وثيقة التخرج ستكون جاهزة في..والماجستير

[شاب الراس]

المشاركة الأصلية كتبت بواسطة خيال الامس

الله يعطيك العافيه

،

سؤال : التوفل هذا ليه صعب ليكون بالانجليزي

لا بيختبرونا بالعربي بيشوفون نعرف نسولف عربي او لا

مو اللي بياخذ ماجستير لازم يكون ناطق بالعربي
لك ودي

[بيرو+a]

وش سالفت التوفل
والجيمات ايش هذي بعد
لا اروكم التوضيح اكثر ااعرف شي من الي قلتوه

[شهر زاد:)]

وش التوفل وين نختبره ونقدم عليه

[TheArrow]

المشاركة الأصلية كتبت بواسطة بيرو+a

وش سالفت التوفل
والجيمات ايش هذي بعد
لا اروكم التوضيح اكثر ااعرف شي من الي قلتوه

الجيمات ببساطة هو اختبار لقياس القدرات.
الاختبار يقيس قدرات الطالب في جوانب الرياضيات و التحليل المنطقي، بالإضافة إلى قياس إجادة الطالب للغة الإنجليزية..

الجيمات مطلوب تقريبا في جميع جامعات العالم عند التقديم على دراسة ماجستير إدارة الأعمال.


الاختبار على الكمبيوتر و يتكون من ثلاثة أقسام (طبعا كل الاختبار باللغة الانجليزية):

1- اختبار الكتابة التحليلية (ساعة)
=== استراحة 10 دقائق ===
2- اختبار الرياضيات (ساعة و ربع)
=== استراحة 10 دقائق ===
3- اختبار الانجليزي (ساعة و ربع)


المجموع تقريبا 4 ساعات في مركز الاختبار (اشبع نوم و افطر زين )

و هنا شرح الأقسام بالتفصيل:

1- الكتابة التحليلية:


هذا القسم راح يطلب منك تكتب مقالتين (أو تعبيرين)، كل مقالة في نصف ساعة.

في المقالة الأولى راح يعطيك مقالة قصيرة و فيها استنتاج، و راح يطلب منك توضح نقاط الخلل في الاستنتاج هذا. ممكن تطعن في الحجج المذكورة، أو ممكن تقول اننا نحتاج معلومات إضافية لأن المعلومات الي عندنا ما تكفينا عشان نطلع بهذا الاستنتاج، و غيرها من النقاط. و عندك نصف ساعة تكتب فيها مقالتك.

في المقالة الثانية راح يعطيك موضوع نقاش معين يحتمل أكثر من رأي. المطلوب منك تحدد رأيك في هالموضوع و تدعم رأيك بالمنطق و الأدلة، و ممكن تذكر أمثلة من حياتك الشخصية. و أيضا عندك نصف ساعة تكتب فيها مقالتك.


**************


2- الرياضيات:

هذا القسم فيه 37 سؤال، و الاجابات اختيارات متعددة. وقت الاختبار 75 دقيقة، يعني عندك تقريبا دقيقتين لكل سؤال.

و نقطة مهمة هنا هي أن الأسئلة تزداد في الصعوبة كل ما كانت أجوبتك صح، و تقل الصعوبة كل ما كانت أجوبتك غلط. عشان كذا مستحيل تقدر تترك السؤال و ترجع له بعدين، لأن السؤال التالي يعتمد على اجابتك للسؤال الحالي.. يا أصعب يا أسهل. و طبعا مستحيل ترجع لسؤال جاوبته، أول ما تجاوب خلاص يختفي السؤال.

مواضيع الرياضيات كلها أساسيات من الإبتدائي و المتوسط و شوي من الثانوي. مستحيل مثلا تشوف اشتقاق و تكامل. أغلب الأسئلة في الاختبار راح تكون في هالمواضيع:

- الهندسة: مساحة، محيط، حجم، أضلاع، زوايا... الخ.
- الجبر: معادلات، متراجحات (أكبر من و أصغر من)... الخ.
- الحساب: الكسور، الأعداد العشرية، الأسس و الجذور، القيمة المطلقة، الاحتمالات... الخ.
- مسائل حسابية: "عمر خالد يساوي ربع عمر محمد. بعد عشر سنوات عمر خالد يساوي نصف عمر محمد. كم عمر خالد؟" ... الخ.

و نقطة أخيرة في قسم الرياضيات هو وجود نوعين من الأسئلة.

- النوع الأول ما فيه شي غريب مجرد يطلب منك تحل السؤال و تختار الإجابة الصحيحة.
- النوع الثاني معقد شوي و يحتاج شرح (شخصيا صار أسهل بالنسبة لي من النوع الأول بعد ما فهمت طريقته).

في النوع الثاني الاختبار يعطيك سؤال مستحيل ينحل (فعلا مستحيل موب لأنه صعب). ثم يعطيك معلومتين تحت السؤال عشان تساعدك في الحل.

المطلوب منك هو تحديد أي وحده من المعلومتين تكفيك عشان تحل السؤال.

مثال:

خالد عنده مسبح دائري في بيته. كم مساحة هذا المسبح؟

1- محيط المسبح = 25 متر. (المعلومة الأولى)
2- قطر المسبح = 8 متر. (المعلومة الثانية)

الاختيارات:

أ- المعلومة رقم 1 تكفيني الحالها عشان أحل السؤال، لكن المعلومة رقم 2 ما تكفيني الحالها لحل السؤال.
ب- المعلومة رقم 2 تكفيني الحالها عشان أحل السؤال، لكن المعلومة رقم 1 ما تكفيني الحالها لحل السؤال.
ج- أحتاج كل المعلومتين عشان أحل السؤال.
د- كل معلومة بحد ذاتها تكفي لحل السؤال.
هـ- السؤال ما ينحل. (يعني حتى لو اخذنا كل المعلومتين، لا زلنا نحتاج معلومات زيادة لحل السؤال).


الجواب هنا راح يكون "د". ليش؟

لأن لو أخذها المعلومة الأولى بحد ذاتها، فهي تكفي لحل السؤال. عندك المحيط، تقدر تطلع نصف القطر، ثم تقدر تطلع المساحة باستخدام نصف القطر.

و نفس الشي لو أخذنا المعلومة الثانية. عندك القطر، تقسمه على 2 يطلع لك نصف القطر، ثم تقدر تطلع المساحة باستخدام نصف القطر.

**************


3- الانجليزي:

هذا القسم فيه 41 سؤال، و أيضا اختيارات متعددة. و عندك 75 دقيقة أيضا للحل. يطلع لك اقل من الدقيقتين بشوي للسؤال. و نفس طريقة الرياضيات، الأسئلة تصعب و تسهل بناءا على أجوبتك.

الانجليزي فيه ثلاث أنواع من الأسئلة:

1- تصحيح الجمل: يكتب لك جمله و يحط خط تحت جزء منها. المقطع الي تحته خط احتمال ان فيه خطأ لغوي. و يطلب منك استدبال المقطع الي تحته خط بالمقطع الصحيح من الخيارات. و دائما الاختيار الأول راح يكون نفس الجملة الي تحتها خط، و معناه أن الجملة الأصلية سليمة.
2- التحليل المنطقي: يجيب لك مقطع بسيط و فيه استنتاج. ثم يسألك: أي واحد من الخيارات ممكن يدعم أو يضعف الاستنتاج؟ و أحيانا ممكن يسألك: أي واحد من الخيارات يعتبر استنتاج منطقي من المقطع؟
3- القراءة: يعطيك مقطع طويل شوي و يطلب منك تجاوب تقريبا 4 أسئلة عن المقطع.

و كل نوع من الأسئلة راح يجيك منه تقريبا 13 او 14 سؤال (و القراءة غالبا تجيك 4 مقاطع).




رسوم الامتحان:
250 دولار امريكي.
التسجيل للامتحان:
اتبع هذا الرابط

http://www.mba.com/mba/thegmat/scheduleagmatappointment



منقول من منتديات طلاب الجامعة العربية المفتوحة

[ღ وَاَثٍقُ اْلخُطْوًهـ ღ]

شكرأ على الموضوع ,,


بخصوص التوفل هو شرط اجباري للجامعات السعوديه او العربيه ,,,,,, يعني الي يكره الانجليزي لازم يحبه,

اتوقع تخصص العربيه والدراسات الاسلأميه التوفل ليس من الشروطه............ وجامعه فيصل راح تفتح الماستر لي الدراسات الاسلاميه بعد العيد > ننتظر الشروط حقتهم


انصح الي باقي له سنه ويتخرج يدخل معهد لغه.. ويتعلم كيف يختبر التوفل ....... ترى الاسئله مو اختيارات


ننتظر اعلان جامعه فيصل عن الماستر لجميع التخصصات والشروط الي نرضى بها ........ الله يكتب الخير للجميع

[افلاطونية الهوى]

مرحبا دفعتي العزيزه ..
الخبر الاكيد ماستر تخصص علم الاجتماع غير مطالبين بتوفل ومو من شروطه
شروطها ان يكون المعدل 4من 5
انجاز اختبار القبول
فقط ..
تحباتي ..

[ابو روز]

شكلي باكتفي بالبكالريوس

هنا توفل ورياضيات وحوسه الله يكفانا الشر

الا اذا ود جامعتنا الطيبة تظبطنا في ماجستير من عندها

بالتوفيق للجميع

[Infatuation]

المشاركة الأصلية كتبت بواسطة فضيل

يعني لازم، اعيده بعد سنتين!

شكراً ع المعلومة!

أيوهَ بِالضَبطَ وهداَ إِلآحصلَ معيَ
أدآ أحد مخَططَ يكملَ مآجستيرَ فَ الإِفضلَ لهَ
أن يحآولَ يآخد التوفلَ فيَ سنهَ التخَرجّ
لِـ تَكونَ أموركَ أسَهلَ
~
العفوَ عزيزيَ

[ريم الاكاديمية]

الله يسهلها


بس ما احد رد علي
ماهي مجالات دراسة الماجستير للدراسااات

[الزهرة البيضاء]

انا رسبت بمادة السمستر الي راح .. هل هالشي يضر اذا قدمت ع الماجستير