[₪ حـكـاية روح|~]

ساره :لاء وبعد تسالين ليش ..........شهالهلاقه........يفشششششل........اكيد اكيد بتقولين ذوق امى ....تدرين عاد انا كنت اموت باللون الاصفر وبتكرهينى انتى وجدتج باللون

ملاك:وهى اتهز راسها بالموافقه......

كان الفستان اصفر وخامته ارجنزه ولونه اصفر قوى وفيه ورده من عند الصدر كبيره حمراء وورده ثانيه من وراء اخر الظهر وكله طبقات من الجنب......يعنى ما الوم ساره))

سارع:ملاك هذا اتروحين الحين تعطينه ميرى خدامتكم هديه......................... وانا الحين بدزلج بدلت اختى مى ومع انها مو ذاك الزود بس احلى من هالمسخره بواجد......ولو مقاسج نفس مقاسى جان دزيتلج بدلتى حقت تخرجى .....

ملاك:ساره انتى ما شفتى جدتى وهى حاسيه ومختبه وادور لى بدله مع انها تعبانه وتبينى اقولها لاء ذوقج مو حلو واكسر بخاطرها ....والله ما اقدر

ساره :لاء لبسيها وضحكى الناس عليج ...............اسمعينى انا عندى فكره ....قولى لها ان الفستان احترق وانتى تكوينه ومطره تاخذين منى بدله........

ملاك : والله فكره ....وبجذيه ما احرجها وازعلها.......خلاص دزيلى البدله

ساره الحين انا بمشى وباجر ادزلج البدله

ساره وهى نازله بتروح بيتهم الاام صالح اتناديها

ساره اشرايج بنفنوف ملاك

ساره: خالتى مو طبيعى يهبل !!!!!!!!!!!!!

ام صالح:علا ذوقى وتقول هى كلها ثقه ....

ساره :ذوقج احلى من ذوق البنات....خالتى

ام صالح:مشكوره يا بنيتى ......

فى بيت ابو تركى
بوتركى :تركى يبه بكره راح يسيرون علينا رجاجييل عقب صلات العشى وراح اسويلهم عشى يعنى جايين عقب صلات العشى واولمره يدشون بيتنا ...........فلازم انعشيهم (ابو تركى يتكلم وهو مرتبك وهس تركى برتباك ابوه)
تركى :منو هالناس يبه وش يبون

بوتركى :.........خطاطيب

تركى :ماشالله ............منو عاد منال ولا نويف

بو تركى : لا...................ملاك

تركى :انقلب وجهه ..........لاء .....ان شالله يبه

بوتركى : بس يولدى ما اوصيك امك لا تدرى وتفظحنا بالناس

تركى كان شالله يبه محد راح يدرى

تركى :يبه تامر علا شى انا بروح الشباب متجمعين

بوتركى :لا يولد بحفظ الحمن...........وهو حده معوره قلبه علا ولده

ركب تركى سيارته وهموم الدنيا كلها فيه( هذا شى كان لازم اعمل احسابه من زمان اكيد راح يجى اليوم وبتزوج اااااااه يالقهر والله مانى متخيل ملاك اتزوج احد غيرى......يالله انك اتصبرنى )

طبعا خالد بهالتلفون مع ريم اشوى ومعا لينا اشوى ومعا وحده لقاها بالسوق اليوم اشوى وغيرها وغيرها

وكانه يحاول ينسى نفسه


اليوم الثانى

بعد ماصلت ملاك العصر معى جدتها ........راحت الصالون ....وطبعا جدتها ماخلت التدخل بشكل ملاك

واهم شى الحمره الحمراء ..................طبعا ملاك اول ملاه اتحط مكياج وكان شكلها ررررررررررروعه

مع ان المكياج اللى حاطته مو ليهناك بس هى اللى حلوه .........


وبعد ماوصلو البيت وكان مرتب ومبخر وحاطين صوانى الحلو والمعجنات .....وريحت الخلاطات ......اتجنن

اصعدت ملاك ولبست البدله اللى طرشتها لها ملاك

ام صالح: ملاك وين الفستان اللى شريناه امس

ملاك:وهى منحرجه واول مره تكذب علا جدتها ......يمه امس بالليل وانا اكويها حرقتها وخفت اقولج وطرشتلى ساره بدلت اختها

ام صالح:حسبى الله عليج يا ساره .....ترى هذى عينها هى اللى احسدتج........امس ماتت علا النفنوف

ملاك:لاء يمه انا اللى حرقته .....ملاك وهو ماسكه ضحكتها........

ام صالح:والحين تلبسين نفنوف اختها ....عاد انا ما احبج تلبسين ملابس احد بس عاد الواحد شيقول

المهم مر الوقت وحظرو اهل خالد والكل يترقب يبى ايشوف اللى اختارها ابوهم .....ام فيصل وحنان مرت فيصل

وفجر وفرح


وكان بمجلس الرجاجييل ....فيصل وابوه وخالد وابو تركى وتركى ............واستقبلوهم احسن استقبال

ابو فيصل: يابو تركى احنا نبى الملكه يوم الخميس ((واليوم الاثنين)) والعرس بعد شهر

ابو تركى :موكانك مستعجل اشوى

ابو فيصل : خير البر عاجله الحمد لله كل شى متوفر مو معطانا اى طرف

طبعا خالد انصدم وكذالك تركى ......وكل واحد وده يبكى واحد عليها وواحد منها .....

خالد ((شيبى هذا كل ما اطالعه يصد وهو ذابحنى خز ....خبل هذا ولا شنو ........كله منك يبه اللى دبستنى بهالهيلق

بس انا اوريك ان ما خليتها تكره اليوم اللى انولدت فيه ما اكون انا خالد))

تركى ((ااااااه يحظك يا خالد اللى بتشوف اعيونها علا راحتك و....وبتمسك ايدها بيدك وووبتبوسها ....مانى قادر

اتحمل))ولولا الاحراج والناس مو بيتهم كان طلع من البيت ........

ابو تركى : خالد...يبه تعال وياي سلم علا .....ملاك..البيت قريب

.قام خالد :وهو يخز ابوه ووده ينفجر من القهر

دش خالد البيت اللى كان اثاثه بسيط طبعا عكس بيتهم ......ودخل عم ملاك وناد ام صالح .....

ابوتركى :وين ملاك

ام صالح :الحين تنزل ....

انزين الرجال معاى يبى ايسلم عليها .....

ام صالح :خله يدش ماحد غريب اهله وبس

ودش خالد كانت امه قاعده وخواته ومرت اخوه وقعد جمب امه

خالد :وبنهى عروس الغفله ؟؟؟

ام فيصل:لحد الحين ما نزلت ست الحسن

خالد:الله يعينى

ام فيصل :شفت اشلون هم هيلق والله باجر بيفشلونا بالعرس

الا علا نزلت ملاك وهى ميته من الاحراج

كانت لابسه فستان اسود حرير طبيعى وفيه احزام عريض واكمام طويله وعاطه لا شعرها لفه دانتييل سودا

الكل انبهر بجمالها وسلمو عليها ولما اوصلت عند خالد وهو لحد الحين منزل راسه ...................قالت ام صالح

ملاك سلمى علا خالد مدت ايدها وهو طول لين مد ايده وبعد ما رفع راسه وشافها .................................


انصدم......وشد علا ايدها حيل اللى خلاها ترفع راسها لا ارادى وشاف اعيونها وشافت اعيونه طبعا ملاك من زمان واهى تنظر هاللحضه .......اما هو فانصدم من حلاتها

خالد :اشلوتج ملاك(((والله وطلع عندك ذوق يبه بس هم ماراح اخضع )))

ملاك :وصوتها يالله يطلع : الحمد لله وهى اتحاو ل تسحب ايدها من ايده

ام فصل: حست ان ولدها وده ياكل البنت بعيونه وقامت يالله ياخالد .....خن لحق علا خالتك عازمتنا علا العشى

ام صالح:وين رايحيين العشى مسوينه

ام فيصل :مشكوره خالتى بس عازمتنا اختى من مس ......

ام صالح :علا راحتكم

فجر وهى تكلم حنان :حنان شرايج فيها

حنان :اتهبل ما تشوفين اخوج ما شال عينه من علايها

فجر :الحمد لله عسها اتعجبه

حنان : اى اتعجبه الرجال فى خبر كان


(((((((((((((الجزء التاسع))))))))))))))



بعد ما طلع خالد من ملاك ودش الدوانيه عند ابوه حسو بالفرق فى وجهه من قبل لا يطلع ....................

وحس ابو فيصل بالراحه اشوى ........

وبعد ما تعشوا واطلعوا ..........خالد وهو بالسياره ((( والله حلوه )))

فيصل :خالد اشلون ملاك؟؟؟؟؟

خالد:وهو يلتفت عليه :وانت شكو ا

فيصل : الله صرت اتغار ؟؟؟

خالد: مو اسمها زوجتى خلاص بعد

فيصل :يالله الله يهنيك

خالد:...........



اما ملاك طارت من الفرحه :ياااى يحلوه ايجنن.....الحمد لله انى تحقق حلمى وبتزوج اللى تمنيته

واخذت التلفون:الو ساره

ساره :هلا والله بالعروس....هاه شفتيه

ملاك: ايجنن يهبل ياساره

ساره :الله يهنيج

ملاك:مشكوره والفال لج

ساره:ااااااامين..........................متى راح اتحاجينه؟؟؟

ملاك:مادرى ما طلب رقمى

ساره :معقوله ؟؟؟؟يمكن من الانبهار نسى الرجال يطلب رقمج

ملاك:مادرى وحتى ما طولوا

بس تخيلى يبون العرس بعد شهر اتهقين يمدى اجهز

ساره:لاء طبعا شفيهم هذولا...........دقى عليه وقوليله ياجل اشوى...

ملاك:مادرى استحى خل يدق هو بعدين انا احاجيه بالموضوع؟؟؟؟

ومرت الايام وجاء يوم الملكه واملكوا ............بس كانت عائليه .....وخالد رفض يدخل يسلم علا ملاك وتحجج انه

ربعه مسوين له حفله

طبعا المفروض بعد الحفله يطلع يتعشى مع زوجته برى لا كن هو ما يبى


ملاك حست بشويت احراج انه رفض يدخل وانه معزوم بس ماحبت اتبين هالشى وجات امه وخواته بس وجارات

ام صالح......واتصلت عمت ملاك نوره وخلاتها وخالها صالح وبناته وزوجته يباركون لها ...........

ملاك وبعد ما اطلعو الناس وكان شكلها .....يعنى مو ذاك الزود شعرها ومسيحته وهو طويل لحد ركبتها وكثيييييف

وحاطه كحل داخل العين .......وحمره ورديه ولابسه تنوره جنز وبدى بيج عااادى

فرح:يمه شفتى شكل ملاك يفشل حححيل يمه كانها بتروح المدرسه .....ماكانه يوم ملجتها .....

ام فيصل : هذا عاد ذوق ابوج

حنان :عاد موجذه صراحه شكلها يفشل مو لهالدرجه بنت ما تعرف تلبس .....

فجر :بس جميييله حيييل وشعرها مو طبيعى مع ان لبسها موشى

فرح :اى والله شعرها كثيف....بس عاد شخبارى الشعر الطويل.........


اما ملاك بعد ما بدلت ولبست بجامتها اقعدت اتفكر ليش ما جى .............(((بس اشو انه ما جى )))

كان ودى اشوفه ....مشتاقه اشوف اعيونه اللى اتذوبنى ......يالله الايام جايه وتغطت ونامت ......

اما خالد فراح يسهر مع ربعه ولا كان اليوم ملكته

عبدالله :هذا صديق خالد ومعاه بالدوام:خالد ...شالسافه خالد ما كان اليوم ملكتك اللى مثلك الحين يكون مع زوجته وانت جاى اتقابل هالوجيه الودره......؟؟؟

خالد:اااااه ياعبدالله خلها علا الله ...ترى حدى مالى خلق

عبدالله:ليش عسى ما شر

خالد:عبدالله انا جاى اهنيه ابى انسى ولاالعروس لاحق عليها العرس بعد شهر

عبدالله :الله .....شهر شعندك مستعجل؟؟؟

خالد: والله يا طويل العمر ....ابوى اللى مستعجل

عبدالله: اشعنه ابوك :متى يمديك اتاثث الشقه

خالد:ابوى جايب مهندس ديكور ومسلمه الشقه وقايله خلال عشرين يوم اتكون جاهزه؟؟

عبدالله وانت بالله شنهو دورك؟؟؟؟

خالد:متفرج

عبدالله :عاد هذى احلى فتره لما اتروح وتختار انت وزوجتك الاثاث اللى يناسبكم

خالد:لاء يامعود مالنا خلق خل المهندس احسن من الخبصه ....شدعوه عندها ذوق عاد!!

عبدالله:انت كلامك مو عاجبنى يااخى قول شالسالفه فضفض

خالد :وهو يقوم انا فينى نوم عن اذنك
عبدالله: تعال وخلاص مانى سائلك بس تعال
خالد :يالله تصبح علا خير؟؟؟؟

والول ما طلع دق علا ريم :الو

ريم: مبروك صاير معرس ومستانس وانا مخلينى قافله علا عمرى وابجى

خالد:يابعد قلبى وحياتى ورحى والله مايرضينى زعلج ياحبى انتى ....وعلا فكره انا تونى طالع من الشباب

وحتى ماشفتها

ريم:الله يعينك يقولون اليوم امهوله بعمرها هالهيلقيه...........

خالد:خلينا من سيرتها اللى تظيق الخلق قوليلى شخبارج

ريم:شخبارى بعد حبيبى اليوم مالج علا وحده ثانيه شنو اتوقع اخبارى( 0طبعا وهى تبجى)

خالد:لاتبجين يا بعد كلى ومن لى ياحبى انتى.......والله ما يفرحنى غير شوفتج ...انتى وبس

ريم:انشوف باجر بعد الزواج راح يتغير الحجى

خالد:ريم تكفين لاتطرين العرس خلينا انتكلم عننا وبس

ريم:وبس ........هاللى يصير عادى ما كان شى بيصير انت اتقص علا نفسك ولا علي.. ابوك عمره ما راح

يوافق علازواجنا مهما صار

خالد:انا قلت لج انا ماخذج ماخذج.....ولا تكثرين ترى حدى متظايق .....ويالله الحين ....مع السلامه

وسكره قبل لا ترد عليه ريم

ريم:(ياربى انا اشسويت بدال ما اخفف عنه وخليه يستانس ازعله منى وانفره من مكالمتى وباجر يروح مع هذى ويخلينى

وعلاطول دزتله مسج((قلبى والله ما كان ودى ازعلك بس اليوم حدى متظايقه ولا تلومنى من كثر حبى لك))

خالد:استانس من المسج ..(اااخ وانا بعد ياعمرى)

طبعا ملاك بعالم ثانى مستانسه وقاعده اتجهز كل يوم بالسوق هى وجدتها من الصبح ويردون الظهر وبعد صلات

المغرب يردون السوق ....ما كان منغص عليها الا عدم اهتمام خالد فيها و.....والتمست له العذر انه منحرج لا

يجيهم .....غذر اقبح من ذنب بس حبها له اعماها....


ومر الايام وملاك لاهيه بالسوق وبالصالونات اشوى وحدها

مشغوله............................................ .................................................. ..........................................

...........................................ززوجاء اليوم الموعووود

ملاك :هاه ساره اشرايج بشكلى ,,,

ساره :ماشالله ملكت جمال اتحبلين

ملاك:وهو فرحانه ......خالتى اشرايج

خالتها :ما شالله اسمله عليج من اعيون الناس ملاك وانتى ملاك...........الله يعينك يا خالد اشلون بتحمل هالجمال


كانت لابسه فستان ابيض هديه من عمتها اللى ما اقدرت اتحظر العرس لانها مسافره..........ولكن الفستان روعه

كت وفيه شغل من عند الصدروضيق من عند.الخصر وواسع من تحت ..........وشعرها رافعته كله فوق ومثبته ا

لطرحه فوق تسريحه شعرها وماسكه ورد ابيض ومكياجها مبرز جمالها......وشكلها كلها علا بعضها جنان


اما خالد فكان مخفف الشارب مع اللحيه ولابس هالدشداشه والبشت الاسود والغتره وكانو حاجزين العرس فى

ارقى فنادق الكويت .................

ملاك:خالتى مدر انا حدى مرتبكه ......وخايفه

خالتها :عادى حبيبتى هذا امر طبيعى انا بعرسى بغى يوقف قلبى من الخوف

ملاك:خالتى امسكى ايدينى يمكن تهدى الرجفه اشوى
ودشت جدتها اتشوف شكلها وما اقدرت تمسك نفسها وقعدت تبكى ......والله وكبرتى يا ملاك

ملاك:وهى بعد صارت بكى وتحضن جدتها يمه مادرى اشلون ببعد عنج...

ساره: خالتى ملاك الله يهداكم سويتوها فلم هندى الحين بيخترب مكياج ملاك وبتخرع الناس(طبعا ساره اهى بعد تاثرت بالموقف بس حبت اتغيرالجو

يالله ترى تاخرنا الساعه الحين 11ونص تاخرتى ملاك ....................

وراحت ملاك الفندق ودشت علا صوت الموسيقى وهى مرتبكه ومحرجه ............والكل انبهر من جمالها

وبعد ربع ساعه ....دش المعرس مع الفرقه وبعدما اطلعو مابقى الا خالد وابوه وسلم ابوفيصل علا ملا

ابو فيصل:مبروك يبه

ملاك:الله يبارك فيك

ولتفت علا خالد :مبروك

خالد:الله يبارك فيك
ابو فيصل:خالد ما اوصيك علا ملاك

خالد:بعيونى يبه(((والله لاوربكم الغصب اشلون ايصير))

وبعد ما طلع ابو فيصل جات خالت خالد :مبروك مبروك ياوليد ......ولتفتت علا ملاك وقالت لعا من غير نفس

مبروك ............

وصعد خوات خالد وباركوله وبعد ما فضى البست جات وهى تمشى بخطوات واثقه ....وهى لابسه فستان

فستان بنفسجى غامج ورافعه شعرها بتسؤيحه ومغظيه شعرها بشال فضى وطبعا نص شعرها طالع وحاطه مكياج وردى وشكلها رررررررروعه وخالد

اول ما شافها متجهه له وقف ......ووقفت مقابلته والكل يشوفهم عادى ومدت ايدها له عشان اتسلم عليه

ريم:مبروك وعيونها كلها ادموع

خالد:وهو متاثر من شكلها :...........الله يبارك فيج

وبعدين عطته ظهرها ومشت ولا سلمت علا ملاك اللى ابهرها الموقف ............

وخالد ما زال واقف ويشوفها

لا فجر جايه علا طول ترقع الموقف .........خالد يالله الحين بتطلعون ووقفت ملاك ولاتدى من هالبنت هذى

ملاك: ((منو هذى يمكن احد من اهله وانا ما اعرفهم ))المسكينه لحد الحين وهى اتعذر لمواقفه

وطلعوا وخالد حتى ما التفت عليها ..........ولا كلمها بكلمه وحده....

فى جناح الفندق ...........كان ووواسع غرفتين وصاله .....وكانت ملاك ميته من الاحراج ......

(((((((الجزء العاشر)))))))))
الجناح كان هادى وضوء الشموع معطى جو رومنسى ازياده..............

رمى خالد بشته علا اول كرسى وفسخ غترته وعقاله وهو معطى ملاك ظهره......وهى منزله راسها وترجف من الخوف والاحراج

خالد:.............ملاك تقدرين اتنامين بالغرفه الثانيه ترة انا ما احب احد ينام معى بالغرفه خل يكون هالكلام فى معلومج!!! ومشى خلها وسكر باب الغرفه وراه


ملاك حست الدنيا ادور من حولها .... وقعدت علا الكرسى اللى جنبها.....................هذا ليش يكلمنى بهالاسلوب علا باله انى بموت عليه .....شالسالفه
ن
وقامت اتلفت وين حاطه خالتها الجنطه اللى فيها ملابسها ..............

ملاك: ااااااااااوه الظاهر بغرفت النوم علا بالها مثل الناس ..........يعنى شسوى الحين اقعد بلبسى ....طول الليل

اقعدت ملاك محتاره اتروح اطق الباب وعليه ولا........... لاء..........وفالاخر اختارت انها تقعد بلبسها لين يقعد من
النوم .....وطول الليل وهى محتاره من امره .....وماسكه نفسها.....مازالت مصدومه منه.......
ا
ملاك: انا من باجر خلاص بروح لبيتنا وبخليه يولى شنو جايبنى عشان يهينى .................................................. ......بس شبيقولون الناس عنى ردت من صباحيت عرسها
وشى اكيد راح يتاكد كلام ام تركى عنى عند الناس وشنو راح اقول لامى ؟؟؟؟؟؟والله اتموت بحسرتها على

احتارت ملاك وحست بالايهانه ......ودها تهرب وخايفه من العواقب ................ومرت الليله علا ملاك تفكير
وشنو اتسوى بهالورطه..؟؟؟؟

اما خالد فقعد يفكر بريم وشكلها وهى تبكى عليه ....ومتحطم ...ومنقهر من ملاك كانها هى السبب ....وبعد
فتره نام ولا همه الانسانه اللى برى

بعد ما قعد خالد علا تلفون ريم
ريم:وبصوتها اللى كله دلع صباح الخير
خالد:وهو يالله يتكلم هلا حبيبتى
ريم:الله شهالجراه وجدام زوجتك بعد
خالد: محد راح يصير زوجتى عيرج انتى يحبى
ريم: وينها زوجتك
خالد: مو عندى الحين المهم امس حدى تظايقت من ادموعج مع انى ادرى محد ماخذج غيرى...بس ماتحملت اشوفهم
ريم:ياقلبى انت
خالد:وهو يتثاوب ومبين انه تعبان من صوته
ريم: اكيد تعبان معرس بعد
خالد:وهو يضحك : ياحلوج ونتى تغارين

ريم:اقول يالله عاد لا صحصحت دق على
خالد:اوكي وعطاها بوسه من التلفون
ريم:زين بقيتلى شى من امس
خالد:انا كلى لج اصلا
وبعد ما قعد وراح يغسل ويصلى ولبس عشان يطلع.................................ولا يلقى ملاك قاعده بالصاله وبلبس العرس من امس
خالد:(يالله فكه يمكن زعلانه وتبى اتروح لهلها ؟؟)....ملاك ليش قاعه اهنيه

ملاك:وبكل براءه ...............ملابسى عندك بالغرفه

خالد:اكسرت خاطره طريقه ردها عليه والارهاق باين فى اعيونها.........خلاص هذا انا طالع اخذى راحتج


وطلع خالد وهو يفكر ...........خبله هذى ليش ما دقت الباب على واخذت اغراضها .....ناقص انا اغبياء بعد

وراح تحت باللوبى ويتاكد من الحجز ويستلم التذاكر .........

اما ملاك علاطول اخذت لها شور دافى ولبست لها قميص ابيض الى اهو حق اول يوم لان مافيه غسره عندها للنوم وطلعت وراحت الغرفه الثانيه تبى تنام لانها خالااص منهكه ادور الفراش......

اول ما حطت راسها علا امخده ......الا خالد ينادى
خالد: ملاك انتى........وبعد ما شافها فاكه شعرها وفيه بقايا ماى ولابسه القميص وفوقه الروب .....
قعد يتامل فيها اشوى وبعدين انتبه لنفسه...............اتى ليش مو لابسه؟؟؟؟؟؟
ملاك: ليش وين بروح؟؟؟؟؟

خالدكبنسافر ليش ماتدرين؟؟؟؟
ملاك:اشدرانى منو بيقولى يعنى !!!
خالد:وهو يدور المشاكل اش قصدج انتى الحين
ملاك


.
ملاك:من شافت اعيونه خافت .........لاء .....انا ....موقصدى....

خالد:يعنى شنو ....ويقلدها .....انا موقصدى .......ثانى مره لما تبين تتكلمين ثمنى كلامج ....ويالله خلصينى ....

بنروح لهلى عشان اتزهبين جنطتج عالسريع ما بقى شى علا الطياره.....

مشت ملاك ابسرعه ....................بدلت وهى تحاول تمسح ادموعا اللى تنزل غصب عنها ....البست ملاك قميص

مشجر والتنوره نفس القماش .....وبصراحه ....شكلها كلش ....موساتيل.....كانها من ايام الثمانينات

خالد:طالعها من فوق لى تحت......بستهزاء ومشى وهى تمشى وراه.........

واول ماوصلوا البيت كان ررررررررروعه ......الحديقه الواسعه ..........والفلا الخياليه ,,وحمام السباحه داخل

البيت ........وفيه منور فوق حمام السباحه.........خيييييييالىى..... والصالات اللى تاخذ العقل...........وملاك

منبهره ...........الا علا صوت


عمها الدكتور منصور : ياهلا ومرحبا تو ما نور بيتنا يوم دشيتيه ياملاك....ترى يابنتى هالبيت بيتج من اليوم

ورايح.......ولا تستحين انتى راعيه محل