وينكم ياطالبات الاكاديمية ...؟

[براءة*]

هلا وغلا ملكة بمشاعرها
انا دوامي صباحي بس الاسبوع الجاي عندنا أجازه
.. .. .. .. ملكة اتوقع انتي في المبنى الاول .. وانا في المبنى الثاني (( الجديد ))
لانة في الجش مبنين.. ؟؟

[ملكة بمشاعرها]

هلا براءة لا هو مبنى واحد وانا جاية المبنى الجديد المهم انا عطيتك ايميلي اذا احتجتي شي كلميني

[براءة*]

O.K

براءة

[زين الكون]

انا من طابلات اكاديمه الكنديه وللاسف حسبي الله ونعم الوكيل مجرد وعود زائفه وأغرأت مالها داعي وللاسف ادذاره فاشله لابعد ميكون وازيدكم من الشعر بيت ترا لاتفرحون شهاداتكم ماعليها ختم وزاري مجرد ختم الاكاديميه نفسها والله حرام ختمو لاول دفعه وحنا لا قالو اللي يبي ختم المؤؤسسه العامه
للتدريب المهني لازم يخضع للامتحان اللي هو عباره عن مواد الدبوم كلها ماعدا السنه التحضيريه هذا حق؟؟؟ مع العلم ان حنا مادرسنا كل الكتب ولامرينا عليهااا كيف نختبر بالله والله ان حنا مكبتين ونكسر الخاطر وراح نتخرج وحنا منادري عن شي حتى زميلاتي ماعطوهم الوثائق الابعد سنه

لاتدخلين نصيحه

[أعذب أحساس]

زين الكون اي والله صادقه بكل حرف كتبتيه :011:
حنا اختبارانا اللي من الوزاره بعد العيد على كلامهم طبعا كل اسبوع يقولون بعدين بعدين وليومك هذا نستنى بعد العيد نشوف متى بيأخرونه بعد
طبعا ولا مكان قبلنا بالوظايف ماخلينا مكان الا قدمنا
مع العلم اني قسم اداره اعمال وتقدير ممتاز
والله لو بيدي اللحين اروح اوقف عند باب الاكاديميه واي طالبه بتسجل اقولها لا تسجلين
لا وبعد هالايام قاعدين يبيعون الاجهزه شكلهم ناوين يشطبون ويقفلونها
مانقول الا حسبي الله ونعم الوكيل

[براءة*]

يابنات أنا اليوم قريت عن الاختبار الشامل وانصعقت بهالخبر
السيئ ... ممكن تقولون لي صعب ولا سهل
ومنين نذاكر ؟؟

[أعذب أحساس]

لا تنصعقين ولا شي
مع هالاكاديميه بتسمعين اكثر واكثر:003: :003:
حبيبتي تذاكرين جميييييييييع المواد اللي خذيتيها خلال سنتين
والاختبار راح يكون بيوم واحد والنموذج راح يكون عملي ونظري وفيه مواد محاسبه بعد :003: :003:
حتى اللي مساتكم احذفوه لكم تذاكرينه عاد شوفي وش بتذاكرين ووش بتخلين
جبنا العيد:003:

[ملكة بمشاعرها]

تراكم قرفتوني بكلامكم تراكم منتو فاهمين ولاحاجة اولا الامتحان الشامل بس المعاهد الاهلية المعترف فيها من الوزارة يمتحنوه هذا الامتحان في كل المملكة وقديم ثانيا هذا الامتحان يعطوكم شهادة ثانية حكومية ثالثا الامتحان مو من كل المواد بس العلمية يعني حاسب فقط وامور الحاسب رابعامين الي قال بنات الاكاديمية ما توظفوا انا دفعتي الي هي اخر دفعة ثالث ارباعهم توظفوا الي في مدارس حكومية والي في المستشفيات والي في شركات كبيرة وغيرة وغيرة طبعا بتقولوا اني ادافع عنهم لا والله ماادافع عنهم بس اكاديميتنا احسن من معاهد واجد فاحمدوا ربكم عليها

[ملكة بمشاعرها]

يا اخت اعذب احساس مو الاكاديمية الي تحدد متى الامتحان الوزارة هي الي وترى انتي مابتمتحنية مع صاحباتك لا بنادوك الوزراة ويحددوا مكان مثل جامعة او الاكاديمة او اي شي وبعدين يمتحنوك انتي وغيرك من بنات مو ضروري بنفس الاكاديمية مو ضروري تخضعي للامتحان اذا ماتبي يعني ماحد غاصبنك اذا بغيتي شهادة ثانية ادخلي مابغيته لا تدخلي بس شهادتك تقدري تتوظفي فيها

[أعذب أحساس]

طيب وراك معصبه
انا قلت الصدق ماجبت شي من راسي
وبعدين تراني من اخر دفعه تخرجت وامتياز وكل خوياتي امتياز جميع الاقسام وبالبيت :011:
وماخلينا مكان ماقدمنا عليه
وعلى كلامك ان الوزاره هي اللي تحدد مكان الاختبار لا ياقلبي الاكاديميه هي اللي حددت لنا بنفس المبنى اللي ندرس فيه ونفس البنات
وقالولنا كلللللل المواد حاسب ومحاسبه وعملي ونظري كوووله كوووله :003: