بخصوص شهادة الانتساب مافائدتها

[قشوطه]

"


انا ظروفي خلتني اسحب من الجامعه وهذا خلاني اتركها
وطموحي اني اواصل تعليمي هو الي خلاني افكر بالدراسه
ع بالي الانتساب مايقبلون الي تركو جامعة الملك فيصل
يعني ادور جامعه ثانيه فما كنت اعرف
وكنت حابه اضمن اذا بتفيدني او لا
لان ودي اكمل ويكون عندي شهاده مابي شهاده ثانويه وبس
هذا ردي لي يقول لو انك مكمله من اول ماسجلتي كان خلصتي
انا لما سالت عن الشهاده ابي اعرف ليه ماينعرف فيها بالتعليم
ماهمشت الجهات الثانيه ليه هم مايهمشون الشهاده في المجالات التعليميه

[قشوطه]

المشاركة الأصلية كتبت بواسطة tott

بخصوص موضوعك ما فائدته !!

مثل ما انت تشوف تواجدك في موضوعي

[iSara__91]

انا وحده من الناس الي ما ابي وظيفة تعليميه
ليش حاصره الوظايف كلها بالتعليم !!
عندك بنوك مستشفيات شركات الخ ماوقفت ع التعليم
والشهاده معتمده اتركو عنكم الاحباط

[AHMAD BiN SAUD]

بصراحه وبكل وضوح

المستفيد الاكبر من شهادة الانتساب ( الموظفين الذين هم على رأس العمل )

وصلى الله وسلم

:)

[فووق]

قشوطه روحي قشطي في جامعة أخرى


هلكتونا مو معتمدة ومو مهمة عاد كان سجلتوا انتظام ووريتونا همتكم

[فهد كول]

المشاركة الأصلية كتبت بواسطة قشوطه

وانا اجوب في دهاليز هذا المنتدى الرائع
واتصفح بحثت عن فائده لهذه الشهاده
وجدت انها بلا فائده مع العلم انهم قالو شهادة جامعة الملك فيصل انتساب مضمونه
اين الضمان ؟!
هل هي معتمده في وزارة التربيه والتعليم ويحقق وظائف تعليمه ؟!ولماذا؟!
هل استطيع اكمال دراسات عليا ؟!

تعتذر جامعة الملك فيصل عن قبول خريجي بكالوريوس الانتساب

http://old.kfu.edu.sa/ar/deans/highe...ges/rolls.aspx

طيب اذا هم كذا ليه ندرس فيها اذا هي مو معتمده
مره قريت بالجامعه انها شهاده معتمده والحين ظهرت بلبله ع هالموضوع
ودي افهم هل هي معتمده او لا
ومعتمده وين ؟!
والي تخرجو يفيدونا هل فادتهم الشهاده او لا

اولا هي معتمده وتقدرين تواصلين دراستك اما بخصوص اعتذار الجامعه فالظاهر انك ما عرفت الاسباب ولا هو مطلوب مني اشرح لك
وبعدين وش الفائده من موضوعك ما تبين بسلامتك
وفيه مواضيع تقدرين ترجعين لها وتعرفين اجوبه لكل ماسألتي

[Ahmad240]

شهادة الانتساب بالنسبة ليي فقط ورقة تساعدني على اكمال الداراسات العليا ونفس الشي بيكون لو كنت انتظام بتكون بالنسبة لي ورقة علشان اكمل دراسات عليا لأن هذا هدفي.

باللي ابي اقوله لكم يا اخوان والاخوات أن:

** إذا بتحكر حياتك علشان جامعة وحدة خرجتنا ما تقبلنا, انت أولاً ما بترتاح لا فيه دراستك ولا في حياتك وبتأذي البشر اللي حواليك هنا من تكرار الموضوع.

**الوظائف التعليمية بالنسبة لي ما تقاس بالتربية والتعليم وشروطها. أحنا نعرف أن طلاب الانتساب دراجتهم قوية بالقدرات وكثير منهم نسبهم عالية بالبكلريوس... هل معناتها يقدرون يدرسوا؟؟ هل معناتها الانتظام كمان يقدروا يدرسوا؟ الأحقية بالوظائف التعليمية أكثر مما أنها تكون (أنتساب/انتظام)

** الآن شوف الوظائف التعليمية إذا الناس اللي يبونها بقوة اي عيوبها:

1: ما تقدر تكلم ماجستير: وانا مستغرب, مش مهم أن المدرس يصقل مهاراته ويطور نفسه علشان ينجز شي في مجاله التعليمي والتربوي؟

2: ما سمعت أن مدرسين يطلع ليهم تدريب سنوي بالصيف أو دورات على طول السنة إلا من رحم ربي ويمكن بس مرة بالعمر.

3: مش الكل بيقدر يتحمل الطلاب خاصة في المناطق الشرسة بدون تحديد وين.

So be careful of what you wish for, you might just get it all

[اكاديمي منتسب]

سلااااااام عليكم
يسعد صباحكم بكل خير

انا متخرج من كلية التربية بمرتبة الشرف الاولى ، لم استفد من الشهادة لا بتعديل الوضع الوظيفي ولا التقديم في جدارة ولا اكمال الماجستير (جامعات المنطقة الشرقية)
قدمت في الجامعة الالكترونية ماجستير وتم رفض الطلب لانه انتساب
جامعة الملك فيصل وجامعة الدمام ترفض الانتساب ، اما بقية جامعات المملكة في المناطق الاخرى لا اعلم عنها شئ بخصوص القبول في الماجستير..

المستفيد من الانتساب و الاكثر حظا في الترقيات هم العساكر.... الله يوفقهم ويرزقهم .

تمنياتي للجميع بالتوفيق والنجاح،،

[قشوطه]

"


هذا الي ابي اعرفه واتاكد منه اني هل اقدر اكمل دراسات عليا لان اذا ماحصلت تعليميه
ولا دراسات عليا شالفايده

"
محمد انا مثلك ابي تكون شهادة عبور لاكمال الدراسات العليا
وان شاء الله ربي يحقق كل الي نتمناه

"

وانا ماحبط انا متردده فقط
لاني قريت قبل فتره انها ماتقبلها التعليم وسكت بس يوم قريت الرابط الي حطيته
وخاصه انه موجود بموقع الجامعه حبيت اتاكد
لاني مابي اكتفي
ربي يسهلها ويوفق الجميع


"

"

[reaching higher]

السلام عليكم

ماشوف ان الاخت تحاول تحبط و لا تقلل من دراستنا هنا .. هو مجرد استفسر صريح مع اسلوب جدا محترم ..

فماله داعي التسرع بالاحكام على نوايا الناس ..

اختي قشوطة ..

كيف شهادة جامعتنا .. الانتساب بدون فائدة و ليست مضمونة؟ ..
لها فائدة لان فيه ناس كملوا دراسات عليا و ناس توضفوا فيها .. بتلقين تجارب كثيره لاخوانا الخريجين .. شوفي القسم الخاص بالخريجين ..

اما اين الضمان؟
فما ادري وش قصدك بالضمان ..

هل هي معتمده في وزارة التربيه والتعليم ويحقق وظائف تعليمه ؟!ولماذا؟
ولا جامعة .. لا فيصل و لا غير فيصل معتمدة كأنتساب في وزارة التربيه و التعليم ..
قبل سنوات كان الانتساب مقبول في التعليم .. بس القرار تغير و ارفضوا خريجين الانتساب ..
و لكن .. قبل سنتين يمكن .. جماعة من الخريجين ارفعوا قضية ضد وزارة التعليم و اكسبوها .. لكن للاسف الوزارة تتهرب من التطبيق ..


هل استطيع اكمال دراسات عليا ؟!
نعم .. لكن هدا ايضا يتوقف على معدلك و اشياء اخرى .. مثلك مثل الانتظام

اما بخصوص جامعتنا ماتقبل الانتساب في الدراسات عليا؟
الجامعة وضحت الاسباب .. و وعدتنا بدراسة خطة لدراسات العليا خاصة فينا .. و ممكن تروحين لجامعات اخرى تقبل الانتساب ادا ماتبين هنا

مره قريت بالجامعه انها شهاده معتمده والحين ظهرت بلبله ع هالموضوع
ودي افهم هل هي معتمده او لا .. ومعتمده وين ؟!
البلبه بتلقينها في كل الجامعات .. حتى ان لها مواسم و بتكثر نهاية كل سمستر ..
شهادتنا معتمدة في الخدمة المدنية و وزارة الصحة بشروط بسيطة
والمستشفيات و الشركات و اماكن اخرى .. ماوقفت الدنيا على التدريس

والي تخرجو يفيدونا هل فادتهم الشهاده او لا
ارجعي لقسم الخريجين .. بتلقين مواضيع كثيرة


و اخيرا الارزاق بيد الله .. فيه ناس انتظام و لا حصلوا وظائف و لا انقبلوا دراسات ..
انتي بس شدي حيلك و جيبي معدل ..

بالتوفيق اختي