تنبية للجميع : معادلة المواد ضروري تمت معادلة موادي بنجاح
 

[align=center]
بسم الله الرحمن الرحيم

الحمد لله على كل حال أنا استفسرت قبل عن طريق هذا الموقع عن نظام معادلة المواد

وكان رد احد الموجودين انه معادلة المواد تتم للي انقطع عن دراسته في احد الجامعات

ولايشمل خريجين الكليات والجامعات

أخواني اخواتي أنا توجهت اليوم الفجر من الجبيل الصناعية وكلي أمل أنه يكون كلامهم

خاطيء والحمد لله وصلت الساعه 8 ونصف جامعة الملك فيص بالأحساء توجهت لمبني

قسم اداره أعمال أنتساب مبنى رقم 50

لقيت زحمه طلاب جاء دوري قلت له انا خريج كلية الجبيل الصناعية هل لي معادله

قال اكيد لكـ معادلة 15 ساعة ولقيت كثير من الخريجين اللي تمت معادله ساعاتهم

لذلكـ انوه للجميه معادلة المواد للجميع الخريجين وغير الخريجين اللي أنقطعو عن دراستهم

وطبعا الحمد لله عطيتهم اوراقي وتمت المعادله بنجاح وسالتهم عن اليوزر نيم والباسورد حق البانر

قالو لي راح يرسلونه لنا من الأسبوع القادم ومن خلاله نقدر نطبع الجدول وراح نقدر نحدد مكان

اختباراتنا

طلعت من الجامعة وللاسف ماكان عندي لاب توب اتجهت على اقرب كافي نت واقرب جهاز

وكتبت لكم موضوعي هذا اللي اتمنى انه يفيد اكبر عدد ممكنمن اعضاء المنتدى هذا

لانه اخذنا وعد على اعمارنا انه نفيد ونستفيد


وللعم فقطـ مبنى اداره الأنتساب في قسم اداره اعمال رقم 50 بجوار كلية الصيدله


نطحه ( خارج الموضوع ) : اعجبني في الجامعة تنظيمها في المباني واللي ما اعجبني

فيها انه اذا دخلت مبنى مو لكـ ماحد يساعدكـ يعني ابشركم اني مريت 17 مبنى قبل اوصل مبنى الأداره اللي انا ابيها

دخلت كلية الصيدله بالغلط طالع فيني المصري وقال عاوز ايه قلت ابي قسم اداره الأعمال انتساب رد علي وقال انت مش عارف انكـ في قسم الصيدله واعطاني نظره الأسد اعطيته نظرهـ الفهد وقلت لا تجلس تتتفلسف انا مو طالب مستجد انا منتسب وقتها رجع لوضعه الطبيعي .


اتمنى كل اللي يقراء هذا الموضوع يعطيني دعوه من ظهر غيب واوصل الجبيل سالم غانم


اخوكم مستشار :o2:
[/align]

رد: تنبية للجميع : معادلة المواد ضروري تمت معادلة موادي بنجاح
 

تسلم واالله حلوو لانك بتفيد الي يبوون ذا الشيء << تلايطي بس

مووفق يارب

رد: تنبية للجميع : معادلة المواد ضروري تمت معادلة موادي بنجاح
 

رد: تنبية للجميع : معادلة المواد ضروري تمت معادلة موادي بنجاح
 

:(204):اي والله صموته بصراحه فرحت يوم عادلو موادي لأني فكرت أمس بالليل بالمنطق ليه مايعادلون

وماقدرت أقتنع بكلام الشباب شديت الرحال والحمد لله ماضاع تعبي



شاكر مروركـ صموته واي استفسار انا حاظر

رد: تنبية للجميع : معادلة المواد ضروري تمت معادلة موادي بنجاح
 

تسلمين اختي توليب لاهنت على المرور

وربي المهم انه مايبدى الترم الا والشباب معادلين ومخلصين


واخر موعد معادله المواد الأربعاء بعد القادم

:(204):

رد: تنبية للجميع : معادلة المواد ضروري تمت معادلة موادي بنجاح
 

:mh318:تسلم والله وجعلها الله في موازين حسناتك ودوم الفرحه ياارب

رد: تنبية للجميع : معادلة المواد ضروري تمت معادلة موادي بنجاح
 

تسلمين صموته امين الجميع يارب




:24_asmilies-com: <<<< مواصل من امس


اقرررب فندق في الأحساء وراجع لكم ان شاء الله اذا صحيت من النوم

رد: تنبية للجميع : معادلة المواد ضروري تمت معادلة موادي بنجاح
 

طيب اخوي هل هم يعادلون الدبلوم
لاني معي دبلوم حاسب سنتين
ياليت تفيدني

رد: تنبية للجميع : معادلة المواد ضروري تمت معادلة موادي بنجاح
 

مشكور اخوي وماقصرت ,,, جعله الله في ميزان حسناتك يااارب ,,,

بس حبيت اسألك هل طلبوا عليك شرح الى المواد لو ماطلبوا ,,,,

بالنسبة لي عندي دبلوم حساب الي برمجة ,,, وعندي سجل اكاديمي سمستر واحد من الكلية التقنية تخصص محاسبة ,,, تتوقع راح استفيد منه بالنسبة لمعادلة المواد ,,,

لانه تخصصي انجليزي واحسه مافي شي من المواد يطابق ويا اللي بدرس احين ,,,

انت شنو التخصص اللي مقبول وفيه وشنو التخصص اللي قدمت معادلة به اذا امكن ,,,

لانه مابي ادق مشوار بدون فائدة ,,,

ماقصرت ياغلا ,,, يالتوفيق للجميع ان شاء الله ,,,

رد: تنبية للجميع : معادلة المواد ضروري تمت معادلة موادي بنجاح
 

اولا مبروووك المعادله

الله يجزاك خير على المساعده ,, انا اليوم ارسلت اوراقي يارب يوافقون ويستقبلونها ,

بس غريب ردوا عليك بهالسرعه ؟

مولازم تاخذ وقت المعادله ؟

والا ارسلت الاوراق من فتره ورحت اخذت الرد ؟؟ لاني مقدر اروح الحسا

ارسلت بالبريد ,,يارب يفرحوني بالمعادله وافتك من كم ماده

الله يوفقك اخوي ,,:(156):