ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   منتدى الأكاديمية الدولية للعلوم الصحية (https://vb.ckfu.org/f88)
-   -   الترم التاهيلي وإمتحان الهيئه (https://vb.ckfu.org/t21582.html)

غروده 2008- 10- 15 01:22 PM
الترم التاهيلي وإمتحان الهيئه
 

مرحبــا .. مساكــم عسـل

ودي تعطونـي نبذه عن امتحـان الهيئه السعوديه للتخصصات الصحيه ..!! للي جرب الامتحـان ..!!!
وياليـت بعد الي درسو تأهيلي يعطونـي نبذه عن دراسه التأهيلي بشكـل عام .. :119:

دمتـم بود ومحبه .. :love080:

ديمــا 2008- 10- 15 02:15 PM
رد: الترم التاهيلي وإمتحان الهيئه
 
ان شالله يفيدوونك البنات

لان مثلك تاهيلي


وليت تخبرونا دراسه بالعربي والا كلوو انجليش:011:

غروده 2008- 10- 15 03:10 PM
رد: الترم التاهيلي وإمتحان الهيئه
 
انا الي اعرفه منكم ان الدراسه تحتوي على المواد العلميه مثل الرياضيات و الله يكفينا شر الرياضيات :000: والكيمياء والفيزياء والاحياء يعني هذولي بس ولا فيه زياده مثل الانجليزي والحاسب !!! وكيف دراسه هذي المواد هل هي دراسه عامه كمبادئ ولا دراسه متعمقه !!! وكيف المحاضرات اذا الدوام من 8 الى 2 وخمس ايام بالاسبوع ومعي اربع مواد شلون تقسيمها !!
طبعاً السؤال موجـه للي مرو بالسمستر التأهيلي يعني ابي الاجابه من شخص مجرب وفاهم الشغله ..

الشي الثاني امتحان الهيئه عباره عن ايـش بالضبط !! وكيف يكون اختياري او اسئله وحنا نحلها الخ ..

اتمنى الافاده ..

مشكوره ديمـا الله يوفقنا هالترم .. :119:

توتة بنفسجية 2008- 10- 15 03:20 PM
رد: الترم التاهيلي وإمتحان الهيئه
 
هلا

معقولهـ مافي حد مر بالتأهيلي ؟؟

أنا مثلكم تأهيلي
بس ما اتوقع كل شي بالانجليزي
معقولة الرياضيات يشرحونه بالنجليزي

بس مدري والله ؟
:000:

غروده 2008- 10- 15 04:04 PM
رد: الترم التاهيلي وإمتحان الهيئه
 
توته انتي معي تأهيلي بالدمام والظاهر مافيه بالكلاس الا انا وانتي للحيـن :hahaha_2008:
أتمنى يمر على الموضوع شخص درس التأهيلي ويفيدنـا قبل خوض التجربه :cheese:

ديمــا 2008- 10- 15 04:08 PM
رد: الترم التاهيلي وإمتحان الهيئه
 
ياليت احد يفيدنا


:011:


يكفي متوتريييين

قموورة أنا 2008- 10- 15 07:03 PM
رد: الترم التاهيلي وإمتحان الهيئه
 
وانا بعد مثلكم تأهيلي

بس سألت بنات درسوا التأهيلي انه مثل ماقلتوا مواد علميه رياضيات ,فيزياء,كيمياء,أحياء,إنجليزي والدراسه بالعربي طبعا وقالوالي ان بنصير مضغوطين ايام الدراسه.
وإختبار الهيئه كل المواد بيوم واحد وبساعتين بس عباره عن 80 سؤال كلهم أختيارات.ونسبة النجاح الصغرى 50% وعلى حسب كل سنه غير عن اللي قبلها.

والدوام على حسب الجدول أيام الى 12 وأيام 2

بالتوفيق للجميع

ديمــا 2008- 10- 15 07:26 PM
رد: الترم التاهيلي وإمتحان الهيئه
 
قمووووره يووووه احس صعب كذا يرحم ايام الثانوي


دام كلها بيوم واحد افلحنا عزالله

الله يعين بس وزود على كذا مضغوطين

:000::011:

غروده 2008- 10- 15 08:01 PM
رد: الترم التاهيلي وإمتحان الهيئه
 
تسلميــن ياقموره .. الله يعطيك الف عافيه عالمعلومات هذي ..!!
بنات ليش خايفين انشالله تساهيـل يارب انا احس انه كويـس انه الاختبار بيوم واحد لكل المواد خصوصاً دام ان الاسئله عباره عن خيارات هذا يقرب لك الاجابــه ويسهل عليـك .. وبالنسبه للدوام الحمدلله اثلجتي صدري يوم قلتي انه في ايام لين 12 وايام لين 2 يعني فيه تغيير شوي .. بنـات كلنا تأهيلي سواء كنا بنفس المنطقه او بمناطق مختلفه راح يجمعنا منتدى واحد راح نساعد بعض فيه ونتشارك المعلومات والاسئله انشالله .. :119:

بالتوفيـق للجميـع

توتة بنفسجية 2008- 10- 15 08:02 PM
رد: الترم التاهيلي وإمتحان الهيئه
 
الله يعين:000:

غروده 2008- 10- 15 08:15 PM
رد: الترم التاهيلي وإمتحان الهيئه
 
آميـــــــــــــــــــــــــــــــــن :D

توتة بنفسجية 2008- 10- 15 08:28 PM
رد: الترم التاهيلي وإمتحان الهيئه
 
كلام غروده يطمن :mh19:

غروده 2008- 10- 15 08:40 PM
رد: الترم التاهيلي وإمتحان الهيئه
 
توكلـي على الله .. من توكل على الله انشالله مايخيــب :119:

ديمــا 2008- 10- 15 08:51 PM
رد: الترم التاهيلي وإمتحان الهيئه
 
تسلمين غروووووود

الله يعين على كل حاااااال:011:

مدور خير 2008- 10- 15 08:59 PM
رد: الترم التاهيلي وإمتحان الهيئه
 
بعطيكم نبذه بسيطه طبعا مااعرف عن دوام البنات بس اما الباقي كالاتي

اولا تدرسوا رياضيات و فيزياء وكيمياء واحياء وكلها بالعربي دروس اول ثانوي وثاني وثالث بس مبسطه

ثانيا تدرسوا انجليزي ((( طبعا بالانجليزي ههههههههههه ))) وتراه سهل

بالنسبه للاختبار اهم شئ تجاوب صح على 40 سؤال من 80 وتنجح ولك محاولتين بس يعني الي مانجح بالاول يعملوا له اختبار جديد بعد اسبوعين يعني فيه امل ههههههههههه وسمعت ان الاختبارات تكون نفس الاسئله وسهله بس المهم تعرف تحط الاختيار الصحيح في ورقة الاجابه ((( الامتحان كله اختيارات سؤال واربع اجابات ))) واهم شئ التركيز ,,,,,,,,,,,,, وشكرا

زهقانه 2008- 10- 15 10:02 PM
رد: الترم التاهيلي وإمتحان الهيئه
 
<< نفس الحاله

:000:

احرجتني دموعي 2008- 10- 15 11:06 PM
رد: الترم التاهيلي وإمتحان الهيئه
 
تفائلوا بالخير تجدوه انا برغم انهم صعبوها عليه الا اني متفائله

لأني احب هالمجال عشان كذا تشجعت :066:

ومهما كان صعب نشد حيلنا شوي وربي بيسرها

يارب يوفق الجميع ويعطي كل واحد على قد نيته ويسعدكم :praying: ,,

غروده 2008- 10- 16 12:20 AM
رد: الترم التاهيلي وإمتحان الهيئه
 

صباح الـورد للجميـع

مدور خيـر يعطيك الف عافيه عالمعلومات الجديده من ناحيه إن الاختبـار ممكن يكون فيه محاولتيـن هذا الشي مره ممتاز وانشالله ما نحتـاج للمحاوله الثانيه
يعطيــكم الف عافيه اخواني واخواتي على التفاعل والأفاده بالموضوع وأتمنى للجميـع من اعماق قلبي التوفيــق بإذن الله
ومثل ماذكر سابقاً اهــم شي التركيــز .. والله يعين الجميــع :119:

طالبة مئساوية 2008- 10- 16 01:29 AM
رد: الترم التاهيلي وإمتحان الهيئه
 
كيفكم جميعا
حبيت أنضم معااااااااااااكم لاني بعد تأهيلي ومحتارة وأستفيد واذا ممكن اذا عندي شي افيدكم
تحيااااااتي

غروده 2008- 10- 16 01:33 AM
رد: الترم التاهيلي وإمتحان الهيئه
 
طالبـه أنتي بأي منطقــه . !!
حيــاك الله يسعدنـي إنضمامك وانشالله نفيدك وتفيدينــا :)

طالبة مئساوية 2008- 10- 16 01:47 AM
رد: الترم التاهيلي وإمتحان الهيئه
 
أهلين غرود
أنا بالدمام:119:
وشكرا لتفاعلك السريع معي

ابو نضال 2008- 10- 16 04:05 AM
رد: الترم التاهيلي وإمتحان الهيئه
 
اقتباس:
المشاركة الأصلية كتبت بواسطة غروده (المشاركة 238088)
انا الي اعرفه منكم ان الدراسه تحتوي على المواد العلميه مثل الرياضيات و الله يكفينا شر الرياضيات :000: والكيمياء والفيزياء والاحياء يعني هذولي بس ولا فيه زياده مثل الانجليزي والحاسب !!! وكيف دراسه هذي المواد هل هي دراسه عامه كمبادئ ولا دراسه متعمقه !!! وكيف المحاضرات اذا الدوام من 8 الى 2 وخمس ايام بالاسبوع ومعي اربع مواد شلون تقسيمها !!
طبعاً السؤال موجـه للي مرو بالسمستر التأهيلي يعني ابي الاجابه من شخص مجرب وفاهم الشغله ..

الشي الثاني امتحان الهيئه عباره عن ايـش بالضبط !! وكيف يكون اختياري او اسئله وحنا نحلها الخ ..

اتمنى الافاده ..

مشكوره ديمـا الله يوفقنا هالترم .. :119:
السلام عليكم

اول شى انا طلب تاهيلى وتخرجت والحمد لله قبل سنه والترم هذا اخذة فيه سنه كامله يعنى اختبرت مرتين فى الهيئه المره الاولى انجحو البنات كلهم طبعن اخذو البنات يعنى نجحوهم ولا وحده ارسبت حسب معلوماتى اما الطلاب
اول ترم مانجح احد ابد فى المنطقه الشر قيه الترم الثانى اجتهدة كان فيه خطه مسوينه الهيئه وموزعه هى عباره عن مراجع من كتب ثانى وثالث علمى والاكاديميه مسوين كتب ومختصرين كثير فى الدروس والهيئه اسئلتهم اختر الجواب( الافضل) يعنى كلهم صح بس الافضل فيهم يعنى لازم تكون مطلع على الدرس كامل بالنسبه لى ضربت بالكتب عرض الحائط واخذة كتب ثانى وثالث ومشيت حسب مراجه الهيئه وسويت كتب لانهم كاتبين الصفحه والمواضيع الطلوبه والمحذوفه ذاكرت زين طلعت انا ومعى واحد من اخوياى بس الى معى كان جامعى كانت المواد تجليزى رياضيات كيمياء فيزياء احياء اكثر تركيزى على الكيمياء والفيزياء والاحياء الرياضيات
و المثلثات ماااافتحته الانجليزى كمان
ولا يوجد فيه حاسب

نور الليل 2008- 10- 16 04:54 AM
رد: الترم التاهيلي وإمتحان الهيئه
 
انا معاكم بس علمي علمكم:hahaha_2008::hahaha_2008::hahaha_2008::hahah a_2008::o3:

غروده 2008- 10- 16 05:29 AM
رد: الترم التاهيلي وإمتحان الهيئه
 
يالله ياطالبه نلتقي انشالله يوم السبــت ناديني بالكلاس غرووووده وابرد عليـك :D

يعطيــك الف عافيــه ابو نضال عالتوضيح وانشالله نتوفــق يارب :)

هاي كلاس 2008- 10- 16 06:27 AM
رد: الترم التاهيلي وإمتحان الهيئه
 
هاااااااااااااااااي بنات :cheese:


انا كنت تاهيلي زيكم الحين والحمدالله عديته بس بتعب :bngo12: وانارايحه مستوى ثاني مختبرات طبيه بالدمام



بس اتمنى منكم تذاكرون اول باول :066:

وبالتوفيق للجميع:d5:

غروده 2008- 10- 16 05:39 PM
رد: الترم التاهيلي وإمتحان الهيئه
 
مرحبــا هاي كلاس تسلمين عالإفاده بس سؤالي لـك .. كيف كان إمتحان الهيئه !! وكيف كانت المواد مبسطه كمبادئ ولا نفس دراسه الثانويه ..!!! لأنه انا عندي دبلوم تقنيه معلومات وبدايته عطوني رياضيات لثالث ثانوي بس كانت مبسطـه جداً أسهل منها ماشفت بحياتي .. فمادري هل هو نفس الشي ولا يختلف ..!

تحياتي :)

ام رسيل 2008- 10- 30 08:07 AM
رد: الترم التاهيلي وإمتحان الهيئه
 
ان شاءالله بكون معكم بالترم الجاي


اللي دخلو الترم هذا بشرونا ايش صار معكم؟؟؟؟؟

كلي دوق 2008- 10- 30 04:44 PM
رد: الترم التاهيلي وإمتحان الهيئه
 
لا دراست المواد بتأهيلي بالعربي

وعدنا رياضيات وكيمياء وفيزياء واحياء وانجلش


والاختبار بيكون جميع المواد في ورقه وحده وكله اختاري الاجابه الصحيحه

وادا صار الله لايقولها وماعديتي فيه لش تختبري مره ثانيه بعد 12 او 15 يوم


وووووو الدراسه من 8 الى 1ونص تأهيلي


وبس هاد الي عندي

lh[] 2009- 3- 18 12:40 PM
رد: الترم التاهيلي وإمتحان الهيئه
 
اخر ترم تاهيلي هو الترم هذا وهذا من موقع الهيئه الصحيه

علم

ملكه الليلك 2009- 3- 20 03:05 AM
رد: الترم التاهيلي وإمتحان الهيئه
 
هذ؟؟
تقصدي هذا الي الحين ابتدا مو؟

نوووف2 2009- 10- 24 02:01 AM
رد: الترم التاهيلي وإمتحان الهيئه
 
السلام عليكم جميعا ............. وش اخباركم ياللي درستو تاهيلي السنه الماضيه انشالله عديتو ..... انا الحين ماره بنفس مرحلتكم توني هالسنه تاهيلي والله يوفقني وياكم يارب ؟؟؟؟ بس حابه انكم تفيدوني تكفوووووووووووووون هي الا سئله مرت عليكم سهله ولا صعبه ................... انتظر الرد حبيباتي :Cry111: ؟؟؟ مو فقين :s12:

sarona3100 2009- 12- 22 02:29 PM
رد: الترم التاهيلي وإمتحان الهيئه
 
انا تاهيلي
اختبارنا شهر2
الله يعين ياليت اللي عدو من الاختبار يفيدونا:017:

بسكويته 2009- 12- 25 10:51 AM
رد: الترم التاهيلي وإمتحان الهيئه
 
وانا كمان دوبني تأهيلي ياليت اللي عدوا الاختبار يفيدونا بطريقة الاسله تكفوون :Cry111:

12:30 2009- 12- 30 08:10 PM
رد: الترم التاهيلي وإمتحان الهيئه
 
غروده يسعد لي صباحك

يا اموره وعساك دوم طيبه


بخصوص سؤالك

عن امتحان الهيئه مرررررررره سهل مايحتاج:119:


اي مجهود يعني مهما ذاكرتي ماراح تستفيدي الامجرد معلومات عامه


لان اغلب الاسئله تكون عباره عن اسئلة ذكاء:cheese:

وشويات مذاكره تقدرين تعدين

وبعد في اسئله واضحه:cheese:

طبعا الاسئله عباره عن اختياري من متعدد

كل المواد مع بعض تختبرينها

اظن حوالي 100سؤال او اقل اذا ماخانتني الذاكره

اهم شي بورقة الاجابه تكتبين اسمك صح
وتضللين صح بعداقصد الاجاب الصحيحه:cheese:


بالنسبه يالغاليه للتأهيلي:119:

التأهيلي طبعا لاني خبره ودرسته قبل كذا

تدرسين مواد علميه

فيزياء واحياء وكيمياءورياضيات وانقلش
ويكون الاختباركل سبت من كل اسبوع:011:

طبعا كان ضغط بس ايام وعدت

محاضرات ورابعض:bawling:

بالنسبه للرياضيات بالانقلش

مو كل المنهج جزء بسيط اللي اذكره

واتمنى اكون قدرت افيدك بشي

ربي يوفقكم يابنات:119:

اختكم
12:30

الرينجو 2010- 1- 1 04:00 PM
رد: الترم التاهيلي وإمتحان الهيئه
 
اقتباس:
المشاركة الأصلية كتبت بواسطة بسكويته (المشاركة 684293)
وانا كمان دوبني تأهيلي ياليت اللي عدوا الاختبار يفيدونا بطريقة الاسله تكفوون :cry111:
لا تخافين الاسئله سهله جدا وشدي حيلك انا كنت تاهيلي واختبرت ودرجتي 65%

الرينجو 2010- 1- 1 04:01 PM
رد: الترم التاهيلي وإمتحان الهيئه
 
التخصص طب طوارئ

الحربي ياسر 2010- 1- 3 08:53 AM
رد: الترم التاهيلي وإمتحان الهيئه
 
:Cry111: انا لى سنه وانا اعيد فيه بس والله سهل للمذاكره بس والله كلها دراسه بالعربي ؤالمواد هي: رياضيات وفيزياء وكيمياء واحياء و E واضافوا انجليزي زياده علشان السنه التحضريه:s12:

طيف انثى 2010- 1- 6 02:59 PM
رد: الترم التاهيلي وإمتحان الهيئه
 
انا مسجله بالتأهيلي والترم الجاي ابدء مره متخوفه

الله يستر

ام ميمي وتولين 2010- 1- 9 12:08 PM
رد: الترم التاهيلي وإمتحان الهيئه
 
انا كمان ادرس تأهيلي وامتحاني27-2 :150::150::150::150::150::150:
المواد شوي دسمة بس فادتنا الامتحانات الي كل يوم سبت
لكن الخوف من امتحان الانجليزي في النهيروايزن الله يعديها دعواتتتتتتتتتتكم
:s12::s12::s12::s12::s12::s12::s12::s12::s12:

الصعلول 2010- 1- 10 08:25 AM
رد: الترم التاهيلي وإمتحان الهيئه
 
شجعتوني على الدراسه ابي اسجل بالتاهيلي الترم الجاي بس متى يبدأ التسجيل:150:

طيف انثى 2010- 1- 10 04:28 PM
رد: الترم التاهيلي وإمتحان الهيئه
 
بدء التسجيل

sami20 2010- 1- 16 09:06 PM
رد: الترم التاهيلي وإمتحان الهيئه
 
تاريخ اختباري 27/2/1431هـ

حسب ماسمعت مستشفى حراء بمكة .

والله يوفق الجميع ............. ولاتحرمونا من دعواتكم . :150:

sami20 2010- 1- 16 09:08 PM
رد: الترم التاهيلي وإمتحان الهيئه
 
ام ميمي

اي اختبارات والله مافيه شي عندنا لا سبت ولا غيره .

محاضرات وبس .

وادرس بالبيت . :Cry111:

دنيا الامال 2010- 1- 17 03:09 PM
رد: الترم التاهيلي وإمتحان الهيئه
 
ليه متخوفين من التاهيلي والله حلو
والاسئلة 80 سؤال اختياري
وكلها تضليل وفي يوم واحد تختبري 5 مواد
اهم شي التركيز والمذاكرة
والاسئلة كلها من كتب الاكاديمية
اي استفسار انا جاهزة لان عندي خبرة بجميع مواد التاهيلي واسئلة الهيئة

sh3owlah 2010- 1- 17 05:11 PM
رد: الترم التاهيلي وإمتحان الهيئه
 
بنات القى شرح انجليزي عندكم

sh3owlah 2010- 1- 17 05:13 PM
رد: الترم التاهيلي وإمتحان الهيئه
 
كيف اختبار نيو هرايزن

sereena 2010- 1- 20 08:46 PM
رد: الترم التاهيلي وإمتحان الهيئه
 
هل صحيح انه هذا اخر ترم تأهيلي ؟؟؟
يعني ما بيكون فيه تأهيلي الترم الثاني
افيدووووووووووووووووووني ارجوكم

faaah6 2010- 1- 23 10:57 PM
رد: الترم التاهيلي وإمتحان الهيئه
 
,,

ابي ملخصات للتأهيلي

وين احصلها

تكفووووووووووووون

,,

قلوب مطمئنة 2010- 1- 24 02:29 PM
رد: الترم التاهيلي وإمتحان الهيئه
 
اقتباس:
المشاركة الأصلية كتبت بواسطة sereena (المشاركة 724847)
هل صحيح انه هذا اخر ترم تأهيلي ؟؟؟
يعني ما بيكون فيه تأهيلي الترم الثاني
افيدووووووووووووووووووني ارجوكم
هلا

إي صحيح هذا الخبر (هذه السنة آخر سنة للأدبي يدرسون تأهيلي):150:

راح يكون آخر سمستر:011:

لقي على عمرك إذا كنت أدبي

أمنية حياتي 2010- 1- 24 03:34 PM
رد: الترم التاهيلي وإمتحان الهيئه
 
بكم دراسة التأهيلي ؟ وبكم الأختبار في معهد نيهورزاين؟ واللي بيدرسوا تأهيلي لازم يختبروا؟

ريحانهـ 2010- 1- 24 04:20 PM
رد: الترم التاهيلي وإمتحان الهيئه
 
نفس سؤآل امنية حياتي

؟؟؟ :g2:

تفاحة الحلوة 2010- 1- 24 07:36 PM
رد: الترم التاهيلي وإمتحان الهيئه
 
دراسة تأهيلي بـ 7500
ونيوهرايزن بـ 200 والنتيجه يعطوك ويااها بـ 25

ريحانهـ 2010- 1- 24 09:08 PM
رد: الترم التاهيلي وإمتحان الهيئه
 
والـ 2000 ليه ندفعهااا موو للأختبار ؟

تفاحة الحلوة 2010- 1- 24 09:18 PM
رد: الترم التاهيلي وإمتحان الهيئه
 
الـ 2000 رسوم التسجيل في الأكاديميه مايدخلها في أختبار الأنجليزي

oOOابو سلطانOOo 2010- 1- 25 12:23 AM
رد: الترم التاهيلي وإمتحان الهيئه
 
انا ادرس الأن تأهيلي

بس مدري عن البنات مثلنا والى لا

على العمووم بعطيكم الخطوات الي سارت معي

اول شي سجلت ب 2000 ريال

وبعدين دفعت رسوم الكتب والله اني ناسي بالضبط كم دفعت

دراسة مواد الثنويه قسم علمي فيزياء ورياضيات وكيميا وأحياء وأنجليزي

قبل أختبار الهيئه يعطونك اختبار مادة أنجليزي لوحده علشان يريحك في الأختبار بس تركز على المواد الثانيه والأختبار يكون في معهد الخليج والرسوم 235 ريال ومعي 30ورقه ملخص للأنجليزي الي يبيه يعطيني خبر

بالنسبه لي الأختبار سهل جداً وخذيت معي الملخصات طبعاً هذا على حسب المدرس

أما أختبار الهيئه الأخير يتكون من 80 سؤال تجيب منه أربعين سؤال تعدي منه واذا فشلت في أكثر من محاوله أنشاء الله النجاح من اول مره

ورسوم التأهيلي كامل 7500

وفي الأخير أنشاء الله أني عطيتكم المفيد

والله الموفق

دمتم سالمين


ابو سلطــــــــــــــان

بسكويته 2010- 2- 7 08:59 PM
رد: الترم التاهيلي وإمتحان الهيئه
 
مافي نماذج عن اسئلة الهيئه لتأهيلي :Cry111:

B U T T Y 2010- 2- 7 09:14 PM
رد: الترم التاهيلي وإمتحان الهيئه
 
ياحباني ..<< جديده حباني ههههههه


انا اختبرت تأهيلي السنه الماضيه

في الهيئه

والاسأله شبه حليوه بس ذا مايمنعك من انك تذاكرين

شدي حيلك


تكلفه التأهيلي مع رسوم التسجيلي 7500 ريال يشوت ريال

اتمنى لك التوفيق

دلوووعة دايما 2010- 2- 8 02:02 AM
رد: الترم التاهيلي وإمتحان الهيئه
 
اقتباس:
المشاركة الأصلية كتبت بواسطة بطي (المشاركة 760197)
ياحباني ..<< جديده حباني ههههههه


انا اختبرت تأهيلي السنه الماضيه

في الهيئه

والاسأله شبه حليوه بس ذا مايمنعك من انك تذاكرين

شدي حيلك


تكلفه التأهيلي مع رسوم التسجيلي 7500 ريال يشوت ريال

اتمنى لك التوفيق
يالله ِ:s12::s12:شكلك يخوف
تدكرت كرتون سيلفر كنت احلم فيه كوااابيس

متفائله25 2010- 3- 24 11:12 PM
رد: الترم التاهيلي وإمتحان الهيئه
 
التأهيلي كله عررررررررررررررررربي

الا مادة الانجلش

والنماذج على هاالرابط

http: //cid-93ff73f3e2bf1eef .skydrive .live .com /browse
.aspx/********************************s


مادري ليش موضابط
هو موجود بموضوع
عنوانه أسئلة التأهيلي بين ايديكم:cheese:

بالصفحات الاولى



دعواتكم لي بالتوفيق


All times are GMT +3. الوقت الآن حسب توقيت السعودية: 12:04 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه