تجمع طلاب ادارة الاعمال لحل مشكلة التخصص والمسار والرفع لوزارة التعليم العالي
 

الاخوه والاخوات السلام عليكم ورحمة الله وبركاته

جميعنا يعرف ان في بداية دراستنا اننا كنا نخاطب الدكتور الفريدان بخصوص التخصص وكان يفيدنا بانه بكالوريس ادارة اعمال تخصص ادارة اعمال والان بعد ماوقعنا في المعضله افاد الدكتور بانه تخصص ادارة فقط

ماذا يعني هذا الكلام وماهي مساوئه :

المشكله العظمى اللتي سوف نواجهها ان لا توجد ولا جامعة في المملكه العربيه السعوديه يوجد لديها هذا التخصص الغامض بحثت في جميع الجامعات ( الملك عبد العزيز . الامام . جميع الجامعات الاهليه ) لايوجد هذا التخصص

اين المعضله ؟

المعظله كالتالي :
عند تحديد المسار لابد ان يكون المسار محدد بمعنى اذا كان التخصص بكالوريس ادارة اعمال المفترض وجميع الجامعات تعمل بذلك يكون مسارك : ادارة عامه او اداره ماليه ادارة صحيه او تنظيم وتطوير نحن الوحيدين فقط اللي تخصصنا اداره ( مبهمه ) يعني لو تم طرح وظائف انسى انك تنقبل لانه لا يوجد تخصصك ( اداره )
عند التقديم للوظائف سوف يتم سؤالك ماهو تخصصك ومسارك ؟ طبعاً اجابتك ( ادارة ):(107): ادارة ايش ؟؟؟ ماراح تقدر تجاوب طيب وش الحل

الحل نتجمع ونشوف طريقة معينه اما بكتابة خطاب لوزارة التعليم العالي او برقيه او نحدد وش الطريقه المناسبه لحل هذه المشكله صدقوني نحن في ورطه مو سهله ابدا .

انتظر منكم الحلول وابداء الرأي
اللي ماله رغبه في المشاركه تشرفت بمروره ولكن ارجو عدم ايجاد مشاركات سلبيه فضلا وليس امراً
ارجو التفكير كثيراً في الموضوع شهادتنا ماراح يكون له قيمه

رد: تجمع طلاب ادارة الاعمال لحل مشكلة التخصص والمسار والرفع لوزارة التعليم العالي
 

والله يالغالي من المفترض إخواننا المتواجدين بالأحساء
يكونون متفاعلين بشكل أكبر ويروحون الجامعه ويواجهون العميد وجه لوجه ..!

أمانه لا أثق بأي مخاطبات أو مطالبات لأي وزارة .. لأنه ماحولك احد ..

ننتظر شباب الأحساء ووقفتهم حاليا ..
لمراجعة الجامعه ..

وعارف أنهم كفؤ وخير من يمثلنا ..

شكرًا لك أخوي ..

رد: تجمع طلاب ادارة الاعمال لحل مشكلة التخصص والمسار والرفع لوزارة التعليم العالي
 

:119:فعلا هذي مشكلة التخصص اداره مبهمة شي غير موجود
ولو تخصصنا ادارة عامة مثلا
ليه درسنا المحاسبة والرياضيات والاحصاء والمالية والاقتصاد
مواد حسابيه وبنهاية ادارة مبهمة على اي اساس احنا جالسين ندرس ونكرف؟
كيف نقدم بالشركات؟ ادارة مبهمة ؟
مو من حق الجامعة تغيير المسمى بعد اجتيازنا نصف المشوار:007:

رد: تجمع طلاب ادارة الاعمال لحل مشكلة التخصص والمسار والرفع لوزارة التعليم العالي
 

اشوف تخصص اداره مرغوب في كل مكان ومعترف فيها من الخدمه المدنيه....


اختار تبي بكاليورس اداره اعمال بدون مسار ولا مسار (اداره)




وجهه نظري تحياتي لكم

رد: تجمع طلاب ادارة الاعمال لحل مشكلة التخصص والمسار والرفع لوزارة التعليم العالي
 

ياجماعه من واقع تجربه

تخصص ادارة اعمال ... مسار ادارة الاعمال (( شركات فقط ))
تخصص ادارة اعمال .... مسار اداره أو ادارة عامه (( حكومه وشركات ))


الثاني افضل واسألو مجرب

رد: تجمع طلاب ادارة الاعمال لحل مشكلة التخصص والمسار والرفع لوزارة التعليم العالي
 

انا مادري عن الجامعات السعودية ووجود تخصص إدارة فقط فيها
لكن حسب معرفتي المسبقة العلوم الإدارية لها مسارات مختلفه
ومن ضمنها الإدارة فقط وفيه,, انا اتكلم بصفة علمية ومتعارف عليها عالمياً
ولا اتكلم عن وجود هالتخصص او عدمه بالجامعات هنا

تو وانا اكتب الرد احد الزملاء في العمل ذكر لي ان جامعة الملك سعود فيها سبع تخصصات
تحت كلية إدارة الأعمال وهي كالتالي : قسم الادارة ، قسم الإدارة المالية ، قسم الموارد البشرية ،
قسم التسويق ، قسم الاقتصاد ، قسم المحاسبة ، قسم نظم المعلومات الإدارية

وذكر معلومة ان قسم الادارة ممتاز وشامل وتدرس كل شي بس مشكلته تحتاج بعد التخرج
تدخل دورات تخصصية حسب رغبتك مثل الانتاج او التسويق او المالية وخلافه

لكن بشكل عام التخصص موجود ولا اخترعت جامعة الملك فيصل شي من راسها

رد: تجمع طلاب ادارة الاعمال لحل مشكلة التخصص والمسار والرفع لوزارة التعليم العالي
 

ياليت التفاعل من شباب الاحساء تخصص اداره ما ينفع نطالب بفتح السارات المتخصصه

رد: تجمع طلاب ادارة الاعمال لحل مشكلة التخصص والمسار والرفع لوزارة التعليم العالي
 

اخي العزيز بحث في موقع الجامعة ولم اجد قسم ادارة وجدت ادارة عامه ؟؟ ممكن تحط لي الرابط لاهنت واكون لك من الشاكرين

رد: تجمع طلاب ادارة الاعمال لحل مشكلة التخصص والمسار والرفع لوزارة التعليم العالي
 

انا دخلت على الخدمة المدنية مافي ادارة
بس في ادارة اعمال لازم يرجع المسمى مثل اول

رد: تجمع طلاب ادارة الاعمال لحل مشكلة التخصص والمسار والرفع لوزارة التعليم العالي
 

ياليت يكتب في الوثيقه(على قولت العميد شهادة تخرج) ادارة عامه ولا يخليها ادارة بس