ملتقى طلاب وطالبات جامعة الملك فيصل,جامعة الدمام - السلام عليكم ابي منكم ادعاء له برحمة

- قصائِدكم و خواطركم [ خاص ] (https://vb.ckfu.org/forumdisplay.php?f=344)

- - السلام عليكم ابي منكم ادعاء له برحمة (https://vb.ckfu.org/showthread.php?t=306879)

السلام عليكم ابي منكم ادعاء له برحمة

بسم الله الرحمن الرحيم

السلام عليكم ورحمة الله وبركاتة:_

قصيدة الى والدي رحمة الله علية _

يبه شلونك
ملل هالكون من دونك ..
يبه شلونك ؟؟
وتمضي رحلة الدنيا..
بليا طلة عيونك..
يبه شلونك ؟؟
وشلون المرض وياك ؟؟
بعد ماهدك بدنياك..
عساها تغمض جفونك ؟؟
تبي تدري عن احبابك ؟؟
عن عيون تغنا بك ؟؟
عن قلوب دفنها الشوق..
واذا جاها الغفا جابك ؟؟
يبه امي تخيلك دوم..
تغني لك مع القمرا..
يبه واللي خذاك بيوم..
خذا بكريتك عفرا..
خذا.. وياماخذا.. وياما..
خذا ناس يحبونك
يبه حنا غدينا كبار..
توفقنا وتخرجنا..
يبه ماعاد فيه صغار..
يموج بهالزمن كل شي..
وحنا ماتموجنا..
على ذاك العهد نسري..
نبيع العمر والدنيا..
ولا تخلف بنا ظنونك
يبه شلونك ؟؟
تبي تدري عن اخباري ؟؟
عن افكاري وتذكاري ؟؟
اشيلك داخلي جمره ..
وبعيون الحزن عبره..
تغرقني .. وتحرقني..
اشوفك نجمة تجبر..
مراعيها .. يراعيها..
واشوفك للرجوله اسم..
اذا شد الزمن تقسى..
واحلم من معاني الحلم..
احسك مقبل بكرى..
وعيا لايجي بكرى !!
يبه تذكر زمان مر؟؟
لاقالو عمر؟؟
هو احلى مابهذا العمر..
يبه تذكر مجالسنا ؟
مقلطنا ومجلسنا ؟
وحارتنا ومسجدنا ؟
يبه تذكر هدايا العيد ؟
صلاة العيد؟ وبشت العيد؟
يبه تذكر سوالفنا ؟
لاجل هذا ..
وكل هذا ..
اقول اليوم يابيي ..
ملل هالكون من دونك
"منقول "
دعواتكم لأبوي بالرحمه والمغفره الله الله بوالديكم تروا والله ماتحسون بقيمتهم الا اذا فقدتوهم
الله يرحم ابوي ويسكنه فسيح جناته ويجعل قبره روضه من رياض الجنه
ويرحم امواات المسلمين

أخوكم/ ابو راشد الشمالي