ملتقى طلاب وطالبات جامعة الملك فيصل,جامعة الدمام - كلية الطب هل فكرتي عن الطب خاطئة ؟

- - [ كلية الطب ] : هل فكرتي عن الطب خاطئة ؟ (https://vb.ckfu.org/showthread.php?t=472855)

هل فكرتي عن الطب خاطئة ؟

السلام عليكم و رحمه الله و بركاته

اللهم صلي على محمد و آل محمد

مثل ما نتوا عارفين الأمس ظهرت نتائج التحصيلي :34:

و الحمد لله جبت علامة عالية

طبعاً أنا أفكر أدخل هندسة طبية

و لما حسبت موزونتي الأمس و شفت أنها ممكن تدخلني طب

احترت :7::7:

كل ما افكر اني ادخل طب

اتخيل نفسي جالسه احفظ و احفظ و احفظ

أكيد الطب فيه فهم :34:

بس لما افكر في اني لازم بدرس كل عضو من أعضاء جسمي

و ايش الامراض الي ممكن تصيبه

و كيف علاجه

و اسماء الأدوية

و بعض المصطلحات الجميلة الي صعب تدخل المخ

مثل اسماء الهرمونات

و ........ و ......... و

انا عدوي الحفظ :9:

أقول لا لا لا ما بدخل طب !

قلت أسأل مجرب :34:

أتمنى تساعدوني و تنصحوني :16:

رد: هل فكرتي عن الطب خاطئة ؟

ما شاء الله

ما عندي فكرة عن المجال

لكن شخصياً كانت أمنيتي ادخل طب بس الحمدلله على كل حال

أنا أشوف انك تدخلين المجال اللي تميلين له و تحبينه

لانه مهما كان صعب بالارادة ان شاء الله يتيسر

اذا مقتنعة توكلي على الله

الناس قدراتهم وتجاربهم تختلف ما في شيء سهل كل مجال و له صعوبته

و في النهاية هي مسألة توفيق و الله يكتب لك اللي فيه خير :16:

رد: هل فكرتي عن الطب خاطئة ؟

تسلمي أخت أمنية ع المرور :16:

رد: هل فكرتي عن الطب خاطئة ؟

اختي انا ادرس الان طب
كل التخصصات تحتاج الفهم و الحفظ
و كل هذا يعتمد على الدكتور اذا بيحببش في المادة و الا بيكرهش فيها
اذا انتي حابة التخصص استعيني بالله
الله يوفقش :2:

رد: هل فكرتي عن الطب خاطئة ؟

اكبر غلط تسوينه انك تدخلين تخصص عشان اسم بس او عشان ترضين احد
الطب صعب تكملينه اذا ما تحبينه ,, وحتى لو نجحتي بيكون صعب تعيشين معاه
اهم شي تدخلين شي تحبينه حتى تبدعين فيه

رد: هل فكرتي عن الطب خاطئة ؟

ما شاء الله تباركـ الله ..

الطب شي يفرح ما يبيلها كلام ..

وما قصروا الخوات كل كلامهم عين العقل ..

قدرات كل فرد تختلف عن الثاني ..

ومن قلب ما يحبب ويكرهـ بالمادهـ الا الدكتور / هـ

عالعموم اهم شي اهم شي تتسخيرين وربي يكتب لكـ الخير وين ما كان ..

لان اي راي غير الاستخارة رح تندمين عليه الا استخارة ربي ..

ربي يوفقكـ ويسدد دربكـ ...

:16: