السلام عليكم جميعاً
اول شي انا ما ادري من وين طلعو هذولهم بدل مايفرحون معنا يحاولون يخربون فرحتنا
اول شي ياسبيشل مون دكتور انت مأخذ الموقع نسخ من موقع مو معتمد من طالب كاتب الموضوع ومسوي زحمه على الفاضي وتقول ناقله عن دكتور في احد الجامعات طيب يمكن الجامعه مو معترف فيها ولو تروح التعليم العالي تبي تحصل انه في جامعات معترف فيها في امريكا وجامعات في امريكا غير معترف فيها وبعدين نبي شي رسمي مو موقع وقال فلان وكتب فلان.
ثانياً لو نقول كلامك صح وانه تخصص جيد هذا الادارة اعتقد انك لو تروح للخارج تحصل مليون تخصص مو موجود با السعوديه حنا نتكلم داخل السعوديه اذا انت تبي تتؤظف داخل السعوديه الا اذا ناوي تتؤظف بالخارج هذا شي ثاني والخدمه المدنيه معترفه بتخصص ادارة الاعمال وليست معترفه بتخصص الادارة.
ثالثاً انت دخلت جامعة فيصل على اساس تخصص ادارة الاعمال بغض النظر عن مسمى الكلية مو من حقك انك تطالب بتغيير انا 99% من الطلاب دخلنا على هذا التخصص ومانبي نغيير اذا حاب تغيير على كلامك انك متخرج خلاص قدم السنه القادمه من جديد وخذ تخصص الادارة.
رابعاً انا وكثير من الطلاب والطالبات فقدنا المصدقية في العميد الفريدان لا انه انكر انه قال من بداية الدراسه هذا تخصصكم الا هو الادرة رغم انه لم يكن موجود قبل 4 سنوات واكبر دليل اعلان الجامعه الانكار انه اشاعة تغيير التخصص رغم ان لو تدخل تغريدات الفريدان تجد عكس اعلان الجامعه.