تصريح النجار على اغلاط التصحيح (حسبي الله ونعم الوكيل)

[ربيع القلوب]

واضح انو بعض الاعضاء هدفها
الايقاع بين الطلبة والدكتور النجار الله يجزاه خير
عموما
اذا كانت الجامعة فاشلة مثل ما يقولون ليش جالسين يكتبون الموضوع تلو الموضوع
اختصر الموضوع على نفسك وشوف لك ملفى ثاني
لا تزعل مني اخوي
واذا ماعجبك كلامي لا تقولي وش حشرك ..لانك منزل الموضوع وانا اخوك مو عبث
وما اقول الا الله يهدي

[white paper]

اصلا كنا متوقعين هالتصريح لانه كل ترم كذا لالازم يبررون اخطائهم !!
وترى حتى لورفعتوا تظلم ماراح يجيكم الا خسارة الفلوس
والله العظيم للحين بقلبي حرقة من المستوى الاول وانا اللحين مستوى ثالث والحمد لله رفعنا تظلم انا وكثييير ويجي الرد بعد ثواني يعني ترفعه هاللحين يجيك رد آلي مباشرة بثواني انه تمت المراجعة ودرجتك كما هي لم تتغير وللحين متأكدة انه مو درجتي
انا ما اقول انهم يتعمدون الظلم لاوالله حاشاهم لان الدكتور ماقصر بسس ليش ماتكون مشكلة في الرصد يعني بدلوا طالب بآخر او مشكلة في نموذج الدكتور مثلا يمكن اخطا بحل النموذج وليش لا
يمكن يكونوا صححوا نموذج آخر والخطأ وارد
لكن اللي متأكد ميه بالميه يروووووووووووووووووووووووووووووووووح الجامعة بنفسه ويطلب اوراقه ونماذج الدكتور وياخذ الملزمة ويراجع معاهم وهذا حقه
ووحدة من صديقاتي منتظمة بجامعة عندنا وصار لها كذا اخذت جيد وهي من الممتازات ومو مصدقة كل موادها ممتازة الا هالمادة وذخلت طلبت اوراقها وطالبوها تدفع 10000 ريال شفتوا المبلغ !!
وراحت تسلفت وقالت اشوف ورقتي وفعلا شافت الورقة الحمد لله وطلعوا غلطانين وعدلوا درجتها ورجعوا لها المبلغ والحمد لله
يعني كل طالب وطالبة عارف شنو قدم وعاارف درجاته قبل لاتطلع ومو معقوله طالب كل مواده امتياز تجيه ماده مقبول او راسب ماتدخل العقل المفروض اللي يرصد الدرجات يلاحظ هالشيء ويرجع يراجع
وحسبنا الله ونعم الوكيل

[L U X U R Y]

-

أرجو أن تكون هناك مرونة أكثر في [ بعض ] الردود وَ عدم الرد إلا بما يفيد صاحب الموضوع
شكراً للجميع

[حلم مستحيل]

لا تحطون اللوم كله عليهم
حرام عليك تراكم محاسبين عن كل كلمه تقولونها
اذا الموضوع جاء لـ10 تبع المشاركات و10 تبع المحاضرات بقول لكم اوكي معكم حق لان الخطاء منهم

لاكن الموضوع عن 70 اللي ع الورقه
هذي الخطاء منكم انتوا

ذاكرتوا؟
ملخصات وموجوده عندكم بالهبل يعني مش وحده ولا ثتنين ماشاء الله تبارك الرحمن
للمقرر الواحد 4 الى 6 ملخصات

الخطاء منكم انتوا ماذاكرتوا زين

ولو كنتوا مذاكرين زين كان حليتوا زين
ولو انتوا حالين زين
كان ماشفنا ذا المواضيع اللي تكره الواحد انه يدخل الملتقى



على قد مذاكرتكم بتكون درجاتكم

ذاكرتوا بأجتهاد وحرص بتكون درجتكم من احلى مايكون
ذاكرتوا بأهمال وكسل واعذار بتكون درجتكم مش كويسه


الغلط منكم لا تتهجمون ع العالم وتدعون عليهم وهم ماغلطوا


(70) بيد الطالب يحصلها
(30) هديه من الجامعه مضمونه بالجيب

[تمراوي]

هدوا اللعب ترى الدوري انتهى!!!!!!!؟؟؟؟؟؟؟؟
اناولله الحمد حملت الانقلش بنقص 5 درجات قدر الله ماشاءفعل
لكن لن يصل الامر الى التهجم ع الدكتور /النجار اوالجامعه
بهذا الأسلوب.
وجامعتنا لن نجد افضل منها ولا افضل من دكاترتها ولا افضل
ولا اروع ولا اطيب من د/النجار الله يجزاه عنا خير.
واقول لخوي ابو الخل اذكر الله وهد اعصابك ويمكن يكون خير.
اسأالله الحي القيوم لي ولك وللزملاء التوفيق

[التوليب]

لكل الشامتين
لاتظهر الشماته بأخيك فيعافيه الله ويبتليك

لصاحب الموضوع الله يعينك ويجبر بخاطرك
لاتتهور وهد الامور وبعد كم يوم قرر وش بتسوي
لاتقرر الحين ابدااا

[Ms.Secretary]

ما اقول غير حسبنا الله ..

[اسماء العنزي]

الحين الي ردوا معصبين ابي افهم ليه زعلانين ؟!

ما تبغونه يقول ( حسبي الله و هو نعم الوكيل )

انظلم و يطلب النصر من ربه

وين الغلط بالموضوع ؟!

على فكره مو بس الاخ ابو الخل شوفوا كم موضوع و كم طالب اشتكى من لخبطه الدرجات

و خاصه بمواد (العقيده و الانجلش )

معقوله كل هالطلاب على غلط و هم صح !!

كل واحد عارف نفسه زين وش حل و وش قدم

انا احلف يمين معظم ان درجتي بالانجلش غلط و ظلم لاني واثقه وش كتبت

لكن حسبي الله عليهم و هو نعم الوكيل ..

لانهم تعمدوا هالشي و الا اذا كانوا واثقين من نفسهم انهم معصومين من الغلط و ما يغلطون

ليه ما يفتحون ايقونه التظلم و يخلون الناس تتظلم و يبين الحق من الباطل

حسبي الله و كفى !

[ملكه الأنآقهـ]

الله يرزقنآ الدرجـآت العلى بالجنه يارررب

وحقك مآيضيع إن شآء الله ~

[ملكه الأنآقهـ]

عَنْ أَنَسٍ رَضِيَ اللَّهُ عَنْهُ قَالَ
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ انْصُرْ أَخَاكَ ظَالِمًا أَوْ مَظْلُومًا فَقَالَ رَجُلٌ يَا رَسُولَ اللَّهِ أَنْصُرُهُ إِذَا كَانَ مَظْلُومًا أَفَرَأَيْتَ إِذَا كَانَ ظَالِمًا كَيْفَ أَنْصُرُهُ قَالَ تَحْجُزُهُ أَوْ تَمْنَعُهُ مِنْ الظُّلْمِ فَإِنَّ ذَلِكَ نَصْرُهُ
رواه البخاري