![]() |
رد: هنا نستقبل استفساراتكم عن كلية التمريض بالدمام
أيووووووووه فهمت ...
أنا قريت هذا الموضوع من قبل .. بس توني افهم شنو رقم السي ار ان مشكووووره خيتي .. تعبناك معانا يعطيك ربي العافيه تحيتي لك |
رد: هنا نستقبل استفساراتكم عن كلية التمريض بالدمام
العفووو ولو وانا بالخدمة
واي سؤال ثاني انا موجودة :) |
رد: هنا نستقبل استفساراتكم عن كلية التمريض بالدمام
يعطيش ربي الف عافيه ريومه
ماشالله عليك متعبينك معانا بس عندي سؤال صغير حده :cheese: الحين احنا يوم السبت انروح الساعه كم يعني متى يبدي الدوام :119::119: <<لاتعليق |
رد: هنا نستقبل استفساراتكم عن كلية التمريض بالدمام
الله يعافيج حبيبتي
لا تعب ولا شي والدوام يبدأ الساعة ثمان الصبح يعني خلج بالجامعة ثمان الا ربع وأي سؤال ثاني انا حاضرة وبالتوفيق :119: |
رد: هنا نستقبل استفساراتكم عن كلية التمريض بالدمام
ســـــــــــلام
:t1: رجعت بس عندي سؤال >> ياكثر اسئلتك هع الا بقووول لما نسوي بطاقه الى السواق .. يشترط حضور ولي الامر للجامعه او بس توقيع عادي ؟؟ شكرا |
رد: هنا نستقبل استفساراتكم عن كلية التمريض بالدمام
ياهلا والله
اي لازم ولي امرج يروح مكتب الأمن والسلامة الي للرجال الي يكون برا عند مدخل الجامعة يعني يا ولي امرج او واحد من اخوانج واي سؤال ثاني انا حاضرة :119: |
رد: هنا نستقبل استفساراتكم عن كلية التمريض بالدمام
السلام عليكم
لوسمحتو ضروررررررررررررررري ابي اعرف الملابس المخصصه في كليه التمريض في الدمام جامعه الملك فيصل ولون البالطو المخصص لها:c8::c8::c8: |
رد: هنا نستقبل استفساراتكم عن كلية التمريض بالدمام
والله كنت توني بقوم من الجهاز
بس زين شفت سؤالج لوووووول حبيبتي هالسؤال سألوه كثير في سنة اولى عادي لبسي اي شي اهم شي التنورة ماتكون قصيرة ولا الاكمام قصيرة مرة يعني لبسي الوان عادي واي شكل ولون بس الأنبضاط الصح يبدأ من سنة ثانية علشان بتروحون المستشفى فلازم تلبسون في المستشفى بلوزة بيضا وتنورة سودا وحذا ابيض وانتي بكرامة واللاب كوت لازم يكون ابيض وتحتاجينه في كل السنوات الدراسية للتمريض حتى سنة اولى ولو عندج اي سؤال ثاني سألي وانا بالخدمة :) |
رد: هنا نستقبل استفساراتكم عن كلية التمريض بالدمام
انا داخلة عرض مو بالتمريض بس اتوقع نفس القوانين على سالفة السواق إذا غيرناه أكثر من من مرة لازم كل مرة يروح ولي الأمر
ويصير موافقة خطية أو لا |
رد: هنا نستقبل استفساراتكم عن كلية التمريض بالدمام
حبيبتي لازم لكل سائق لج
بطاقة وترى في نفس البطاقة تقدرين تحطين أثنين مثلاً لو كان يوصلج سواق في ايام وفي ايام ثانية سواق ثاني تقدرين في نفس البطاقة في مكتوب المصرح له الاول المصرح له الثاني ويحطون لج صورهم اثنينهم وبالتوفيق :) |
All times are GMT +3. الوقت الآن حسب توقيت السعودية: 06:50 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه