ملتقى طلاب وطالبات جامعة الملك فيصل,جامعة الدمام - سجل طلبك لازالة ايقونة الحوافز للمتفوقين

رد: سجل طلبك لازالة ايقونة الحوافز للمتفوقين

وكل سنة المشاركات مفتوحة وياحليلهم معنا
وهالترم قفلوها والطامه بالنتايج
مانبي مكافآت نبي درجات
حنا قاعدين ندفع فلوس عشان ندرس
فبالله المكافأة الألف ريال وش بتسوي؟؟

رد: سجل طلبك لازالة ايقونة الحوافز للمتفوقين

خلاااص اييقوونه يششلونها اذا بيصععبووون الاسئلة هالشي في صالحنا لان احنا كالمنتسبين ماينظرون الا للمعدل فقط في تقدييم ع اي شي مستقبلا

رد: سجل طلبك لازالة ايقونة الحوافز للمتفوقين

ماله خص بالأسئلة

هم ناويين كذا بالمكأفاة ولا بدون

واحد من الدكاتره قال صار عندهم ممنوع تتكرر الأسئلة ويراجعونها ما يكون فيها مكرر من أسئلة ماضيه

لكذا هم منقبين المناهج وحاطين الأسئلة من بين السطور

رد: سجل طلبك لازالة ايقونة الحوافز للمتفوقين

ممن جد مستانسين بآلاف الي يطلعونها مانبببيها خليها لكم

رد: سجل طلبك لازالة ايقونة الحوافز للمتفوقين

الله لايردها من ايقونه وتفوق

رد: سجل طلبك لازالة ايقونة الحوافز للمتفوقين

الالف ريال عند بعضنا لاتعني شيئ ولكنها لدى هولاء الذين تفوقوا قد تعني تأمين رسوم الدراسة للفصل القادم والا لن يستطيعوا الاكمال فلننظر من الجانبين والاسئلة طبيعي ان يتم تغيرها فلقد تكررت كثيرا وكثيرا فنال حظها البعض ولم يوفق غيرنا . وتنعت بعض الدكاتره وارد لكن يظلون ارحم بمليون مره من دكاترة الانتظام .

وجهة نظر ساحتفظ بها لنفسي خشية ان يغضب علي البعض منكم واسال الله ان يكتب الخير فيما تختارون

رد: سجل طلبك لازالة ايقونة الحوافز للمتفوقين

من جد السنه هذي كل الأسئله جديده مافي شي مكرر الا علم الاجتماع شكل الدكتور صابر ماهمته الحوافز الله يستر عليه :16.jpg:

رد: سجل طلبك لازالة ايقونة الحوافز للمتفوقين

صحيح كلامك آبو عبدالعزيز لازم نشوف من كل الجوانب

لكن و الله اسئلتهم صايره تجيب المرض النفسي انا وحده م شكيت فيهم شكيت بمقدرتي ع استيعاب المقرر!!

رغم بعض المقررات سهله لكن الله المستعان !

انا وحده اعطيهم مو الف اعطيهم فوق رسوم دراستي عشر الاف بس يراعونا كـ طلبه يحطونه اسئله منطقيه

مو يعطيك من وجهة نظرك فيها تعميم او العباره غير صحيحه ! و كلها تحتمل الاجابه !

ولا يجيك واحد يجيب لك الدوخه في نفس السؤال فيه أ و ب و فيه جميع م سبق ليه عشان تخليني احول !

نبي نعدل معدلاتنا قبل التخرج مو نعدمها :(177):

رد: سجل طلبك لازالة ايقونة الحوافز للمتفوقين

اولا اعتذر لمن لايوافق رأيه رأيي
انا اشوف ان كل هذا الشي من صالحنا برأيكم مين راح يعترف بجودة تعليمنا ويطل في شهاداتنا ويوظفنا او حتى يحترم تعبنا وانتو ماخليتو احد في السعوديه ماقلتوله ان الاسئله مكررة كل سنه تنعاد الين صار جزء كبير ولاحظو اقول جزء مو الكل سار يسجل بالجامعه لهذا السبب يبغى شهادة بمجرد مذاكرة وريقات اسئله السمستر الماضي وطبعا لو ماتكررت الاسئله نال الدكتور منكم انواع السباب والدعاء عليه كأن ماتفضل به يوما علينا اصبح من حقوقنا عليه
وانا اشكر الجامعة بصدق لانها انتبهت لهذي النقطة وعدلت وشددت في هذا الموضوع
وصدقوني كلنا عندنا التزامات ومشغولين لكن فرق بين اللي يبغى يدرس واللي يبغى شهادة وانا واثقه مليون في المية انه اللي فقط شاهد المحاضرات وذاكر محتوى المنهج بتركيز وحل الواجبات والمناقشات مراح ينقص عن a+ في اي مادة فما بالكم باللي يجتهد اكثر
وبخصوص المكافأة مالها علاقه لان كل الجامعات السعودية هذا نظامها من زمان

وبكل صدق وامانه المنتدى سارت اغلب مواضيعه اعتراضات على اتفه شي وسار صاحب الحق يسكت ولا يناقش احد لانه يخاف من هجوم الغاضبين لكن ماهو غريبه الحق دائما يزعل ومحد يبغاه
كونو صادقين مع انفسكم قبل كل شي واللي شايف الدراسه صعبه ماراح اقول زي بعض الناس ليش تدرس اقول يقوي من نفسه ويتحدى الصعاب ومافي شي بالساهل واستعين بالله قبل شي واتركو كل شي يحبطكم ولاتسمحو لاحد يقنعكم ان الجامعه سبب كل عقبه
الصدق والمصالحه مع النفس اولا
ثم الايمان التام بقدراتك (تفائلو بالخير تجدوه) مقرونا بالدعاء والاستعانه بالله
ثم تحدي الذات
تنعم بعدها بثمرة النجاح في تحدي ذاتك وقهر عقبات كانت امامك مستحيله التجاوز

دمتم متفائلين ناجحين