|
لقيت الناس مامنهم سلامة ..
من روائع الشاعر الكبير / إبراهيم بن زيد المزيد رحمه الله وأسكنه فسيح جناته لقيت الناس ما منهـم سلامـه= لزوم يلحقـك منهـم ملامـه ولا تحسب حلالـك لـو تبيـده= يبي يحماك عن هرج الفدامـه بذرت الجود في مـن لا جزانـي= سـوى ذم إلا هبـت ولامــه حقود القلـب نقـال الوشايـا= هذور سهمتـه نقـل النمامـه إلا منه طرى له ما طرى لـه= تكلم مـا يثمـن وش كلامـه يقوله يزعم إنـه مـازح بـه= وهو ينقض ويفتل في عدامـه دخيل الله من خطـو السملـق= إلى بالهيـذوان أطلـق لجامـه ألا ياليـت ربـي يـوم سـوى= عبيـده حـط للطيـب علامـه على شان الذي بالناس جاهـل= يعرف الحر من برق الجهامـه لأجل بالنـاس شيطـان ملبـس= ولو لوى على راسه عمامـه يغـرك بالسـلام وبالتحـفـي= وهو شيح وجثجـاث طمامـه مثل هـذا تحـذر منـه جـدا= ولا تدني منامك مـن منامـه وبعض الناس في ممشاه رافق= ي ختل الناس في قـل إهتمامـه وبعض الناس يبدي لك نصيحه= ولكن ما تعرفـه وش مرامـه وهو ما مقصده نصـح ولكـن= يبي يلبسك للحاجـه خطامـه وإلى منه قضى بك مـا يريـده= أخذ سـدك وضربـك المهامـه وبعض الناس يوري لك محبـه= وأرق من البريسم في تمامـه إلى قـام يتمسكـن بالتلـفـظ= تقول أطهر وأصح من الحمامه وهو بولة حمار عزك الله= ينجس من مشى حوله رشامه وبعض الناس محمود السجايـا= رقى العليا بعزمـه والتزامـه إلى منه بـدى لـك فيـه لازم= قضى لازمك ما ثمن حطامـه كمنه وافي فـي كـل خصلـه= عريب الجد خاله من عمامـه أسـأل الله يرفـع كـا خـيـر= عن الخذلان لا يهفـي مقامـه قضى نظمي وما لاق بضميري= حلات القيـل مبداتـه ختامـه أقول الناس مشكاهم علـى الله= لزوم يلحقـك منهـم ملامـه :rose: |
رد: لقيت الناس مامنهم سلامة ..
اقتباس:
كالشيطان .. يدخل عليك من باب الخير سلمتي أديبتنا .. |
رد: لقيت الناس مامنهم سلامة ..
يسلم يدك غاليتي
|
رد: لقيت الناس مامنهم سلامة ..
الا ياليت ربي يوم سوى
عبيده حط للطيب علامه قصيدة جزلة ومليئة بالحكم بوركتِ |
رد: لقيت الناس مامنهم سلامة ..
إلا منه طرى له ما طرى لـه=
تكلم مـا يثمـن وش كلامـه يقوله يزعم إنـه مـازح بـه= وهو ينقض ويفتل في عدامـه دخيل الله من خطـو السملـق= إلى بالهيـذوان أطلـق لجامـه ألا ياليـت ربـي يـوم سـوى= عبيـده حـط للطيـب علامـه |
رد: لقيت الناس مامنهم سلامة ..
_
لا اعلم هل ابدي اعجآبي بقلمك ام بذآئقتك أم أم كلمة الحق تنقال " الابدآع مرتبط باسمتس ايثآر سلمت مشرفتنا ودمتي بتألق:icon19: |
رد: لقيت الناس مامنهم سلامة ..
صح السان الشاعر درر وسلمت يمينك اختي ايثار على اختيارك واسمحيلي بالمجارة المتواضعة .. نظام وقد تعلمنا نظامه , وطبقنا قوانين السلامه ولكن صارت العالم غريبه بدون احساس تلزمك الملامه درسنا بالحياة ادروس خبره وعرفنا كل شخصً واهتمامه وعرفنا من يودك لو يسبك ولو كثر علينا في كلامه وعرفنا من يعادي قلبه اسود ولو يضحك ويبديلك سلامه صديقك من يبادلك المشاعر رفيع الشان عالي في مقامه وعدوك لو عطاك الورد باقه مصيرك يوم تندم لحترامه ولكن بالمعزة صون نفسك وتحلى بالمكارم والكرامه وارجو ان تحوز على استحسانكم .. |
رد: لقيت الناس مامنهم سلامة ..
ألا ياليـت ربـي يـوم سـوى= عبيـده حـط للطيـب علامـه على شان الذي بالناس جاهـل= يعرف الحر من برق الجهامـه تسلم يمناك إيثااار |
رد: لقيت الناس مامنهم سلامة ..
تسلم يدك إيثاري شكرا عالدعوه
|
رد: لقيت الناس مامنهم سلامة ..
،،،
قصيدة جزلة من شاعر معاصر لظروف الحياة الله يرحمة شكراً لتس ع النقل ولآهنتي ،،، . |
| All times are GMT +3. الوقت الآن حسب توقيت السعودية: 02:59 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه