مشكلة الخارطه الاكاديمية

[Friendly6Shark]

السلام عليكم,,,

ياهوووووو ايش الحل مع الخارطة الخراطة ذي كل سنه نفس المشكلة حملت المحاضرات المسجلة سبع مرات خلال الشهر الي فات والشهر ذا ولا حسبوها في كل تحديث يسونه واليوم تحديث ونفس الشي. السنة الي راحت كتبت عن نفس الموضوع وردوا الشباب علي لا تستعجل با قي اخر تحديث وراح يحسبوها ولكن للاسف تلحفت وما حسبوها وخصموا من كل مادة ما بين 5 الى 10 درجات ويا ليتني ما حملتها اقول استاهل ولكن احملها اكثر من مره ومن النظامين عشان لا يزعلون ولا حياة لمن تنادي فهذا شي يقهر.


احد يعرف الحل يفزع به لاني تعبت وانا اكلمهم ع الرقم المجاني وانلط بالساعات في انتظار احد يرد ومن مراسلة الفريدان ع الايميل وتويتر ولا يرد كأني اشحت.

[fozz]

ما اعرف صراحه لكن اذا انت من سكان الشرقيه روح لهم الجامعه لاتتهاون بدرجاتك

[lana aziz]

وعليكم السلام ورحمه الله

والله ودي افيدك لكن ماعندي خلفية


كلم الدكتور المعيلي بتويتر متعاون جدا ويرد واستفسر منه
عن طريقة التواصل مع العمادة ووش الحل


الله يسهل امرنا وامرك

[Friendly6Shark]

فدييت قلوبكم كلكم يا حبايبي ع قولت خوينا,

يا ليتني في الشرقية كان شرقت وغربت فيهم ولكن حظهم اني بعيد... شرير من يومي... ولكن ماراح اسكت وراح اتواصل مع المعيلي وقدني ارسلت ايميل رسمي للفريدان وراح اكلم المجاني والرقم 900 الي حاطينه واذا مافي حل راح اوصلها لاحمد عيد !!!؟؟؟ وش دخله... ويمكن اخربها و اسوي هاش #هاتوا_الدرجات_الي_عليكوا طبعا امزح.... بس ممكن اسويه... لا لا امزح... معليش تأثير الاختبارات وحليمة ماقصر كملها.


ان شاء الله تتعدل لي ولباقي الطلاب الي سيم سيم.


واتمنى التوفيق لي ولكم

[sh123]

احمد عيد.... الله يسعدك ياشيخ

[استغفر الله00]

باقي الى يوم 6 وتحتسب

[aber]

المشاركة الأصلية كتبت بواسطة استغفر الله00

باقي الى يوم 6 وتحتسب

.
ابغى اسال المحاضرات المباشره الرابعه محسوبه علينا ولا لا ؟؟؟

[استغفر الله00]

مدري والله محسوبة او لا لكني سمعت مره من المرات مهي محسوبة اساسا في النظامين في الخارطة مو موجود

[naaada]

المشاركة الأصلية كتبت بواسطة friendly6shark

فدييت قلوبكم كلكم يا حبايبي ع قولت خوينا,

يا ليتني في الشرقية كان شرقت وغربت فيهم ولكن حظهم اني بعيد... شرير من يومي... ولكن ماراح اسكت وراح اتواصل مع المعيلي وقدني ارسلت ايميل رسمي للفريدان وراح اكلم المجاني والرقم 900 الي حاطينه واذا مافي حل راح اوصلها لاحمد عيد !!!؟؟؟ وش دخله... ويمكن اخربها و اسوي هاش #هاتوا_الدرجات_الي_عليكوا طبعا امزح.... بس ممكن اسويه... لا لا امزح... معليش تأثير الاختبارات وحليمة ماقصر كملها.


ان شاء الله تتعدل لي ولباقي الطلاب الي سيم سيم.


واتمنى التوفيق لي ولكم

أنا دايما كذا يصير لي أروح أعيد عليها وأفتح المحاضرات المسجله بالصوت بشكل سريع


وأنتظر يوم ولايومين بعدين أروح اشوف الخارطه القاها محسوبه


وأذا انت متاخر ماسويتها الا هاليومين يمكن النظام مابعد حدثوه شوف أخر تحديث بصفحة الخارطه تاريخه كم

[Friendly6Shark]

شكرا ع كل الردود

اليوم كان التحديث


ولا صار شي يعني مع نفسي