|
هديه لطلاب الانجليزي المستوى الاول
السلام عليكم ورحمة الله وبركاته
اسعد الله صباحكم / مسائكم بكل خير
للطلاب اللي يبغون يتعلمون الانجليزي ولكن عنده صعوبات في التعلم وتعقد الامر
بسبب القواعد و البعض القراءه والبعض الكتابه والبعض الاستماع وعدم الفهم الــــــــــــخ
طيب حاول تقول بنفسك ( بسيطه ان شاء الله )، وابدا اشتغل على نفسك صح وشوف وين نقاط ضعفك باللغه !
البعض يقول انا ضعيف فيها كلها بالكامل 
طيب عادي ماحد خلق عالم ، بالتعلم راح تعرف كل شي ولكن في طرف تعليميه مفيده وفي طرق غير مفيده
عندي نصايح تبي تاخذها مني خذها ماتبي بالتوفيق
الاوله : في بداية تعلمك ركز على شي واحد في التعلم لا تشتت نفسك !! لا تستعجل
الثانيه : حاول بقدر المستطاع تقول اللي تعلمته انطق ياخي رح سيارتك واقعد بربر بالانجليزي اي كلمه تعرفها قولها كون لك جمل وراجع اللي قلته على شان تعرف الاخطاء تكلم ياخي اوك 
الثالثه : تعلم اساسيات اللغه لا تفكر انك راح تقراء وتتكلم وتكتب في خلال شهر اصبر حبه حبه
انا اليوم جبت لكم موقع ممتاز جدا يحتوي على العديد من المحادثات و الكلمات ويوجد فيه ملفات صوتيه
وايضا كلمات بالصور تساعدك على الفهم السريع ، ونصيحه حاول تنزل الملفات الصوتيه وتخليهم في فلاش
وشغلهم بالسياره او بجوالك ودائم اسمع للمحادثات بعد فتره راح تلاقي نفسك صار عندك كلمات وجمل كثيره
وتحسن عندك الاستماع وتعرف تنطق الحروف صحيح ، الملفات الصوتيه عباره عن لهجتين بنفس الوقت
الاوله اللهجه الامريكيه و الثانيه اللهجه البريطانيه ، استمر فيها راح تستفيد ان شاء الله
وبالنسبه لقواعد اللغه راح اجيب لكم القواعد بالمختصر والمهمه في اللغه وانت يابطل افهم الاساسيات هذي
وبعدين ابحر بالقواعد وزبط نفسك فيهم بس تاكد انها مسئلة وقت ومع الممارسه والتعلم راح تفهم
تفضلو رابط الموقع
http://www.goethe-verlag.com/book2/AR/index.htm
بتلقى عدة لغات اختار اللغه اللي تبي تتعلمه وبالتوفيق
القواعد راح احطهم بموضوع ثاني ان شاء الله قريبا
بالتوفيق
|