|
هنا نستقبل استفساراتكم عن كلية التمريض بالدمام
بسم الله الرحمن الرحيم السلام عليكم ورحمة الله وبركاته سيتم تخصيص هذا الموضوع لجميع أسئلة الطالبات الراغبات بالإلتحاق بكلية التمريض بالدمام فمن لدية سؤال فليتفضل به يسرنا أن أن نجيب على اسئلتكم ويرجى عدم تكرار الأسئلة http://img87.imageshack.us/img87/8165/missnona25es3.gif مع تحياتنا مشرفات ملتقى كلية التمريض THE QUEEN,غرور الورد,¤§©¤ ريم ¤©§¤ |
رد: هنا نستقبل استفساراتكم عن كلية التمريض بالدمام
الله يعطيكم العافيه والى الامام سرررر :hahaha_2008: <<-- تو بدري ع الاسئله للحين ماطلعت نتايج الثانويهـ :cheese: |
رد: هنا نستقبل استفساراتكم عن كلية التمريض بالدمام
ان شاء الله
راح نجيب على كل اسئلة حباااايبنا الصغار خريجات الثانوية الحلوات <<< يعني احنا كبار الحين لوووووووول :) |
رد: هنا نستقبل استفساراتكم عن كلية التمريض بالدمام
:119::119::119::119::119::119::119::119::119::119: :119::119::119:
|
رد: هنا نستقبل استفساراتكم عن كلية التمريض بالدمام
انا من خريجات عام 1427-1428 وانا الحين ادرس بكلية سعد حبيت ان اسجل في كلية التمريض هل بيقبلوني؟:Cry111:
|
رد: هنا نستقبل استفساراتكم عن كلية التمريض بالدمام
الهوجاس قلبي الله لا يحرمنا من طلتك:119: ¤§©¤ ريم ¤©§¤ يا هلا حبيبتي يشرفنا مساعدتهم:119: مرزوق منور بطلتك:119: أكيد عندك سؤال:hahaha_2008: |
رد: هنا نستقبل استفساراتكم عن كلية التمريض بالدمام
جوهرة الماس حبيبتي للأسف من شروط القبول والتسجيل في الجامعة أن تكون المتقدمة من خريجات السنة الحالية للكليات الصحية الله يوفقك حبيبتي لكل خير ويسعدك دنيا وآخرة:praying: |
رد: هنا نستقبل استفساراتكم عن كلية التمريض بالدمام
كم المعدل المطلوب؟
وهل يقبلون طالبات الاحساء؟ وهل يوجد سكن للطالبات؟ وهل تستلم الطالبه مكافاه خلال الدراسه؟ كم مدة الدراسه؟ وماهي الشهاده اللي تحصل الخريجه؟ وشكرا جزيلا |
رد: هنا نستقبل استفساراتكم عن كلية التمريض بالدمام
البحر الهادئ -بالنسبة للمعدل المطلوب النسبة العامة 85% النسبة الخاصة85% هذه النسب كانت في العام الماضي -نعم يتم قبول طالبات الأحساء -نعم يوجد سكن للطالبات وهو سكن تابع للجامعة -نعم تُصرف مكافأة شهرية للطالبة بقيمة 1000 ريال -مدة الدراسة أربع سنوات بالإضافة إلى سنة تدريبية في المستشفى بعد التخرج -تحصل الطالبة بعد التخرج على شهادة البكالوريوس الله يوفقك إن شاء الله لكل خير ويسعدك دنيا وآخرة:praying: |
رد: هنا نستقبل استفساراتكم عن كلية التمريض بالدمام
اول شي السلام عليكم ورحمة الله وبركاته حبيت اسأل عن النسب الي تقبلها الكليه والقدرات واكون شاكره لكم:praying::119:
|
رد: هنا نستقبل استفساراتكم عن كلية التمريض بالدمام
السلاااام عليكم
الف شكر لكم على هالجهووود حبيت اسئل متى تبدا موااعيد التسجيل في الكليه؟؟ وشو الاوراق المطلوبه؟ ويسلمووو |
رد: هنا نستقبل استفساراتكم عن كلية التمريض بالدمام
روح شفافة
بالنسبة لمواعيد التسجيل خليج متابعة لموقع الجامعة والأرجح انها تبدأ من اليوم اذا ماكنت غلطانة وبالنسبة للأوراق المطلوبة اول شي تروحين الجامعة في الأوقات المحددة وتودين معاج شهادة الثانوية العامة أصل وصورة وشهادة حسن سيرة وسلوك اصل وصورة وهم اخذي بطاقتج الأحوال اصل وصورة تقريبا بس هذولا المطلوبين :119: |
رد: هنا نستقبل استفساراتكم عن كلية التمريض بالدمام
يسلمووو حبيبتي
بس إذا ماعليج امر تحطي لي رابط الجامعه لان ماشفت ودار راسي من هالموااقع:Cry111: يوفقج ربي ويخليج:praying: |
رد: هنا نستقبل استفساراتكم عن كلية التمريض بالدمام
السلام عليكم ورحمتة الله وبركاتة
اختي تدرس سنة اولى بالكلية الصحية هل سوف تنضم الى التعليم العالي لهذة السنة 1429 هل يشملهم هذا ؟؟؟؟ ارجوا الرد لكم جزيل الشكر |
رد: هنا نستقبل استفساراتكم عن كلية التمريض بالدمام
|
رد: هنا نستقبل استفساراتكم عن كلية التمريض بالدمام
الف شكر لج اختي
بس لما دخلت على الموقع مكتووب مواعيد التسجيل في رمضان يعني الفيصل اخر جامعه يبدا فيها التسجيل ولا؟؟؟ الله يكون بالعون ويوفق الجميع |
رد: هنا نستقبل استفساراتكم عن كلية التمريض بالدمام
اهلا اختي .. لا .. التقديم راح يبتدي بتاريخ 16 رجب .. وهذا الرابط ممكن يفيدك .،، http://www.ckfu.org/vb/showthread.php?t=15189 بالتوفيق يارب .. :119: |
رد: هنا نستقبل استفساراتكم عن كلية التمريض بالدمام
:o3:
مشكورة حبيبتي يسلمووووو وربي يوفقك ويوفق الجميع ومعليش تعبتك معاااي |
رد: هنا نستقبل استفساراتكم عن كلية التمريض بالدمام
بس الكلام الجديد التخصصات الطبيه من 90 يعني شلون؟؟ ررراحت علي انا جبت 88
ارجو الافاااااااااااااااااااااااده في اسرع وقت لاني ميته قهر وعلى حضي كلشي تغييير:Cry111: |
رد: هنا نستقبل استفساراتكم عن كلية التمريض بالدمام
اقتباس:
اهلا اختي .،، السنة اللي فاتت كان القبول للكليات الصحيه مثل الطب و كلية العلوم الطبية تبدأ من 90 بس كلية التمريض يبدأ القبول لها من نسبة 85 .. إن شاء الله مايتغير السنة وتكون لك الفرصة في التسجيل والقبول .،، وأكيد كلها أيام قليلة وراح يعلن عن شروط القبول رسميا على موقع الجامعه .،، بالتوفيق ان شاء الله .. :praying: |
رد: هنا نستقبل استفساراتكم عن كلية التمريض بالدمام
اقتباس:
ولو اختي مافي داعي للشكر .. وماسوينا الا الواجب .،، واذا عندك اي استفسار لا تترددي في طرحه .. بالتوفيق يارب .. :119: |
رد: هنا نستقبل استفساراتكم عن كلية التمريض بالدمام
السلام عليكم ..
أنا السنه تخرجت وعاشقة التمريض بالمره .. بس المشكله إن نسبتي ماتأهلني للقبول في الفيصل .. أبي أسأل إذا في معاهد أوجامعات بالدمام للتمريض غير الفيصل حتى لو كان أهلي.. |
رد: هنا نستقبل استفساراتكم عن كلية التمريض بالدمام
ياهلا فيك يا العاشقة حاليا التمريض بالفيصل من 90% بسس فيه كليات كثير تدرس تمريض الكليه الصحيه بالدمام وبالقطيف كليه سعد للتمريض " اهلي" كليه الامير سلطان العسكريه بالظهران هذا اللي في بالي الحين :119: وان شاء الله تدرسين تمرريض |
رد: هنا نستقبل استفساراتكم عن كلية التمريض بالدمام
بسم الله الرحمن الرحيم
السلام عليكم.... اختي صار لها متخرجـة من كلية التربية بالجبيل بكالوريوس رياضيات تخرجت عام 1425 هـ حبيت اعرف اذا كان عادي تدرس في الجامعة تمريض او في الكلية الصحية او في المعاهد |
رد: هنا نستقبل استفساراتكم عن كلية التمريض بالدمام
كم سؤال على الماشي
هل يوجد في جامعة الملك فيصل في الدمام ( الصيدلة الاكلينيكية) او علوم صيدله وشنو الفرق بينهما وهل هذا التخصص فيه للبنات وايهما افضل ومطلوب اكثر للوظيفه ؟؟ |
رد: هنا نستقبل استفساراتكم عن كلية التمريض بالدمام
هلا اختي راح اجاوبك على اللي اعرف
الصيدلة بالدمام للبنات لا يوجد وصلني خبر ان فتحو قسم صيدلة اكلينكية للبنات ولكن بفيصل الاحساء |
رد: هنا نستقبل استفساراتكم عن كلية التمريض بالدمام
مشاعر حب
مشكورة |
رد: هنا نستقبل استفساراتكم عن كلية التمريض بالدمام
بسأل بخصوص النسبة المطلوبة في كلية التمريض بالدمام
انا جبت في التحصيلي : 67 والقدرات :59 والثانوية : 99.36 والنسبة الموزونة "المركبة " : 74 هل انقبل في الكلية وهل ينفع اسجل في كلية العلوم الصحية بالأحساء وكلية التمريض بالدمام ؟ يعني ينفع اسجل في جهتين ؟ في الحسا والدمام اخاف ينلغي على حسب ماسمعت دعوتكم لي بالقبول |
رد: هنا نستقبل استفساراتكم عن كلية التمريض بالدمام
آلســـلآم
آنــآتوني تخرجت من آلثنويــه نسبتي 87.93 >>> يعني ذآ آلمعدل التراكمي والتحصيلي 70.9 والقدرآت60.3 آبي آعرف كيف آحسبهآ عشآن النسبه آللي يبونهآ وهل تقبل الكليه نسبه مثل نسبتي لاني جد ضآيعه وآبي آعرف كمآن آلآقســـآم آللي تقبل نسبتي؟ ويسسسسسسآـــممممو مقدمآ |
رد: هنا نستقبل استفساراتكم عن كلية التمريض بالدمام
هلا روزا بالسبة لهذة الشغلة تعتمد على الجامعة اهي راح تنزل القوائم وفي اختلاف بين القبول العام الماضي والسنة حيث ان حنا اختبرنا بعد ما سجلنا
توكلي على الله وسجلي ونصيحة مني سجلي في كل مكان في عندك كلية الامير سلطان العسكرية فيها تمريض وكلية سعد وهم الكلية الصحية بس الكلية الصحية ما ادري متى يبداء التسجيل وتقدرين تسجلين فيها انشاء الله قبولك مضمون فيها. هلا اختي ريم العتيبي دخلي على موقع الجامعة راح تشوفين نافذة فيها برنامج يحسب النسبة الموزونة كان احذسبها لك بس بسبب الزحمة على الموقع الصحة ما تفتح بسرعة وبالتوفيق للجميع وهذا الرابط المباشر لحساب النسبة الموزونة http://www.kfu.edu.sa/studentservices/persent_calc.asp |
رد: هنا نستقبل استفساراتكم عن كلية التمريض بالدمام
أنا كني قريت ان التريض من 85 وفووووووووووووووووق صح ولا ؟؟:s3::Cry111::mh19::s12:
|
رد: هنا نستقبل استفساراتكم عن كلية التمريض بالدمام
حياتي تفضلي هالرابط
http://www.kfu.edu.sa/ad%2D1429/rates.asp فيه النسب المقبولة وانصدمت انه من تسعين واعلى السنة الي راحت كان من 85 :000: |
رد: هنا نستقبل استفساراتكم عن كلية التمريض بالدمام
الحمد الله انقبلت تمريض .. بس انا عندي بطاقه احواااال ودفتر العائله ماهو معي الحين وماادري يوصلني خلال الفترة التقديم الثلاث الايام او لا .. تنفع بطاقتي الاحوال او لا ؟ ووين اودي الاوراق المطلوبه يوم السبت باي مكان << داجه ماعمرها دخلت جامعه الملك فيصل |
رد: هنا نستقبل استفساراتكم عن كلية التمريض بالدمام
عزيزتي انا جاوبت على اسألتج
في موضوعج واي سؤال ثاني سألي ولا يردج الا كيبوردج انا في خدمة نيرسات المستقبل :119: |
رد: هنا نستقبل استفساراتكم عن كلية التمريض بالدمام
أنا لم أسجل في رغباتي كلية التمريض والنسبة المركبة 82 وابغ اسحل في كلية التمريض يصير اسجل يوم السبت ولا لازم انتظر التسجيل الكتروني الثاني علشان اسجل في الكلية؟؟؟؟؟؟؟؟؟؟؟؟؟؟؟؟؟:cheese:
|
رد: هنا نستقبل استفساراتكم عن كلية التمريض بالدمام
:011:[center][/centerنسبتي في الثانوية 96 المطلوب 90 وفوق المركبة فوق المطلوب 75.
|
رد: هنا نستقبل استفساراتكم عن كلية التمريض بالدمام
ليش ماتردو وينكم يلي تقولو بنجاوب على أي استفسار لايكون بس كلام
|
رد: هنا نستقبل استفساراتكم عن كلية التمريض بالدمام
ليلك حبيبتي
انا من الظهر شفت استفسارج بس سامحيني تأخرت لأني كنت اسأل لج واحنا نجاوب على الكل مو مجرد كلام وبنكون بالخدمة دايم وابداً طبعاً بالنسبة لسؤالج الجامعة إلى الآن ما اعلنت عن فترة تسجيل ثانية فحالياً ما تقدرين هالشي للأسف :Cry111: واتمنى اني افدتج :119: |
رد: هنا نستقبل استفساراتكم عن كلية التمريض بالدمام
شكراااا على المساعدة والمعذره اني فهمتك غلط :c8:
|
رد: هنا نستقبل استفساراتكم عن كلية التمريض بالدمام
العفووو ولوو
وعادي حبيبتي وفي اي وقت لو احتجتي شي قولي ولا يردج الا كيبووردج :119: |
رد: هنا نستقبل استفساراتكم عن كلية التمريض بالدمام
السلام عليكم
قريت الحين من موقع الجامعة انه يمكن تعدلي الرغبه الثانيه والثالثة سؤالي؟؟؟؟؟ اذا كانت الاولى من الكليات الصحيه .. الثانيه نحطها اي كليه ثانيه غير الكليات الصحيه ؟ ويش الي يدرسوه بكلية التمريض ؟ >>>>>>>>>>قسم الرعاية التمريضية الاساسيه قسم الرعايه التمريضية للمجتمع قسم التعليم التمريضي :Cry111: يعني قصدي بتفصيل اكثر ؟؟؟؟؟؟؟؟؟؟؟؟؟؟ |
رد: هنا نستقبل استفساراتكم عن كلية التمريض بالدمام
لو سمحتي انا خريجة كلية العلوم الصحية لهذي السنة 1429 اقدر اكمل دراستي مع العلم نسبتي 3,22 التراكمي وشنهي الشروط المطلوبة
ومشكووووووورة |
رد: هنا نستقبل استفساراتكم عن كلية التمريض بالدمام
السلام عليكم
كيف حالكم ؟ أنا طالبة في الثانويه اتخرجت هذي السنه وسجلت الفيصل وقبلوني تمريض والمهم هل يوجد مقابله وإذا يوجد ما نوع المقابلة ؟؟وشكرا |
رد: هنا نستقبل استفساراتكم عن كلية التمريض بالدمام
هلا والله حبيباتي
بجاوب على استفسار انوار الكوثر الآن وبالنسبة لجحا و السمر انتظروا علي ساعة جذي او ان شاء الله اقل واجاوبكم علشان اتأكد من المعلومات الي عندي مابي اعطيكم شي انا مو متأكدة منه بالنسبة للأخت انوار الكوثر في البداية الف الف مبروك القبول والله يوفقج بالدراسة حبيبتي مافي مقابلة شخصية لتخصص التمريض يعني حطي رجولج في ماي بااارد :hahaha_2008: والف مبروك مرة ثانية لي عودة للي ماجاوبت على استفساراتهم :119: |
رد: هنا نستقبل استفساراتكم عن كلية التمريض بالدمام
الحين عقب ماتأكدت من معلوماتي اجاوبكم :hahaha_2008:
الأخت السمر اقتباس:
اول شي اي حبيبتي تقدرين تغيرين رغبتج الثانية والثالثة من بكرة السبت إلى يوم الأربعا بس طبعاً لازم تختارين من الكليات الغير صحية للأسف وطبعاً التغير يخص الرغبة الثانية والثالثة فقط وتفضلي هالرابط http://www.kfu.edu.sa/ad-1429/adv03.asp وبالنسبة لسؤالج عن دراسة التمريض طبعاً التمريض في البداية ندرس فيها مواد عامة مثل الفيزكس والكمستري والبايو والانجلش وكل هالسوالف بس بعدين نبدا بمواد التخصص وبالنسبة للتخصص في تمريض الباطنية والحلات الحرجة في تمريض الاطفال الخدج في تمريض نساء وولادة وهكذا .. واتمنى اني افدتج :119: |
رد: هنا نستقبل استفساراتكم عن كلية التمريض بالدمام
الأخت جحا
اقتباس:
ومبروك التخرج في البداية وبالنسبة لسؤالج كليات العلوم الصحية طبعاً توها منضمة لجامعتنا وماخذت لها حتى شهر من انضمامها و في الفترة الحالية إكمال الدراسة غير متوفر و غير متاح و أعتقد أنهم يححتاجون لفترة علشان يغيرون الخطط الدراسية لكليات العلوم الصحية عشان تكون متوافقة مع مناهج التعليم العالي و تصير الشهادة بكالوريوس بدل دبلوم شوفي هالرابط .. هذا آخر خبر نزل بخصوص إنضمام كلية العلوم الصحية لجامعتنا http://www.ckfu.org/vb/showthread.php?t=16469 واتمنى اني افدتج واي سؤال ثاني تفضلي على راسي :119: |
رد: هنا نستقبل استفساراتكم عن كلية التمريض بالدمام
السلام يعني السنه بغيرو الخطة الدراسيه في كلية العلوم الصحية علشان تكون بكالوريوس بدل دبلوم
ولا يفكروا |
رد: هنا نستقبل استفساراتكم عن كلية التمريض بالدمام
قريب يغيروها اتوقع
بس ماتوقع السنة هاذي والله يوفق الجميع :) |
رد: هنا نستقبل استفساراتكم عن كلية التمريض بالدمام
ســـــــــــلام
^_^ بس حبيت أسأل عن الزي الرسمي بالجامعه >>> مبسوووطه الاخت هع هع أنا سمعت ان الجامعه يلبسون اي لون ونص كم عاادي :cheese: بــــس ,,, تخصص التمريض تنوره سودا وتي شيرت ابيض وجزمه بيضا هل هذا الكلام صحيح او لا ؟؟ واذا صحيح هل هم متشددين بههالشي ؟؟ وهل النص كم متاااح بالجامعه ؟؟ مع العــــلم ... اني سألت الي أخذت اوراقي بالجامعه عن الزي الرسمي حق التمريض ردت علي أي شي ساتر ,, والالوان عااااادي ,, سألتها حتى التمريض قالت اي ؟؟ وماادري بصراحه:mh19: ياللـــه مشكوووووورين مقدما :119: |
رد: هنا نستقبل استفساراتكم عن كلية التمريض بالدمام
ياهلا والله حبيبتي
اول شي مبروك القبول والله يوفقج في الحياة الجامعية بالنسبة لقوانين كلية التمريض اهي ان يكون اللبس بلوزة بيضا وتنورة سودا و حذاء وانتي بكرامة ابيض بس طبعاً مافي تشدد من هالناحية يعني احنا عادي نلبس كل الألوان وكل الأشكال وهم بعد نص كم يعني مايركزون على هالسالفة صراحة وبالتوفيق حبيبتي :119: |
رد: هنا نستقبل استفساراتكم عن كلية التمريض بالدمام
مشكوووووووره خيتي
ويسلمووو .. كلك ذووووووووق طيب ,.. يعني مايسوون تفتيش على هالشي ؟؟ وخلص اشتري اي لون وانا مطمنه ؟؟ عادي أي لون تنوره ؟؟ انا سألت موظفه مثل ماقلت لك قالت الي اي شي عادي ؟؟ >> وش قصتها بصراحه ؟؟؟ لأن اكو عامله ثانيه قالت ان التمريض متشددين على التمريض ؟؟ |
رد: هنا نستقبل استفساراتكم عن كلية التمريض بالدمام
العفوو حياتي ولو
واحنا ترى اول ما انقبلنا قالوا لنا التمريض متشدديييييييييييين وخوفونا من هالسالفة وفي البداية شرينا ابيض واسود بس بعدين لمه بدت الدراسة لاحظنا انهم مو متشددين نهائياً يعني اخذيها مني انا البس الوان في الجامعة :hahaha_2008: وبالتووفيق واي سؤال ثاني تفضلي :119: |
رد: هنا نستقبل استفساراتكم عن كلية التمريض بالدمام
^_^
يسلموووووووووووووووو الحين اطمنت وبشتري أي شي:cheese: بس .. مين قال لكم على اللبس ؟؟ اول ماجيتون او محد قال لكم ؟؟ بس على السنوات الماضيه تبعتوهم ؟؟ يعني مايعطون مخالفات ؟؟ >>> متخوفه بزياده هع هع:s11: البنات كلهم هناك الوان أكيييد ^_^ وجوالات الكاميرا ؟؟؟؟ شو أخبارها :cheese: مشكوووره خيتي بتعبك معي ؟؟ بس شنو اسوي هع هع |
رد: هنا نستقبل استفساراتكم عن كلية التمريض بالدمام
بالنسبة لنا قالوا لنا بنات السنوات الي راحت عن هالشي
وقررنا نلتزم ههههههه بس بعدين خلاص ماكو شي يعني عادي الوضع والمخالفات الحمدالله مامرة خالفونا على اللبس وجوالات الكاميرا الله يسلمج ممنوعة طبعاً والغالب يفتشون عليها في البوابة الرئيسية والعفووو حبيبتي ولا تعبتيني ولا شي وانا بالخدمة :) |
رد: هنا نستقبل استفساراتكم عن كلية التمريض بالدمام
امم أنا سمعت انوا يشددوا على اللباس الرسمي الأبيض والأسود من سنة ثانية وطالع في المعامل وإذا نزلوا المستشفى .. يعني احنا السنة يمكن يشددوا علينا .. بس انتو سنة أولى خذوا راحتكم .. << السنة الي فاتت مخالفة من أول يوم :cheese: بالتوفيق نيرسز .. |
رد: هنا نستقبل استفساراتكم عن كلية التمريض بالدمام
ايلاف ..
اقتباس:
مشكوووووووووووووره خيتي ^_^ ريم .. يسلموووووووو يعطيك العافيه ^_^ الا بقووووول .. ترى أنا توني متخرجه من مجتمع المدرسه >> مجتمع بسيط ؟؟ كلموووني عن المحاضرات وكم وقتها ..؟؟ وكم محاضره باليوم ؟؟ واخر محاضره الساعه كم ؟؟ >>> حتى اعرف شلون السواق بيكون دوامه معي .. |
رد: هنا نستقبل استفساراتكم عن كلية التمريض بالدمام
بالنسبة لإيلاف تقصد المخالفة على لون الملابس << لقافة لوووووول
حياتي ان شاء الله بنزل موضوع بالكثير اليوم وبكتب فيه كل شي يختص المحاضرات وطريقتها واسلوبها لاتشيلين هم :119: |
رد: هنا نستقبل استفساراتكم عن كلية التمريض بالدمام
اقتباس:
قصدي انوو السنة الي فاتت بالرغم الكلام اللي سمعناه عن الأسود والأبيض .. خالفت من أول يوم .. وماالتزمت فيه .. وهم بعدين قالوا لنا انو عاادي .. والله يبعد عنا وعنكم المخالفات .. :hahaha_2008: |
رد: هنا نستقبل استفساراتكم عن كلية التمريض بالدمام
طيب انا عندي سؤال ؟
:mh19: هل الكتب حنا نشتريها ولا الجامعة تعطينياها لاني سمعت ان بعض الاقسام يشترونها فما ادري اذا كان التمريض مثلهم:praying: |
رد: هنا نستقبل استفساراتكم عن كلية التمريض بالدمام
الصراحة انا عندي سؤال محيرني :mh19:
احنا نلبس بالجامعة كم قصير ولا لأ:mh19: |
رد: هنا نستقبل استفساراتكم عن كلية التمريض بالدمام
لان خالتي في جامعة الملك سعود تلبس بلوزة بكم قصير عادي عندهم
|
رد: هنا نستقبل استفساراتكم عن كلية التمريض بالدمام
اختي ؟؟؟؟
بالنسبة لسؤالج عن الكتب ففي بداية كل محاضرة راح تدخل الدكتورة وتكتب اسم كتابها وماعليج الا انج تشترينه من المكتبات سواء جرير او العبيكان وفي بعض المواد ما تحتاجون كتب بس تكتبون في المحاضرة مثل الأسلمك وفي مواد يعطونكم المحاضرات مطبوعة تطبعونها بفلوس من الكوبي سنتر الي بالكلية وبالنسبة للكم القصير اهوا ممنوع بس اشوف صراحة بنات يلبسون وماحد كلمهم على العموم كليتنا باردة كثير يستحسن داخل الكلية تتدفين لووووووول وحياج الله :119: |
رد: هنا نستقبل استفساراتكم عن كلية التمريض بالدمام
شكرااااا :119:
يسلمووووووووو |
رد: هنا نستقبل استفساراتكم عن كلية التمريض بالدمام
ريم حبيتي
اذا ما عليك امر ممكن تقولين لي اسماء بعض الكتب :mh19: لاني الصرااااااااحة خايفة مررررره <<<<يعني بسوي دفره وأقراها :066: |
رد: هنا نستقبل استفساراتكم عن كلية التمريض بالدمام
حبيبتي صدقيني
لو اقولها لج الحين ماراح تستفيدين لأنه اولاً مو كل الجباتر الموجودة بالكتب راح ندرسها بس جزئية بسيطة منها فراح تضيعين ويمكن تقرين أشياء ماراح تدرسينها ولا تستفيدين بنفس الوقت شي ما انشرح لج ماراح تفهمينه بس من قرايه الكتاب لأنه كتبنا كبيرة وتضيع شوية فأنتي ورايج لو حبيتي بكتب لج اسماء كم كتاب :) |
رد: هنا نستقبل استفساراتكم عن كلية التمريض بالدمام
تدرين عا د خلاص شورك وهدايت الله
لاني الصراحة كنت خايفة بس يلا الله يوفق الجميييع :praying: اميييييييين :s12: |
رد: هنا نستقبل استفساراتكم عن كلية التمريض بالدمام
لا تخافين مافي شي يخوووف
واول ما تبدأ الدراسة راح تتعودين على الوضع :) |
رد: هنا نستقبل استفساراتكم عن كلية التمريض بالدمام
مرحبا مشكووووووورين وربي يعطيكم ألــــ1000 ـــف عافيه ماقصرتوا أنا كان عندي أسئلة بس البنات سبقوني وانتوا ماقصرتوا:119: مشكورين مره ثانيه |
رد: هنا نستقبل استفساراتكم عن كلية التمريض بالدمام
العفووو حبيبتي
واي شي تحتاجينه سألي ولا يردج الا لسانج :) |
رد: هنا نستقبل استفساراتكم عن كلية التمريض بالدمام
ريووومه قلبي انا عندي سؤال ؟؟؟؟!!!!!!!
<<<<< تحس وحده داخله عرض :g4: احنا بننزل المستشفى السمستر الأول والا الثاني ؟؟؟ انا سمعت يقولوا تبع المنهج الجديد وبما انو عندنا فاندامنتالز يعني راح ننزل من السمستر الأول صح؟؟؟!!! ياليت تجاوبيني سو سويتـــ:g2: |
رد: هنا نستقبل استفساراتكم عن كلية التمريض بالدمام
ياهلا حبيبتي
انتي من دفعة 2009؟؟؟ بالنسبة لنزلة المستشفى راح تكون في سنة ثانية السمستر الثاني وبالتوفيق واي سؤال انا حاضرة :) |
رد: هنا نستقبل استفساراتكم عن كلية التمريض بالدمام
لالالالا ريووم ولو انا من دفعة 2008
بس مو راح ندرس fundamentals .. واللي اعرفه انو هالمادة فيها عملي...<<<<< ودها تنزل المستشفى:119: |
رد: هنا نستقبل استفساراتكم عن كلية التمريض بالدمام
ليش لا
:mh19: |
رد: هنا نستقبل استفساراتكم عن كلية التمريض بالدمام
ياهلا والله لوووول
شسوي والله ماشاء الله عليهم بنات 2009 كثار والله ياحياتي المعلومات الي عنده انه نزلة المستشفى بتكون في السمستر الثاني ترى في التأني سلامة لووووووووول الله يوفقكم :119: |
رد: هنا نستقبل استفساراتكم عن كلية التمريض بالدمام
سلااام مشكورة على الموضوع. انا عندي سوال..! انا انقبلت الحمد لله تمريض بفيصل السنه ..:cheese: ورحت الجامعه وقدمت اوراقي كلها وعطوني الورقه الي للمستشفى وسويت الفحص وكلشي تم والحمد لله المهم الجامعه ما عطوني غير نسخه من ورقة المستشفي وقالوا لي خلاص... سؤالي : في شي يعني غير الي انا سويته ؟؟ في اوراق، او بطاقه يعطونا اياها او شي؟؟ يعني مع بداية الدوام اول يوم اذا رحت الجامعة شسوي؟؟:mh19: |
رد: هنا نستقبل استفساراتكم عن كلية التمريض بالدمام
وعندي سؤال ثاني : الاعلان الي في موقع جامعة فيصل (دليل التسجيل للفصل الدراسي الاول)...(http://www.kfu.edu.sa/reg%2D1429/) مو فاهمه منه ولاااا حااااجه.. يعني هذا لنا ولا للسنوات الي قبلناا ولا ايش.. وشنو البانر .. يخص سنى اولى ولا ايش |
رد: هنا نستقبل استفساراتكم عن كلية التمريض بالدمام
ياهلا والله فيج عزيزتي
في موضوعي الي يخص طالبات دفعة 2009 فيه اجوبة لكل استفساراتج وشنو بتسوين اول يوم وغيرها ولو شي مو فاهمته سألي عنه وانا بجاوبج وبالنسبة لخطة التسجيل وتأكيد التسجيل لا هاذي ماتخصكم تخصنا احنا سنة ثانية وطالع بس انتوا بدري عليه واي سؤال انا حاضرة :119: |
رد: هنا نستقبل استفساراتكم عن كلية التمريض بالدمام
هاي جماعة أنا عضوة جديدة:cheese: و حبيت أسألكم سؤال:g2: سنة أولى {فريش يعني} ما راح يسجلون الجدول:confused::confused: |
رد: هنا نستقبل استفساراتكم عن كلية التمريض بالدمام
ياهلا حبيبتي
بالنسبة لسنة اولى الحين مالهم تسجيل جدوال بس دخلي موضوعي الي يخص دفعة 2009 الي اهي دفعتكم وبتعرفين كيف يكون نظام ادخال المواد لكم والي اهو انه الجامعة مع بداية السنة بيعطونكم ارقام السي آر ان للمواد الي راح تدرسونها ان شاء الله ويعطونكم فترة علشان تدخلونها في نظام البنر وبيشرحون لكم كل شي لا تحاتين الحين ماعليكم شي ولا تسووون اي شي ارتاحوا إلى بداية السنة وبالتوفيق :) |
رد: هنا نستقبل استفساراتكم عن كلية التمريض بالدمام
السلام عليكم
حبيت أسأل الحين انا رايحه سنه ثانيه متى يطلعونا على المستشفيات في السمستر الأول أو الثاني؟؟؟ ويكون لون اللاب كوت رصاصي صح؟ |
رد: هنا نستقبل استفساراتكم عن كلية التمريض بالدمام
في السمستر الثاني حبيبتي
واللاب كوت يكون ابيض ناصع << دعاية تايد :hahaha_2008: بالتوفيق :119: |
رد: هنا نستقبل استفساراتكم عن كلية التمريض بالدمام
مشكووره حبيبتي ريم : )
|
رد: هنا نستقبل استفساراتكم عن كلية التمريض بالدمام
هـــــــــــاي بنات :119:
كيف راح يكزن وقت محاضراتنا واحنا نسوي جدولنا ولا لأ؟ :mh19: |
رد: هنا نستقبل استفساراتكم عن كلية التمريض بالدمام
اقتباس:
اهلين اختي ؟؟؟؟ الجداول عادة ينزلونها الكلية بداية الدراسة .. بس أنتوا عليكم تسجلوا المواد في البانر .،، وأكيد راح يعلنوا لكم كيفية التسجيل للمستجدات .. ومتى راح تكون متاحة .. بالتوفيق ان شاء الله .. :119: |
رد: هنا نستقبل استفساراتكم عن كلية التمريض بالدمام
سلام ...(((مبارك عليكم الشهر و رمضان يجمعنا)))))
اني انقبلت في الفيصل هالسنه .. وعطوني صوره من ورقة الستشفى .. وخلاص يعني اروح بها اول يوم دراسه <<<<<>>>>>كم تاريخ اول يوم دراسه؟؟؟؟ 1**بطاقة الاحوال الشخصيه ضروريه لو لا؟؟؟؟؟؟ 2**واذا خلصنا دراسه وين نشتغل وكيف؟؟؟؟؟؟ 3**سمعت انه في نظام تبع ارامكوا نهاية السنه الثانيه للمتفوقين ويش قصته ؟؟؟؟ واسفه على الازعاج احس اني كثرت عليكم بالاسئله و عدبتكم وياي الله يعيكم العافيه ويطول اعماركم ويخليكم لينا على طول.... تحياتي ###flawar### |
رد: هنا نستقبل استفساراتكم عن كلية التمريض بالدمام
اهلين اختي flawar .. مبروك على القبول .. والله يوفقك يارب .. بالنسبة لأسئلتك .. وعطوني صوره من ورقة الستشفى .. وخلاص يعني اروح بها اول يوم دراسه <<<<<>>>>>كم تاريخ اول يوم دراسه؟؟؟؟ امم اخذي الورقة من باب الأحتياط .. مااتذكر احد سألنا عنها بس كنت ماخذتنها علشان رقمي الجامعي مو حافظتنه :hahaha_2008: بداية الدراسة يوم السبت 11 / 10 1**بطاقة الاحوال الشخصيه ضروريه لو لا؟؟؟؟؟؟ امم عادي .. اذا ماكانت عندك راح تستخدمي بطاقة العائلة .. يعني مو شرط أساسي :lllolll: **واذا خلصنا دراسه وين نشتغل وكيف؟؟؟؟؟؟ امم لما تتخرجي بإذن الله بتكوني خريجة بكالريوس تمريض .. تقدري إما تشتغلي بمستشفى .. أو تقدري تدرسي بوحدة من كليات التمريض .. وتقدري تكملي دراسات عليا .. ماجستير ودكتوراة .. والخيار لك أكيد .. :119: 3**سمعت انه في نظام تبع ارامكوا نهاية السنه الثانيه للمتفوقين ويش قصته ؟؟؟؟ برنامج ارامكو .. - حسب معلوماتي - انهم ياخذوا عدد من الطالبات بشرط يكون معدلهم عالي .. ضمن البرنامج .. يكون لهم تدريب صيفي في مستشفى آرامكو .. والسنة التدريبية تكون هناك .. أتمنى أكون أفدتك .. واذا عندك اي استفسار لا تترددي بطرحه .. بالتوفيق ان شاء الله .. |
رد: هنا نستقبل استفساراتكم عن كلية التمريض بالدمام
الله يعطيج العافيه ايلاف
********** |
رد: هنا نستقبل استفساراتكم عن كلية التمريض بالدمام
مشكورة إيلاف حبيبتي
ماقصرتي وفيتي وكفيتي واحنا بالخدمة بنات :119: |
رد: هنا نستقبل استفساراتكم عن كلية التمريض بالدمام
:119:ااااااااااااام مو عارفه شنو اقول بس انا جديده اقرىء اكثر شي وبلاخير اسال انا قريت كلشي والحمد الله استفدت كثير من هذا المنتدى والفضل يرجع للمشرفات الحبوبات بس حبيت اسال اختي ريم عن السكن اهي قالت في سكن جامعه وانا اعرف هي من الاحساء وتدرس بالدمام ابي اسالج انتي ساكنه بسكن الجامعه ولا خاص وبشنو تنصحيني اسوي لان حالتي من حالتج انا من الاحساء وخايفه مادري وين اروح :Cry111: احس اني يتيمه << كبرت السالفه هههههههههههه المهم وعندي سؤال ثاني انتوا قلتوا البس اسود وابيض وبعدين تقولون لبسوا الوان ونص اكمام ابي اعرف :mh19: ارسى على شنو الوان ولا ابيض واسود واذا الوان شنو الالوان بالضبط واسفه على الاطاله
|
رد: هنا نستقبل استفساراتكم عن كلية التمريض بالدمام
ياهلا والله حبيبتي نجووود
نفس الحالة ها؟؟ لوووووووول مايخالف بس بداية السنة بتسوين فلم هندي وتقولين ابي بابا ابي ماما لووووووول شوفي حبيبتي بالنسبة لي سنة اولى قضيتها في بيت احد معارفنا في الدمام بعدين قدمت اوراقي لسكن الطلابات الجامعي وكل ما اروح يقولون لي مافي مكان ولا بعد يطلع لي والحمدالله طلع لي على السنة الجاية يعني راح اسكن فيه من السنة الجاية انتي تلاحقي روحج من اول ما تبدا الدراسة روحي عمادة شؤون الطالبات وقابلي مسؤولة السكن الي اهي رباب عبدالهادي او وحدة ثانية والله ناسية اسمها وطبعاً الأوراق المطلوبة اول شي صورة من بطاقة العائلة ورقة فيها طلب من ولي امرج انج تلتحقين بالسكن الجامعي وموافقته وثالث ورقة تكون من عمدة الأحساء فيها اقرار انج من سكان الأحساء وعاد روحي وتعالي لمه تطلع لج غرفة وبالنسبة للملابس حبيبتي بالنسبة لسنة اولى وجذي عادي لبسي نص كم والوان وكل الألوان عادي مايقولون لنا شي بس طبعاً لو بعدين بديتوا تروحون المستشفى وتطبقون لازم تلتزمون بالزي الرسمي واتمنى اني افدتج حبيبتي واي سؤال لا يردج الا كيبووووردج :) |
رد: هنا نستقبل استفساراتكم عن كلية التمريض بالدمام
ســــــلام ..
نجود حبيبتي .. خايفه عليك بصراحه .. خلصي هذي الأوراق في الاجازه الا بسأل .. اقتباس:
واذا الزي الرسمي الخاص بطالبات التمريض الابيض والاسود عشان المستشفى ليش طالبات العلوم الطبيه والطب موب كذا ؟؟ >>>>> بس قضووول ههههههههه احس قربت الدراسه وقرب الرعب وياها ههههههههه الا بسأل كم وقت لبريك ؟؟ وهل يتوافق مع طالبات العلوم الطبيه والطب ؟؟ وهل المباني قريبه من بعض ؟؟ >>> متعقده شوي ؟؟ بس لأني مااعرف حد بالتمريض ههههههه |
رد: هنا نستقبل استفساراتكم عن كلية التمريض بالدمام
سسسسسسسوووووووووووووري دخلت عرض عليكم
:hahaha_2008::hahaha_2008::hahaha_2008: بس حبيت اسئل للحين انا تايهة ومو عارفة ايش هو الزي الرسمي حاليا سمعت يقولون ان الزي عادي اي تنورة واي بلوزة او قميص بس يكون ساااتر ويقولون ان لازم تدخلين لموقع الجامعة عشان تحددي ايش هي المواد اللي راح تدرسيهااا ولازم تاكيد التسجيل وماعرفت صلا اول يوم من وين راح ندخل وايش هو المبنى وربي تاااااااااايهة:bawling::bawling: ياريت احد يساعدني:s12: |
رد: هنا نستقبل استفساراتكم عن كلية التمريض بالدمام
ياهلا فيكم
ايموووو بالنسبة لروحة المستشفى راحت تكون من سنة ثانية ان شاء الله وبالنسبة للزي الرسمي راح يكون تنورة بيضا وسودة ولاب كوت ابيض وحذاء ابيض وانتي بكرامة طبعاً هذا خاص لبنات التمريض وبالنسبة لوقت البريك اهوا موحد لجميع الكليات واهو ساعة وحدة من الساعة الثانية عشر ظهراً حتى الساعة الواحدة ظهراً يعني اهو للصلاة وفسحة <<<كح كح غبار فسحة :lllolll: ولاتخافين حبيبتي شوي شوي بتتعرفين على البنات وانا في الخدمة لو احتجتي اي مسااعدة ،،،،،،،،، شرقاوية موت جاية لج الحين :119: |
رد: هنا نستقبل استفساراتكم عن كلية التمريض بالدمام
ياهلا والله فيج شرقاوية في ملتقى كلية التمريض
بالنسبة لسؤالج الاول عن الزي في سنة اولى عادي لبسي اي شي بس اهم شي تنورة وبلوزة البلوزة عادي اي لون واي شكل وعادي لو كانت كم قصير وجذي والتنورة اهم شي ماتكون قصيرة وفيها فتحات وبالنسبة للزي الرسمي الي راح تمشين عليه اهوا لمه تروحين المستشفى في سنة ثانية فما فوق ان شاء الله واهوا عبارة عن بلوزة بيضا وتنورة سودا ولاب كوت ابيض وحذاء ابيض هذا بالنسبة لسؤالج الأول سؤالج الثاني عن التسجيل وتأكيد التسجيل وهذا يختص لسنة ثانية فما فوق يعني انتوا الحين ماراح تسوون شي كل الي عليكم تروحون الجامعة وان شاء الله بأول اسبوع راح يقسمونكم على قروبين ولكل قروب جدول فيه ارقام السي آر ان للمواد كل الي عليج انج تدخلين هالأرقام عن طريق نظام البنر لأنهم راح يفتحون لكم نظام البنر اول اسبوع دراسة ولمعرفة تفاصيل اكثر تابعي هالرابط http://www.ckfu.org/vb/showthread.php?t=17226 واي سؤال ثاني انا حاضرة وموجودة :119: |
رد: هنا نستقبل استفساراتكم عن كلية التمريض بالدمام
امممممممممممممممم:mh19:
يعني باول اسبوع نختار المواد لان بنت خالي بتخصص نظم معلومات تقول انها دخلت على نظام البنر واختارت المواد وتقول لازم ادخل قبل الدراسة عشان لا اتاخر ؟؟؟؟؟؟؟؟؟؟؟؟؟؟ |
رد: هنا نستقبل استفساراتكم عن كلية التمريض بالدمام
حبيبتي نظام كليتنا غير
انتي ما تختارين المواد المواد موضوعه من قبل الأدارة من قبل حسب الخطة الدراسية واذا بدت الدراسة تسجلينهم بالسي آر ان احنا وضعنا اسهل من الكليات الثانية :) |
رد: هنا نستقبل استفساراتكم عن كلية التمريض بالدمام
مشكوره خيتي ريم .. ماتقصرين
الا بقول شنو السي ار ان ؟؟ >>> :t1: افشل :mh19::cheese: انا قلت لصديقتي عن نظام الجامعه ززي ماقلتي .. بس هيه تقول لي لا نظام السنه غير ولازم تأكدين التسجيل ومدري شنو .. وقالت لي يبدأ التأكيد تاريخ 8 /11 >> يعني هالكلام مافيه شي من الصحه تعبناك والله ..:s11: بس انتي كذا :g8: الله يوفقك يارب:praying: |
رد: هنا نستقبل استفساراتكم عن كلية التمريض بالدمام
العفو حبيبتي
صدقيني مافي شي بهالخصوص واحنا السنة الي راحت كنا نحاول نسجل وسجلنا من نفسنا وطلع كل تسجيلنا غلط لأنه لازم تداومين علشان تاخذين ارقام السي آر أن من الجامعة للقروب الي انتي فيه يعني انتي الحين ماتدرين بتكونين في اي قروب فعلى أي اساس راح تسجلين موادج الحين انتي اذا بدت الدراسة الأسبوع الجاي ان شاء الله راح يشرحون لكم كل شي لاتحاتون ولا تشغلون بالكم لأنه احنا كنا نفكر حالنا من حالكم فسجلنا من ارقام السي آر ان الي موجودة في الموقع وطلع كل تسجيلنا غلط لأنه لازم تاخذين الأرقام الخاصة بقروبج طبعاً بالنسبة لسؤالج عن ارقام السي آر ان بحط لج جزئية من موضوعي ((دفعة 2009 كل ما يختص عن دراسة التمريض )) ماهي أرقام الـ crn ؟؟ لكل مادة دراسية في لها رقم خاص فيها .. وطبعاً لازم تسجلون هالمواد في نظام البنر في موقع الجامعة عن طريق ادخال رقم السي آر أن الخاص بهالمادة .. ولمه يصير حزتها بعلمكم بكل شي .. طريقة التسجيل .. وغيرها وغيرها .. طبعاً لازم تنتبهون لشغلة .. ارقام السي آر أن للقروب الأول تختلف عن ارقام السي آر أن للقروب الثاني فلازم تاخذون الأرقام الخاصة بالقروب الي انتوا فيه .. طبعاً الجداول مختلفة بين القروبين من حيث اوقات المحاضرات وغيرها وغيرها .. وهذا رابط الموضوع علشان تستفيدين اكثر لو ماقريتيه http://www.ckfu.org/vb/showthread.php?t=17226 واي سؤال ثاني تفضلي وانا في الخدمة ولا تشيلين هم وبالتوفيق :) |
رد: هنا نستقبل استفساراتكم عن كلية التمريض بالدمام
عيدكم مبارك
عندي سؤال عن الدواااااااااااام من الساعه كم الى الساعه كم ؟ |
رد: هنا نستقبل استفساراتكم عن كلية التمريض بالدمام
على حسب عدد محاضراتج
وهالشي يترتب على جدولج بس العادة تبدا المحاضرات الساعة ثمان الصبح وفي سنة اولى السمستر الأول يمكن يومين بالأسبوع تطولين إلى الساعة ثلاث العصر وبالتوفيق :) |
| All times are GMT +3. الوقت الآن حسب توقيت السعودية: 08:16 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه