الله لا يهينك ساعدوني
 

السلام عليكم
يا اخوان وش افضل تخصص في الكلية
من ناحيت المستقبل
وكم الراتب في المستقبل
واي معلومات عن الدراسه و الشغل

رد: الله لا يهينك ساعدوني
 

تبين مثلآ نعطيك نبذه عن التخصصآت ولآ أيه

لأن كل هآلأسئله أجوبتهآ تختلف من شخص للثآني

ربنآ يوفقك

رد: الله لا يهينك ساعدوني
 

الله يعطيك العافيه
ودي اعرف وش افضل التخصصات الموجوده من ناحيت المستقبل الوظيفي و الراتب
يعني و ش تنصحوني به طب و لا الصيدله الالكلينيكيه ...ولا كلية العلوم التطبيقيه....ولماذا
ومن ناحيت الدراسه
ويا ليت اذا فيه احد متخرج فيدني
انا ما ودي اضيع عمري اكتر من الي ضاع لني لي متخرج سنتين من الثانويه
ياليت تفيدوني

رد: الله لا يهينك ساعدوني
 

إذآ متخرجه من سنتين الطب والصيدله الإكلينيكيه مآ رآح يقبلوووك

يمكن العلوم الطبيه تقبلك لو كآن معدلك مرررررره عآلي

أفضل التخصصآت معنآ من نآحيه الرآتب تقنيه القلب
لكن الوظيفه تقنيه المعلومآت الصحيه

للحين مآ عرفت بآلضبط وش تبين

وإذآ من نآحيه الدرآسه كل شي صعب صعب
وإنتين إذآ حبيتي شي بتسهليه
ربنآ يوفقك ويعوضك عن سنين عمرك اللي ضآعت

رد: الله لا يهينك ساعدوني
 

أخـوي جميع تخصصات كلية العلوم الطبية ممتازه ومطلوبه في جميع المستشفيات واختيار التخصص الأفضل يعتمد عليك انت وعلى ميولك كطالـب ..

كلية الطب تختلف عن كلية العلوم الطبية التطبيقية في المقررات ومدة الدراسة .. يعني في كلية الطب تدرس جميع مايتعلق بالطب كامـلا ولمـدة سبع سنين وبعدين تصير طبيب عـام وإذا حبيت تتخصص في مجال معين تدرس سنوات إضافية على حسب هذا التخصص ..

بالنسبة للصيدلة ماعندي فكره واضحه عن دراستهم للأسف ..

كلية العلوم الطبية التطبيقية خطة دراستها تلقاها في أحد المواضيع المثبته في المنتدى ..

وتتخرج منها بمسمى أخصائي ونطاق عملك ينحصر فقط في المجال اللي تخصصت فيه بالكلية ..

بالتوفيق

رد: الله لا يهينك ساعدوني
 

الله يعطيكم العافيه
ما قصرتوا بس ما قلتوا لي كم الرواتب بعد التخرج و وش افضل تخصص وكم مدة الدراسه والوظيفه مضمونه
ما يهم الصعوبه الحمد لله السنتين ما ضاعت على الفاضي درست فيا انجليزي على اعلى متسوى ومعد الثاويه 92.6
والقدرات83
التحصيلي بعيدهالسنه ذي كان64

رد: الله لا يهينك ساعدوني
 

السلام عليكم,,,

للأسف أخوي, إن كنت متخرج من سنتين. صعب قبولك في الكليات الصحيه ومن بينهم كلية العلوم الطبيه التطبيقية..

بالتوفيق جميعاً