|
رسالة من الجامعة يطلبون اوراق وشهادة ؟؟؟ وش السوات؟
السلام عليكم
شخباركم؟؟ الحين وصلتني رسالة من الجامعة : يرجى سرعة ارسال الاستمارة الاصلية لشهادة الثانوية العامة وصورة من بطاقة الهوية الوطنية على العنوان التالي: عناية الاستاذ عبدالعزيز السبعان جامعة الملك فيصل وذلك قبل نهاية دوام يوم الاربعاء يا جماعة الخير انا الحين اعتبر 3 مستوى وشو ارسل اوراق وخرابيط ؟؟؟ ولا هذي رسالة تلقائية توصل للكل تكفون افيدوني مع العلم الى الان ماسددت الرسوم والفاتورة مانزلت بالحساب |
رد: رسالة من الجامعة يطلبون اوراق وشهادة ؟؟؟ وش السوات؟
:22:يجي من يفيدك
|
رد: رسالة من الجامعة يطلبون اوراق وشهادة ؟؟؟ وش السوات؟
هلابك
شهادتك الاصل وينهي فيه ف الجامعه او عندك |
رد: رسالة من الجامعة يطلبون اوراق وشهادة ؟؟؟ وش السوات؟
أخصائية
انا رسلت كل هالاوراق اول ماسجلت بالجامعة قبل سنة والله يخربطون الواحد كذا بالذات اذا كان من القدامى ومو مستجد :44: |
رد: رسالة من الجامعة يطلبون اوراق وشهادة ؟؟؟ وش السوات؟
وأنا كمان نفس وضعك !
وصلتني رساله والرسوم مانزلت الى الآن وأنا المستوى الثاني يالله ربك كريم والرقم اللي واضعينه بالرساله أتصلت عليه مشغول ! |
رد: رسالة من الجامعة يطلبون اوراق وشهادة ؟؟؟ وش السوات؟
اقتباس:
العازم اجل شكلها رسالة تلقائية توصل للكل الله يصلحهم بس انا ماجربت اتصل على الرقم لاني متأكده اوراقي عندهم وش ذا الاستهبال :4: |
رد: رسالة من الجامعة يطلبون اوراق وشهادة ؟؟؟ وش السوات؟
اكيد بالغلط جتكم
لكن تاكدوا من احمد الشعيبي ع التويتر rrr898 |
رد: رسالة من الجامعة يطلبون اوراق وشهادة ؟؟؟ وش السوات؟
اتوقع لخبطه من النظام
|
رد: رسالة من الجامعة يطلبون اوراق وشهادة ؟؟؟ وش السوات؟
يعطيك العافيه
الحين براسله |
رد: رسالة من الجامعة يطلبون اوراق وشهادة ؟؟؟ وش السوات؟
اقتباس:
لا والله يالغاليه رجعنا لكم بالخبر اليقين كلمت على عبدالعزيز وقال مانعترف بالصور المصدقه لازم الاساس طبعاً أنا أرسلت لهم صورة الشهاده مصدقه بداية التسجيل واللحين طالبين شهادة الثانويه الأصل قال لازم ترسل الاصل وأستفسرت كمان عن طريقة الارسال وعلى حساب مين قال بالنسبه للطريقه عن طريق البريد الممتاز وعلى حساب الطالب وقلت له من المحتمل أن تتأخر عن الوقت المحدد قالي مو مشكله المهم أنك ترسلها وأستفسرت على الرسوم وقالي مايعرف عنها شي ويمكن الاستفسار عن طريق أرسال رساله على أيميل الماليه وصراحه أنه نبهني لشغله الله يجزاه خير قال مادام النظام يفتح معاك ليش تبحث عن الرسوم خليها لما يتنزل من حالها >>> يعني أسكت هههههه أتمنى التوفيق للجميع |
| All times are GMT +3. الوقت الآن حسب توقيت السعودية: 08:23 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه