ملتقى طلاب وطالبات جامعة الملك فيصل,جامعة الدمام - الي يبي دعوتين صادقتين يوم هالجمعة تكفون يا أخوان

الي يبي دعوتين صادقتين يوم هالجمعة تكفون يا أخوان

السلام عليكم

يا أخوان تكفون ساعدوني والله ماني فاهم شيء أبد أبد

أقسم بالله عفت هالإنتساب كله وفكرت بالإنسحاب من الجامعة

يعني مادري وش أسوي أقسم بالله مافيه شي فاهمه

هالحين سجلت واعطوني اليوزر وكل شي وجتني رسالة البارح تقول حدد موقع الإختبار

طيب أنا ألحين وش أسوي حددت مكان الإختبار وبعدين

كيف احمل المحاضرات

وكيف أشارك في منتدى النقاش حق الجامعة

وكيف أحل الواجبات

واحد يقول لا تشغل بالك قبل الإختبار باسبوع أعلمك كل شيء :064:

وكل ماقلت له شي قال ياخي تبي تذبحك هالعجلة :24_asmilies-com:

صراحة أقسم بالله كرهت هالجامعة وكرهت ابن عمي هالبارد الي قالي سجل فيها وودي :41jg: أتمردغوه

تكفون يا أخون الله يكتب لكم الأجر ويجزاكم عني خير الجزاء ويرحم والديكم

تكفون أبي من الألف للياء ولو فيها تثقيل عليكم

لكن احتسبوا الأجر ولا يضيع شيء عند الله سبحانه وتعالى

وجزاكم الله خير

رد: الي يبي دعوتين صادقتين يوم هالجمعة تكفون يا أخوان

حياك خيو

لاتنسحب ولا شي لان من اصل اذا رجعت لك شهادتك ولا فلوسك >> طمنتك حيل :biggrin:

الدراسه حلوة وممتعه صح بالبدايه صعبه شوي بس لاتتوتر وشوي شوي بتلاقي نفسك تعلم غيرك

خذ الرقم الي وصلك اليوزر والباسورد وادخل عالبلاك بورد من هنا

http://lms.kfu.edu.sa/

ودخل عليه وشوف موادك ونزل المحاضرات حقتك مع المحتوى وتنحسب لك درجات

بعدها ادخل على منتديات الحوار بتلاقيها على يمينك شارك فيها عندك استفسار عن مادتك اسال

اتمنى غيري يزيدك لو ردي ناقص بتوفيق خيو :106:

رد: الي يبي دعوتين صادقتين يوم هالجمعة تكفون يا أخوان

هذا موضوع موضح كيفيه استخدام منتدى الحوار
http://www.ckfu.org/vb/t150438.html

وهذا رابط موضوع لطالبه جامعيهE جزاها الله خير عن البلاك بورد
http://www.ckfu.org/vb/t136972.html

رد: الي يبي دعوتين صادقتين يوم هالجمعة تكفون يا أخوان

http://www.kfu.edu.sa/ar/Deans/elear...ive_guide.aspx

هذا الدليل الأرشادي للطلبه الجدد ...

في حفظ الرحمن ..

رد: الي يبي دعوتين صادقتين يوم هالجمعة تكفون يا أخوان

أخوي والله العظيم انا مثلك توترت حيل صرت حتى بالليل مانام عدل

بس بعدين يرجع الفضل لله ثم للاعضاء اللي هنا ساعدوني حيل اي سؤال اكتبه يجاوبوني عليه لما صرت اعرف كل حاجه بس انت طمن حالك ولا عليك انشالله تتسهل

رد: الي يبي دعوتين صادقتين يوم هالجمعة تكفون يا أخوان

حرام عليك والله الأمور ما تستاهل هالتعقيد والخوف أسهل مم تتصوره .
الدخول على البلاك بورد بالرقم الجامعي والسري اللي أرسلت لك .. دخول المحاضره تختار الماده اللي تبي وتدخل عليها .
هونها وهي تهون وأنا أخوك وتبي أفهم أكثر أبشر بسعدك .

رد: الي يبي دعوتين صادقتين يوم هالجمعة تكفون يا أخوان

وانا كمان مريت بنفس حالتك لكن الحمد لله بفضل الله ثم بفضل اخواننا بالمنتدى ماقصروا معانا بكل صغيره وكبيره جزاهم الله عنا خير الجزاء وعلى فكره هذا اول مستوى لنا وهذي البدايه لازم نواجه بعض الصعوبات تونا بدينا والنظام جديد علينا يعني ان شاء الله تساهيل وفالك النجاح انت ولد عمك