حل منصف لأصحاب الانتساب

[الرفيق1]

الانتساب افضل من الانتظام انا كنت منتظم وكنت اراي الوضع الجميل من طالب العلم المنتظم سوالف في القاعة مع الدكتور ولا دخل المادة في المحاضرة كلها سوالف وضحك ومسخرة وبلاك بيري وواتس اب و30 درجة علي حظور والاختبار في الاخير كلة غش واسئلة اقل من المنتسب سلملي علي المنتظم قال منتظم

[حمود بن عثمان]

[تأبط شرا]

بسم الله الرحمن الرحيم

المقارنة معروفة لصالح مين أذا كان فيه أنصاف لصالح الطالب المنتسب أذا كانوا هم يحضرون فحنا كذالك نتابع المحاضرات والتقنية ماتقصر وأذا أستعصى علينا شيء موجودة المباشرة أنتم لو تلاحظون وحط مقارنة بين الطرفين المنتظم والمنتسب من واقع مشهود المنتظم عادة مايطالب بمراجعة كمية قليلة من المعلومات وتكون عن طريق حذف أجزاء من المنهج بحكم تواجد الدكتور معهم باستمرار وميانتهم عليه يعطونه كم من نكته يضحكونه ويحذف عليهم من المنهج مالله به عليم اما المنتسب (التعليم عن بعد) وبحكم المراقبة المشددة اللي يخضع لها من العمادة مايقدر يحذف شيء من المنهج وبالتالي في نهاية المطاف يجد الطالب المنتسب نفسه مطالب بالمنهج كاملا من الجلده للجلده فكمية المعلومات أذا لصالح الطالب المنتسب والجودة معوضة ولو بشكل نسبي عن طريق المحاضرات المباشرة وكذلك المسجلة والمناقشات وكذلك الواجبات

فليش يفضلون المنتظم أبو ثلاثطعش ورقة منهج على الضعيف المنتسب أبو ثلاثمائة صفحة متخمة بما لذ وطاب من المعلومات

الله يكون بالعون

[7amood]

وبعدين معرروف من زمأن وزارة الترربية والتعليم ماتبي إنتسآب النظام واضح

[الراقي222]

كثر الكلام .. وكثر المدح للانتساب .. وكثر الذم كمان ..
بنكمل وعلى الله الارزاق والله ماعاد عرفنا وش لنا ووش علينا


عموما انا كنت ادرس عام 1422 قسم جغرافيا خذيت فيها 3 سنوات بدون رسوب مشالله لكن على قولة الاخوان هنا الناس حطموني ومابقى عذروب الا وحطه بهالتخصص اللي حصل اني تحطمت وطلعت .. الزبده ان اصحابي اللي واصلوا(من ضمنهم واحد عسكري كان دوامه العصر ومنتظم معنا رقيب اول) مشالله الان يحظر الدكتواه متفرغ الان معلم في الرياض له 4 سنوات .. الشاهد لاحد يسمع كلام االناس والله بيتحطم.

اسال الله لنا ولكم التوفيق.. وانا عندي احساس اذا كثر الضغط على الوزاره رح يشوفون لنا حل مقنع بس جيبوا درجات تجمل .. تحياتي

[منتسب متفائل]

المشاركة الأصلية كتبت بواسطة الراقي222

كثر الكلام .. وكثر المدح للانتساب .. وكثر الذم كمان ..
بنكمل وعلى الله الارزاق والله ماعاد عرفنا وش لنا ووش علينا


عموما انا كنت ادرس عام 1422 قسم جغرافيا خذيت فيها 3 سنوات بدون رسوب مشالله لكن على قولة الاخوان هنا الناس حطموني ومابقى عذروب الا وحطه بهالتخصص اللي حصل اني تحطمت وطلعت .. الزبده ان اصحابي اللي واصلوا(من ضمنهم واحد عسكري كان دوامه العصر ومنتظم معنا رقيب اول) مشالله الان يحظر الدكتواه متفرغ الان معلم في الرياض له 4 سنوات .. الشاهد لاحد يسمع كلام االناس والله بيتحطم.

اسال الله لنا ولكم التوفيق.. وانا عندي احساس اذا كثر الضغط على الوزاره رح يشوفون لنا حل مقنع بس جيبوا درجات تجمل .. تحياتي

أخوي اول مادخلنا هذي الجامعة والناس تقول وزارة التربية والتعليم ماتقبل الإنتساب وانا كنت اقول نفس كلامك الارزاق بيد الله وماندري وش يصير بكره واليوم انا اكلمك عن نفسي انا تخرجت قسم تربيه خاصة ومعدلي ممتاز مع مرتبة الشرف الأولى وقدمت في الوظائف التعليميه وتم إستبعادي جات وظائف معلمين في الهيئه الملكيه في الينبع وكان واحد من شروطهم الإنتظام تبي الصراحه وأنا أخوك والله إنسدت في وجهي وكانت في راسي احلام وكلها تحطمت لاكن ماقول غير الله لايوفق إلي كان السبب

[ماكو وطن]

صادق
المفروض
يحسمون الجدل ... ويدخلون خريجي الانتساب اختبارقدرات المعلمين
كفايه مدري جدراة مدري ااش اسمه:)
اذا تجاوزه المنتسب يستحق العمل لدى وزارة التعليم مثل المنتظم
مو يفتحون تعليم عن بعد ويدفعون العالم رسوم وقدرها .. ويحكمون عليهم جبري بعدم مساواتهم بالمنتظمين!!!!!!!!!!!

[moghtrb]

مشكلتنا في من بيدهم القرار بالوزارات االمعنيه ( الماليه- التعليم- الخدمه المدنيه- العمل - الاقتصاد...) اكل عليهم الدهر وشرب للأسف ولاا يعرفون مايدور حولهم من تطور


يبيلنا ننتظر وربكم كريم

[العضيد1]

المشاركة الأصلية كتبت بواسطة الطالب المملوح

تدري ب امريكا الاولويه بالوظايف للانتساب بعدها الانتظام


ولاماتدري ؟

صحيح والله؟ لا أستغرب.
كنت أقول إن طلاب الانتساب أفضل من الانتظام لأنهم يعتمدون على أنفسهم. وهذا هو المطلوب من طلاب وصلوا إلى هذه المرحلة.
المدرس والمعلم والدكتور لا حاجة له بعد المرحلة الابتدائية. على الطالب أن يقرأ ويفهم بنفسه، ثم هو يقبل التطوير والتعلم الذاتي لاحقاً. الكتب المدرسية والمحتويات والمراجع مشروحة وجاهزة. لا يفعل المدرس أو الدكتور أكثر من قراءتها أمام الطلاب.

[حدي كلاسسي]

المشاركة الأصلية كتبت بواسطة mr.fahad

امس اكلم واحد كان يدرس انتساب علم اجتماع مادري علم نفس وكان يشتغل في البحث الجنائي

الزبدة ان الرجال ذا تخرج من الجامعه انتساب وكان عريف مادري وكيل رقيب مادري بالظبط وش رتبته

ودرس ماجستير وبعدها جالس الحين يكمل دكتوراه وامس طالبينه منطقه مجاوره عشان يجي يحقق في قضية قتل

الوكاد الحين هو رتبته عاليه وشهادته انتساب ((( الدنيا ارزاق )) والي يسمع كلام فلان وعلان ماراح يعيش

والناس همها الوحيد ان تحطم الشخص

واقرب مثال انا كنت ادرس في كلية التقنيه واول مادرست دخلت ع طول للجامعه والناس قامو يتكلمون ويقولون والله ماتفلح ولا بعد دارس في كلية التقنيه افلللقني ان توظفت << حطيت كلامهم في قدر ظغط وكملت وتخرجت وامس طلع اسمي ع المرتبه السادسه في وزارة الصحة << بس طالبين وثيقه التخرج والوثيقه ماتطلع الا بعد اسبوعين فلذلك سحبت عليها








قلت لكم قصه حياتي بس المقصد الي يسمع كلام الناااس راااااح يغووور بستيين داهيه وابن ادم رزقه مكتوب من قبل ماينولد