ســلام ، :119:

اخباركم ؟ حبيت اجاوب على اسئلتكم وان شاء الله يكون هذا إلي محتاجين تعرفونه ويفيدكم :cheese:


بالبدايه الدراسه عبارة عن مرحلتين

قبل الإكلينيكية ،،
عباره عن ثلاث فصول دراسية
تكون كلها في الجامعة

المرحلة الإكلينيكية ،،

عبارة عن خمسة فصول دراسية
تكون كلها في المستشفى

..

نجي لـ سنة أولى ( تحضيريه بمعنى ان مافيها مواد تخصص .. كلها مواد عامه ) وهي تعتبر من المرحلة الاكلينيكيه
عبارة عن ترمين
الترم الاول ( مستوى اول )
الترم الثاني ( مستوى ثاني )

بالنسبه للترم الاول .. راح تدرسوا فيه ،،

..

- لغة انجليزيه عامه ، عبارة عن :

Listening
writing
grammar
reading

مافيه خوف من هالمواد .. راح تكون سهله للي عنده معرفة عالاقل متوسطه بالانجليزي ، اكيد بالبدايه بتحسوا بصعوبه بس كل شئ مع الوقت راح يصير سهل
اهم مادة فيهم إلي هي reading عليها اكثر عدد ساعات يعني اكثر درجات من باقي المواد .. مهم تاخذون فيها درجات حلووة
مو صعبه اغلبها تعتمد عالكلمات الجديده مهم تحفظوا الكلمه ومعناها بالانجليزي ( مثل الوورد ستدي إلي بكتاب المدرسه يعني )
الامتحانات في مواد الانجليزي مو صعبه كثير لاتخافوا :bgs18:

..


- فيزياء

مافيه شئ جديد ، عن القوة ، السرعه ، المسافه ، الثقل ، الضوء الخ اغلبه مثل إلي خذيتوه بالمدرسه بس الفرق انه بـ ( الانجليزي )
اكيد بالبدايه مابتتخيلوا كيف تذاكرون فيزياء بالانجليزي :mh45: ، مثل ماقلت الصعوبه بس بأول امتحان وبعدين بتعرفوا طريقه الاسئله وكل وحده فيكم بتجرب طريقه المذاكره إلي تريحها ^^
خليكم مركزين مع الدكتوره في المحاضره اذا شئ مو مكتوب في الكتاب اكتبوه معاها اذا كانت تكتب عالبورد .. و ممكن تكون دكتورة تخطط معاكم بالكتاب .. انتوا و حظكم :oao:
على فكرة .. المنهج اغلبه مسائل .. وارجع اقول مو صعبه :mh01:
طريقة الاختبار :
اختبارات متفرقه عالاقل 3 قبل النهائي ، عبارة عن اختيارات و مسائل

..


- كيمياء ( نظري و عملي )

فيه منه مثل إلي بالمدرسة وفيه بعد اشياء جديده .. دسم شويه ، الترم الاول راح تاخذون الكيمياء العضويه ( ادري بتقولون ماورا افتكينا منها :( وترجع )
المحاضرات بتكون على البروجكتر ، بعد المحاضره تنزل لكم الدكتوره اوراق المحاضره في المكتبه إلي بمبنى التمريض ( قريبه من الكلاس ) واذا مانزلتهم دبروا محاضراتكم من بنات تعرفوهم من سنه ثانيه .. لان صعبه تكتبون معاها الا تعرضه كله

فيه شئ ثاني الا هو ( لاب الكيمياء ) المعمل ، كل مره راح تسوون تجربه مع الدكتوره وتكون عندكم ملزمه للاب .. بعد ماتخلصوا التجربه تعبوا التقرير ، والامتحان راح يكون في الاب من التجارب الا سويتوها قبل بس هالمره في الامتحان كل وحده لحالها مو جماعيه:cheese:

طريقة الاختبار النظري :

نفس الفيزياء اختبارات متفرقه قبل النهائي .. والنهائي كله اختيارات الامتحان وصلي تقريبا .

..



- احياء ( نظري و عملي )

مادة مهمه واساسيه .. اتوقع اكثر مادة راح تستفيدوا منها في التخصص لبعدين ، طريقة الدراسه بتكون بعد عرض شرائح مع الدكتورة عالبروجكتر .. ومهم تكتبون معاها ( بتعطيكم وقت ) لان كتاب الاحياء كبير مره واغلبه اشياء ماتحتاج تذاكررونه لان المهم الا تعرضه الدكتوره بس وهو الا يجي منه بالامتحان .. يمكن تستفيدوا من الكتاب للصور بس ،
اغلب الدروس اذا مو كلها ماخذينها من قبل بالمدرسه بس هالمره بالانجليزي .. اصعب شئ ممكن يكون مصطلحات طوويله بالانجليزي .. تتعودوا عليها بالتكرار :corkysm39:
طريقه مذاكرة الاحياء ، تعتمد على الفهم اكثر .. لانك ماراح تكتبين ولا حرف بالامتحان .. بتختاري بس !

لاب الاحياء ( المعمل )

بتكون معاكم بعد ملزمه للاب .. كل درس بالبدايه راح تشرحه الدكتوره والمهم من الدرس ( الشرائح ) الا هي صوور راح تعرضها عليكم وتعرفكم عليها .. ممكن احيانا مايعطوكم اوراق فيها الصور .. لازم ترسموون .. حتى لو مخطط للصوره .. لان مستحيل تحفظين شكل كل صوره من مجموعه ^^
والاشياء المهمه راح تكتبها عالبورد او تأشرها معاكم بالملزمه
- امتحان الاب : ممكن يكون على ارواق ( اختيارات ، صلي ) لكن مرره صغير الامتحان نص ورقه بعد كل لاب .. عشان مايمديكم تنسوا ، وطبعا عرض الصور الا خذيتوها بالاب السابق .. مو كلها بعضها .. وانتوا تتعرفوا عليها بكتابه الاسم بس :119:


طريقة الامتحان النظري :
اختيارات :t3:

..


- الثقافه الاسلاميه ( المادة الوحيده بالعربي )

محاضرات راح تكون ساعتين بس بالاسبوع ، طبعا بتكون معاكم ملزمه .. مافيه تأشير ولا شئ .. احفظوها كلها :cheese:
سهله دروس في العقيده مع الادله وكذا ( يعني تخيلوا مواد الدين كلهم جمعوهم بمادة )
استغلوا سهولتها ولانها بالعربي عشان تجيبون فيها درجه عاليه ..
فيه شئ ثاني راح يطلب منكم حفظ جزء من القرآن ( الفصل الاول حزب والثاني حزب ) يحددوا لكم السور المطلوب حفظها ، وبعدين راح تسمعوا عاادي .. وان شاء الله درجاتكم دائما كامله :049:

..


- الرياضيات :mh29:

قولوا ( الحمد لله ) اول شئ انكم افتكيتوا منه لان السنه هذي راح ينلغى من الخطه الدراسيه :mh001:
من اللعام وصلنا ان آخر سنه له وراح يلغونه خلاص ( لان بجد ماله داعي )
كان كله اشياء معاده .. تفاضل ، تكامل بالانجليزي بعد :000: مايحتاج اسولف لكم عنه خلاص ماعندكم :lllolll:
بس كنا مستفيدين من سهولته بالدرجات :cheese:

..



بالنهايه ..

ابي اقولكم ان مافيه شئ صعب .. بالاصرار والمذاكره كل شئ يسهل
يعني انا اللعام كنت بمكانكم و واجهتني صعوبات المذاكره بالانجليزي ، اول الامتحانات ، التركيز على المواد ، بس كلها انتهت بنهايه الترم الاول ..
مااخفي عليكم كانت درجاتي بأول الامتحانات مو كثير عاليه .. بس بعدين ارتفعت لاني مصرة اتعوود عالوضع :cheese: .. يعني لا تتحطموا ولا تخلوا مكان للاحباط .. الطيحات الصغيره بالبدايه بترفعكم بعدين ..
سنة أولى مهمه من ناحية المعدل .. لا تتهاونوا :119:

الله يوفقكم ان شاء الله .. ويسهل عليكم :119:

أي سؤال .. انا حاضرة .. و آسفه عالتطويل .. :bgs12: