|
كم عدد محاولات الطالب باجتياز اختبار الهيئة
السلام عليكم
اخواني الله يعافيكم انا بسأل الآن الي ماينجح باختبار الهيئة الاختبارين كلهم يعيد تطبيق 3 شهور صح..؟ وبعد الثلاث شهور له اختبارين واذا مانجح ايش يبقى له..؟ :Cry111: |
رد: كم عدد محاولات الطالب باجتياز اختبار الهيئة
وعليكم السلام ،،،
والله ياخوي مثل ما قلت <<<< بس مثل مانت عارف باختبار الهيئة يكرم االطالب او يهان ،،، اقتباس:
وانا اول مرهـ يمر على مثل هالسؤل لانهـ بصـراحهـ الطالب اللي ما يجتاز هالمحاولات هذي مدري شاقولك يمكن تفهمني غلط بس يالغالي صعبهـ والله يكون بمجال صحي وهو مو فاهم شي <<<< اسمحلي يالغالي والله يوفقك وان شاء الله بيكون الرد على سؤالك من صالحك وانا بسأل الأدارهـ وبرد لك بكرهـ |
رد: كم عدد محاولات الطالب باجتياز اختبار الهيئة
اقتباس:
الله يعافيك اولا اخوي انا ماقلت اني رسبت بس متخوف فقط لاغير..! واذا انت ماجربت الاختبار..! اسسأل الي جربوه ويعرفون الاسئلة مامرت عليهم ولادرسوها..! واكبر دليل ان الي يتخرج بكالوريوس يختبر نفس اختبارك بس اللهم يختلف نسبة النجاح فقط لاغير..!:119: وانتظر جوابك |
رد: كم عدد محاولات الطالب باجتياز اختبار الهيئة
ننتظر الإجابة
|
رد: كم عدد محاولات الطالب باجتياز اختبار الهيئة
اللة يوفقك يارب وانشاء الله تنجح من اول مرة :praying:
|
رد: كم عدد محاولات الطالب باجتياز اختبار الهيئة
اخوي،،،!!!
اختبار الهيئة معاك محاولتين بالأول واذا ما اجتزت تعيد التطبيق ،،، وترد تختبر ومعاك 3 محاولات وكل محاولهـ راح يكون بينها سمستر يعني 4 شهور او 6 شهور يعني التخوووف شيله من بالك وان شاءالله تجتاز الاختبار واختبار الهيئة كثير من الطلاب ومن ضمنهم اصدقاء لي والحمد لله بس يعتمد على الترجمة وتكون اللغة الانجليزي عندك اوكي ،،، بالتوفيق |
رد: كم عدد محاولات الطالب باجتياز اختبار الهيئة
السلام عليكم يا الربع انا اختبرت 3 مرات وما نجحت والرابعه قريب بعد اربع محاولات وش يسون لي انا سمعت انهم يقيموني شفوي ويعطوني الشهاده الي يقومني اكيد المعهد:Cry111:
|
رد: كم عدد محاولات الطالب باجتياز اختبار الهيئة
اقتباس:
تبيني اقولك بس بشرط لا تتحطم يعيد الدبلوم من جديد ( بإختصار ولا كأنه درس شئ ) |
رد: كم عدد محاولات الطالب باجتياز اختبار الهيئة
اقتباس:
وعليك السلام أخوي أولآ الله يوفقك في المحاوله الرابعه / وبالنسبه الأستفسارك على التقيم الشفوي راح يقيمنك , بس إذا نجحت الشهاده ماراح تقعد معك اكثر من سنة لذالك صار لازم عليك تجتاز التقييم بعد كل مرة تنتهي فيها صلاحيت شهادتك والله يوفق الجميع وشكرآ |
رد: كم عدد محاولات الطالب باجتياز اختبار الهيئة
بسم الله الرحمن الرحيم
انا عضو جديد بالمنتدى وحبيت اضيف بعض المعلومات لكم وانشاء الله تفيدكم حاليا اصبح اختبار الهيئه للتخصصات الصحيه اختبار عن طريق شركه واسم الاختبار برومترك هذا الاختبار تم وضعه بعد ماتم اختبار عينه من موظفي الصحه بجميع التخصصات الصحيه ووجد انه اكثر من 60% لايستحقون لقب موظف بالصحه وهذا الاختبار باللغه الانجليزيه طبعا ومدة الاختبار ساعتين ويكون اختبار الكتروني بمعنى على جهاز الكمبيوتر ونوعية الاسئلة تكون اختياري فقط ومكونه من 70 سؤال ونسبة النجاح يجب ان تكون 40% بمعنى يجب عليك ان تجاوب على 29 سؤال لتضمن النجاح انا موظف في الهيئه السعوديه للتخصصات الصحيه قسم اختبارات البرومترك تمريض عام من لديه اي استفسار عن الاختبار او يريد نماذج من الاسئلة ارجو ان يراسلني على العنوان الخاص mxxm1431@hotmail.com |
رد: كم عدد محاولات الطالب باجتياز اختبار الهيئة
بسم الله الرحمن الرحيم
في البدايه اخوي لديك فرصتان لاجتياز الاختبار ان لم تجتزه تعيد التطبيق وهو ثلاثة اشهر ولديك محاوله واحد ه فقط لاجتياز الاختبار ان لم تجتزه تعيد التطبيق ستة اشهر ولديك محاوله واحده فقط ان لم تجتزه تعد غير لائق بالوظيفه الصحيه وان لم يكن لديك شهادة اختبار الهيئه يعد توصلك لوظيفه صحيه حكوميه امر مستحيل وشكرا |
رد: كم عدد محاولات الطالب باجتياز اختبار الهيئة
ان شاء لله ربي يوفقك باالاختبآر الجاي يالغآلي
اهم شي شيل الخوف اللي بداخلك وخلك واثق من نفسك باختبار ولاتنسى رضا الوالدين هو سبب لنجاح واكيد ان شاء لله راضين عليك ولاتنسي بعض الادعيه قبل الاختبار وعند النسيآن ويمكن خيره من ربك مانجحت للمره الثالثه ولآ تيآس فان ربي معاك وكلنا معاك يالغالي وربي يوفقك ان شاء لله وجميع الطلاب والطآلبات اميين يارب لك محبتي .. |
رد: كم عدد محاولات الطالب باجتياز اختبار الهيئة
آنآ آللي آعرفه معك آول مره محآولتين وآذآ مآ نجحت ترجع تعيد آلتطبيق
ويختبرونك مره ثآلثه وآذآ مآ نجحت ترجع كمآن وتعيد آلتطبيق بآلمره آلرآبعه آذآ مآ نجحت خلص تسحب منك آلشهآده آخوي آللي رسب ثلآث مرآت .. توكل على آلله وآعمل بآلآسبآب يعني ذآكر وآدرس وخلي آملك بآلله كبير صدقني آلله مآ يضيع لك تعب آتمنى لك آلتوفيق من كل قلبي وآلله تحيآتي لكم |
رد: كم عدد محاولات الطالب باجتياز اختبار الهيئة
بعد الثلاث أختبارات وشافوا مافيه طب للأسف انهم يتساهلون معاه وينجحونه هذي الحقيقه لان واحد من الشباب معاي صارت له ......
هذي امانه قبل تكون وظيفة وياليت الواحد يحط في باله ان هذا تخصص مو ثانوي وبعدها اروح لاي مكان تخيل انك دكتور ومزور شهادتك وطلبوا منك تسوي عمليه وش الفلم اللي تتوقعه بيصير ؟؟؟ ابي اترك لك الحريه بالخيال وشوف انت داخلك ترضى بالشي هذا او لا ؟ |
| All times are GMT +3. الوقت الآن حسب توقيت السعودية: 10:35 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام