لماذا الأعتراض؟ ... والقرارحكيم 100%

[معسولة المبسم]

أختي> الله يجمعنا

لو انتي مو معترضه على هالقرار ليش كل هالمعروض اللي كاتبته
وحبيت اوضح لك شي انتي تجهلينه
فيه محاضرات مباشره خاصه بالشباب وفيه محاضرات مباشره خاصه بالبنات >يعني الجامعه قدّرت هالشي
وبالنسبه لمنتدى الحوار اللي في البلاك بورد >ايضآ فيه منتدى حوار خاص بالشباب وفيه منتدى حوار خاص في البنات
ورجاء تأكدي من الشي قبل لاتحكمين عليه
ودي واحترامي لكي ..

[أم رعد]

يعطيك العافيه خيوووو..

[Aziza algarny]

حتى انا اول ماشفت القرار قامت قيامتي !



لكن تأملت في الوضع وتبين انه سهل من حيث :


اول شي المحاضرات المباشره بالكثير 2 في الترم ومدتها لاتتجاوز ساعه بالكثير !



ثاني شي الواجبات ايضا فقط واجبين في الترم




واخيرا المشاركه بمنتدى البلاك بورد ليس بذاك الصعوبه ولن يأخذ من اوقاتكم الكثير




ان الغوه فهذا افضل ..وان ظل فالامر ليس بذاك الصعوبه المتخيله ..




واجابة حلا كافيه ووافيه ..

[حلا دنيتي]

المشاركة الأصلية كتبت بواسطة يارب تجمعنا

العذول وحلا دنيتي

اول شي انا مستوى اول يعني ما بعد ادخل محاضرات مباشره
ثاني شي محد بيتكلم كذا الا انه مقهور

انا واصلني ان المحاضرات المباشره الشباب والبنات بنفس الوقت ولما تتكلمين الكل بيسمع صوتك
وبعدين قرارهم بيخليك تحتاجين نت عندك وانا اعرف وحده ابوها قال لها اذا بيصير الموضوع كذا بطلعك من الجامعه لان انا اللي دايم اجيب لها ملخصاتها وشغلها
هي ما عندها نت في البيت
هذا اللي خلاني انقهر واكتب كذا

يقول لكم ما يحس بالنار الا واطيها

انتو بسهوله قلتوا خلو غيركم يدخل باسمك ويحضرك انتي يا حلا بسهوله بتقولينها لانك تقدرين تدخلين لكن لو تفكرين فيها صح بتستحين كل شوي تطلبين من احد يحضرك محد مكلف باحد

واذا على منتديات الحوار طيب اذا ما عندي سؤال ادخل شسوي يعني ؟؟

العذول
انتي تقولين الله يهداك ليش دامني مو معترضه ليش اكتب كل هالمعروض
هذا مو معروض هذا شي بخاطري وقلته ماترجيت شي من احد كلمه بخاطري وقلته
وصحيح اني عادي عندي هالشي لكن حاسه بغيري انتي تتكلمين بسهوله لانك تقدرين وبسهوله بتبسطين الامور لانك مو عايشه الوضع لو تحطين نفسك مكانهم وبظروفهم بتحسين فيهم

انا لو افكر فيها لحالي بقول الامر بسيط بحاول انظم وقتي لا صار فيه محاضرة مباشره بس في امهات عندهم عيالهم وزوجهم
لو قالو لك المحاضرة المباشره في الوقت الفلاني وولدك مرض لا سمح الله في هالوقت بتخلينه وتقعدين تشوفين المحاضرة ؟
يعني في امور كثير وظروف كثير نجهلها لاننا مو عيشين ظروف الناس اللي ظروفها اقوى منها

وانا ما كتبت كلامي كللللللللللله الا بعد ما قريت كل الردود وحسيت بشعورهم جيت رديت
ما كتبت الكلام من نفسي بدون شي اقراه

ادري المحاضرة المباشره لها وقت بس لو احد صار عنده ظرف والا شي في هالوقت شيسوي
وحده عندها عيالها
وحده عندها زوجها
واحد او وحده بالدوام وما يقدر يفتح نت
وحده اهلها ما حطوا لها نت وملخصاتها توصلها من مساعدة غيرها

يعني في اشيا كثير لازم نفكر فيها

وان اما اعترضت على كل شي واقري مشاركتي انا قلت الواجبات الواحد بيحلها على راحته متى ما فضى لكن ما يصير يحطون محاضرات مباشره اجباري دخلوها
خل يحطون المحاضرات المسجله يبين عنددهم او حملتها او لا انا ما اعترضت على هالطريقه

وكلامي ما كتبته الا من قهر

ما يحس بالنار الا واطيها

طيب اختي وحده وحده ,,

اللي ماعنده نت كيف بيدرس انتساب مطور ؟؟؟

اعتماادنا كلياً عليه ,, ان شاءالله يتحسن وضعها و تقدر تدخل

بعدين اختي حملي لها المحاضرت و تصير تشوفها بدون نت ,,

أما المحاضرات المباشره فهي مش كل يوم !!!

جدول بينزل لنااا اسبوعين الحين و اسبوعين قبل الاختبارات و كلها ساعه أو ساعه ونص

والله مدري وش اقولك بس اذا ظروفها متسمح لها وش بيدنآ احنا ؟؟

هذا قرار عالكل ,, و بس ولا يهمك أي محاضرة مباشره عندها عطيني رقمها الجامعي و رقمها السري و انا ادخل بدالها ,, و قد ماقدر بفيدهااا حتى بمنتديات الحوار


بس تأكدي مافيه شباب معناا أبدا إلا هنا بالمنتديات أما بالبلاك بورد و المحاضرات مافيه

[Lubna]

يعطيك العافيه اخوي و انا بصراحه من عرفت بالخبر لقيت انه له جوانب جيده لنا اقلة شي اننا بإذن الله نضمن 30 درجه

[يارب تجمعنا]

مشكوره حلا حبيبتي
وادري اسلوبي قوي بمشاركتي الاولى بس وربي من القهر اللي فيني

والمحاضرات المسجله انا كتبتهم كلهم حرف حرف لها وعطيتها كل ملخصاتي اللي صورتهم

وااذا خلاص مره صار القرار اكيد حق المحاضرات المباشره بشوف حل ان شاءالله

[معسولة المبسم]

أنا من جد مستغربه من طالبه جامعيه تدرس في نظام الانتساب المطور >التعليم عن بعد
أكيد بتحتاج نت
وماعندها نت!!!
اجل كيف تحضر محاضراتها ؟؟
وكيف تنجح كل ترم؟؟
وكيف تطبع ملخصاتها؟؟
!!!
اكيد أهلها قبل لايدخلونها عارفين نظام الجامعه انه ضروري وجود النت
ولا تقولين يمكن اهلك غير او مخلينك على كيفك احب اقولك انا مااستخدمت النت الا يوم دخلت الجامعه
مقدره ظروف صديقتك والله يكون في عونها

[يارب تجمعنا]

العذول
جامعة الملك فيصل الانتساب اللي احنا داخلينه الحين قبل لا يحطون القرار ما كانت تحتاج النت بمااني راح اكتب المحاضرات لها واجيب لها ملخصاتها شي اتفقنا عليه اول ما جات تسجل يعني ما راح تحتاج النت انا اجيب لها ملخصاتها واكتب لها لالمحاضرات حرف حرف يعني مافي شي ثاني هي مجبره فيه او يحدد هي دخلت اولا

عليها تدرس اللي اجيبه لها وتختبر بس

وانا ما قلت اهلي مخليني على كيفي اكيد وراي من يحاسبني مو ضايعه الله يسامحك

انا قلت فيه ناس اهلهم يحطون لهم نت وفيه ناس اهلهم ما يحطون لهم حتى كمبيوتر في البيت

[المهره الاصيله]

انزين بس المشكله الخلل الدائم بالنظام وبلاخص تحدث معي اثناء المحاضرة المباشره ماتظبط معاي الايكون الدكتور منتهي من المحاضرة اللهم حظرت محاظرتين

[معسولة المبسم]

ياختي الله يهداك أنا ماقلت اهلك مخلينك على كيفك >ليش تفهميني غلط
أنا اقول أهلي ماحطو لي النت الا يوم درست الانتساب المطور