مادة عشان ارفع المعدل ويعطوني وثيقة التخرج بس الله ما اراد وجبت في الاختبار المجموع النهائي 66 D+ والمطلوب مني 70 درجه عشان يرتفع المعدل الى 2:mh12:
حرام يفصلوني وانا مخلص كل مواد الدراسة بنجاح بس المعدل تحت 2 وهو 1.99:mh12:

رد: ياجماعه استفسار.. النتيجة حقي انذار اخير فصل..
 

ماعليك بيعطونك فرصه وخذها مني باذن الله

بس انت ارفع تظلم فيها لانه باقي لك اربع درجات بس وتتخرج، ولله جامعة ترفع الضغط، لاتقول ابي فرصه قل ابي بس اربع درجات واتخرج وراسلهم الف مره لين تلقاها تعدلت لك ولاتيأس، الفرصه بيعطونك اياها بنسبة 100% بمشيئة الله
بس خل حرصك انهم يدفونك بالاربع درجات الي ناقصتك

وبشرنا بالجديد

وفالك التوفيق ان شاءالله

رد: ياجماعه استفسار.. النتيجة حقي انذار اخير فصل..
 

:mh12: انا نفس المشكلة معدلي نازل مع اني اجتزت كل المواد مكتوب النتيجة انذار نهائي وبين قوسين فصل بعد مافرحة وبشرت الربع كلهم اني تخرجت
لا وعازمهم بعد.

رد: ياجماعه استفسار.. النتيجة حقي انذار اخير فصل..
 

وانا بعد ياخووي بشرت الاهل والاخوان بالتخرج وباركو لي :mh12:

رد: ياجماعه استفسار.. النتيجة حقي انذار اخير فصل..
 

من وين ياشباب نراسل الشعيبي من يعرف؟

رد: ياجماعه استفسار.. النتيجة حقي انذار اخير فصل..
 

تفضلوا جميع وسائل التواصل مع الجامعة

عميد التعليم عن بعد الدكتور فواز الصاعدي

falsaade@kfu.edu.sa

مدير التعلم الإلكتروني والتعليم عن بعد الدكتور أحمد الشعيبي
amshuaibi@kfu.edu.sa

حسابه بتويتر
https://twitter.com/rrr898?s=09


عمادة التعلم الإلكتروني والتعليم عن بعد :
del@kfu.edu.sa
ede-cc@hotmail.com

الرقم المجاني للجامعه من يوم الأحد وحتى يوم الخميس
من الساعه الثامنه والنصف صباحا وحتى الرابعه عصرا
8003030308

والرقم الغير مجاني
920002366

وفالكم التوفيق ان شاءالله

رد: ياجماعه استفسار.. النتيجة حقي انذار اخير فصل..
 

ياشباب كيف اعرف النتيجه حقتي النهائيه هل متخرج ولا لا ؟

تكفون انا بشرت العالم كلهم اني تخرجت

بس ماعرف وين احصل معدلي والامور الباقيه ؟

رد: ياجماعه استفسار.. النتيجة حقي انذار اخير فصل..
 

وش الصيغه اللي نكتبها لهم انا رفعت تظلم على الدرجات حقت الاختبار اعادة تصحيح
وش الحل تكفون

رد: ياجماعه استفسار.. النتيجة حقي انذار اخير فصل..
 

هلا بك.. شوف المعدل الفصلي والمعدل التراكمي اذا مكتوب جنبهم 2 واكثر يعني ناجح وتتخرج اذا ماعليك اي مواد أخرى.

رد: ياجماعه استفسار.. النتيجة حقي انذار اخير فصل..
 

وين احصلها مكتوبه اخوي شوف موضوعي الصور اللي فيه

رد: ياجماعه استفسار.. النتيجة حقي انذار اخير فصل..
 

اخوي شفت موضوعك انت راسب لأن معدلك اقل من 2
لك فرصة اخيرة عشان ترفع المعدل إلى 2 وإذا لاسمح الله مارتفع معدلك إلى 2 يفصلوك من الجامعه نهائيا. الله يوفقك ويوفقنا جميعا. وان شاء الله انعدي وربك يستررررر.

رد: ياجماعه استفسار.. النتيجة حقي انذار اخير فصل..
 

ارسل عن طريق ايميله

رد: ياجماعه استفسار.. النتيجة حقي انذار اخير فصل..
 

يا اخوان اذا حبيتوا تراسلون الجامعة لازم تراسلونهم من الايميل الجامعي الخاص فيكم وليس الايميل الشخصي

ايميلك الجامعي هو رقمك الجامعي ثم تضيف عليه student.kfu.edu.sa@

والرقم السري هو نفس رقمك السري الي تدخل عليه للخدمات الطلابية

والله يفرجها لكم من أوسع ابوابة

رد: ياجماعه استفسار.. النتيجة حقي انذار اخير فصل..
 

ارسلت لهم عن طريق الايميل الجامعي وطلبوا مني اطلب اضيف مواد عن طريق الاستفسارات وكتبت لهم اني ابي مساعدة اعدي الجامعه

ولكن ردوا علي نرجوا الانتظار لحين التواصل معكم

هل يتم تجاوزي وعطائي معدل كويس واتخرج ويتساعدون معي ؟

ولا بيعطوني مواد ؟

والا بيطنشوني ؟

وهل الافضل اروح لهم الاحساء ولا ماله داعي بيتعاونون ؟

رد: ياجماعه استفسار.. النتيجة حقي انذار اخير فصل..
 

ولله مدري وش اقولك وناخوك، ودي افرحك لكن هذا هو الي مكتوب لك لاني شفت موضوعك الي حاط فيه صورة سجلك الاكاديمي وحسبت لك كم تحتاج من ماده علشان ترفع معدلك التراكمي من 1.78 الى 2 ولقيتها مهمه صعبه جدا جدا

علشان ترفع معدلك لازم يعطونك 6 مواد اقل شي ولازم تجيب فيها كلها ممتاز مرتفع وحطيت لك بالمرفقات الحساب الي سويته لك

اذا تقدر تروح لهم ومعك عذر قوي يخدمك ممكن انهم يتساعدون معك ويعطونك رقم جامعي جديد وتبدا من جديد


والله يفرجها لك من اوسع ابوابه

رد: ياجماعه استفسار.. النتيجة حقي انذار اخير فصل..
 

يا اخوان من له علاقة بالعماده او يعرف احد هنالك يقدم لي مساعده اقسم بالله وضعي متعب جدا نفسيا

يمين بالله دفعت دم قلبي في الجامعه واخرتها يصير لي هالامر
تكفون المساعده الله يوفقكم

رد: ياجماعه استفسار.. النتيجة حقي انذار اخير فصل..
 

ولله ماالومك يالغالي وهونها وتهون

لو اني في مكانك وعطوني فرصه ونزلوا لي مواد ولله ما ادرسها لاني عارف معدلي ماراح يوصل الى 2 لو اطير

نصيحتي لك وناخوك دام السمستر توه في بدايته، رح بنفسك للعماده وارفع خطاب للعميد وتعهد فيه بالألتزام واطلب رقم جامعي جديد وادرس من جديد وعادل المواد الي تقدر عليها وكلها كم سنه وتتخرج، احسن من انه تضيع عليك البكالوريوس

ولله ماودي اضيق صدرك بس ماعندك غير هذا الحل

شف اخونا( مرجوج) باقي له شعره ويصير معدله 2 ومادفوه حسبي الله عليهم فما بالك انت معدلك التراكمي بعيد جدا عن 2

ولله ودي افرحك بشي افضل من كذا لكن الشكوى لله

لايروح عليك الوقت وناخوك، وتوكل على الله ثم رح لهم

وانا في خدمتك في اي وقت يالغالي

واسأل الله العظيم ان يفرجها لك من اوسع ابوابه

رد: ياجماعه استفسار.. النتيجة حقي انذار اخير فصل..
 

انا في الرياض والعماده في الهفوف هذا اول شي

ثاني شي هل يعقل اني ارجع ادرس من جديد ولدي شهادة اني خلصت الساعات بنجاح ؟

هل يعقل هالشي ؟

دامني نجحت خلاص عطني مقبول وخلني اخلص مثل العالم

كثير من الطلاب تذمروا من اسئلة الاختبارات وان تظلموا عطوهم درجة النجاح ولا قالو لهم التصحيح ممتاز وحملها مره ثانيه

والكل عارف هالشي الا واحد مخه نظيف جدا وحافظ صم المواد

احنا عمل وعوائل والتزامات وامور الحياه اللي كلن عارفها

واخرتها يقولك امسك الباب بعد هالمبالغ الطائله ؟

رد: ياجماعه استفسار.. النتيجة حقي انذار اخير فصل..
 

والله شي يقهر عن جد.. المفروض مافي فصل من الجامعة يخلونا ندرس لين يرتفع المعدل الى 2 ونتخرج احنا ندرس على حسابنا بفلوسنا المفروض قرار الفصل يلغى دافعين دم قلبنا وفي الأخير عشان كم درجه ناقصة يفصلونا حرام هذا إللي يصير.

رد: ياجماعه استفسار.. النتيجة حقي انذار اخير فصل..
 

انا ردو علي في الاستفسارات وكاتبين لي انهم سوف يتواصلون معي
في بداية الفصل الدراسي لوضع صيغة لرفع المعدل. شكلهم بيعطوني مادة ادرسها والله يستر وراسلتهم مرة ثانية وقلت لهم اذا بتعطوني مادة ادرسها انهم يضيفون لي على الأقل مادتين او ثلاث مواد حتى اضمن رفع المعدل وان شاءالله يوافقو مع ان انا غاسل يدي منهم مايرحمو احد.

رد: ياجماعه استفسار.. النتيجة حقي انذار اخير فصل..
 

اي ولله قهررر لانه المفروض الي ناقصه خمس درجات يدفونه فيها ويتخرج

لكن بقولكم شغله مهمه ترى اوقات يكون الفصل النهائي من الجامعة هو الحل المناسب للطالب لانه يكون فيه بعض الطلاب معدلاتهم التراكمية ماعاد يمديهم يرفعونها الى 2، ف يتم فصلك ويكون قرار قاسي على الطالب لكنه هو الأنسب له علشان مايضيع وقته وفلوسه على الفاضي، وهذا الطالب عنده حل انه يروح للعماده ويرفع خطاب للعميد ويتعهد بالالتزام ويعطونه ورقه تعهد يوقع عليها ثم يعطونه رقم جامعي جديد ويبدا من جديد وتعتبر هذي مساعده لايستاهن فيها من الجامعة خاصة انه تم ايقاف القبول بشكل نهائي

وثق ثقه تامه ان الجامعة راح تعطي فرصه للطالب الي عنده مجال يرفع معدله التراكمي وهم احرص منه على التخرج

واسال الله العظيم ان يفرجها لكم من اوسع ابوابه

رد: ياجماعه استفسار.. النتيجة حقي انذار اخير فصل..
 

فرصه لا يستهان بها ؟

ليه يفتحون الانتساب اذا فيه اساتذه معقدين الاسئله يبغالها حفظ تفرغ تام وخاصه بعض المواد الجامعيه اقسم بالله مانستتخدمها في حياتنا ولا اعمالنا نهائيا لا مهندس ولا دكتور ولا صيدلي ولا ضابط ولا خبير

اجل ص + س = &
عمرك شفتي طبيب يسوي عملية قلب حاط قدامه سبوره يحل مثل هالمعادلات
ولا عمرك شفتي مهندس يسوي هالشي او اي مهنه بالحياة ؟

خلونا عقلانيين شوي

المشكله من الاسئله النهائية رفعنا اعتراضات تظلمات كل شي سويناها
الرد واحد الدرجة نتيجه التصحيح صحيحه

اللهم اننا حطينا تظلم ومنصفين عادلين

الفلوس ماجبناها من الشارع ولا سرقناها تعب من عرق جبينا

اقلها اذا الواحد ماقدر يوفق بين عائلته وعمله ودراسته خلوه يتخرج بمقبول والمميز عطوه ممتاز

ليه ادفع فلوس ؟
عشان انتساب فقط ؟

رد: ياجماعه استفسار.. النتيجة حقي انذار اخير فصل..
 

الله يعينا جميعا.. انا عطوني فرصة أخيرة وعطوني مادتين ادرسها حسب ماطلبت منهم انهم يعطوني مادتين على الأقل والحمدلله وافقو، بس ان شاء الله تكون هالمادتين سهلة وماتكون صعبة ومعقدة :Cry111:

رد: ياجماعه استفسار.. النتيجة حقي انذار اخير فصل..
 

ماشاء الله تبارك الله متى تواصلوا معك وكيف جتك الموافقة ؟

رد: ياجماعه استفسار.. النتيجة حقي انذار اخير فصل..
 

إذا كان المعدل أقل من 2 في أمل نجاح و تخرج أو لا ؟؟

إذا لا يستطيع الطالب حصول درجة الامتياز ؟؟

من تخصص الى اخر يختلف ؟؟

رد: ياجماعه استفسار.. النتيجة حقي انذار اخير فصل..
 

رد: ياجماعه استفسار.. النتيجة حقي انذار اخير فصل..
 

12ساعه = لو جبت بكل مادة a ارتفع وبالراحة

انت اجتهد وذاكر من بدري وأعطي أقصى ماعندك وكرر الدراسة وراجع وراح ترفع نقاطك بسهولة