|
رد: بخصوص التسجيل
يا عسل ما اعرف و الله اسم الشارع بس معروف موقعها ما يضيع و اذا رحتي السبت بشرينا انا يا عسل رحت الاسبوع هدا يمكن الاربعاء اخذت معايا شهادة الثانوية العامة صورة اهم شي النسبة مو اقل من 75 و قدرات مو اقل من 60 و تحصيلي مو اقل من 55 اذا كنتي علمي و خذي كمان صورة من حسن السيرة و السلوك و صورة هويتك بالنسبة للرسوم الموظفه ما قالت لي شي بس سألتني عن التخصص انا اخترت مساعد طبيب اسنان و نصيحه لا تآخذي تمريض لانه حسب القرار التخصصات محدده و اخذت رقم جوالي و نبهت عليا اني ارد لانها قالت في اي لحظة يفتح الموارد راح نرسل الاوراق و نتصل عليكي لما تدخلي الاكاديمية عندك غرفة ع اليسار فيها موظفتين هم اللي مداومين و ما اتوقع يقفلو السبت لاني كنت شايفتهم يختمو شهادات الامتياز يعني لسى عندهم شغل اي سؤال انا حاضرة و الرقم اللي اتصلت عليه اذا ينفع اكتبه هنا او ارسله خاص اذا مو عندك و اذا قفلو في وجهك عادي تراهم طفشانين من الدوام صارت لي من قبل :lllolll: |
رد: بخصوص التسجيل
نسيت اقول درجة القدرات و التحصيلي اطبعيها ما يكتفو بالكلام لازم ورقة تثبت انا طبعت الدرجات من صفحة قياس على ورق a4 و اخذته معايا |
رد: بخصوص التسجيل
اقتباس:
هذي مسوستي صقيقتي ...الله يجزيها خير ماتقصر بعدي ..موفقه حبيبتي والله تدري تقتلك يالفاصل ... إلا كيف الامتياز معك ؟؟؟ |
رد: بخصوص التسجيل
حنونه بطبعي شششكرا على ردك
و انشاء ابلغك الي حيسير معايا انا ابى ادخل دبلوم عشان نسبتي اقل من 75 و حختار مساعده طبيب اسنان عشان القرار بس انشاء يكونو فاتحين حدق قبل ما اروح اتأكد |
رد: بخصوص التسجيل
عارفه الشارع الا في الشوقية الا فيه متجر المستهلك
يكون المستهلك على يسارك طولي شويه تلاقي صيدليه دان مقابلها بلظبط في شارع في شارع على يساره محطه بنزين تدخلي من الشارع وتطولي ال توصلي الطلعه الاكاديميه هناك اتمنى انه وصفي يكون واضح اذا ماعرفتي فين شارع المستهلك اسألي اي احد في الشارع وهو يقولك ياعسل وبالتوفيق:(204): |
رد: بخصوص التسجيل
اعرف شارع المستهلك و صيدليه دان فهمت عليكي انشاء الله اوصل بسلامه خخخخ
ششششكرا حبيبتي ما قصرتي |
رد: بخصوص التسجيل
استناكي بكره و طمنيني ايش سويتي و اذا انقبلنا نتواصل اكثر و نفيد بعض ان شاء الله .. |
رد: بخصوص التسجيل
اووكي ان شاء الله
|
رد: بخصوص التسجيل
ررررررحت الحمدلله المكان ما يضيع
دخلت قالتلي تسجيل موارد قلت ايوه قالت كم نسبتك قلت 71 قالت لا ما نقبل الا 75 و اعلى قلتلها طيب على حسابي قالت لا تتكلم من راس خشمها مدري على ايه شايفين نفسهم وججع اليوم حدق على معهد الشفاء اشوف كم نسب القبول عندهم |
رد: بخصوص التسجيل
رغم انو في موقع الموارد البشريه كاتبين انو الدبلوم لازم معدل الثانويه ما يقل عن 65
http://news.hrdf.org.sa/overview/%D8...9%88%D9%85.pdf |
| All times are GMT +3. الوقت الآن حسب توقيت السعودية: 09:33 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام