عادي جدا :) <------------ وجه جاه تبلد من كثر ما انصفع
تقديم بالديوان ! مايطلع رقمك
يفتح قسمك تعيين معيدات تروحين تختبرين ! تجتازين اختبار وتقديرك ممتاز ومرتبة شرف ومايتم تعيينك !
انت يابنت ياخريجة كليتهم .. هم اللي درسوك وعارفينك مايعينونك ..
بس تجيهم وحده من الرياض بواسطه عادي يعينونها ..
تجيهم وحده كسلانه يتوسط لها قضي او ضابط او في الأماره ويعينونها ..
وانت احترقي بنارك ايش المشكله ؟
تنتظرينهم يفتحون دراسات عليا عالاقل تكملين دراسه ! يقولون لك ماراح نفتح البرنامج الا للطالبات اللي تم تعيينهم .. لآن ماعندنا مقاعد !
تقدمين على مدارس خاصه ! ويتركونك شهور واذا احتاجوا لك ! يرسلون لك قبل بيوم نهاية الظهر بداية العصر
تعلن مدارس ....... الأهلية عن حاجتها لمدرسة ( ...... ) للمرحلة الابتدائية ( الصف .... ) الرجاء تحضير درس
في مادة ( ...... ) للصف ( ...... ) وتقديمه غداً .. يرجى الحضور مبكرا !
تحسون حتى المدارس الخاصه تستهبل ! متى بحضر متى بستعد متى متى متى !
روحي قدمي بنفسك في المدارس الخاصه !
الجواب : عندنا اكتفاء بس اكتبي اسمك ورقمك وتخصصك وشهاداتك بالدفتر ولا صار احتياج كلمناكم !
استغفر الله لو مادرسنا احسن !
والله اني اغبط اللي مادرسوا ،، مايتعبون نفسيا وهم يدورون على وظايف لآنهم اصلا مادرسوا مريحين ومرتاحين ،،
بدل ما اتعب واعيش جو الضغط النفسي ايام الاختبارات
كان بإمكاني اشتري الكتب واقعد اقراها على راحتي مو في ٤ سنين في ٦ سنين
واعرف وش فيها و وش مافيها ولا ضغط نفسي ولا قرف ولا لعب درجات ..
يارب رحمتك ولطفك ..