من ياكد لى استحقاقي اجازة امتحان من جهة عملى

[الإبتسامة صدقه]

السلام عليكم ورحمة الله وبركاته .

لمن يملك الاجابة الشافية ...هل يحق لمرجعي الوظيفي منعي من اجازة الامتحان .
او بصيغة اخري ..هل يلزم موافقتهم رغم اني سجلت وتم قبولى بالجامعة وانتهيت والحمد لله ..ولاكن سؤالى عند اداء الامتحان . لانهم رفضو منحى موافقة بالانتساب بالجامعه .بحجه عدم مطابقة التخصص مع طبيعة عملى . وسمعت من بعض الاخوه انه ... اجباري على كل جهة حكومية او شركه معتبره تفريغ الموظف المنتسب لاي جهه تعليمية ان يحصل على اجازة امتحان براتب كامل ..
هل من تاكيد بارك الله فيكم ووفقنا واياكم الى كل خير

[دولار السعودية]

وعليكم السلام ورحمة الله وبركاته

اخي الكريم بالنسبة لموظف الجهه الحكومية

لا بد من موافقة مرجعك على مواصلة دراستك

تستطيع مواصلة الدراسة بدون موافقه لان الاختبارات راح تكون فتره العصر

ولكن لن تستفيد منها في مجالك الوظيفي

ولن يتربط عليها سوى نقاط تفيدك بالترقيه فقط .

تستطيع اخذ اجازه اعتياده فتره الاختبارات من رصيدك حسب موافقة مرجعك

( مثلي طبعا حيث ان مرجعي لم يوافق على مواصلتي للدراسه ، وواصلت دراستي واذا جت الاختبارات اخذت اجازه اعتياديه من رصيدي )

واذا تخرج يفرجها الله سبحانه

اما اذا فيه شيء يجبر الجهه بالسماح لموظفيه بمواصلة دراستهم

ياليت تفيدنا برقم التعميم او الامر بذلك

تقبل تحياتي

[فيصـلي الهـوى]

هذه مشكلة نعاني منها جميييييييييييع

انا موظف بشركة وللحين ماكلمتهم على موضوع الانتساب


اذا وافقوا حلووو واذا ماوافقوا اما اخذ اجازة من رصيدي او اداوم الصباح مثلا واختبر العصر وش نسوي عاد !!!

رغم ان عملي شفتات اسبوع صباح واسبوع اول ليل واسبوع اخر ليل

اللي يلقى حلّ يفيدنا

[الإبتسامة صدقه]

المشاركة الأصلية كتبت بواسطة دولار السعودية

وعليكم السلام ورحمة الله وبركاته

اخي الكريم بالنسبة لموظف الجهه الحكومية

لا بد من موافقة مرجعك على مواصلة دراستك

تستطيع مواصلة الدراسة بدون موافقه لان الاختبارات راح تكون فتره العصر

ولكن لن تستفيد منها في مجالك الوظيفي

ولن يتربط عليها سوى نقاط تفيدك بالترقيه فقط .

تستطيع اخذ اجازه اعتياده فتره الاختبارات من رصيدك حسب موافقة مرجعك

( مثلي طبعا حيث ان مرجعي لم يوافق على مواصلتي للدراسه ، وواصلت دراستي واذا جت الاختبارات اخذت اجازه اعتياديه من رصيدي )

واذا تخرج يفرجها الله سبحانه

اما اذا فيه شيء يجبر الجهه بالسماح لموظفيه بمواصلة دراستهم

ياليت تفيدنا برقم التعميم او الامر بذلك

تقبل تحياتي

مشكور يالغالي على مرورك

انا فتشت في موقع مكتب العمل ولقيت هذي الصيغة .


.إجازة الامتحان الدراسية :
مادة (65): تمنح المنشأة العامل السعودي الذي يتابع تدريبه أو تحصيله العلمي إجازة بأجر كامل طوال مدة الامتحان وذلك عن سنة غير معادة تحدد مدتها بعدد أيام الإمتحان الفعلية ، أما إذا كان الإمتحان عن سنة معادة فيكون للعامل الحق في إجازة دون أجر لأداء الإمتحان وللمنشأة أن تطلب من العامل تقديم الوثائق المؤيدة لطلب الإجازة وكذلك ما يدل على أدائه الإمتحان . وعلى العامل أن يتقدم بطلب الإجازة قبل موعدها بخمسة عشر يوماً على الأقل . ويحرم العامل من أجر هذه الإجازة إذا ثبت أنه لم يؤد الإمتحان ، مع عدم الإخلال بالمساءلة

معناته ان موافقة المرجع مو ضروري ..بس ابغى من ياكد لنا هذا الشي ..اخاف اكون فاهم غلط

[نايس]

المفروض يا اخوان

يكون الاختبار بعد المغرب او بعد العشاء للموظيفين

لاني بصراحة انا ما اطلع من دوامي الا قبل المغرب والاخوان يقولون الاختبار بعد العصر

مصيبة بصراحة
ياليت الجامعة تتجاوب معانا

[خريجه دبلوم نظم]

اولا ياخوي العزيز هي كلها على حسب علاقتك بمديرك

انااشوف لا تعلم احد وخلاص وقت الاختبارات خذ اجازه من رصيدك

لان زي ماقلت جهه عملك مو موافقه ..

انا شفت زوجي منتسب وفي عمله طلب اجازه زي التعميم

مديره قاله لا محتاجينك تعال ساعتين وروح على الاقل

وسوا اللي قاله بعد الاختبارات ..

لما كان مسؤول القسم يمر يقول وين الموظف الفلاني يقوله ما ادري

بالنهايه مافي احد ضمن حقوقه لان كان الموضوع حبي

فخذ اجاز احسن لك

[الفارس المميز]

انا موظف حكومي واللي اعرفه انه لازم ترفع للعمل بخطاب رسمي فيه تعريف تطبعه من موقع الجامعه فيه اسم التخصص وطبعا بعد ماترفع اذا وافقوا على التخصص اللي انت تدرس فيه حسب التخصصات المعتمده لديهم والمحدده خلاص تصير تنحسب لك الشهاده الجامعيه في النقاط بالنسبه للترقيه حسب مااعرف كل خمسين ساعه بنقطه او ماشابه وتصير تطلع اجازه وقت الاختبارات حتى تنتهي اختباراتك ,,,,

والله الموفق

[نجم سهيل]

نفس المشكله ياخواني انا سجلة في الجامعه بس للحين ماخذة موافقعه من جهت عملي

هل اذهب الي الجامعه اخذ منهم بيان اني مسجل في الجامعه او كيف الطريقه

[فراشه]

مهــــــم الحصول على موافقه من جهة العمل ..بالاول تروح الجامعه وتآخذ اشعار القبول وتوديه العمل عشان يعتمدون الشهاده -حتى ولو كانت في غير التخصص عادي يقبلوها-وكمان يعطوك اجازه ,,,
اخوي درس انتساب مطور بجده واخذ الموافقه ويقول مهمه عشان بعدين يرقوك والا كيف بيرقوك وهم مو عارفين انك تدرس حيكون مافيه اثبات ..وهو يشتغل بشركه ..وزوج اختي كمان اخذ موافقه وهو موظف حكومي ...
حاول في مديرك ياشين النذاله وليه مايرضى .

[الإبتسامة صدقه]

المشاركة الأصلية كتبت بواسطة فراشه

مهــــــم الحصول على موافقه من جهة العمل ..بالاول تروح الجامعه وتآخذ اشعار القبول وتوديه العمل عشان يعتمدون الشهاده -حتى ولو كانت في غير التخصص عادي يقبلوها-وكمان يعطوك اجازه ,,,
اخوي درس انتساب مطور بجده واخذ الموافقه ويقول مهمه عشان بعدين يرقوك والا كيف بيرقوك وهم مو عارفين انك تدرس حيكون مافيه اثبات ..وهو يشتغل بشركه ..وزوج اختي كمان اخذ موافقه وهو موظف حكومي ...
حاول في مديرك ياشين النذاله وليه مايرضى .

انا ما ابغاهم يعتمدون شهادتي الان . لاني اذا اخذتها ان شاء الله ما راح اتطلبهم يعتمدونها هم الخسرانين هههههه واحد واثق ..

صحيح انا بس اسال هل من حقى الحصول على اجازة رسمية بدون رصيدي السنوي او لا ..انتظر الاجابة من اهل الاختصاص او الخبره او التجربة او العلم