تنبيه هام جدا من داخل سرايا الجامعة بشان الرياضيات 2

[امونه 22]

امممم
كذا نحتاج موضوع مستقل
وفيه احصائيه لان النسبه مهمه لنا مانبي الموضوع القديم لان احصائيته اكيد راح تتغير
مع وجود تنبيهات من المشرفين لجميع الاعضاء

[مشاغب]

عني سجلتها وانتهيت

لا رجووع .. إلى الامام ... إلى الامام

[Sulaiman]

المشاركة الأصلية كتبت بواسطة طالب التميز

----
مشكوووور اخوي ابان على النصيحة الطيبة وخلاااص بعد كلماتك خلاص قرر ت اتوكل على الله واسجل اليوم الرياضيات 2 -- ياخي الى متى وانا ااجل الرياضيات ترم ورا ترم ورا ترم - خلاص تعبت ابي افتك من همها من ساسها.ربعي خلصوها وسندوا للمستويات الاعلى وانا مكاااانك راااوح!! وكله بسبب بعض الاخوان هنا الي وهقونا بالتاجيل والتاجيل وصدقناهم الين طاح الفاس بالراس حسبي الله عليهم حتى طلعت لنا الجامعة النظام الخايس يا المئة طالب ولا الاختبار يكون مقالي !!..انت يا سليمان وغيرك والثاني والثالث والله ما وهقنا ودهورنا وعفسنا الا انتم.. الناس كلها اجتازت المقرر ونتم تقترحون علينا ناجلها على امل الدكتور يتغير.. هاه وبعدين الدكتور ما تغير الى متى الانتظار .. الين ما يبقى الا راسي براسك بس؟.ياخي انا اطلعت على رابط الاستفتاء الي طلعتوه هنا الي كم واحد بيسجل المقرر ياااخي تعرف كم واحد شارك بالاستفتاء سواء الي بيسجلون المقرر الترم هذا والي بياجل الترم للترم الجاي والي ماراح يسجلها الا الاترام الجاية تعلم كم مجموعهم كلهم هل تعلم انهم 74 واحد بس !!!!!!!!!!!!!!!!!
30 واحد يقول بسجل الترم هاذا
و 14 واحد يقول بسجلها الترم الجاي
و 30 واحد يقول بسجلها باجل تسجيلها للاترام الجاية
يعني بالعربي 74 واحد
اسالك بالله يا سليمان وربعك الثانين هل معقولة ان عدد كل الطلاب ذكور واناث القدامى الي ما سجلوا الرياضيات كلهم 74 طالب؟؟؟؟ يعني لو هذا الاستفتاء صحيح هذا معناه عمرنا ماراح نكمل المئة سواء الترم هذا او الجاي او بعد سنة او سنتين وتقرر علينا المقالي..لا تروح بعيد انا اعرف زملاء معي سجلوا المقرر خلال التسجيل الاول وهم ما شالوا هم المشاركة اطلاقا بالاستفتاء ولا التفتوا له..هااه وشرايك هل لازلت مقتنع ان نتائج الاستبيان صحيحة وان الجميع راح يشارك فيه!؟؟ مع احترامي الشديد اقول انه من السذاجة اني ابني قراراتي المصيرية والي تهم مستقبلي باستفتاء اغير معتمد من الجميع والكل غير مشارك فيه وللاسف اقولها بمضض انا كنت واحد من هؤلاء السذج في السابق لكن ليس العيب ان تخطئ ولكن العيب وكل العيب ان تستمر بالخطا
يااااخي الي دخلوا رابط التصويت على الرياضيات شوفهم ما تجاوزوا الف وخمس مية طالب وطالبة.. والي شاركوا كلهم 54 واحد بسسسسسس..
يا خي ترا طلاب الجامعة اكثر من 100.000 طالب وطالبة وازيدك من الشعر بيت ترى طلاب قسم ادارة الاعمال المنتسبين هم الاغلبيه سوا من السعوديين او من الخليجيين او غيره وانا اعتقد والله اعلم ان الاغلبية خلصوا المقرر رياضيات2 وبعضهم ما يعرف هذا الملتقى وبعضهم بس يدخل فقط الاقسام الفرعية لحل الواجبات والمشاركات فقط..
ثم تعال تقول كاتب الموضوع ايش عرفه انهم تجاوزو المئة !! يا سلام عليك والله فهيم اوي على قولة اخوانا المصرين الحين الرجال يقول مثل ما قالت اختنا جزاها الله خير ان المعلومة من جوا الجامعة يعني لو كانت المعلومة منك هل راح تفضح المصدر وخصوصا لو كان موضف في الجامعة ياخي سهل تحصل على المعلومة من موظف بالجامعة لكن ماهو سهل وعيب ونذالة انك تفضح من ساعدك في تسهيل دراستك واعطاك المعلومة الصحيحة لتبني عليها قرارات سليمة واضحة ولمصلحة الجميع..ياخي ترا ماشاء الله فيه طلاب ومشرفين هنا بالمنتدى يعرفون كثير من المسئولين بالجامعة والله يجزاهم خير كانوا ولا يزالون حلقة وصل بينا وبينهم ويجيبون لنا الاخبار الي تفيدنا في دراستنا وايضا يوصلوا دائما صوتنا لهم فلا تقول كيف عرفوا هذا المعلومات..ترا ماهي معلومات استخباراتية خطيرة علشان ما يقدروا يحصلوها من معارفهم او من حلقة وصل هنا وهناك..انا ماني مع او ضد هذا او ذاك لكني والله مقهووور جدا من الي انكبونا بعد ما حطينا ثقتنا فيهم وكل ترم يقولون لنا اجل ياخي اجل مستوى ومستوى ومستوى اليييين عديت السادس وانا الى الحين ما سجلت المقرر بسببكم..انا ودي اعرف انتم ايش مصلحتكم من هذا والله العضيم اني صرت اشك في نياتكم ومين يدري يمكن انتم خلصتوا المقرر وتلعبون علينا مين يضمن لنا انكم ما خلصتوا المقرر؟؟؟سامحوني على كل كلمة قلتها وطلعت مني من دون قصد والله مقهور مقهور مقهور من المحبطين والله العضيم مثل مافيه ناس محترمة من ابان وغيره وغيره هم فيه ناس محبطه وهذي شغلتها بس فينا قاعدة تزرع الاحباط في نفوسنا حتى استسلمنا لهم وشيطان الرياضيات وكبرناه على غير سنع.انا على العموم حزمت امري وراح اليوم اسجل المقرر وراح اعمل الاسباب للنجاح لانه مع عمل الاسباب راح الواحد ينجح فيها سواء سجلها الان او بعد سنة سنتين لكن اسجلها وافتك من همها وحتى اقل شي يزبط جدولي الي مادري كيف قايل بسبب التاجيل الي ماله سنع..مشكور اخوي ابان وكثر الله من امثالك وكل الاخوان واعتذر على الاطالة وتحملوني شوي هذا والله من حر ما في القلب واني ما حسبتها صح من الاول..وشكرن

أولا أخوي طالب التميز جزاك الله خير على كلامك وتحسبك علي ، أنا علقت عى الموضوع لاني بصراحة تعبت من الطلاب اللي يسون دائما بلبلة في كثير من المواضيع في هذا المنتدى ، ولست الوحيد محبط من بعض ردود الطلاب كلنا محبطين!!؟
والحمدلله على كل حال والله المستعان

[angelfly]

عن جد وهذا انا اقولكم اشتروا الاله من بدري ولى راح تندمون زي ماندمنا مادرينا عن الاله والمعادلات الا بايام الامتحانات نصيحه شرائها من بدايه الترم والتمرن عليها وشكرا

اختكم راسبه في الرياضيات ترى جد والله انا مو كسلانه بس تعتمد على اكثريه اامعادلات فيها واختكم حولت الاله وماعرفت ترجعها بالامتحان وابتلشت وانا ادبي للمعلوميه عموما ماكثرت هرج االا للي محتمل زي يقرا الكلام ويطنش لاخر الترم

وباخر الهرج الي تلاقي الاله تاخذلي معها وحده

[تروبيكانا]

اخوي من وين جبت الخبر ؟!

[البطله xp]

والله محتاره باقي 4 ايام

[im Diamond]

بنسبه لي اعتقد والله اعلم يبيلهم ثلاث اترام يصفون منكوبين الرياضيات

اذا الرياضيات واحد الي اعرفهم بس حاملينه اكثر من 20 في القروب تبعنا اجل الباقين كم

والثاني اخوه يعني من هنا لى الترم الجاي والي بعده التصفيه مستمره وان شالله مافي مقالي

ولاتنسون في ناس حاملينه مرتين يعني ان شالله ياخذون وقت عقبال مايصفونا

[Daniah..~]

..


دآمه مآيتعآرض مع سادس ورا مآخليتوه بسادس
مزيعل مزيعل مزيعل


هنكم تنسوننا بالسلوك <~ تصف جنب عزيز

[محمد الشمريـ]

المشاركة الأصلية كتبت بواسطة أبان

## الدفعة النارية مستوى خامس @ ضحايا الرياضيات2 ##

ممكن نسجل الرياضيات 2 هذا الترم و نأجل السلوك التنظيمي للفصل القادم

يؤيد هذا القرار :
1/ أن سياسة الجامعة تحرص على عدم وجود تعارض بين مقررات مستويين متتابعين ( يعني نضمن أن السلوك ما راح يتعارض مع مقررات مستوى سادس) .

2/ أن مستوى سادس من الأساس عدد ساعاته 15 ، يعني يضيف له السلوك التنظيمي بالراحة .

الأمر شورى بينهم و أنا مع الأغلبية

اخوي ابآن كلامك ع العين والراس بس الاحصائية الي وضعته اختي المحترمه اننا ما نسجلها الترم هذا /انا بسجله الترم السادس او السابع ,,,
اخبر كلامك تقول الى اجل غير مسمى وين راح كلامك لا تسحب علينا

[بوحليقة الدمام]

بداية اقول كل عام وانتم بألف خير للجميع ..
وأود أن أقول نحن لا نعرف الخوف أو الاستسلام ...

فسجلوا المادة واخلصو منها
وأنا على استعداد لتنزيل شرح مبسط للمادة تعاوناً مني مع دفعتي ومن بعدهم ..