[ جميع التخصصات ] : كالعادة : الاكاديمية الدولية تسرح طلابها

[الصقار]

السلام عليكم ورحمة الله وبركاته

اخواني اعضاء وزوار المنتدى

اسعد الله اوقاتكم بكل خير

انا راح ابدأ بخبر الاغلاق حنا طلاب معهد الاكاديمية الدولية بحفر الباطن داومنا لمدة اسبوع لغة انجليزية

وفجأة وبدون سابق انذار اتفاجأ باتصال من الاكاديمية يقولون لي ان الدراسة الغيت عندنا

لا شعوريا قلت للمصري الي كلمني حنا نلعب والا شنو بالضبط انا مداوم عندكم وجايب كتب طلبتوها مني

وجايب مستلزمات ومتابع مع الاستاذ قالي بكل برود انا مالي شغل المهم انك تجي تسترجع فلوسك وتاخذ ملفاتك

والله يا اخوان لما رحت للاكاديمية شفت الطلاب الي هناك حالتهم تقطع القلب الي يصارخ ويقول انتم ضيعتوا مستقبلي انا ماسجلت بالجامعات بسببكم اني مقبول عندكم

والي يقول انا نقلت بيتي من الذيبية الى حفر الباطن بسبب هالمعهد واخرتها تسكرون وفي شباب باول عمرهم جايين كلهم طموح للدراسة والدوام بالمعهد ويتفاجؤون بالخبر الكارثة والله يا اخوان حتى المنكوبين في الدول الظالمة ما بين على اشكالهم مثل هالملامح المليئة بالحزن والكآبة والضياع

والمصيبة عذرهم يقولون انتم كلكم 19 طالب ماتكفون يعني بين قوسين حنا ما يشبعنا مليون او مليونين نبي أكثر

يا اخوان انتم مثل ما انتم عارفين ان المعهد يتبع لنفس المؤسسة الي فتحت كلية الغد واغلقوها والخبر الي ماتعرفونه انهم اغلقوا الاكاديمية الدولية الي بالزلفي وقالولهم تبون تدرسون الحقونا المجمعة او القصيم العام الماضي تقريبا

الى متى وهذه المؤسسة تلعب بالناس وتضيع مستقبلهم بلا حسيب او رقيب او حتى احد قدر يكلمها ويوقفها عند حدها

والمصيبة الاعظم سكوت كل من وزارة التعليم العالي و هيئة التخصصات الصحية على مثل هذا التصرف

صدق الي قال من امن العقوبة اساء الادب

والحين لو تحطون انفسكم يا طلاب المعهد القدامى بمكانهم وش راح تسوون

علما ان كل الجامعات ماراح تقبل خريجي السنة هذي في العام القادم لان اغلب الجامعات من شروطهم انهم يكونون من خريجي نفس السنة

يا اخوان حنا عايشين للاسف في غابة وليس دولة كما نعتقد القوي ياكل فيها الضعيف

اتمنى من الاعضاء والزوار ان يفيدوني بعدة اشياء

اولها وشلون نوصل الخبر الى الجرايد نبي نكشف هالمؤسسة التعليمية الفاشلة الي همها شلون تاكل فلوس الضعوف بدون مراعاة ظروفهم

والشي الثاني وش تنصحونا ندرس وهل في كلية او معهد او مدرسة او بقالة تدرسنا داخل حفر الباطن

من اول كان السعودي يمسك ملف اخضر ويدور وضايف

الحين صار ماسك ملف اخضر ويترجى المعاهد والكليات الاهلية انهم يدرسونه صار امله دراسة ومستقبل مظلم







وارفع راسك انت سعودي

[B U T T Y]

ماتدري يمكن خيره

والله يوفقكم ويرزقكم باللي احسن منه

[Amani Alsinan]

موضوعك االمني صراحه

انا قدمت ع الأكاديميه و صرت ادرس لمدة اسبوع

هي شكلها الخارجي ما يوحي انها كليه او معهد يستحق الدراسه فيه !

لدرجه القاعات بشقق !!!

ما اقول الا حسبنا الله و نعم الوكيل

و الله يعوضكم باللي هو افضل و الله ياخذ حقكم

[الصقار]

b u t t y

يعطيك العافية على المرور واسعدنا تشريفك


عز سنان

اولا مشكور على مرورك وتشريفك لموضوعي

وثانيا اذا انت توك مسجل بالاكاديمية حاول تلحق على جميع المعاهد الثانية وتسجل عندهم

لان الاكاديمية مستلمها واحد ظالم وطاغية الله ينتقم منه

وممكن باي لحظة يقولون لك امسك الباب وخذ فلوسك ماعاد حنا بحاجة فلوسك اغتنينا

[شوآقهـ & ميشو]

المفروض يوم انهم بـ سكرون الاكاديمية ما يقبلونكم اساسا و يقولون لكم

مو الحين كذا فجأه

الله يعينكم

ومآتدري يمكن تكون خيره لكم

قول الحمدالله ع كل حآل

و المشوآر قدآمك

قدم ع اي معهد ثآني أو كلية

أو عندك الانتسآب المطور ع السمستر الثآني اذا تبي

أو انطر الى السنه الجآيه ان شاءالله تقبلك جآمعة حكوووميه افضل لك من انك تدفع و تخسر نفسك

ربي يسهل اموووركم و يكتب لكم كل خير ان شاءالله

موفقين جميعاً ..~

[لمحة شجن]

لاحول ولاقوة الابالله حاولو توصلو للمسؤلين مأساتكم *

[الصقار]

شواقهـ & ميشو

مشكورة على مرورك المعطر

والحمدلله على كل حال وهذا انتي قلتي المفروض ولكن النظام ما يمشي الا على الضعوف


لمحة شجن

اذا كان خصمك القاضي فمن تقاضي ؟

اذا كان اغلب المسؤولين بالصحة عندهم معاهد وكليات واذا كلش كلش كان شريف له نسبة من ارباح بعض المعاهد

مثل ما قلت للي قبلك النظام يقول ممنوع هالشي ومرفوض

لكن لنا الله حنا المواطنين الي صرنا اضحكومة للشعب الخليجي بصفة خاصة وللعالم العربي بصفة عامة

يا امة ضحكت من جهلها الامم

ومشكورة على مرورك

[الصقار]

والله يا اخوان لو القى دولة تضفني وتقدر رغبتي للدراسة وتخليني احد مواطنينها

قسم بالله مستعد اوقع على تعهد ماعاد اطب السعودية كلها

[لوحة رمادية]

نفس الشي صار باكاديمية مكة حقت البنات بس احنا مو قالوا بيقفلوها لا نادوا ثلاث ارباع البنات وقالولهم اسحبوا ملفاتكم وحنرجعلكم فلوسكم بحجة ايش بحجة ان معدلاتهم ماهي مناسبة طيب اذا ماهي مناسبة وماهي مطابقة للشروط ليش تقبلوهم من البداية اقسم بالله حزنوني كثير بس لو اقولك ايش عملوا البنات والله راحوا اشتكوا للامارة وجات جريدة عكاظ والمدينة لا تسكتوا والله روحوا اشتكوا عليهم الدنيا ماهي فوضى ولعب اسفة كثرت بالكلام بس والله من حرتي

[ماجستير رياضيات 321]

وعليكم السلام ..
الخيره فيما اختارها الله ..وهذا مكتوب واحسن هم وانزاح منك ..لان مافي وظايف لحمله الدبلوم ..
والاكاديميه قفلت مافي تسجيل ..
دام عندك 47 الف لاتدفعها للاكاديميه ومستقبل غير مضمون والشهاده دبلوم روح ادرس بالاردن بكالوريوس ب47 الف واذا نجحت بالسنه الاولى يحولونك لحساب الدوله ..
واذا تبي توصل صوتـــــــــــــــــــــك أكتب بجريده سبق الالكترونيه
بالتوفيق أخوي