السلام عليكم ورحمة الله وبركاتة ..
(على قولة عمر حسين الله يحفظه) :
اعتزار : لكل من سألني في البيان رقم 1 أو 2 أو 3 أو 4 ولم استطع الاجابة عليه ، ولكل من زار بياناتي السابقة و وضع
مشاركته ولم اقم بالرد عليه
وتأكدوا ان كل كلمة كتبت تحت هذه البيانات هي مصدر فخر واعتزاز لي ودعم معنوي لي للأمـام حتى لو لم استطع الرد عليها ..
شكر خاص : لكل من دعم هذا البيان بالمشورة أو المساعدة في الاطروحات :
my Dreams و
^تركي^ والأخت
رنـو
شكر خاص : لكل من قيًم بياناتي السابقة :Red.Ro0ose , ديما , زقم نملة , ملآكي ,انفجار ,لهفة دراسه ,ALmaha ,Queen ,
انت من, لاكوست, باتيل الخبر, A L K A D I , Aldlo3h دوم في قلبي ، ترآنيم الغلآ ، مدام الفهد ،lnuoo?y و دمعة ليان
وكافة الأخوة والأخوات الذين زاروا صفحتي وابدوا اعجابهم وتقييمهم ولم يذكروا اسمائهم .. شكراً لهم لدعمهم لي بكلماتهم الرائعة
، والتي ستبقى للأبد تزيين صفحتي وتبقى كلمات اعتز وافتخر بها
بداية ارحب بكم في هذا البيان والذي سيكون عن الـ 30 درجة والتي جميعنـا يطمح اليها ويطمح بالوصول لها بأسهل الطرق وبعض الفوائد الأخرى
أولاً الكل يعلم ان الدرجات الـ 30 هي مقسمة على الواجبات والمناقشات والمحاضرات المسجلة والمباشرة .. طبعاً كل ذلك في منتهى السهولة ..
سنقوم بشرح اليوم كيفية حل الواجبات وكيفية المشاركة في منتدى الحوار .. و المحاضرات تم شرحها مسبقاً في البيان رقم 4 عبر الرابط التالي:
http://www.ckfu.org/vb/t229301.html
انتهت المقدمة ..
على كورنيش الفناتير و الجو رووعة وفوق ماتتخيلون(موتوا ياأهل نجد) فرشت فرشتي انتظر الأشهب على موعدنـا وكالعادة جاء متأخر
ومعاه قهوته وشاهيه وهذا احسن مافيه :
وطني ياخي وش قصة البلاك بورد ازعجنا وازعج العالم يفتح يوم ويقفل يوم واحياناً اخطاء بالواجب والمناقشة ..
ياعزيزي الأشهب هذي مشكلة من النظام لا تتوقع انها من جهازك او اتصالك ،، صدقني مافي احسن من اتصالي ومن جهازي
ومع ذلك جلست يومين بدون محاضرات ولا منتدى حوار ولا واجبات ، يعني المشكلة منهم بس لا تشيل هم وسألت كل الاخوان
والأخوات الذين سبقونا للإيمان ،، اقصد للجامعة يقولون عادي يصير معاهم في اوقات الذروة ..
طيب الواجب اخاف يروح علي وانا ماحليته ، لاتخاف الواجب يجلس اسبوعين ماعندك مشكلة تحله بأي وقت ، طيب والنقاش حتى النقاش ماعندك مشكلة
اسبوعين يبقى في البلاك بورد تناقش متى مابغيت في اي وقت يكون البلاك بورد شغال معاك ..
طيب انت قلت انك تبي تعلمني كيف اجيب الـ 30 درجة شلون ؟؟ ياحبيبي يالاشهب اسمع بقولك شي الدكاترة
ماعندهم اي صلاحيات لرصد الدرجات مريحينهم الجامعة على الاخر بما ان نظامنا تعليم عن بعد فتأكد ان كل الدرجات ترصد الكترونياً ماتحتاج الدكتور يرصدها ،،
مافهمت وضح اكثر ..
ياصديقي الحين لو حليت الواجب بتتسجل لك الدرجة تلقائي مو لازم يشيك عليها الدكتور ويرصدها مثل مانخبر ، المناقشة مجرد انك
تحط مناقشة بإسمك النظام يرصد لك انك شاركت ، و المحاضرات المسجلة او المباشرة بعد كذلك من يوم تحملها او تشاهد منها جزء بسيط
خلاص ترصد لك الدرجة مباشرةيعني هالـ 30 درجه بيدك وسهلة فوق ماتتخيل .ولا تنسى ترى مو ضروري تحضر المحاضرة المباشرة عادي بتآخذ
الدرجة لو حملتها بعد ماينزلونها بالبلاك بورد .
طيب طيب بالنسبة للواجب من وين اجيب حله خاصة اني مخطط اني بس
اجيب الـ 30 درجة ولا جت الاختبارات يحلها ربك ..
الواجبات !! انت ماتعرف الملتقى ، ياشيخ ادخل قسم كليتك وشوف اخوانك وخواتك مايقصرون معاك من يوم ينزل الواجب على طول ينزلون حله ،،
حلو حلو .. جاب الله لي اوطان بدالك ،، مردك لي بترجع يالأشهب
طيب الواجب وجبنا اجاباته شلون احله ، تعال يالاشهب والله الشغلة سهلة تعلمها مره وراح تضبط معاك كل مره بالأول ادخل على البلاك بورد ..
واختر المادة اللي فيها الواجب وتعال تابع الشرح
كذا تمام التمام فهمت عليك .. والحين علمني كيف اناقش بصراحه احسها صعبة حييل .. لاتصعبها تصعب عليك كل الأمور سهله ..
بالنسبة لمنتديات الحوار .. لا تكلف على روحك ادري انك داجٍ هـاج .. ولا لك نفس للدراسة . انسخ اي اجابة ولصقها
النظام يحسب لك الدرجة تلقائياً والدكتور ماراح يرصد الدرجات على حسب الاجابة يعني النظام هو اللي يسوي كل شي .. وماجاك علي
وتعال اشرح لك وش تسوي بس ركز معااااي :
وهالشرح اذا دجيت وماعرفت انت شاركت في المناقشة ولا لا .. تعال شف كيف تبحث
عن اسمــك ..
كذا تمام التمام والله اشوف من الشرح كثير من الشباب جايبين العيد ومسوين رسائل تسلسلية ورادين على بعضهم
اشوا انك قلت لي .. ولا بتلقاني مسوي مسيرة رسائل تسلسلية وراي وقدامي .. ايه هذي المشكلة اللي قليل راح ينتبه لها ..
طيب عزيزي وطني الجبيل بخصوص متصفح قوقل اللي ازعجتنا عليه .. ماشوف فيه مفضلة طفشت وانا كل ما ابي ادخل
مكان لازم ابحث عنه بقوقل ابي زي متصفح انترنت اكسبلور .. عندي المفضلة ومرتاح. انت تبي كل شي سهل ؟؟
ايه مادامك خويي
ومعترف فيك رسمياً انك خويي تحملني .. اخس يالأمم المتحدة ..اوكي انا بعلمك كيف تحط مفضلة وبعلمك كيف تحط الملتقى والبلاك
بورد في الوصول السريع وش تبي بعد !! افتح متصفح قوقل وتعال معي للشرح :
ياسلام عليك والله شريط الأشارات هذا افضل من المفضلة ريحتنا الله يريحك .. ويريحك ياصديقي الأشهب ..
يلا ياوطني انا الحين بروح
وبشوفك وقت ثاني وترى الملتقى قريب بسجل فيه وبجي معاكم واصير صديق اصدقائك .. حياك تنورنـا يالأشهب ..
وقام من جلستنا وهو يغني بصوت عالي لين وصل سيارته :
لا تقولوا ما أقدر اجيبه لا تقول هذي صعيبة .. أجيبه يعني أجيبه لو كـان تحت الحراسة
إخواني اخواتي اتمنى ان يكون هذا البيان قد نال اعجباكم وان يكون في مستواكم الرفيع .. واتمنى من جميع الأخوة والأخـوات وضع مشكلاتكم
التي تواجهكم حتى نسلط الضوء عليها ونقوم بحلها بإذن الله وبإنتظار ردودكم و إستفساراتكم هنـا او في رسائل الزوار .. اهلا وسهلاً بـكــم
** دعواتكم و اعجابكم و تقييمكم لهذا البيان يدفعني إلى الأمام لإصدار البيان رقم (6) **
أخوكم / وطني الجبيل