شهادة التعليم عن بعد معترف فيها

[ابو الين@]

مساكم الله بالخير
عندي استفسار هل شهادة التعليم عن بعد تقبل في وزارة التربية والتعليم
او معترف فيها بوزارة الخدمه المدنيه
ودمتم سالمين

[ديالى777]

مساء الخير
انا موظفة في وزارة التربية وجاني موافقة على الدراسة في هذا النظام
ولو كان غير معترف فيه ماكانوا وافقوا

[ميمونه @@]

إيه وراه ما يعترفون فيها وحنا دافعين لهم دراهم ....درااااهم درااااهم موب لعبه

[nora@]

مو بس درااهم
هذا احنا قاعدين ندرس ونحفظ ونتختبرر وييين يروح هذا كله اذا مو معتمده

[مــجــازفــــ]

لا يهمك هذا الكلام اذا هو من جامعة حكومية عريقة معترف فيها وحنا افضل من غيرنا مثل جامعة الامام وغيرها الي لا مشاركة ولا حضور محاضرات ولا شي بس يجي اخر الترم يختبر من 100 ويطلع ولا واجهوا مشاكل بخصوص الشهادة مع ان من وجهة نظري الشخصية انه التعلم عن بعد افضل واوثق من الانتساب

[@ منيره @]

ههههههههههههههههههههههههه ابو الين نفس سؤالي منزله موضوع من يومين بنفس السؤال
ياويلك منهم بيذبحونك بس حسب ماسمعت من كثير من الردود انها معترف فيها واكتب بقوقل
نفس سؤالك وبيطلع لك رد عميد الكليه عن شهاده جامعه الملك فيصل وربنا يسهل

[بسام سعود]

اما مو معترف فيها وربي اول واحد اطلع دراهمي من عيونه المصاروه الي سوا لنا رعب باسئلته

[*Noura Mohammed]

لا اله الا الله وش فيكم انتو

والله ماله داعي هالكلام

يكفي الاختبارات اللي مهببين فيها
وتجون بسالفه الاعتراف ومالاعتراف , اذا عندكم شك فيها ليه سجلتو طيب
ارحمونا شوي ياناس

معليش بس يرتفع ضغطي اذا شفت مثل هالمواضيع