ملتقى طلاب وطالبات جامعة الملك فيصل,جامعة الدمام

طبعا مافيه شي صعب ومافيه شي سهل
اذا راح تذاكرين وتهتمين بدروسك اكيد بتكون سهله
اما مجرد انك تسجلين بالجامعة وتجين قبل الاختبارات بسبوعين وتبين تذاكرين فاكيد بتكون صعبة وصعبة جدا
لانه راح يكون قدامك كم كبير جدا من المعلومات مستحيل اي مخ بشري يستوعبها قبل الاختبارات بسبوعين

يعني لو تفضين نفسك كل يوم لمدة ساعة ونصف للمذاكرة والمراجعة راح يكون الوضع جدا سهل

عندك اعمال سنة من 30 درجة مقسمه على14 محاضرة مسجلة و14 مناقشة و4 محاضرات مباشرة و3 واجبات

طبعا الـ 14 محاضرة مسجلة تنزلك تباعا.. ومدة اطول محاضرة ما تتعدى ساعة وربع
انتي حرة تبين تنزلينها ع الجهاز وتشوفينها او تكتفين بالمشاهدة من على موقع الجامعة
اهم شي احد هالطريقتين عشان تنحسب لك الدرجة..
وينزل مع كل محاضرة محتوى.. اللي هو عبارة عن الكلام اللي يقوله الدكتور
علشان تطبعينه لو حابه وتتابعين المحاضرة وتسجلين النقاط المهمه عليه..

اما الـ14 مناقشة فضروري تحلينها والحل بتلاقينه هنا بالمنتدى
وعندك 3 واجبات وبرضوه حلولها موجوده هنا بالمنتدى
وعندك ثلاث محاضرات مباشرة ( لكن مو شرط تحضرينها مباشر ) تقدرين تنزلينها بعدين وتحسب لك الدرجة

يبقى لك على ما اعتقد 20 درجة على النجاحة هذي تقدرين تجيبينها واكثر منها بالاختبار
لان الاختبارات كلها سهله وواضحة