[ريانة]

المملكة العربية السعودية
وزارة التعليم العالي
جآمعة الأنتساب العربي
قسم المنتسبين المخضرمين

مآدة اللغة التحشيشية
العام الدراسي :- 23568694 م
زمن الأختبار : خمس سنين
دكتور المادة : حلوه الوصايف

السؤآل الاول:

أختر الأجابة الخاطئة من بين الأجوبة الصحيحة فيما يلي !!

/1ترتيبك بعآيلتكم ,,((الكبير _الوسطي_ الصغير ))
2/من هو اقرب واحد لك من عآيلتك ,,((أخوكـ _أبوكـ_ أمكـ _أختك))
3/ وش تزين وانت قآعد فآضي بالبيت ,,((تآكل_تنآظر التلفزيون_تلعب بلآي ستيشن _ عالنت_ تنآم ))
4/ وانت جوعآن وش تحب تآكل ,,(( مآلح_ حلآ _أي شي بس اهم شي تعبي الكرشه))
5/وش تحب تشرب في البيت ,,((ببسي وطقته_عصير_قهوه وشآي))
6/ وانت تنآظر التلفزيون وش تحب تشوف ,,((مسلسل_ فلم_برنآمج _أغآني))
8/وشو الوقت اللي تحب تنآم بوه اكثر شي ,,((الليـل_بعد الغدآ عالعصر_مآتفرق معك دآيم ودك تنآم))





:

السؤآل الثاني:

أجب على الأسئله التآليه وأنت ساكت واذا في تعلـيل عللـه وأذكر سببه !!,,

1/ حكمه تؤمن بهآ؟
(لا أحد يستطيع إهانتك إلا بمساعدتك )

السبب لان هذا واقع الحياة اللى نعيشها الشخص الطيب اللى على نياتة دائما يتعرض للاهانة والعكس صحيح
2/ لون تحبه مره ؟
الاسودالاخضر الاحمر
3/دوله تقطر سعابيلك ودك تروح لها ؟
مصر
4/وظيفة تتمنى انك تتوظف فيهآ ؟
موظفة بنك
5/ موقف مآتحب تشوفه قدآمك ؟
اذا كنت فى مكان وفية شخصين يتهماسون بكلمات مسموعة عنى وبكل وقاحة للاسف
6/صفه تكرهه ومآتحب تكون بأي انسآن تربطك فيه علآقه ؟
شوفة النفس تحطيم الاخراين النقد الجارح
7/ سيآرتك المفضله ؟
لاندكروزر
8/رسآله على الجوال منتب قآدر تنسآهآ,,قل وشي ؟
مااذكر رسالة مهمة لدرجة انى مو قادرة انساها
9/مكآن يعجبك كثير وتحب تروح له دآيم ؟
البحر البر
10/منهو الصديق الاقرب لكـ (اسمه وسيره ذآتيه عنه<<مو مره )وقل ليش تحبه؟
صديقة لى ايام الثانوى
11/وشو الطلب اللي مت وانت تطلبه من اهلك ومحد معطيك وجه ؟؟
كنت اتمنى التحق بنادى رياضى بس للاسف محد عطانى فيس





:

السؤآل الثالث:

أشرح مآ يأتي شرحا وافيا لاتوطــى في بطنك !!

1/مدرس منتب قآدر تنسآه ابد منهو ؟
صبى رمضون معلمة سورية لغة عربية ايام الثانوى على قوة شخصيتها وخوف البنات منها الا ان قلبها ابيض ومتسامحة دائما الله يذكرها بالخير
2/أكثر ماده مرت عليك وحبيتها ؟
فقة السيرةالمستوى هذا لانها تتكلم عن حياة الرسول اكثر مادة استمتعت فيها وبكيت فيها بجد الله يرزقنى شوفته
3/أكثر ماده مرت عليك وكرهت ابو اللي خلفها ؟
النحو طبعا ومع الدكتورجزاء كملت
4/ وين كــآن مكانك بالضبـط أيام الاختبارات الشيـنه ؟
فى المقلط جنب الدافية
5/وش أكثر سنه مرا على خشتك وحبيتها ؟
مافية سنة معينة
6/ وشو هو اشين عقآب صآر لك وانت تدرس ؟ وفي أي مرحله؟
بالابتدئى لمن طقنى ابوى بالعقال طبعا اختى كانت مشتكية على لانى ماكنت ادرس واحل واجباتى الله يجزاها خيرر كانت شايلة همى وانا
/7 عمرك اخذت شهآدة تقدير او تكرمت بالطابور؟
طبعا لا
8/ موقف محرج صارلك بأيام الاختبارات او بالمدرســه ؟
ماااتذكر موقف معين بس لابد من المواقف المحرجة
9/ سنه كنت فآشل فيهآ درآسيا ؟؟
كل ابو السنوات اللى مرو على خخخ
10/ سنه كنت دآفورفيهآ ؟؟
اول مستوى فى جامعة الملك فيصل الله يتمم على

11/ اذا انت متخرج من الثآنوي كم كآنت نسبتك وأدبي ولآعلمي ؟؟
نسبتى 71 ادبى




:

السؤآل الرآبع:


آكمل الفرآغآت التآليهـ بالعضو المنآسب..
1/ عضو رهيـــب وخفيف دم ..رشوف.........
2/عضو مآودك يغيب ابد ....كل الاعضاء.........
3/عضو تحس لو غآب يهجد المنتدى...مافية احد معين.......
4/ عضو تحسه مميز في بموآضيعه ....مافية احد معين...........
5/ عضو يثير اهتمامك ....ماى دريم.............
6/ عضو تعرفه خارج المنتدى .....مافية للاسف...........
7/عضو كآن نشيط وتحس انه صآر ماله خلق ........طالبة جامعية...........
8/ عضو ودكـ تدق حنك معه وتشرب شاي وتاكل فصفص..كل الاعضاء...........
9/عضو تعرفت عليه عن طريق المنتدى .......كذا عضوة...........
10/عضو ودك تمطخه .....وش يعنى ماافهمت..........
11/عضو تحسه خآرج عن النص دآيم.......فية كذا عضو بس ماتحضرنى اسمائهم............

السؤال الخامس : <-- سؤال مسااعد فقط

:- اجب بـ (صح) أمام الأجابة الخاطئة وبـ (خطأ) أمام الأجابة الصحيحة مع تصحيح الخطأ أن وجد
وعلي الملآزيم اللي يحط صح قدام الأجابة الصحيحة أني لأفقع وجهه بقارورة كتشب .. أنتم توحون ؟

1- هيفاء وهبي هي اللاعبة الوحيدة اللي اذا صفر الحكم تسلل فأنها لآتهتم تكمل تجيب هدف (خطأ )
2- المذيع الأخضر بالريش في قناة الجزيرة الرياضة .. طار ريشة بعد مافازت البرتغال سبعة مقابل صفر ضد كوريا الشمالية <~ (خطأ )
3- غاز بيكربونات الصوديوم يستخدم في تخصيب اليورانيوم في أيران <~ قفلو الموضوع وأنحاشو (خطأ )
6- الأكثار من الكبسة والشاورما .. تفيدآن في تخسيس الوزن ( خطأ)
7- المحيط الهندي سمي بهذا الأسم نظرآ لوجود فلفل كثير في جوفه ( خطأ)
8- افضل طريقة لتأديب قطو .. هي شوته بزبيرية مقاس 15 <~ ضروري مقاس 15 (خطأ )
9- <~ هؤلاء يتهاوشون عشان وآحد منهم شرب ببسي الثاني .. كآن مخبيه ورا الجرجير بالثلآجة (صح )
10- أغلب البنات في الأسواق تنطبق عليهم هذه المقولة - تحت البراقع ضفادع - (خطأ )

السؤال السادس :- ردد كتابة الجملة الآتية ثلآث مرات بخط وآضح /
(( اقر انا الطالب/ـه بكامل قواي العقلية والفكرية والجسمانية انني اريد السقوط بالمادة رغم(ن) عن انفي وأنا مسؤول عن نفسي والله على مآيقول شهيد ))
ملآحظة : اللي مآيكتب هالجلمة ثلآث مرات في الأسطر التالية سوف اسقطه بالمادة بغض النظر عن أجوبته
واللي يكتبها برضه بسقطه بغض النظر عن أجوبته .. الزبدة لحد يحلم بالنجاح
1- .................................................. .................................................. ...........
2- .................................................. .................................................. ...........
3- .................................................. .................................................. ...........
وشولة اجل اكتبها واتعب عمرى وانتى تقولين لحد يحلم بالنجاح ياربى حنن قلب الدكتورة على وما أحمل المادة

أنتهت الأسألة .. مع تمنياتي لكم بالنجــآآح الدائم



الدكتوره والأستاذه والمهندسـه
والميكانيكيه

حلوه الوصايــف المجدوعـي