الحقو يقلون شهادتنا مو مضمونه

[فراشه]

اتمنى ان لا يكون ردي مزعجاً

حقيقة الامر ان الوظائف التعليميه من شروط قبول المتقدم للتدريس بالوزاره حصوله على انتظام الدراسه بحد ادنى 4 اترام قبل التخرج +دبلوم تربوي ان لم يكن معتمد اثناء الدراسه مثل كليات المعلمين.

بالنسبه للنظام الملتحقين نحن فيه الآن يعتبر نظاماً جديداً يشبه الانتظام ولكن بدون الحضور للجامعه فهل الوزاره ستطبق عليه ما كان ينطبق على الانتساب القديم ام سيراعا وتعدل الانظمه ويقبل طلاب الانتساب المطور للتدريس في المدار س الحكوميه بوظائف رسميه من ديوان الخدمه المدنيه ........ الله اعلم

ملاحظه : تعديل الأنظمه المعمول بها قديحتاج ليوم او شهر اوسنه او عقد او قرن او لا يعدل نهائياً .

تحياتي

هذا هو الكلام الصح ,,,

انا خريجة كليه
راح اقولكم الي عندي من معلومات
بالنسبه للشهادة الانتساب لا تقبل بالخدمه المدنيه بالوظايف التعليميه
زوج اختي متخرج من جامعة عبد العزيز بجده ( انتساب مطور )وكان ناوي يتوظف معلم بس رفضوه لكن شفت مقال بمنتدى على ما اظن منتدى البطاله ان الملك الله يطول بعمره أمر باعتماد شهادات الانتساب المطور وبالتالي تقدرو تقدمو بالوظايف التعليميه بالخدمه المدنيه بس طبعا القرار يحتاج له سنوات عشان يطبق
والي تبي او يبي يتأكد اتصلو على الخدمه المدنيه واستفسرو او اطلعو على شروط الوظايف التعليميه بموقع الخدمه المدنيه

بالنسبه للدبوم التربوي
يدرسوه خريجات الاداب او العلوم الي غير تربويات
علشان يكون لهم الاولويه بالوظايف التعليميه
لان الاولويه دائما للتربويات بعدها يجي دور الغير تربويات
الدبلوم التربوي موجود بجامعة الامام والظاهر جامعة عبد العزيز بجده وكمان بالجامعه المفتوحه 12 ألف مدته سنه والدوام يومين بالاسبوع لكن الجامعه المفتوحه ليس معترف الا فرع الرياض والي يبي يتأكد من اعترافها يفتح موقع وزارة التعليم العالي ,ويطلع على الجامعات الاهليه المعتمده تلاقو فقط بالنسبه للجامعه المفتوحه فرع الرياض معترف اما بقية الفروع لسى ما اعترفوها مدري ليه

..........

[صخر جلمود]

يعني شلون ندرس على الفاضي

:s9:

[بنت الظهرانD]

انلحس مخي وش ذا الهيصه :mh29::mh45::mh45:

[ام الننوسات]

انا بيني وبينكم اول ما سمعت الخبر ضاق صدري بس الحمد لله
انا كنت ناويه اني ما اصير مدرسه
ابي اصيراخصائيه اجتماعيه او اخصائيه صعوبات تعلم ولا وظيفه في دار الايتام
وها الوظائف عندنا يدورونها ادواره بقطر
لان موفرين بكل مدرسه وروضه اخصائيه اجتماعيه واخصائيه صعوبه نطق
وان شالله خير وانا بسال عندنا وبشوف با النسبه لشهادتي

[ريفان بنت راكان]

طيب البكالوريوس وش اققدر اتوظف فيه مثلا لو خلصت ؟؟!!

[أم ليــــان]

مو بس الانتساب

انا كنت ادرس انتظااااام بنفس الجامعه وتخصصي رياضيات بس كلية العلوم مو كلية التربيه

وقالوا لن شهادتكم تختلف عن اللي تخصصهم رياضيات تربيه ومالكم وظائف وشهادتكم مدري وشو ولازم دبلوم تربوي

وبنات تخرجوا معي وتوظفوا وفي من التربيه ماحالفهم الحظ والعكس

السالفه نصيييب وارزاااق

خذوا الشهاده واللي ربي كاتبه بيصير

ياما ناس بالثانويه ووظايفهم افضل من الجامعيين

توكلوا على الله بس ولا توسوسون واجد مادام الجامعه معترف فيها ماعندكم مشكله باذن الله

[ابو ريم]

لاتقولون



اجل الرابعه ):

[El.noOon]

[align=center]يآهوووه .... لآلآ
إذآ جبنآ معدل فوق 3 ونص ... يحولونا انتظآآآآآآآآم ...

شدووو حيــلكم وربي بسسسهلهآ‘ [/align]

[المهره الاصيله]

الارزااااق بيد الله من يدري شيصير في السنوات الاربع الجايه يمكن تسهل الاموور الله يطول عمر ابو متعب ويحفظه لنا من كل شر الحمدلله اهم شي عنده راحة الشعب... تقبلو مروري

[عبدالعزيز المقبل]

المشاركة الأصلية كتبت بواسطة صوت الرياض

اتمنى ان لا يكون ردي مزعجاً

حقيقة الامر ان الوظائف التعليميه من شروط قبول المتقدم للتدريس بالوزاره حصوله على انتظام الدراسه بحد ادنى 4 اترام قبل التخرج +دبلوم تربوي ان لم يكن معتمد اثناء الدراسه مثل كليات المعلمين.

ممكن مصدر هالكلام ؟