سؤال

[السمر]

هلا اختي
اني سجلت فيها عن طريق النت ..
وعلى المقابله ..بالنسبه الى اسالتهم ويش اخر الاخبار في التلفزيون ..ويش اسم وزير الصحه؟؟<<<خوش ورطه
يعني يبغوا من اي ناحيه بالنسبه لاخبار التلفزيون؟<<<<واذا تقدري جاوبي على السؤال بس علشان اكون على بينه واعرف ويش اجاوب لو سالوني
وبعد بما انش تدرسين هناك يعني سالتي بنات عن مقابلاتهم الشخصيه يعني فيه اساله متكرره؟<<ويش هم
تحياتي

[متأمله بالله]

اهلين
ياليت بس تعلمونا شنو هالاسئله وكيف تجاوبون عليها ؟!!
شنو ااخر الاخبار بالتلفزيون !؟ من جدكم !! :o3:
بشنو تجاوبون !!!!:t1:

[موهبة]

أممم

أنصح ولا مانصح ! أممم

بعتمد على قناعة البنت وطموحها واهي ايش تبي ..

اذا انتي تبي روحي اذا انتي ما تبي لا تروحي ..

يتفاوت من بنت لبنت

_

بخصوص المقابله ؟

الهدف منها مش أنك تجاوبي على السؤال .. لا

الهدف منها طريقة تعاملك مع السؤال وثقتك من نفسك وصراحتك


يعني مثلا قالوا لك ايش اسم وزير الصحه ؟ وانتي ما تعرفيه .. لا تلفي وتدوري .. قولي الصراحه وبكل جرأه وأدب ( ما اعرفه )

_
بالتوفيق

[السمر]

هلا
مااحد جاوب على السؤال الثاني ... ويش اخر اخبار التلفزيون؟
يعني عادي نجاوب بلي نعرفه وبثقه حتى لو كان خرابيط؟
تحياتي

[بنت أمها وأبوها]

بصراحه اني لما انسالت جاوبت عادي يعني الي صاير بشكل عام مثلا انا كانت فترة مقابلتي مقتل الزرقاوي وكان الملك عبد الله جاي الشرقيه يعني بشكل عام
وسالتني عن درجتي في الانجليزيه وليش جايبه بس هالدرجه لان كانت 89 بس قلت اليها ما تعني شيء الدرجه لان الانسان ربما يتعرض الى ظروف فدرجة الورق ماتعني شي وناس سالوهم وش اسم مرض فقر الدم المنجلي وقالوا سكن سل او سكر سل وما مشوها اليهم قالوا هدولا حابين مجال الصحه وماينطقوها فمفروض تصير عدكم خلفيه
وثاني حاجه صيروا واثقين من انفسكم زي اني لما سالتني عن اختياري التمريض وانه مجال مختلط رديت وبطلاقه ان الانسانه العفيفه الشريفه لو كانت بين مليون رجال وتبغى تصون شرفها مو مشكله عدها واختياري الى التمريض لان الطبيب مهما كانت شهادته يضل بحاجه الى شي يكمل مهنته والي تقوم بالشي الممرضه
فا اهم شيء الثقه ولا تبينوا اليهم انكم خايفينيعني ادخلو ةالابتسامه شاقه اشافيكم وارفعوا روؤسكم ووثقوا بحالكم وصحيح يمكن تسالش عندش احد يشتغل او يدرس في مجال صحي يعني ترى اسئلتهم ما تخوف ونفس اساتدتنا طيبين ومتعاونين وانشاء يمسكوكم خواتنا الي منا وفينا وبيتحملوا بكم زين وموفقين

[السمر]

هلا بنت امهاوابوها
بس يعني لو سالوني عادي اوقف شوي علشان افكر في الجواب ولا يبغونا على طول نجاوب
تحياتي

[بنت أمها وأبوها]

ما ادري ليش غناتي مخوفه حالش بحالش عزيزتي أذا كان لش نصيب في هالكليه بتاخديه يعني على قول ماماتي لو تجري جري الوحوش غير رزقك ماتحوش يعني انتي سالتي وقلتي عادي انش تفكري هم مابيسالوكم الاسئله الي مره معقده حتى بتفكري وزي ما قالت اختي موهبه انهم يعتمدوا على ثقتش
مثلا اني درست مادة اساسيات التمريض وهالماده فيها جزء عملي واستاذاتنا يعتمدوا على ثقتش ويحطوا الدرجه وفي شغله بعد مفروض انش تتحيلي عليهم <<من له حيله فليحتال يعني افرضي سالوش منهو وزير الصحه وانتي ما تعرفيه وضحي اليها ان انتي اذا انقبلتي بيصير الاسم عندش بصمه ومابتنسيه وان عدم جاوبش الى السوال ما يحتم عليش عدم القبول ووضحي اليه ان التمريض رغبه ومهما كان الشخص مو راغب اليه ان يتقن فيه زي مثلا الطب عمره ما كان يعتمد على نسبه او اختبار تحصيلي او غيره بالعكس في اشخاص يحبوا الشيء من وهم صغار فيكبروا ويبدعوا في الشيء
يعني انتو بطريقتكم تعرفوا تخلصوا حالكم من مأزقكم وموفقين ياغناتي

[السمر]

مشكوره بنت امها وابوها
انتين كذا رفعتي من ثقتي شوي بس زي ماقلتي متخوفه شوي
تحياتي