طلاب قسم مراقب وبائيات تكفون فزعتكم

[مراقب صحي]

السلام عليكم ورحمه الله وبركاته

انا متخرج قبل حوالي 4 سنوات من كليه العلةوم الصحيه بالدمام مراقب وبائيات

والحمد لله ابتعثت الحين وقدمت للجامعه شهادتي والسجل الاكاديمي ( ترانس كريبت) علشان يسوون لي معادله

لكن قالوا لازم اجيب لهم محتوى دراسي أو خطه دراسيه يفيد بمحتوى المواد الي أخذتها

قالوا حن عارفين انك درست هذي المواد بس نبي نعرف وش المحتوى الي درسته


أنا تخرجت وكان رئيس قسم مراقب وبائيات الدكتور أحمد حافظ وما ادري هل هو باقي موجود او لا

ياليت اي واحد يبي يسوي فيني خير يسأل رئيس القسم كيف أقدر أخذ المحتوى الدراسي ويعطيني خبر لأني أنا في كندا واذا ما جبت المحتوى الدراسي راح يخلوني أبدأ من الصفر ولا راح يعادلون لي شيء لا سمح الله


انتظركم




توكلت على الله ومن توكل على الله فهو خلقه

[غلآكمـ]

وعليكم السلام و رحمه الله و بركاته

و مبروك التخرج و الابتعاث << بالتوفيق

راح انسخ موضوعك لمنتدى جامعه الدمام الرسمي ..

و لي عوده بإذن الله بعد مايعطوني الرد ..

[غلآكمـ]

و ان شاء الله يحطون محتوى المواد بدون الروحه و الجيه و التعب ^

[غلآكمـ]

هذا رابط الموضوع

طالب مبتعث يحتاج مساعده في محتوى مواد قسم مراقب وبائيات ..

و الله يوفقك و يسهل دربك

[غلآكمـ]

المشاركة الأصلية كتبت بواسطة عبدالله

وعليكم السلام ورحمة الله وبركاته

أخي الكريم

الحل الذي أراه هو أن يتصل بزميل له أو يرسل أحد من أهله إلى الكلية ويطلب وصف المواد مختومه ويرسلها له عن طريق بريد سريع
لأن وصف المواد ليست فيها خصوصية او سرية معينه وإدارة الكلية لن تقصر بهذا الخصوص تجاه طلابها

بالتوفيق

هذا رد استاذ عبدالله < في عماده القبول و التسجيل ..

بالتوفيق اخوي

[مراقب صحي]

اهلين أخوي غلاكم

اول شيء حاب اقولك اني دعيت لك دعوه اخ في ظهر الغيب بإن الله يفتح لك ابواب رزقه وان الله يستر عليك دنيا واخره وان الله يعطيك العافيه ويسعدك دنيا واخره


الشيء الثاني يالغالي انا وصيت واحد للكليه وقابل اهل القبول والتسجيل وقال لهم عن المحتوى وقالوا ما عندنا اي خليفه عن هذا الشيء وسألهم عن رئيس القسم قالوا له راح يجي في بعد شهر ونص

والله مدري انا اعتقد ما راح احد يساعدني من بعد الله غيره


بس انا توقعت اني بلاقي واحد من طلاب القسم لأن يمكن يكون المحتوى عنده



الله يسهلها والله مشكله لكن أنا متأكد انها راح تتسهل بتدبير الله ورحمته

والحمدلله على كل شيء

اخوي غلاكم / بصراحه لا اقدر ان ارد معروفك لكن عسى الله ان يردها لك اضعاف مضاعفه ويفرج لك كل كربه يالغالي

[غلآكمـ]

^
^

تقصد اختك مو اخوك


بس غريبه كل هالتعقيد في طلب المحتوى من كليتك !

اذكر في فتره الاختبارات طلبت زميله لي من قسمي محتوى المواد

و خلال نصف ساعه صار معاها محتوى المواد ..

على العموم الله يسهل دربك و يوفقك و يحفظك من كل شر

و الله يجزاك خير على دعواتك

و لك بالمثل يارب

[غلآكمـ]

ايه صح تو انتبه ..

محتوى المواد تاخذهم من قسمك اللي بالكليه اللي تخرجت منها ..

مو من القبول و التسجيل

بالتوفيق