ملتقى طلاب وطالبات جامعة الملك فيصل,جامعة الدمام - الصيدلة اختلاف في الجدول +اللي عنده اسئله الفارما مستوى 3

معاكم اختكم :مستوى ثالث صيدله فرع الغربيه

بكره ان شاء المولى السبت الموافق 7-7-1431هـ نبدأ الاختبارات النهائيه اسأل الله لي ولكم التوفيق

كنت ادور اسئلة فارما سيوتكس لان بكره ان شاء بنختبر هالماده

المهم لفت انتباهي وحده من الاخوات اتوقع من الشرقيه كتبت جدولهم للاختبارات النهائيه

ووحده من الرياض اكدت كلامها

طيب احنا بالغربيه جدولنا يختلف فيما عدا اول يوم:

وشلون يقولون الاسئله مركزيه وموحده لكل الفروع وان الاسئله ما توصل الا يوم الاختبار

من الرياض او قبلها بيوم

وجدولنا مره مو حلو

...

السبت:فارما سيوتكس

الاحد: اوف

الاثنين : فارما كولوجي
(علم ادويه تخيلوا يوم الاحد ومافي الا يوم قبله الله ييسرها علينا يارب)

الثلاثاء:متيريال
(تخزين ادويه )

الاربعاء: ميديكل
(مصطلحات طبيه)

السبت: كاميستري
(وش يحسون فيه الحين الكيمياء اصعب من علم الادويه ؟ ..)

الاحد:اخلاقيات مهن طبيه

الاثنين: بايو
(احصاء)

بصراحه اللي قاهرني بالجدول علم الادويه لو خلوه السبت بدل الكيمياء او بدل الفارما سيوتكس

الله يعطيكم العافيه اللي عنده اسئلة فارما سيوتكس او فارما كولوجي لايبخل علينا بس اهم شي

تكون اسئلة الثلاث سنوات الماضيه مو مره قديمه

لكم تقديري واحترامي