[ تجمع ] : مستوى ثاني ادارة اعمال

[Mofareh]

اخواني بالدفعه :
1- السبب الرئيسي للانتساب اهو مواصله الدراسه ( لاي غرض او سبب هذا شي راجع للمنتسب ).
2- من باب الاهتمام و كمان لمصلحتك عشان لا تفتح ع نفسك باب ( ادخل القاعه باثباتك و الاشياء المسموحه بالاختبار فقط .
3- قبل لا نقول نبي نذاكر الماده ( كيف نذاكر وكيف نبداء و فين نلقاء الاجابة المختصرة لتوصيل المعلومه بشكل اسهل و اسرع ) .
4- ملخصات - اساله الاعوام السابقة - كويزات - نماذج .,. كيف نجيبها ومنين .
5- اكثر مواضيع المنتديات لأداره الاعمال مستوى ثاني ( سالفة التظلم - الاسأله صعبه - يبون يسرقون الرسوم ) وش هالسوالف الي قاعدة تصير ؟؟؟ الدفعات السابقة والله تحزن لوضعنا .

اسف للاطاله ولكن المقصد كامل نبي نحدد ناس فعاله بالدفعه - متواجده تخدم نفسها اولا وتخدم الي معاها بالدفعه وتكسب اجرهم والدعوه الزينه ..

ملاحظتي فقط .... وين المنتدى الي لزوم نكون كلنا مجتمعين فيه ( انتساب تبع الملك فيصل .,. او الدمام و الملك فيصل ) عشان يكون موردنا واحد

وانا اول شخص راح اصخر نفسي للدفعه بدايه من الاحد الى انتهاء المستوى الثامن ... من معي ؟؟؟

اخوكم : مفرح

[نورا ..]

انا معك ان شاء الله باللي اقدر عليه وان شاء الله يكون كلام وفعل مو نفس السمستر الماضي ناس كثير تكلموا واختفووا بعدها
موفقين .

[معاني انتساب]

جزاك الله خير اخوي مفرح بعد الاختبارات الوعد

[abu joud]

بارك الله فيك يامفرح

[salabse]

جزاكم الله كل خير.. يعلم الله برغبتي اكون معكم ولكن ظروف عملي.. ولكن ابشرو بالي اقدر عليه..


Sent from my iPhone using ملتقى فيصل

[تيفاني 22]

جزاكم الله خير كلكم ماتقصرون ..

[Mofareh]

اولا ً : عشان نعرف نبداء صح :
كم عدد مستوى ثاني ( الفعالين ) الموجودين فعلياً يقومون بزياره المنتدى باستمرار . سواء منتدى جامعة الملك فيصل او منتدى جامعة الدمام وجامعة الملك فيصل ( عشان نوزع المشاركات ويستفيد الكل ) .
* هل تعلم بانك لما انت تبحث عن معلومة عشان تنزلها ليستفيد اخوانك بالدفعه بانك راح تستفيد اول واحد لانك الباحث الاول وتفكيرك مركز اكثر من الي يلقاء المعلومه جاهزه .
اتمنى من كل قلبي اعرف المتفاعلين بالمستوى عشان نرتاح ( حطوا ببالكم باقي 3 سنوات راح نكون فيها مع بعض ) لو ما الله كتب والتقينا من اول مستوى ,., لاتتركون هالمستوى يعدي بدون ما نتكاتف .
- نبي شخص لبق ( وكلكم فيكم الخير ) يتولى اي رساله تبعث لاي دكتور .
- نبي شخص يحب يكتب ويلخص حتى لو اي ملخصات سابقه يقدر ينسقها بناء على دكتور المادة .
- شخص يبحث عن اي اساله سابقه من اي دفعه و يتفرغ يحذف الاساله المكرره ( والمنتديات والمستويات اللي قبلنا ماراح يقصرون معنا ) .
قروب واتس اب ( اقدر افعله للقروب كامل برقم غير سعودي ) واي بنت تبي تنظم للقروب لها السرية الكامله باذن الواحد الاحد ( حتى لو يعملوا لهم قروب خاص ويكون فيهم واحده فقط بقروب الرجال ) تكون تبادل المعلومات بين القروبات .

هذا رائي وانا اوافق على اي مهمه تكلفوني فيها .. ولكن يا اخواني انا اطمع وارغب الجديه

[الآنسة أسماء]

تعقيبا على النقطة الخامسه
بعض الاخوان والاخوات يواجه صعوبه في تقبل الدراسه الجامعيه والانظمه لعدة اسباب لانعلمها وقد لا يتاقلم بسهوله مع الوضع
ولاكن من باب اولى ان نراعي الجميع
بجميع المستويات العميه والثقافيه والظروف
باذن الله اي موضوع يطرح ويكون فيه سلبيه او تضلمات وشكاوي لا نتهجم على صاحب الموضوع كما رايت سابقا
سنعالج الموضوع بطريقه مناسبه تحبب الاخوان في الماده والدراسه ورفع معنويات بعض
بعض الكلمات توثر على الاشخاص وقد تغيير في طريقة تفكيرهم ونظرتهم للحياه
طالما اتيحت لنا الفرصه ان نخاطبهم، من وجهة نظري ان لا نبخل عليهم بالكلمات الجميله والتحفيز والايجابيه ورفع المعنويه
انا اتضايق من وجود هذه المواضيع في اي قسم"وتكون سلبيه المحتوى" ولاكن ما يضايقني اكثر ردود الاخوان اللتي لاتزيد الوضع الا سوء "وتعود بالسلبيه اكثر على صاحب الموضوع"
وكان بالامكان تبني المشكله بطريقه افضل للتعاون والارتقاء بالقسم كاااامل بمحتواه التعليمي والنفسي في جميع الظروف
المحتوى التعليمي مهم والنفسي ايضا مهم يجب ان نتبادل الاثنين معا

[الآنسة أسماء]

وفقنا الله واياكم جميعا

[منوليتاا]

وانا حاضره باللي تبون ودي صراحه يكون لي بصمه واكون اخدم دفعتي الجميلة بس فيه اشياء ما افهم فيها صراحه مثل رفع المواضيع ومدري ايش [emoji16]


Sent from my iPhone using ملتقى فيصل